ថ្ងៃទី ២៣ មេសា ឆ្នាំ ២០២០
តាងនាមឲ្យប្រជាជនអាមេរិក ខ្ញុំសូមជូនពរដល់សហគមន៍ឥស្លាម នៅក្នុងសហរដ្ឋអាមេរិក និងនៅជុំវិញពិភពលោក នៅក្នុងពេលដែលគេចាប់ផ្តើមខែបុណ្យរ៉ាម៉ាឌន។ ខែរ៉ាម៉ាឌន ជាពេលដែលគេធ្វើការមើលទៅលើខ្លួនឯង ការប្រតិបត្តិសាសនា និងក្តីមេត្តាករុណា។ នៅសហរដ្ឋអាមេរិក ស្ថិតក្នុងកាលៈទេសៈធម្មតា វិហារឥស្លាម ផ្ទះ និងមជ្ឈមណ្ឌលសហគមន៍ជាច្រើនស្វាគមន៍មិត្តភក្តិ និងអ្នកជិតខាងដែលកាន់សាសនាផ្សេងៗ ដើម្បីរួបរួមគ្នាក្រោមដំបូលតែមួយ ដើម្បីបន្ទរនូវគុណតម្លៃរួមរបស់អាមេរិក ក្នុងការចូលរួមទាំងអស់គ្នា និងការធ្វើនូវអំពើសប្បុរស។
នៅឆ្នាំនេះ មេរោគកូវីដ ១៩ បានផ្លាស់ប្តូរភ្លាមៗ នូវការជួបជុំគ្នា និងពិធីអបអររបស់សាសនិកឥស្លាមជាច្រើន នៅទូទាំងសាកលលោក។ សាសនិកឥស្លាមដែលមានគម្រោងធ្វើដំណើរទៅMecca ក្នុងដំណើរធម្មយាត្រា Umrah ដើម្បីទៅព្រះវិហារសាសនាពីរ គឺព្រះវិហារ Mecca និង Medina ត្រូវបានលើកទឹកចិត្តឲ្យផ្អាកគម្រោងផែនការរបស់គេ ដើម្បីទប់ការរាលដាលនៃជំងឺនេះ។ អាហារស្រាយបួសIftar មិនអាចត្រូវបានបរិភោគរួមគ្នា ដូចដែលគេធ្វើតាមប្រពៃណីមក ជាមួយមិត្តភក្តិនិងបងប្អូនទេ ហើយមានច្រើនគ្នារៀបចំធ្វើតាមប្រព័ន្ធអ៊ិនធ័រណែត។
នៅក្នុងរដូវដែលគេធ្វើការគោរពបូជានេះ មានការប្រែប្រួលរួចទៅហើយដោយសាររោគរាតត្បាតមួយនេះ ដែលយកលេសបន្ទោសលើក្រុមសាសនាខ្លះ រួមទាំងសាសនិកឥស្លាមផងនោះ មានការកើនឡើងជាមួយនឹងការរាលដាលនៃមេរោគកូវីដ ១៩។ យើងសុំឲ្យរដ្ឋាភិបាល និងសហគមន៍ទាំងអស់ប្រើពេលវេលានេះ ដើម្បីផ្តោតលើពិធីសាសនា និងការឯកភាពគ្នា គិតពីសុខភាព និងសុវត្ថិភាពនៃជន ដែលមិនសូវត្រូវបានគេយកចិត្តទុកដាក់ និងជនងាយរងគ្រោះជាងគេ នៅក្នុងពេលដែលយើងបន្តការខិតខំដើម្បីបញ្ចប់វិបត្តិមេរោគកូវីដ ១៩។ បុណ្យរ៉ាម៉ាឌន គឺជាការរំលឹកដល់អ្នកកាន់សាសនាទាំងអស់ឲ្យខិតខំដើម្បីក្តីមេត្តាករុណា ឆ្លុះបញ្ចាំងលើសកម្មភាពខ្លួនឯង ហើយធ្វើយ៉ាងណាឲ្យមនុស្សគ្រប់រូបមានសុវត្ថិភាព នៅក្នុងគ្រាលំបាក។
ក្នុងកាលៈទេសៈធម្មតា ស្ថានកុងស៊ុល និងស្ថានទូតជាច្រើនរបស់យើង នៅជុំវិញពិភពលោក រៀបចំពិធីអាហារស្រាយបួស Iftar ដើម្បីអបអរ និងផ្តល់កិត្តិយសដល់គុណតម្លៃនៃសន្តិភាព និងមិត្តភាពដែលមានបុណ្យរ៉ាម៉ាឌនជានិមិត្តរូប។ នៅឆ្នាំនេះ ស្ថានបេសកកម្មទាំងនេះនឹងមានវិធីថ្មី ដែលបន្តបង្ហាញឲ្យឃើញនូវលក្ខណៈមនុស្សជាតិ និងការប្តេជ្ញាចិត្តរួមគ្នា ក្នុងការលើកកម្ពស់សេរីភាពសាសនា និងការចូលរួមទាំងអស់គ្នា នៅក្នុងស្រុក និងនៅបរទេស។ ជាថ្មីម្តងទៀត ខ្ញុំសូមជូនពរដល់សហគមន៍សាសនិកឥស្លាម នៅជុំវិញពិភពលោក ដែលកំពុងធ្វើការអបអរ សូមឲ្យបុណ្យរ៉ាម៉ាឌនរបស់គេ ប្រកបដោយភាពសុខសាន្ត និងសន្តិភាព។
រីករាយខែរ៉ាម៉ាឌន ដ៏មហាប្រសើរ
