ថ្ងៃទី១៩ ខែតុលា ឆ្នាំ២០១៦
កិច្ចផ្តួចផ្តើមមេគង្គក្រោម (LMI) បានចាប់ផ្តើមការប្រជុំក្រុមការងារតំបន់ រយៈពេល២ថ្ងៃ នៅភ្នំពេញ ការពីព្រឹកថ្ងៃពុជ ដើម្បីពិភាក្សាអំពីវិធី ក្នុងបង្កើនការសហការគ្នា លើផ្នែកអភិវឌ្ឍន៍បរិស្ថាន សុខភាព អប់រំ និងហេដ្ឋារចនាសម្ព័ន្ធ។
LMI គឺជាភាពជាដៃគូពហុជាតិ រវាងសហរដ្ឋអាមេរិក និងប្រទេសកម្ពុជា ភូមា ឡាវ ថៃ និងវៀតណាម ក្នុងគោលបំណងលើកតំកើងកំណើនសេដ្ឋកិច្ចដែលមានស្វ័យទ្រទ្រង់ នៅតំបន់មេគង្គក្រោម។ ភាពជាដៃគូ LMI បានជួយដល់ការបង្កើនសមត្ថភាពរបស់ប្រទេសកម្ពុជាក្នុងដោះស្រាយបញ្ហាគ្រប់គ្រងទឹក គាំទ្រដល់សហគ្រិនភាព និងជួយដោះស្រាយបញ្ហាសុខភាពឆ្លងប្រទេស។
លោកឯកអគ្គរដ្ឋទូត Heidt បានថ្លែងថា “LMI បានបង្កើតឡើងនៅឆ្នាំ២០០៩ ដើម្បីជួយប្រទេស នៅតំបន់មេគង្គក្រោម ដោះស្រាយការប្រឈមនឹងការអភិវឌ្ឍន៍ស្មុគស្មាញមួយចំនួន តាមរយៈពហុភាគី។” លោកបានមានប្រសាសន៍ថែមទៀតថា “ការតាំងចិត្តរបស់សហរដ្ឋអាមេរិក ចំពោះកម្មវិធី LMI ជាផ្នែកមួយដ៏សំខាន់ នៃការធ្វើឲ្យមានតុល្យភាពអំណាចឡើងវិញ នៅអាសីុ និងការគាំទ្ររបស់យើង ដើម្បីអាស៊ានដ៏មាំមួន។”
LMI គាំទ្រដល់ការអភិវឌ្ឍន៍ទៅលើសរសរទ្រូងចំនួន៦ គឺកសិកម្ម/សន្តិសុខស្បៀង ការផ្សារភ្ជាប់ ការអប់រំ សន្តិសុខថាមពល បរិស្ថាន/ទឹក និងសុខភាព។
![កម្មវិធី LMI ជាគំនិតផ្តួចផ្តើមរបស់អតីតរដ្ឋមន្ត្រីក្រសួងការបរទេស Hillary Clinton និងប្រទេសដៃគូ បង្កើតឡើងក្នុងឆ្នាំ២០០៩ ដើម្បីគាំទ្រដល់រដ្ឋាភិបាលនៃប្រទេសកម្ពុជា ឡាវ ភូមា ថៃ និងវៀតណាម ពង្រួមគម្លាតនៃការអភិវឌ្ឍន៍ និងលើកតំកើងសមាហរ័រណកម្មតំបន់ នៅអាស៊ាន។ [Photo: Un Yarat]](https://farm6.staticflickr.com/5825/30423103195_0e0d97b9be_z_d.jpg "កម្មវិធី LMI ជាគំនិតផ្តួចផ្តើមរបស់អតីតរដ្ឋមន្ត្រីក្រសួងការបរទេស Hillary Clinton និងប្រទេសដៃគូ បង្កើតឡើងក្នុងឆ្នាំ២០០៩ ដើម្បីគាំទ្រដល់រដ្ឋាភិបាលនៃប្រទេសកម្ពុជា ឡាវ ភូមា ថៃ និងវៀតណាម ពង្រួមគម្លាតនៃការអភិវឌ្ឍន៍ និងលើកតំកើងសមាហរ័រណកម្មតំបន់ នៅអាស៊ាន។ [Photo: Un Yarat]")
![ក្នុងកិច្ចប្រជុំក្រុមការងារតំបន់ LMI និង FLM លើកទី៩នេះ សមាជិកផ្តោតទៅលើការអនុវត្តន៍ភាពជាដៃគូហេដ្ឋារចនាសម្ព័ន្ធដែលមានស្វ័យទ្រទ្រង់ ដែលជាវេទិកាហ្វឹកហ្វឺន បង្កើតឡើងដោយរដ្ឋមន្ត្រីក្រសួងការបរទេស លោក John Kerry កិច្ចប្រជំុរដ្ឋមន្ត្រី LMI នៅខែកក្កដា ឆ្នាំ២០១៦ និងគាំទ្រដោយ FLM ។ [Photo: Un Yarat]](https://farm9.staticflickr.com/8410/30420625635_1a4212ff96_z_d.jpg "ក្នុងកិច្ចប្រជុំក្រុមការងារតំបន់ LMI និង FLM លើកទី៩នេះ សមាជិកផ្តោតទៅលើការអនុវត្តន៍ភាពជាដៃគូហេដ្ឋារចនាសម្ព័ន្ធដែលមានស្វ័យទ្រទ្រង់ ដែលជាវេទិកាហ្វឹកហ្វឺន បង្កើតឡើងដោយរដ្ឋមន្ត្រីក្រសួងការបរទេស លោក John Kerry កិច្ចប្រជំុរដ្ឋមន្ត្រី LMI នៅខែកក្កដា ឆ្នាំ២០១៦ និងគាំទ្រដោយ FLM ។ [Photo: Un Yarat]")
