នៅថ្ងៃទី២៨ ខែកក្កដា ​លោក Michael Newbill អនុប្រធាន​បេសកកម្ម​ថ្មី របស់ស្ថានទូត​អាមេរិក ដែលទើបតែមកដល់ប្រទេសកម្ពុជា បានចូលរួមបើកកម្មវិធីពិពណ៌សិល្បៈអំពីការប្រយុទ្ធប្រឆាំងការដាក់អន្ទាក់សត្វព្រៃ នៅហាងកាហ្វេ Felix Café ។ ពិពណ៌នេះបានរៀបចំឡើង ដោយអង្គការឃ្លាំមើល​បរិស្ថានមួយ ​ ដែល​មាន​ឈ្មោះ​ថា សម្ពន្ធភាព​សត្វព្រៃ (Wildlife Alliance) ដោយគេប្រើប្រាស់សិល្បៈបែបទំនើប ដើម្បីសង្កត់ធ្ងន់លើផលប៉ះពាល់អាក្រក់នៃការដាក់អន្ទាក់ ចំពោះជីវចម្រុះ នៅកម្ពុជា។ កញ្ញា កញ្ញា ដូ ពុទ្ធមូ​លីតា សិល្បករផាត់មុខ ដែលគេតែងស្គាល់តាមរយៈឈ្មោះសិល្ប: Apple Love បានប្រើរូបថតដែលមានរូបតារាល្បីរបស់កម្ពុជាជាប់អន្ទាក់សត្វ ដើម្បីប្រៀបធៀបបញ្ហាដាក់អន្ទាក់ជាមួយនឹងមនុស្ស។

លោកអ្នកដែលមានចំណាប់អារម្មណ៍អាចទៅទស្សនាពិពណ៌នេះបាន នៅ​ Daylight Plaza Aeon Mall នៅថ្ងៃព្រហស្បត្តិ៍ ទី៣ ខែសីហា ឆ្នាំ២០១៧ ពីម៉ោង៩ព្រឹក ដល់ម៉ោង៩យប់។ ពិពណ៌នោះក៏មានសកម្មភាពផ្សេងៗសម្រាប់កុមារ ដូចជាការគូមុខ និងការនិយាយរឿងនិទានជាដើម ដែលមានចាប់ពីម៉ោង២ ដល់ម៉ោង៥ល្ងាច។ ក្រៅពីនោះក៏មានការថ្លែងសុន្ទរកថា និងការរាំរបាំផងដែរ ដែលនឹងធ្វើឡើងចាប់ពីម៉ោង៥ល្ងាចទៅ។ សូមចូលរួមមកទស្សនាសិល្បៈដ៏អស្ចារ្យនេះ និងស្វែងយល់បន្ថែមអំពីទំនាក់ទំនងរវាងការបរិភោគសត្វព្រៃ និងការធ្វើអោយរបួសនិងស្លាប់សត្វព្រៃដោយមិនរើសមុខ ដែលបង្កឡើងដោយអន្ទាក់។