ក្រសួងការបរទេសសហរដ្ឋអាមេរិក
ការិយាល័យអ្នកនាំពាក្យ
ថ្ងៃទី៣១ ខែមីនា ឆ្នាំ២០២០
ព័ត៌មានលំអិត
សហរដ្ឋអាមេរិក ក្នុងតួនាទីជាអង្គការអន្តរជាតិ ឆ្លើយតបទៅនឹងជំងឺកូវីដ១៩
«រាល់ពេលដែលអ្នកឃើញជំនួយប្រឆាំងនឹងមេរោគកូវីដ ១៩ ប្រកបដោយគុណភាព និងប្រសិទ្ធភាព ដែលត្រូវបាន ចែកចាយនៅទូទាំងពិភពលោក ដោយទីភ្នាក់ងារផ្តល់ជំនួយមនុស្សធម៌ របស់អង្គការសហប្រជាជាតិ គឺអ្វីដែលអ្នកកំពុងឃើញ គឺជាទឹកចិត្តសប្បុរសធម៌ របស់ប្រជាជនអាមេរិក និងអ្នកទាំងឡាយណា ដែលមានគុណតម្លៃមនុស្សធម៌ដូចយើង។ យើងជាអ្នករួមចំណែកធំជាងគេច្រើន ចំពោះអង្គការនានា ដូចជា មូលនិធិសហប្រជាជាតិដើម្បីកុមារ(UNICEF) និងអង្គការស្បៀងអាហារពិភពលោក (WFP) ដោយសារយើង មានជឿលើសម្ព័ន្ធពហុនិយម ប្រកបដោយប្រសិទ្ធភាព ដែលផ្តោតការយកចិត្តទុកដាក់ លើការជួយអ្នកខ្សត់ខ្សោយ មិនមែនដើម្បីចំណេញនយោបាយទេ។ នេះគឺជាការពិត នៃភាពជាអ្នកដឹកនាំសកល»។
ប្រសាសន៍លោករដ្ឋមន្រ្តីការបរទេសសហរដ្ឋអាមេរិក នៅថ្ងៃទី ២៧ មីនា ឆ្នាំ ២០២០
សហរដ្ឋអាមេរិក គឺជាប្រទេសរួមចំណែកធំជាងគេ និងជាទីទុកចិត្ត ក្នុងការឆ្លើយតបចំពោះវិបត្តិ និងសកម្មភាពមនុស្សធម៌ តាមរយៈអង្គការសហប្រជាជាតិ និងអង្គការអន្តរជាតិរាប់សិបទៀត ។ ជំនួយរបស់សហរដ្ឋអាមេរិក ជាថវិកា និងជាសម្ភារៈ ជំនាញឯកទេស និងបច្ចេកវិទ្យា មានសារៈសំខាន់ចាំបាច់ដល់ការខិតខំក្នុងការប្រយុទ្ធប្រឆាំងនឹងជំងឺកូវីដ ១៩។ សូមមើលឧទាហរណ៍ខាងក្រោម៖
ជំនួយរបស់សហរដ្ឋអាមេរិក ដល់អង្គការសុខភាពពិភពលោក (WHO)
- សហរដ្ឋអាមេរិក គឺជាអ្នកផ្តល់ជំនួយ ធំជាងគេបំផុតចំពោះអង្គការ WHO តាំងពីអង្គការនេះ ត្រូវបានបង្កើតឡើង នៅឆ្នាំ ១៩៤៨។ ការរួមចំណែករបស់សហរដ្ឋអាមេរិក ចំពោះ WHO នៅឆ្នាំ ២០១៩ មានលើស ៤០០ លានដុល្លា គឺសឹងតែទ្វេដង នៃការបរិច្ចាគពី់រដ្ឋជាសមាជិកធំទី ២។ ផ្ទុយទៅវិញ ប្រទេសចិន បានរួមចំណែក ៤៤ លានដុល្លា ។
- WHO កំពុងធ្វើការសម្របសម្រួល ការឆ្លើយតបជាសកល ចំពោះការរាតត្បាតនៃកូវីដ ១៩ ហើយកំពុងមានវត្តមាន នៅតាមប្រទេសចំនួន ១៤៩ ជុំវិញសាកលលោក។ ការងារដ៏ទូលំទូលាយទាំងនេះ មិនអាចធ្វើទៅបានដោយគ្មានការជួយគាំទ្ររបស់សហរដ្ឋអាមេរិកបានទេ។
- សហរដ្ឋអាមេរិក និងដៃគូសំខាន់ៗដទៃទៀត ដូចជាចក្រភពអង់គ្លេស អាល្លឺម៉ង់ ជប៉ុន និងមូលនិធិ Gates Foundation បានធ្វើការចំណាយធនធានរាប់ទសវត្សរ៍មកហើយ លើការត្រៀមចំពោះភាពអាសន្ន សមត្ថភាពឆ្លើយតប និងជំនាញឯកទេសរបស់អង្គការសុខភាពពិភពលោក។
ការជួយគាំទ្ររបស់សហរដ្ឋអាមេរិក ចំពោះមូលនិធិសហប្រជាជាតិដើម្បីកុមារ (UNICEF)
- UNICEF ស្ថិតក្នុងចំណោមអង្គការដំបូងៗ ដែលបានផ្តល់ជំនួយដល់ប្រជាជនចិន នៅក្នុងអំឡុងពេលនៃ ជំងឺរាតត្បាត កូវីដ ១៩។ ឧទាហរណ៍ នៅថ្ងៃទី ២៩ មករា UNICEF បានបញ្ជូនសម្លៀកបំពាក់ និងម៉ាសការពារសម្រាប់គ្រូពេទ្យចំនួន ៦ តោន ទៅទីក្រុងសៀងហៃ សម្រាប់ធ្វើការចែកចាយ នៅទីក្រុងវូហាន។
- ការខិតខំនេះ មិនអាចមានទៅបានទេ បើគ្មានការជួយរបស់សហរដ្ឋអាមេរិក។ នៅឆ្នាំ ២០១៩ សហរដ្ឋអាមេរិក បានរួមចំណែកថវិកាចំនួនជាង ៧០០ លានដុល្លាដល់ UNICEF ចំណែកចិនវិញ បានផ្តល់ថវិកាចំនួន ១៦ លានដុល្លា ដល់កម្មវិធីរបស់អង្គការនេះ។
- UNICEF ចូលរួមក្នុងសកម្មភាពសង្គ្រោះបន្ទាន់ នៅតាមប្រទេសរាប់សិប ទូទាំងសាកលលោក ដើម្បីផ្តល់ការផ្គត់ផ្គង់ផ្នែកពេទ្យជាចាំបាច់ ពង្រីកសេវាផ្នែកទឹក និងអនាម័យ ហើយធ្វើការអប់រំ អំពីមធ្យោបាយនៃការការពារកុំឲ្យមានការរាលដាលនៃវីរុសនេះ ។
- សហរដ្ឋអាមេរិក បន្តធ្វើការយ៉ាងខ្លាំងក្លាជាមួយ UNICEF ដើម្បីលើកកម្ពស់សុខភាព និងសុខុមាលភាពនៃកុមារ នៅទូទាំងសកលលោក។
ជំនួយគាំទ្ររបស់សហរដ្ឋអាមេរិក ចំពោះទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិ (UNHCR)
- ជនភៀសខ្លួន ងាយរងខ្លាំងទៅនឹងជំងឺរាតត្បាត កូវីដ ១៩ ហើយការជួយគាំទ្ររបស់សហរដ្ឋអាមេរិក ដល់អង្គការ UNHCR គឺមានលើសគេទាំងអស់។
- នៅឆ្នាំ ២០១៩ សហរដ្ឋអាមេរិក បានរួមចំណែកជិត ១,៧ ពាន់លានដុល្លា ដល់UNHCR ហើយនេះបង្ហាញឲ្យឃើញច្បាស់ថា យើងគិតគូរពីទុក្ខលំបាករបស់មនុស្ស មិនថា រឿងនេះកើតនៅទីណាទេ។ ប្រទេសចិនបានរួមចំណែក ១,៩ លានដុល្លា។
ជំនួយគាំទ្ររបស់សហរដ្ឋអាមេរិក ដល់អង្គការស្បៀងអាហារពិភពលោក (WFP)
- អង្គការ WFP តាមរយៈផ្នែកឆ្លើយតបមនុស្សធម៌របស់ខ្លួន បានដឹកជញ្ជូនរបស់ជាង ៨៥ នាវា ដល់ប្រទេសចំនួន ៧៤ ដើម្បីជួយដល់ការឆ្លើយតបនឹងជំងឺកូវីដ ១៩ ដោយរួមមាន១,៤ លាននៃឧបករណ៍ការពារសុខភាព។
- នៅឆ្នាំ ២០១៩ សហរដ្ឋអាមេរិក បានផ្តល់ធនធានចំនួន ៤២% នៃតម្លៃ ៨ ពាន់លានដុល្លា ដែលជាធនធាន WFP ក្នុងការធ្វើឲ្យសហរដ្ឋអាមេរិក ក្លាយជាប្រទេសរួមចំណែកច្រើនជាងគេ ដោយបានរួមចំណែកច្រើនជាងប្រទេសរួមចំណែកធំជាងគេទី ២ ចំនួន ៤ ដង។ ប្រទេសចិន បានរួមចំណែកតែ ៣០ លានដុល្លាទេ។
- ទោះស្ថិតនៅចំពោះមុខ មេរាគដ៏រាតត្បាតនេះ WFP មានគោលដៅរបស់ខ្លួនក្នុងការជួយដល់មនុស្សដែលខ្វះសន្តិសុខស្បៀងចំនួន ៨៦ លាននាក់ នៅឆ្នាំនេះ ដោយសារមានជំនួយថវិកា របស់អាមេរិក និងស្បៀងអាហារដែលដាំដុះ ដោយកសិករអាមេរិក។
