ដំណឹងលក់ទំនិញដេញថ្លៃតាមOnline

ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង​​​​​​​​ បើកការលក់ដេញថ្លៃ​​​online នូវសម្ភារៈប្រើរួច រួមទាំងរថយន្តមួយចំនួន ដល់សាធារណៈ​ជនទូទៅ​​​​​​​​ ។  ទីតំាងលក់ទំនិញដេញថ្លៃ:  ការដេញថ្លៃប្រព្រឹត្តទៅនៅលើវិបសាយ (website):  https://online-auction.state.gov/km-KH   កាលបរិចេ្ឆទ​ និង ពេលវេលា:  ការដេញថ្លៃ online នឹងបើកទទួលការចូលរួមពីបណ្តាសាធារណៈជនចាប់ពីវេលាម៉ោង១០​ព្រឹក ថ្ងៃច័ន្ទ ទី១៩ ខែមេសា ឆ្នាំ២០២១ រហូតដល់ថ្ងៃសុក្រ ទី២៣ ខែមេសា ឆ្នាំ២០២១ ម៉ោង​៥ល្ងាច បិទការដេញថ្លៃ។ ស្ថានទូតនឹងធ្វើការសរុបលទ្ធផលនៃការដេញថ្លៃ ដោយមានការចូលរួមអង្កេតពិនិត្យពីមន្រ្តីគយរដ្ឋាករកម្ពុជា។ អ្នកឈ្នះសំរាប់ឡូត៍នីមួយៗនឹងត្រូវបានទាក់ទងដើម្បីជូនជាដំណឹង។  ​លក្ខខណ្ឌនៃការលក់:  ទំនិញនឹងត្រូវលក់ជូនដល់អ្នកដេញថ្លៃ ដែលឲ្យតំលៃខ្ពស់បំផុត​។​  ទំនិញដែលបានលក់ដូចឃើញតាមរូបភាពស្រាប់​ ពុំអាចប្តូរជាប្រាក់វិញ និង គ្មានការធានាឡើយ។​ អ្នកដេញថ្លៃអាចចូលមើលរូបភាពទំនិញនីមួយៗនៅលើវេបសាយដេញថ្លៃ។  តម្លៃដេញថ្លៃអប្បរមា ត្រូវបានកំណត់សម្រាប់ឡូត៍នីមួយៗ  ស្ថានទូតសហរដ្ឋអាមេរិករក្សាសិទ្ធិក្នុងការច្រានចោលនូវការដេញថ្លៃណាមួយដែលខ្លួនយល់ឃើញថាមិនសមនឹងតំលៃនៃទំនិញ ឬក៏មានភស្តុតាងបញ្ជាក់ថា​ មានការសមគំនិតគ្នា ការឃុបឃិត ឬ ការទទួលសំណូកណាមួយ។ សេចក្តីសម្រេចរបស់ស្ថានទូត ជាសេចក្តីសម្រេចចុងក្រោយ និង​ មិនអាចតវ៉ាបានឡើយ។​  ការបង់ប្រាក់ៈ អ្នកដេញថ្លៃឈ្នះ ត្រូវបង់បា្រក់គ្រប់ចំនួន ដែលគេមិនអាចទារយកមកវិញបាន ក្នុងអំឡុងពេល ១២០ម៉ោង (៥ថ្ងៃធ្វើការ) ទៅគណនេយ្យធនាគារ របស់ស្ថានទូត បន្ទាប់ពីត្រូវបានទាក់ទង។ គេអាច យកទំនិញចេញបាន ដោយបង្ហាញបង្កាន់ដៃបង់ប្រាក់ និងបង្កាន់ដៃបង់ពន្ធ ទៅក្រុមការងារទទួលបន្ទុកការលក់ដេញថ្លៃ​របស់ស្ថានទូត នៅក្នុងកំឡុង​ពេល​ ២ សប្តាហ៍​បន្ទាប់ពីការលក់។ អង្គការមិនមែនរដ្ឋាភិបាល អង្គការអន្តរជាតិ ឬក្រសួងមន្ទីរនានាអាចសាកសួរទៅកាន់មន្រ្តីគយកម្ពុជា អំពីនិតិវិធី​លើកលែងពន្ធអាករផ្សេងៗ។   កាតព្វកិច្ចពន្ធនាំចូលទំនិញនិងអាករផ្សេងៗបន្ទុករបស់អ្នកដេញថ្លៃ។ អត្រាបង់ពន្ធគិតជាភាគរយ (26,50%) ត្រូវបានកំណត់ដោយសមត្ថកិច្ចគយនិងរដ្ឋាករកម្ពុជា។ ការគណនាពន្ធនាំចូលគឺយកតម្លៃដែលដេញថ្លៃឈ្នះគុណនឹងអត្រាភាគរយដែលបានកំណត់នៅលើទំនិញនីមួយៗ។  រាល់ការរៀបចំ និងចំណាយនៅក្នុងការលើកដាក់ ដឹកជញ្ជូនយកចេញ​នូវទំនិញដែលដេញថ្លៃបាន គឺជាបន្ទុក​របស់អ្នកដេញថ្លៃ។  នៅក្នុងករណីដែលអ្នកទិញខកខាន​មិនបានយកទំនិញដែលទិញបាននោះចេញពីទីតាំងលក់ ត្រឹមម៉ោង ៥ ល្ងាច ថ្ងៃទី ២១ ខែឧសភា ឆ្នាំ២០២១, ស្ថាន​ទូតអាមេរិក​នៅភ្នំពេញ ចាត់ទុកថាអ្នកដេញថ្លៃឈ្នះបានបោះបង់ចោលឡូត៍ដែលខ្លួនដេញបាន ហើយបាត់បង់សិទ្ធិ​ក្នុងការយកទំនិញ​ដែលទិញបាន​នោះ និង ប្រាក់ទាំងអស់ដែលបានបង់។   ដើម្បីយកទំនិញចេញពីទីតាំងលក់បាន អ្នកទិញត្រូវបង្ហាញបង្កាន់ដៃបង់ប្រាក់ទៅគណនេយ្យធនាគាររបស់ស្ថានទូតអាមេរិកគ្រប់ចំនួន សំណៅ​នៃការបង់ពន្ធទំនិញ និងសំណៅ​នៃឯកសារលើកលែងពន្ធទំនិញ​​ (ចំពោះស្ថាប័នដែលស្នើរសុំការលើកលែងពន្ធ)។  បុគ្គលិករបស់ស្ថានទូតអាមេរិកដែលធ្វើការទាក់ទងនឹងផ្នែកភស្តុភា​ក្នុងការដេញថ្លៃ​នេះត្រូវបានហាមមិនអោយធ្វើការដេញថ្លៃទេ។  សម្រាប់ពត៌មានបន្ថែម សូមទាក់ទងតាមរយៈលេខទូរស័ព្ទ ០២៣ ៧២៨ ៥០៣ រៀងរាល់ម៉ោងធ្វើការ។  …

អាន​បន្ថែម»

សេចក្តីថ្លែងការណ៍​របស់ស្ថានទូតសហរដ្ឋអាមេរិក នៅភ្នំពេញ ស្តីពីដែនជម្រកសត្វព្រៃព្រៃឡង់

សហរដ្ឋអាមេរិកមានកង្វល់យ៉ាងជ្រាលជ្រៅ ចំពោះការបំផ្លាញព្រៃឈើ ដែលចេះតែបន្តមាន នៅតំបន់ការពារនៃប្រទេសកម្ពុជា។ យើងគាំទ្រការធ្វើសហប្រតិបត្តិការជាមួយសហគមន៍ សង្គមស៊ីវិល និងរដ្ឋាភិបាលកម្ពុជា ដើម្បីធ្វើយ៉ាងណាឲ្យជីវសាស្រ្តចម្រុះដ៏សម្បូរបែប នៅដែនជម្រកសត្វព្រៃនៅព្រៃឡង់ និងបេតិកភណ្ឌធម្មជាតិ​នៃព្រះរាជាណាចក្រកម្ពុជា ត្រូវបានអភិរក្ស។ ការបាត់បង់ព្រៃឈើ​នៅព្រៃឡង់ និង​នៅទូទាំងប្រទេស មានការទាក់ទងនឹងកត្តាមួយចំនួន ដែលរួមមានការពង្រឹងការអនុវត្តច្បាប់​នៅខ្សោយ និងប្រព័ន្ធអភិបាលកិច្ចគ្មានភាពច្បាស់លាស់។ ដើម្បីដោះស្រាយបញ្ហាប្រឈមទាំង​នេះ អ្នកពាក់ព័ន្ធនៅថ្នាក់អាជ្ញាធរមូលដ្ឋាន អាជ្ញាធរខេត្ត និងជាតិ ទូទាំងក្រសួងស្ថាប័នពាក់ព័ន្ធទាំងអស់ ​ត្រូវតែដើរស្របគ្នា ក្នុងការងារអភិរក្សតំបន់ការពារ ដូចជាព្រៃឡង់។ ទីភ្នាក់ងារផ្តល់ជំនួយសហរដ្ឋអាមេរិក USAID ធ្វើការដើម្បីដោះស្រាយបញ្ហាប្រឈមទាំង​នេះ ដោយលើកកម្ពស់សមត្ថភាពបច្ចេកទេសនៅគ្រប់លំដាប់ថ្នាក់ ជំរុញអោយមានតម្លាភាព និងគណនេយ្យភាព គាំទ្រការចូលរួមយ៉ាងសកម្ម​របស់សហគមន៍ ហើយផ្តល់ជម្រើសផ្សេង​ក្នុងការប្រកបជីវភាពរស់នៅ។ តាមរយៈគម្រោងព្រៃឡង់បៃតង (GPL) របស់ទីភ្នាក់ងារ USAID យើងជួយសហគមន៍មូលដ្ឋាន ដូចជាសមាជិក​នៃបណ្តាញសហគមន៍ព្រៃឡង់ (PLCN) នៅក្នុងការងារល្បាតរួមគ្នានៅព្រៃឡង់ ជាមួយក្រសួងបរិស្ថាន។ សកម្មភាព​ភាគច្រើន​របស់ (GPL) ផ្តល់ប្រយោជន៍​ដោយផ្ទាល់​ដល់សហគមន៍ និងអង្គការមិនមែនរដ្ឋាភិបាល នៅក្នុងការងារអភិរក្ស ហើយគ្មានថវិកាណាត្រូវបានផ្តល់ឲ្យតាមរយៈប្រព័ន្ធរដ្ឋាភិបាលឡើយ។ យើងបន្តធ្វើការដោយផ្ទាល់ ជាមួយ PLCN និងក្រសួងបរិស្ថាន ដើម្បីគាំទ្រកិច្ចពិភាក្សា ដើម្បីឲ្យគេអាចធ្វើការជាមួយគ្នា ក្នុងគោលដៅរួមក្នុងការការពារព្រៃឡង់។  ឯកអគ្គរដ្ឋទូតសហរដ្ឋអាមេរិក ព្រមទាំងប្រធាននៃទីភ្នាក់ងារផ្តល់ជំនួយ USAID របស់ស្ថានទូតសហរដ្ឋអាមេរិក បានជួបជាមួយលោករដ្ឋមន្រ្តីក្រសួងបរិស្ថាន និងមន្រ្តីជាន់ខ្ពស់របស់លោក ដើម្បីពិភាក្សាពីការបាត់បង់ព្រៃឈើ និងការរិតត្បិតមិនឲ្យប្រជាជនកម្ពុជាចូល​ក្នុងតំបន់ការពារ ដើម្បីតាមដានសកម្មភាពទាក់ទងនឹងព្រៃឈើ។ ទីភ្នាក់ងារ USAID បានផ្តល់ដល់ក្រសួងបរិស្ថាន​នូវព័ត៌មាន ជាច្រើនលើកមកហើយ ទាក់ទងនឹងសកម្មភាពកាប់ឈើខុសច្បាប់ នៅដែនជម្រកសត្វព្រៃឡង់ ដែលបាននាំឲ្យអាជ្ញាធរពាក់ព័ន្ធធ្វើការស៊ើបអង្កេត។ រដ្ឋាភិបាលសហរដ្ឋអាមេរិកនឹងបន្តអំពាវនាវឲ្យមានចំណាត់ការដើម្បីបញ្ឈប់ការកាប់ឈើខុសច្បាប់ ហើយអភិរក្សជីវសាស្រ្តចម្រុះដ៏ល្អ​នៅព្រៃឡង់ និងនៅដែនជម្រកដទៃទៀត។ ដោយយើងធ្វើការអបអរទិវាសត្វព្រៃពិភពលោក នៅខែ​នេះ យើងចងចាំថា អភិបាលកិច្ចល្អគឺជាផ្នែកសំខាន់ចាំបាច់មួយ​នៃការការពារធនធានធម្មជាតិ។ ការគោរពសេរីភាព​ក្នុងការនិយាយស្តី និងសេរីភាព​ក្នុងការធ្វើការតវ៉ា​ដោយសន្តិភាពគឺជាផ្នែកចាំបាច់នៃលទ្ធិប្រជាធិបតេយ្យដែលមានជោគជ័យ ហើយយើងជឿថា សិទ្ធិទាំង​នេះការពារប្រជាជនកម្ពុជា ដែលកំពុងខិតខំធ្វើការអភិរក្សធនធានធម្មជាតិដែលមានភាពផុយស្រួយ​ របស់ព្រះរាជាណាចក្រកម្ពុជា។

អាន​បន្ថែម»

សហរដ្ឋអាមេរិក អបអរសាទរកម្ពុជា ចំពោះការមកដល់វ៉ាក់សាំង តាមយន្តការកូវ៉ាក់

For Immediate Release ៣ មីនា ២០២១ 2021/08 ភ្នំពេញ៖ សហរដ្ឋអាមេរិក សូមអបអរសាទរដល់ប្រទេសកម្ពុជា ចំពោះការមកដល់ដោយជោគជ័យ នូវវ៉ាក់សាំងប្រឆាំងកូវីដ១៩ ឈ្មោះ AstraZeneca ចំនួន ៣២៤ ០០០ ដូស នៅថ្ងៃទី ២ ខែមីនា ឆ្នាំ ២០២១។ ការទទួលបានវ៉ាក់សាំងនេះ គឺដោយសារការប្តេជ្ញាចិត្តជាមុនចំពោះទីផ្សារ COVAX ដែលជាគម្រោងគំនិតផ្តួចផ្តើមជាសកល ក្នុងការគាំទ្រការទទួលបានប្រកបដោយសមធម៌ នូវវ៉ាក់សាំងប្រឆាំងមេរោគកូវីដ ១៩។ នៅក្នុងពេលថ្មីៗនះ សហរដ្ឋអាមេរិកបានប្រកាសពីការផ្តល់ជំនួយសម្រាប់គ្រាដំបូង ចំនួន ២ ពាន់លានដុល្លារ ក្នុងចំណោមប្រាក់សរុបចំនួន ៤ ពាន់លានដុល្លារ ដល់គម្រោងគំនិតផ្តួចផ្តើមនេះ ដែលជាការធ្វើឲ្យសហរដ្ឋអាមេរិកគឺជាប្រទេសរួមចំណែកធំជាងគេតែមួយគត់ ដល់ការឆ្លើយតបជាអន្តរជាតិ ចំពោះមេរោគកូវីដ ១៩។ ប្រទេសកម្ពុជាស្ថិតនៅក្នុងចំណោមប្រទេសដំបូងគេ នៅក្នុងតំបន់ ដែលបានទទួលវ៉ាក់សាំងប្រឆាំងមេរោគកូវីដ ១៩ ពីមជ្ឈមណ្ឌលកូវ៉ាក់ (COVAX)។ លោកឯកអគ្គរដ្ឋទូតសហរដ្ឋអាមេរិក W. Patrick Murphy បានមានប្រសាសន៍ថា ៖ …

អាន​បន្ថែម»

រដ្ឋាភិបាលសហរដ្ឋអាមេរិករៀបចំការប្រកួតស្តីពីភាពជាដៃគូផ្នែកកសិកម្ម​នៅកម្ពុជា

FOR IMMEDIATE RELEASE  ២៨ កុម្ភៈ ២០២១  រដ្ឋាភិបាលសហរដ្ឋអាមេរិក តាមរយៈទីភ្នាក់ងារជំនួយអាមេរិក (USAID) បានរៀបចំ​បង្កើត​ការ​ប្រកួត​ប្រជែង​ថ្មីមួយ​សម្រាប់​វិស័យឯកជន ក្នុងភាពជាដៃគូក្នុងផ្នែកកសិកម្ម ទាក់ទង​នឹងបញ្ហាប្រឈមសំខាន់ៗ នៅក្នុង​វិស័យកសិកម្ម​របស់​ប្រទេសកម្ពុជា ដូចជា​ការប្រើប្រាស់​ប្រព័ន្ធ​រក្សា​ភាព​ត្រជាក់ លទ្ធភាព​ក្នុងការ​ទុកដាក់​​ក្នុង​ឃ្លាំង និង​ផ្នែក​ភស្តុភារ។   លោកឯកអគ្គរដ្ឋទូត W. Patrick Murphy បានមានប្រសាសន៍​ថា៖ «សហរដ្ឋអាមេរិក​គឺជាដៃគូ​យូរអង្វែង​របស់​ប្រទេសកម្ពុជា និងវិស័យកសិកម្ម​ក្នុងប្រទេស​នេះ។ ការប្រកួតប្រជែង​នេះ ​មាន​បំណង​ជំរុញ​ឲ្យ​ក្រុមហ៊ុន​​ក្នុងស្រុក និង​ក្រុមហ៊ុនអន្តរជាតិរកដំណោះស្រាយថ្មីៗ ដើម្បី​បង្កើន​សមត្ថភាព​ប្រកួត​ប្រជែង​ផ្នែក​សេដ្ឋកិច្ច​​របស់ប្រទេសកម្ពុជា ដោយពង្រីកទីផ្សារ កែលម្អ​ហេដ្ឋា​រចនា​សម្ព័ន្ធ និង​ភស្តុភារ ហើយ​និង​ជំរុញ​ការ​វិនិយោគ និងការចូលរួម​របស់​វិស័យ​ឯកជន នៅក្នុង​ខ្សែ​សង្វាក់​ផលិតកម្ម​ទាំង​មូល ក្នុង​វិស័យ​កសិកម្ម»។   ការប្រកួតប្រជែង​នេះ ដែលបានបើក​នៅថ្ងៃទី ២៤ កុម្ភៈ ឆ្នាំ ២០២១ នឹងផ្តល់ជំនួយ​ក្នុងទឹកប្រាក់ចំនួន ៣,៥ លានដុល្លារ ដល់ក្រុមហ៊ុនឯកជន។ ក្រុមហ៊ុននានា ក៏តម្រូវ​ឲ្យផ្តល់​នូវដៃ​គូហិរញ្ញប្បទាន​មួយ​ទល់​នឹង​មួយ ហើយធ្វើការជាមួយវិស័យឯកជន ដើម្បីឆ្លើយតបទៅនឹងសេចក្តីត្រូវការបន្ទាន់បំផុត ក្នុង​ការងារ​ទាក់ទង​នឹងប្រព័ន្ធរក្សាភាព​ត្រជាក់ លទ្ធភាពក្នុងការទុកដាក់ក្នុងឃ្លាំង និងផ្នែកភស្តុភារ នៅក្នុងវិស័យ​កសិកម្ម។ ការប្រកួត​នេះ មានបំណងជួយក្រសួងកសិកម្ម រុក្ខាប្រមាញ់ និងនេសាទ​របស់ប្រទេសកម្ពុជា ឲ្យ​សម្រេចជោគជ័យ​លើអាទិភាពជាយុទ្ធសាស្រ្ត​ក្នុងផែនការអភិវឌ្ឍក្នុងវិស័យកសិកម្ម ឆ្នាំ ២០១៩ -​ ២០២៣ របស់ខ្លួន ជាមួយនិងដំណោះស្រាយផ្អែកតាមទីផ្សារ។   ការប្រកួត​ប្រជែង​នេះនឹងបញ្ចប់​នៅថ្ងៃទី ១៦ ខែមេសា ឆ្នាំ …

អាន​បន្ថែម»

ទន្លេមេគង្គស្រកដល់កម្រិត «គួរឲ្យព្រួយបារម្ភ» ដោយផ្នែកខ្លះប្រែពណ៌ជាបៃតងខៀវ

ទីក្រុងវៀងចន្ទន៍ ប្រទេសឡាវ ថ្ងៃទី ១២ កុម្ភៈ ឆ្នាំ ២០២១ – លេខាធិការដ្ឋាន​នៃគណៈកម្មការទន្លេមេគង្គ បាននិយាយនៅថ្ងៃនេះថា កម្រិតទឹកទន្លេមេគង្គនៅចន្លោះស្ថានីយវារីអគ្គិសនី  Jinghong ក្នុងខេត្ត Yunnan នៃប្រទេសចិន និងដីសណ្តទន្លេមេគង្គនៅប្រទេសវៀតណាម បានធ្លាក់ចុះ​ដល់កម្រិតគួរឲ្យ​បារម្ភ ។  កម្រិតទឹកបានស្រកចុះយ៉ាងច្រើន តាំងពីដើមឆ្នាំ​នេះ ដោយសារមានភ្លៀងតិច ការប្រែប្រួលលំហូរនៅផ្នែកខាងលើ ការដំណើរការវារីអគ្គិសនីនៅតាមដៃទន្លេ និងការកំហិតលើលំហូរចេញពីទំនប់ Jinghong ។  បណ្ឌិត Winal Wangpimool ប្រធានផ្នែកគាំទ្របច្ចេកទេស​នៃលេខាធិការដ្ឋាន​នៃគណៈកម្មការរទន្លេមេគង្គ បាននិយាយថា៖ «មានការឡើង និងស្រកភ្លាមៗ​ នៃកម្រិតទឹក នៅខាងក្រោមជាប់​នៃ Jinghong និងនៅខាងក្រោមមកទល់នឹងទីក្រុងវៀងចន្ទន៍ ដែលចោទជាបញ្ហាប្រឈម​សម្រាប់អាជ្ញាធរ និងសហគមន៍ នៅក្នុងការត្រៀមទប់ទល់ចំពោះផលប៉ះពាល់»។  ការសង្កេតប្រចាំខែរបស់គណៈកម្មការទន្លេមេគង្គ លើរបាយទឹកភ្លៀងបង្ហាញថា តាំងពីខែវិច្ឆិកា ឆ្នាំមុន បរិមាណទឹកភ្លៀងគិតជាមធ្យម មានការធ្លាក់ចុះទាបជាកម្រិតមធ្យម ដោយធ្លាក់ចុះ ២៥%។ទិន្នន័យស្តីពីកម្រិតទឹកដែលគណៈ​កម្មការបានសង្កេតឃើញ ថែមទាំងបង្ហាញទៀតថា កម្រិតទឹកហូរចេញ​នៅស្ថានីយ Jinghong កាលពីម្សិលមិញ មាន ៧៧៥ ម៉ែត្រគូបក្នុងមួយវិនាទី  គឺថយចុះជិតពាក់កណ្តាលពីកម្រិតធម្មតា ដែលមានប្រហែល ១៤០០ ម៉ែត្រគូបក្នុងមួយវិនាទី ដែលត្រូវបានគេសង្កេតឃើញ នៅខែធ្នូ។។  ចាប់តាំងពីការធ្លាក់ចុះដំបូង នៅថ្ងៃទី ១ ខែមករា កម្រិតទឹកហូរចេញ​ពីស្ថានីយ Jinhong ពីថ្ងៃទី ១ ដល់ថ្ងៃទី ៧ ខែមករា គឺថេរ ត្រឹម ៧៨៥ ម៉ែត្រគូប​ក្នុង១វិនាទី។ បន្ទាប់មក កម្រិតទឹកហូរចេញញបានធ្លាក់មក ៧៤០ម៉ែត្រគូបក្នុង១វិនាទី នៅចន្លោះពីថ្ងៃទី ១៥ ដល់ថ្ងៃទី ២៣ ខែមករា មុននឹងឡើងដល់ …

អាន​បន្ថែម»

សេចក្តីថ្លែងការណ៍​របស់អ្នកនាំពាក្យក្រសួងការបរទេសសហរដ្ឋអាមេរិក Ned Price ស្តីពីការគាំទ្រឲ្យទន្លេមេគង្គមាននិរន្តរភាពល្អ

ថ្ងៃទី ២៣ កុម្ភៈ ឆ្នាំ ២០២១  សហរដ្ឋអាមេរិកគាំទ្រឲ្យមានតម្លាភាព និងគណនេយ្យ​ភាព នៅក្នុងការគ្រប់គ្រងធនធានដែលមានតឆ្លងព្រំដែន។ អស់រយៈពេលរាប់ទសវត្សរ៍​មកហើយដែលការងាររបស់យើង​ដើម្បីជំរុញស្ថាន​ភាពល្អ និងនិរន្តរភាពនៃទន្លេមេគង្គដើរតាមគុណតម្លៃទាំង​នេះ ហើយប្រជាជនចំនួនជិត ៧០ លាននាក់រស់នៅពឹងផ្អែកលើទន្លេមេគង្គ។ យើងមានកង្វល់ដូចរដ្ឋាភិបាល​នៅក្នុងតំបន់ទន្លេមេគង្គ និងគណកម្មាការទន្លេមេគង្គដែរ ទាក់ទងនឹងការប្រែប្រួលយ៉ាងឆាប់រហ័ស និងការធ្លាក់ចុះគួរឲ្យព្រួយបារម្ភ​នៃកម្ពស់ទឹកទន្លេមេគង្គ នៅក្នុងពេលថ្មីៗ​នេះ។ យើងសូមចូលរួមជាមួយពួកគេ ក្នុងការអំពាវនាវឲ្យសាធារណរដ្ឋប្រជាមានិតចិនចែករំលែកទិន្នន័យសំខាន់ៗ ឲ្យបានទាន់ពេលវេលា ដោយរួមទាំងព័ត៌មានស្តីពីសកម្មភាពនៅទំនប់វារីអគ្គិសនី នៅខ្សែទឹកខាងលើ។ វាជាការសំខាន់ណាស់ដែលសាធារណរដ្ឋប្រជាមានិតចិនត្រូវបំពេញតាមការប្តេជ្ញាចិត្តរបស់ខ្លួន ហើយពិគ្រោះយោបល់ជាមួយប្រទេស​នៅខ្សែទឹកខាងក្រោម។  តាមរយៈកម្មវិធីស្តីពីភាពជាដៃគូរវាងសហរដ្ឋអាមេរិក និងតំបន់ទន្លេមេគង្គ សហរដ្ឋអាមេរិកនឹងបន្តគាំទ្ររដ្ឋាភិបាល និងសហគមន៍មូលដ្ឋាន នៅក្នុងតំបន់ទន្លេមេគង្គ។ គម្រោងស្តីពីគំនិតផ្តួចផ្តើមស្តីពីទិន្នន័យទឹកទន្លេមេគង្គ គម្រោងតាមដានទំនប់វារីអគ្គិសនីលើទន្លេមេគង្គ និងមធ្យោបាយដទៃទៀតធ្វើឲ្យប្រជាជនទទួលបានទិន្នន័យពិតប្រាកដ ដែលគេត្រូវការបំផុត។

អាន​បន្ថែម»

ស្ថានទូតអាមេរិក ទទួលពាក្យស្នើជំនួយ ឆ្នាំ ២០២១ លើគម្រោង​ខួបលើក​ទី ៣០ នៃកិច្ចព្រមព្រៀងសន្តិភាពទីក្រុងប៉ារីស

For Immediate Release  ២២ កុម្ភៈ ២០២១  2021/05  ការិយាល័យផ្នែកកិច្ចការសាធារណៈ ​នៃស្ថានទូតអាមេរិក​នៅភ្នំពេញ របស់ក្រសួង​ការ​បរទេស​សហរដ្ឋ​​អាមេរិក កំពុងស្វែងរកដៃគូអង្គការ​នានា​ ឲ្យចូលរួម​ដាក់គម្រោង​ស្នើជំនួយជា​ថវិកា​ ​​ក្នុង​​ការ​ផលិត​​នូវរបាយការណ៍ ការ​សិក្សា​ស្រាវ​ជ្រាវ ឬភាពយន្តឯកសារ ដើម្បី​រំលឹក​នូវខួប​លើកទី ៣០ នៃ​កិច្ច​ព្រម​ព្រៀង​សន្តិភាពទីក្រុងប៉ារីស នាថ្ងៃទី ២៣ ខែ​តុលា ឆ្នាំ ២០២១ ធ្វើ​ការវិភាគ និង​វាយ​តម្លៃ​ពីវឌ្ឍនភាពរបស់ប្រទេសកម្ពុជា គិត​មក​ដល់​ពេល​នេះ ក្នុង​ការ​បំពេញ​​បាន​តាម​ការ​សន្យា ដែលមានចែង​នៅក្នុងកិច្ចព្រមព្រៀង ហើយ​ផ្តល់​អនុសាសន៍​ស្តីពី​ជំហាន​បន្ទាប់ជូន​​រាជ​​រដ្ឋា​ភិបាលកម្ពុជា ​និង​ប្រទេស​ដែល​បាន​ចុះ​ហត្ថលេខា​លើកិច្ច​ព្រម​ព្រៀង​​នេះ។   ជំនួយជាថវិកាសរុបសម្រាប់គម្រោងស្នើនេះ ទទួលបាន​​ក្នុងរង្វង់ចាប់ពី ២៥ ០០០ ដុល្លារដល់ ៣០ ០០០​ដុល្លារ​​​អាមេរិក។  ស្ថានទូតអាមេរិក​នៅភ្នំពេញ សូម​អញ្ជើញ​ក្រុមអ្នកជំនាញផ្តល់ប្រឹក្សា ឬ​អង្គការ​ស្ថាប័ននានា សរសេរ​​គម្រោង​ផ្សេងៗ​ ទាក់ទងនឹង​ការសិក្សា​ស្រាវជ្រាវ និង​ចេញរបាយការណ៍គ្រប់ជ្រុងជ្រោយ ឬ​ចង​ក្រងឯកសារ ដែល​វិភាគ​លើ​វឌ្ឍនភាព​​របស់ប្រទេសកម្ពុជា គិត​មក​ដល់​ពេលនេះ ក្នុង​ការ​បំពេញ​បាន​តាម​ការ​សន្យា ដែល​មាន​ចែង​​នៅក្នុង​កិច្ច​ព្រម​ព្រៀង​សន្តិភាព​​ទី​ក្រុង​​ប៉ារីស ឆ្នាំ ១៩៩១។ ថ្ងៃ​កំណត់​ត្រូវ​ចេញ​ផ្សាយ​ឯកសារ​ គឺ​នៅ​ចុងខែតុលា ដើម្បីឲ្យ​ត្រូវនឹងខួបលើកទី ៣០ ​នៃកិច្ចព្រមព្រៀងសន្តិភាព នាថ្ងៃទី ២៣ ខែតុលា ឆ្នាំ ២០២១។    កាលបរិច្ឆេទឈប់ទទួលពាក្យ នៅថ្ងៃទី ៣០ ខែមីនា ឆ្នាំ ២០២១ ហើយជំនួយដែល​អនុម័ត នឹង​ផ្តល់​ត្រឹម​ថ្ងៃទី ៣០ ខែមេសា ឆ្នាំ ២០២១ ។ គម្រោងដែលអនុម័ត គួរត្រូវ​អនុវត្តបញ្ចប់ ត្រឹមថ្ងៃ ៣១ ខែតុលា ឆ្នាំ ២០២១។   ចំពោះព័ត៌មាននៃការណែនាំក្នុងការដាក់ពាក្យ​ សូមចូលមើលគេហទំព័រ ៖  https://kh.usembassy.gov/phnom-penh-notice-of-funding-opportunity-ppa-30th-anniversary-2021/  ។   ### 

អាន​បន្ថែម»

សិក្ខាសាលាបង្រៀនពីជំនាញឌីជីថលដំបូងគេសម្រាប់យុវនារី

សេចក្តីប្រកាសព័ត៌មាន                     ១៧ ខែកុម្ភៈ ២០២១   ភ្នំពេញ — គិតត្រឹមខែមករា ឆ្នាំ ២០២១ ប្រទេសកម្ពុជាមានកំណត់ត្រាអ្នកប្រើប្រាស់អ៊ីនធឺណេតចំនួន ៨,៨៦ លាននាក់ ដែលបង្ហាញថាជំនាញឌីជីថលពិតជាមានសារៈសំខាន់ណាស់ ដើម្បីទទួលបានជោគជ័យនៅក្នុងពិភពដែលពោពេញដោយបច្ចេកវិទ្យា។ ជាមួយនេះដែរ ការចូលរួមរបស់ស្ត្រីនៅក្នុងពិភពឌីជីថលគឺជាកត្តាចាំបាច់ ដើម្បីបង្កើតសេដ្ឋកិច្ចនិងសង្គមឌីជីថលប្រកបដែលស្មើភាព។  នៅកំឡុងថ្ងៃទី ២៧​ ដល់ ៣១ ខែមករា ឆ្នាំ ២០២១ កម្មវិធី Her Project: Digital Edition បានរៀបចំដំណាក់កាលទី ១ នៃគម្រោងជាសិក្ខាសាលាបានយ៉ាងជោគជ័យដែលប្រព្រឹត្តឡើងរយៈពេល ៥ ថ្ងៃ។ តាមរយៈសិក្ខាសាលានេះ សិស្សនិស្សិតស្រីចំនួន១៥នាក់មកពី ៤ ខេត្ត – ក្រុងបានរៀនជំនាញសំខាន់ៗអំពី ការយល់ដឹងអំពីប្រព័ន្ធផ្សព្វផ្សាយ ការយល់ដឹងអំពីសហគមន៍ យុទ្ធនាការឌីជីថល និងជំនាញគ្រប់គ្រងគម្រោង។   ក្រោមជំនួយពីមូលនិធិ​ Alumni Engagement Innovation Fund និង គាំទ្រដោយ​ស្ថានទូតសហរដ្ឋអាមេរិកប្រចាំនៅប្រទេសកម្ពុជា កម្មវិធី HER Project: Digital Edition បានផ្តួចផ្តើមឡើងក្នុងគោលបំណងបង្កើនការចូលរួមរបស់ស្ត្រីនៅក្នុងការធ្វើការងារសង្គម និងសកម្មភាពឌីជីថល។ នៅកំឡុងពេលកម្មវិធី អ្នកចូលរួមបានឆ្លងកាត់វគ្គបណ្តុះបណ្តាល វគ្គចែករំឡែក ដំណើរទស្សនកិច្ចនៅស្ថានទូតអាមេរិកប្រចាំប្រទេសកម្ពុជា និងការរៀបចំគំរោងធ្វើយុទ្ធនាការផ្សព្វផ្សាយខ្នាតតូចដើម្បីសហគមន៍របស់ពួកគេ ក៏ដូចជាគម្រោងឌីជីថលទាក់ទងទៅនឹងសារៈសំខាន់នៃការយល់ដឹងអំពីអំពីប្រពន្ធផ្សព្វផ្សាយ។  “ដើម្បីទទួលបានភាពជោគជ័យនៅថ្ងៃអនាគត ប្រទេសនិមួយៗត្រូវតែផ្ដល់សក្ដានុពលទៅដល់ក្មេងស្រី …

អាន​បន្ថែម»

លោកទូត សន្ទនាជាមួយចៅស្រីលោក ស៊ីន ស៊ីសាមុត​ ពីតន្ត្រីកម្ពុជា

For Immediate Release  February 11, 2021  2021/03  ភ្នំពេញ​៖ លោក​ឯកអគ្គរដ្ឋទូត​សហរដ្ឋអាមេរិកប្រចាំកម្ពុជា W. Patrick Murphy និង​អ្នក​​ចម្រៀង កញ្ញា ស៊ីន សេដ្ឋសុជ្ឈតា ដែលជា​ចៅស្រី​បង្កើត​អធិរាជ​សម្លេង​លោក ស៊ីន ស៊ីសាមុត បាន​ថតទុកនូវវីដអូជជែក​គ្នាអំពីវិស័យ​តន្ត្រីនៅ​កម្ពុជា និង​ចំណាប់​អារម្មណ៍​ក្នុងការរក្សាមរតក​ចម្រៀង​របស់ជីតានាង ។  កិច្ចសន្ទនារយៈពេល ២០ នាទី​នេះ ជាវីដេអូដែល​ផលិតដោយក្រុមហ៊ុន Cambodian Broadcasting Service ត្រូវ​បាន​ចាក់​ផ្សាយ​តាមបណ្តាញសង្គម​ហ្វេសប៊ុក​របស់​ស្ថានទូត​អាមេរិក​ នៅថ្ងៃទី ១១ ខែកុម្ភៈនេះ។ អ្នកសារព័ត៌មានអាចផ្សាយ និង​ប្រើប្រាស់​នូវ​វីដេអូ​នេះ​ទាំង​ស្រុង​បាន ។  លោកឯកអគ្គរដ្ឋទូត បានភ្ញាក់ផ្អើល ដោយដឹងថាលោក ស៊ីន ស៊ីសាមុត នៅ​តែ​ទទួល​បាន​ការ​ស្រឡាញ់​ពេញនិយម ស្តាប់ចម្រៀងលោក ​នៅទូទាំងប្រទេសកម្ពុជា ទោះបីលោកបាន​បាត់បង់​ជីវិត​អស់រយៈពេលជាយូរ​មកហើយក្តី ។  លោក​ឯកអគ្គរដ្ឋទូត បានមានប្រសាសន៍ថា៖ «ខ្ញុំស្តាប់ចម្រៀងរបស់គាត់​តាម ស្ថានីយ៍វិទ្យុខ្លះ បានឃើញរូបថតគាត់ ដាក់តាំង​នៅតាមភោជនីយដ្ឋាន និង​សណ្ឋាគារ​ប្រណីត​មួយចំនួន។ រហូតដល់សព្វថ្ងៃ​នេះ បទចម្រៀង​របស់លោក ​នៅតែ​ពិរោះរណ្តំចិត្ត ​​របស់​មនុស្ស​ទាំង​ចាស់ ក្មេងសព្វថ្ងៃនេះ»។  សុជ្ឈតា ​ឲ្យដឹងថា នាងមិនដែលបានឃើញជីតានាងផ្ទាល់ទេ តែនាង​បាន​ដឹងឮរឿងរ៉ាវ​គាត់ តាម​ជីដូន​បង្កើត​នាង ដែលរស់នៅខេត្តស្ទឹងត្រែង។  កញ្ញានិយាយថា ៖ «បទចម្រៀង​ជាច្រើនរបស់គាត់ បង្កប់អត្ថន័យ ប្រើន័យធៀប​ជីវិត​មនុស្ស​ទៅនឹង​ធម្មជាតិ។ លោកយាយថា នា​ថ្ងៃមួយ ពួកគាត់ទាំងពីរ បាន​ទៅលេង​សៀមរាប ដើរ មើលប្រាសាទ ហើយលោកយាយ​ខ្ញុំចង់​ចូល​មើល​ប្រាសាទ​មួយ តែ​លោក​តា​ខ្ញុំ (ស៊ីន ស៊ី​សាមុត) បាន​និយាយថា គាត់នឹងរង់ចាំ​នៅខាង​ក្រៅ ហើយ​​ប៉ុន្មាន​ម៉ោង​ក្រោយ​មក គាត់​សរសេរ​បានចម្រៀងមួយបទ។ ខ្ញុំមាន​ការស្ញប់ស្ញែង​ចំពោះ​រឿងរ៉ាវ ទាក់​ទង​នឹង​ការ​និពន្ធ​បទ​ចម្រៀង​​របស់​គាត់»។   សុជាតា​ បានបញ្ចេញនូវចម្រៀងថ្មី ៣ បទ ហើយបទទីមួយ នឹងចេញ​នៅថ្ងៃទី ១៩ …

អាន​បន្ថែម»

សេចក្តីថ្លែងការណ៍របស់អ្នកនាំពាក្យសេតវិមាន អ្នកស្រី Jen Psaki ស្តីពីភូមា

សហរដ្ឋអាមេរិក មានការព្រួយបារម្ភ ដោយមានសេចក្តីរាយការណ៍ថា​ យោធាភូមា បាន​ប្រើជំហានផ្សេងៗក្នុងការបំផ្លាញនូវដំណើរការផ្លាស់ប្តូរប្រជាធិបតេយ្យ ដោយរួម​ទាំងការចាប់ខ្លួននូវមេដឹកនាំ លោកស្រី អង់សាន ស៊ូជី និង​មន្ត្រីស៊ីវិលដទៃទៀត​នៅ​ប្រទេសនេះ។  ទីប្រឹក្សាសន្តិសុខជាតិអាមេរិក លោក Jake Sullivan បាន​ជម្រាបលោក​ប្រធានាធិបតី Biden ពីស្ថានការណ៍នេះ។ យើងបញ្ជាក់ជា​បន្តនូវការគាំទ្រយ៉ាងខ្លាំងក្លា ចំពោះស្ថាប័នប្រជាធិបតេយ្យនានា​នៅ​ភូមា និង​ដោយមានការ​សម្របសម្រួល ជាមួយ​ដៃគូក្នុងតំបន់ យើង​ទទូចឲ្យយោធា និង​គ្រប់ភាគីទាំងអស់ គោរពតាមគន្លងបែបប្រជាធិបតេយ្យ​ និង​នីតិរដ្ឋ​ ហើយ​ដោះលែងនូវអ្នក​ដែល​ត្រូវ​បាន​ឃុំ​ខ្លួន​នៅថ្ងៃនេះ។ សហរដ្ឋ​អាមេរិក ប្រឆាំង​រាល់ការ​ប៉ុនប៉ងក្នុងការ​ផ្លាស់ប្តូរលទ្ធផលនៃការបោះឆ្នោតកាលពីពេលថ្មីៗនេះ ឬរារាំងនូវការផ្លាស់ប្តូរ​ប្រជាធិបតេយ្យក្នុង​ប្រទេស​មីយ៉ាន់ម៉ា ហើយនឹងចាត់វិធានការប្រឆាំងអ្នកទទួលខុសត្រូវទាំងនោះ ប្រសិនបើជំហាននានាមិនត្រឡប់ដូចដើមវិញ។ យើងកំពុងឃ្លាំមើលនូវស្ថានការណ៍នេះយ៉ាង​យក​ចិត្ត​ទុកដាក់ និង​ឈរនៅជាមួយប្រជាជនភូមា ដែល​បាន​ប្រឈមជាច្រើនរួចមកហើយ​ក្នុងការស្វែងរក​នូវប្រជាធិបតេយ្យ​ និង​សន្តិភាព។សេចក្តីថ្លែងការណ៍របស់អ្នកនាំពាក្យសេតវិមាន អ្នកស្រី Jen Psaki ស្តីពីភូមា។

អាន​បន្ថែម»

មជ្ឈមណ្ឌលផ្តល់ប្រឹក្សាស្តីពីការអប់រំនៅសហរដ្ឋអាមេរិក ថ្មីមួយទៀតបើកនៅសៀមរាប ដើម្បជំរុញការសិក្សា ក្នុងសហរដ្ឋអាមេរិក

For Immediate Release          January 18, 2021  2021/02  ខេត្តសៀមរាប (ថ្ងៃទី ១៨ ខែមករា ឆ្នាំ ២០២១) ៖ លោក W. Patrick Murphy ឯកអគ្គរដ្ឋអាមេរិកប្រចាំប្រទេសកម្ពុជា និងលោកបណ្ឌិត ជា សានច័ន្ទថន​ អធិការបតីសាកលវិទ្យាល័យបញ្ញាសាស្ត្រ​កម្ពុជា បានបើកសម្ពោធ មជ្ឈមណ្ឌលថ្មីមួយទៀត ដើម្បី​ផ្តល់ប្រឹក្សាស្តីពីការអប់រំនៅសហរដ្ឋអាមេរិក (EducationUSA Advising Center) ក្នុងសាកលវិទ្យាល័យបញ្ញាសាស្រ្ត ក្នុងទឹកដី​ខេត្តសៀមរាបនាថ្ងៃ​នេះ។  កន្លងមក មជ្ឈមណ្ឌល EducationUSA មានចំនួន ២ រួចមកហើយ នៅកម្ពុជា ដោយមានទីតាំងមួយ ស្ថិត​នៅក្នុងស្ថានទូតសហរដ្ឋអាមេរិកនៅភ្នំពេញ និងមួយទៀតស្ថិត​នៅក្នុង​ សាកលវិទ្យាល័យបញ្ញាសាស្រ្តកម្ពុជា នៅភ្នំពេញផងដែរ។ មជ្ឈមណ្ឌលថ្មី​ នៅសៀមរាប គឺជាកន្លែងដែលឳពុកម្តាយ អាណាព្យាបាល និងសិស្ស និស្សិត អាចមកទទួលការផ្តល់ប្រឹក្សា​ដោយផ្ទាល់ ដើម្បីស្វែងយល់ពីការសិក្សា​នៅក្នុងសហរដ្ឋអាមេរិក។ មជ្ឈមណ្ឌល​នេះ ​ផ្តល់ការណែនាំស្តីពីរបៀបស្វែងរកមើលសាកលវិទ្យាល័យនានា និងឱកាសអាហារូបករណ៍ ផ្តល់ព័ត៌មានស្តីពីកម្មវិធីដែលឧបត្ថម្ភ​ដោយរដ្ឋាភិបាលសហរដ្ឋអាមេរិក ហើយផ្តល់ប្រឹក្សាក្នុងការដាក់ពាក្យ និងសរសេរពាក្យសុំចូលរៀន ​នៅតាមមហាវិទ្យាល័យនៅទីនោះ។  ស្ថានទូតសហរដ្ឋអាមេរិក សង្ឃឹមថា នឹងមានកំណើន​នៃនិស្សិតកម្ពុជាបន្ថែមទៀត ទៅសិក្សា​នៅក្នុងសហរដ្ឋអាមេរិក ពិសេសអ្នករស់​នៅតាមបណ្តាខេត្ត ក្រៅពីរាជធានីភ្នំពេញ។ ក្រោមជំនួយ គាំទ្រពីថវិការបស់ ក្រសួងការបរទេសសហរដ្ឋអាមេរិក មជ្ឈមណ្ឌល EducationUSA ផ្តល់​ព័ត៌មានទាន់ពេល ច្បាស់លាស់ ពេញលេញ មិនលំអៀង និងត្រឹមត្រូវ ស្តីពីស្ថាប័នអប់រំ​ ក្នុងសហរដ្ឋអាមេរិក ហើយផុ្តល់ការណែនាំចំពោះអ្នកដែលមានលក្ខណៈសម្បត្តិគ្រប់គ្រាន់ ឲ្យចាប់យកឱកាសទាំ​ង​នោះ។  របាយការណ៍អ​ប់រំឆ្នាំ ២០២០ Open Door ស្តីពីការផ្លាស់ប្តូរលើការសិក្សាអប់រំជា​អន្តរជាតិ បាន​បង្ហាញឲ្យឃើញថា មាននិស្សិតកម្ពុជា​ចំនួន ៧៤២ នាក់បានសិក្សា​នៅក្នុងសហរដ្ឋអាមេរិក នៅឆ្នាំសិក្សា ២០១៩ – ២០២០ ។ ចំនួននេះគឺកើនជាង ៨% លើសឆ្នាំ​មុន ដែលបង្ហាញពីការបន្តនូវកំណើនជាវិជ្ជមាន ក្នុងរយៈពេល ៦ ឆ្នាំកន្លងមកនេះ ។  សហរដ្ឋអាមេរិក គឺជាគោលដៅទី ១ នៅលើពិភពលោក សម្រាប់ទទួលយកនិស្សិតអន្តរជាតិ ដោយ​ក្នុងឆ្នាំ ២០១៩ – ២០២០ មាននិស្សិតអន្តរជាតិសិក្សា​ចំនួនជាង ១ លាននាក់៕  ### 

អាន​បន្ថែម»

សេចក្តីប្រកាសព័ត៌មាន​របស់លោករដ្ឋមន្រ្តីក្រសួងការបរទេស Mike R. Pompeo ស្តីពីការចាប់ខ្លួនអ្នកតស៊ូមតិគាំទ្រលទ្ធិប្រជាធិតេយ្យជាច្រើន នៅហុងកុង

ថ្ងៃទី ៦ ខែមករា ឆ្នាំ ២០២១ ការចាប់ខ្លួន​នៅថ្ងៃ​នេះ នៃអ្នកតស៊ូមតិគាំទ្រលទ្ធិប្រជាធិបតេយ្យ និងអ្នកនយោបាយចំនួនជាង ៥០ នាក់ ដោយអាជ្ញាធរ​នៅហុងកុងគឺជាអំពើហួសហេតុ និងជាការមើលងាយរបស់គណបក្សកម្មុយនិស្តចិន ចំពោះប្រជាជនខ្លួន និងនីតិរដ្ឋ។ អ្នកដែលត្រូវបានចាប់ខ្លួនទាំង​នោះ គ្មានកំហុសទេ ដោយគេគ្រាន់តែអនុវត្តសិទ្ធិប្រជាធិបតេយ្យ​​របស់គេ ដែលត្រូវបានសន្យាសម្រាប់គេដោយសន្ធិសញ្ញា ហើយដែលគេត្រូវទទួលបាន ក្នុងនា​មជាមនុស្សជាតិ។ ពួកគេគួរតែត្រូវបានដោះលែងភ្លាម និងដោយគ្មានលក្ខខ័ណ្ឌ។ សហរដ្ឋអាមេរិកនឹងមិនឈរនៅស្ងៀមឡើយ ក្នុងពេលដែលប្រជាជនហុងកុងរងការឈឺចាប់ នៅក្រោមការគាបសង្កត់​របស់ពួកកម្មុយនិស្ត។ សហរដ្ឋអាមេរិកនឹងពិចារណាដាក់ទណ្ឌកម្ម និងការរឹតត្បិតដទៃទៀត លើគ្រប់បុគ្គល និងនីតិបុគ្គល ដែលមានការពាក់ព័ន្ធក្នុងការរំលោភបំពាននេះ​ លើប្រជាជនហុងកុង ពិនិត្យ​លើការរឹតត្បិតប្រឆាំងនឹងការិយាល័យពាណិជ្ជកម្ម និងសេដ្ឋកិច្ចហុងកុង នៅក្នុងសហរដ្ឋអាមេរិក ហើយចាត់វិធានការភ្លាមៗបន្ថែមទៀត ប្រឆាំងនឹងមន្រ្តីដែលបានបំផ្លាញដំណើរការប្រជាធិបតេយ្យ​នៅហុងកុង។ ខ្ញុំមានការហួសចិត្តផងដែរ ចំពោះព័ត៌មានស្តីពីការចាប់ខ្លួនជនជាតិអាមេរិក ជាផ្នែកមួយ​នៃយុទ្ធនាការ​បង្ក្រាបផ្នែកនយោបាយ​នេះ។ ខ្ញុំសូមបញ្ជាក់ច្បាស់ថា សហរដ្ឋអាមេរិកនឹងមិនអត់ឱន​ចំពោះការចាប់ខ្លួន ឬការយាយីតាមអំពើចិត្ត ទៅលើពលរដ្ឋអាមេរិកឡើយ។ សហរដ្ឋអាមេរិកគាំទ្រប្រជាជនហុងកុង និងមនុស្សទាំងអស់ ដែលចង់បានសេរីភាព។ ដូច្នេះ ខ្ញុំមានសេចក្តីរីករាយសូមប្រកាសទស្សនកិច្ចក្នុងពេលខាងមុខ​នេះ​ ​របស់លោកស្រីឯកអគ្គរដ្ឋទូតសហរដ្ឋអាមេរិកប្រចាំ​នៅអង្គការសហប្រជាជាតិ Kelly Craft ទៅកាន់ Taiwan ដែលជាដៃគូគួរជាទីទុកចិត្ត និងជាអ្នកកាន់លទ្ធិប្រជាធិបតេយ្យរឹងមាំ ហើយដែលមានការរីកចម្រើន ទោះបីជាគណបក្សកម្មុយនិស្តចិនប្រឹងប្រែងបំផ្លាញជោគជ័យដ៏​ធំ​របស់ខ្លួនក្តី។ Taiwan បង្ហាញឲ្យឃើញនូវអ្វីដែលប្រទេសចិនសេរីមួយ​អាចសម្រេចបាន។

អាន​បន្ថែម»

អង្គការហ្វារសម្តែងសៀក លើកកម្ពស់ទំនាក់ទំនង សហរដ្ឋអាមេរិក កម្ពុជា​

For Immediate Release December 23, 2020  ផ្នែកកិច្ចការសាធារណៈ នៃ​ស្ថានទូតសហរដ្ឋអាមេរិក នៅភ្នំពេញ មានសេចក្តីរីករាយ ក្នុង​ការ​ចាក់​​ផ្សាយនូវការសម្តែងសៀកយ៉ាងពិសេសមួយ ​ដឹកនាំដោយក្រុមសិល្បករ អង្គការហ្វារពន្លឺ សិល្បៈ ដើម្បីរំលេចពីខួប ៧០ ឆ្នាំ នៃ​ការ​បង្កើត​ទំនាក់​ទំនង​ការ​ទូត​រវាង​សហរដ្ឋ​អាមេរិក និង​​ព្រះរាជាណាចក្រកម្ពុជា។   វីដេអូ​នៃ​ការ​សម្តែង​សៀកនេះ ត្រូវបាន​ចាក់​ផ្សាយ​តាម​រយៈ​ទំព័រ​ហ្វេសប៊ុក​របស់​ស្ថានទូត​អាមេរិក នៅថ្ងៃទី ២២ ខែធ្នូ ឆ្នាំ ២០២០ ។   ​វីដេអូសម្តែងសៀកដ៏គួរឲ្យជក់ចិត្តនេះ បានជួយ​ឧបត្ថម្ភទៅដល់ក្រុម​អ្នក​សម្តែង​ដ៏​មាន​ទេព​កោសល្យ របស់អង្គការហ្វារ ដែលជួយលើកកម្ពស់ការយល់ដឹង មានឆន្ទៈល្អ និង​បង្កើន​ការ​​យល់​​បន្ថែម​ទៀតក្នុងចំណោមប្រជាជនវ័យក្មេងអំពីចំណងទាក់ទងរវាងសហរដ្ឋអាមេរិក និងកម្ពុជា។   ដោយលទ្ធផលនៃជំងឺរាតត្បាតកូវីដ១៩ នៅតែបន្តគំរាមកំហែងសាកល​លោក និង​ផ្អែក​លើការ​អនុវត្ត​នូវការរក្សាគម្លាតសុវត្ថិភាព ស្ថានទូតសហរដ្ឋអាមេរិក នៅភ្នំពេញ បាន​បន្ត​រៀប​ចំ​ធ្វើ​កម្មវិធី​ជាច្រើនតាមប្រព័ន្ធ​ឌីជីថល ដើម្បីភ្ជាប់ទំនាក់ទំនងជាមួយ​ប្រិយមិត្តរបស់ខ្លួន។   ចំពោះ​បណ្តាញសារព័ត៌មានក៏អាចទាញយកវីដេអូសម្តែងសៀកនេះ មក​ធ្វើការ​ផ្សព្វផ្សាយ​ឡើង​វិញបាន តាមរយៈតំណនេះ ៖  https://www.facebook.com/us.embassy.phnom.penh/videos/739430343640147    ### 

អាន​បន្ថែម»

ការផ្តើមកម្មវិធីតាមដានទំនប់វារីអគ្គិសនីលើទន្លេមេគង្គ

ថ្ងៃទី ១៦ ខែធ្នូ ឆ្នាំ ២០២០ នៅថ្ងៃទី ១៥ ខែធ្នូ ក្រសួងការបរទេសសហរដ្ឋអាមេរិកបានផ្តើមកម្មវិធីតាមដានទំនប់វារីអគ្គិសនីលើទន្លេមេគង្គ ដោយសហការជាមួយមជ្ឈមណ្ឌល Stimson Center និង Eyes on Earth​។ កម្មវិធីថ្មីតាមដានទំនប់វារីអគ្គិសនីលើទន្លេមេគង្គគឺជាជំហានសំខាន់មួយ សម្រាប់បង្កើនការយល់ពីស្ថាន​ភាព​ទឹក​នៅក្នុងតំបន់អាងទន្លេមេគង្គ។ ប្រទេសទាំងឡាយមិនអាចគ្រប់គ្រងបានល្អឡើយ លើអ្វីដែលគេមិនអាចធ្វើការវាស់ស្ទង់បាន ហើយអស់រយៈពេលជាយូរមកហើយ ដែលប្រជាជន​នៅតំបន់ទន្លេមេគង្គខ្វះការក្តាប់បានលើធនធានទឹក​នៃអាងទន្លេ​នេះ។ កម្មវិធីតាមដានទំនប់វារីអគ្គិសនីលើទន្លេមេគង្គប្រើការស្វែងយល់ពីចម្ងាយ ពីប្រភពបើកចំហ រូបភាពតាមផ្កាយរណប និងការវិភាគតាមប្រព័ន្ធព័ត៌មានស្តីពីភូមិសាស្រ្ត ដើម្បីផ្តល់ព័ត៌មានទាន់ពេល ស្តីពីលក្ខណៈអាកាសធាតុ លំហូរនៃទឹកទន្លេ និងស្ថាន​ភាព​នៃអាងទឹកទន្លេមេគង្គ។ មធ្យោបាយនេះ ដែលអាចមានសម្រាប់សាធារណៈ នឹងបង្កើនទិន្នន័យទឹកបានយ៉ាងច្រើន សម្រាប់តំបន់​នេះ ដោយធ្វើឲ្យប្រជាជនដែលត្រូវការខ្លាំង ទទួលបានព័ត៌មាន​ទាំង​នេះ  ដើម្បីឲ្យគេអាចធ្វើការសម្រេចចិត្តបានល្អ​ ដែលមានផលទៅលើមុខរបរប្រកបជីវភាពរស់នៅ និងសន្តិសុខ​តំបន់។ ជាយូរមកហើយដែលសហរដ្ឋអាមេរិកបានគាំទ្រការអំពាវនាវ​របស់សហគមន៍​នៅក្នុងតំបន់ទន្លេមេគង្គ ដែលចង់បានទិន្នន័យទឹកឲ្យបានច្រើន។ សហរដ្ឋអាមេរិកនឹងបន្តធ្វើជាដៃគូជាមួយគណកម្មាការទន្លេមេគង្គ រដ្ឋាភិបាលនានា និងអាជ្ញាធរមូលដ្ឋាន ដើម្បីពង្រឹងសមត្ថភាពរបស់គេ​ ក្នុងការទទួលបាន និងប្រើប្រាស់ទិន្នន័យល្អៗសម្រាប់ជួយដល់ការសម្រេចចិត្តធំៗផ្អែកលើវិទ្យាសាស្រ្ត។ តាមរយៈកម្មវិធីភាពជាដៃគូរវាងតំបន់ទន្លេមេគង្គ និងសហរដ្ឋអាមេរិក ក្រសួងការបរទេសអាមេរិកនឹងបន្តលើកកម្ពស់សន្តិសុខទឹកថែមទៀត។ កម្មវិធីតាមដានទំនប់វារីអគ្គិសនីលើទន្លេមេគង្គចូលរួ​មចំណែកដល់គំនិតផ្តួចផ្តើមដែលកំពុងអនុវត្ត នៅក្រោមគំនិតផ្តួចផ្តើមស្តីពីទិន្នន័យ​នៃទឹកទន្លេមេគង្គ ដោយសម្របសម្រួលការផ្លាស់ប្តូរគ្នា ​នូវការប្រតិបត្តិល្អៗ ជំរុញការសម្របសម្រួលគ្នា​នៃដៃគូអភិវឌ្ឍន៍ និងពង្រឹងវិបុលភាព​របស់សហគមន៍ និងរដ្ឋាភិបាល​ នៅតំបន់ទន្លេមេគង្គ …

អាន​បន្ថែម»

ទណ្ឌកម្មរបស់ក្រសួងរតនាគារប្រឆាំងនឹងបុគ្គលពុករលួយ នៅអាហ្វ្រិក និងអាស៊ី

ក្រសួងរតនាគារសហរដ្ឋអាមេរិក  ការិយាល័យកិច្ចការសាធារណៈ  សេចក្តីប្រកាសព័ត៌មាន  ថ្ងៃទី ៩ ធ្នូ ឆ្នាំ ២០២០  ការកំណត់ដោយច្បាប់ Global Magnitsky ដៅទៅលើបុគ្គលប្រព្រឹត្តអំពើពុករលួយ និងបណ្តាញរបស់គេ នៅទិវាអន្តរជាតិប្រឆាំងអំពើពុករលួយ  ទីក្រុង Washington៖ នៅថ្ងៃនេះ ដែលជាទិវាអន្តរជាតិប្រឆាំងនឹងអំពើពុករលួយ ការិយាល័យគ្រប់គ្រងទ្រព្យសម្បត្តិបរទេស (OFAC) នៃក្រសួងរតនាគាររបស់សហរដ្ឋអាមេរិក ដៅទៅលើបុគ្គលប្រព្រឹត្តអំពើពុករលួយ និងបណ្តាញរបស់គេ នៅក្នុងប្រទេសជាច្រើន នៅទ្វីបអាហ្វ្រិក និងទ្វីបអាស៊ី។ វិធានការនៅថ្ងៃនេះត្រូវបានចាត់ស្របតាមបញ្ជាប្រតិបត្តិលេខ ១៣៨១៨ ដែលឈរលើ និងអនុវត្តតាមច្បាប់ស្តីពីគណនេយ្យភាពផ្នែកសិទ្ធិមនុស្ស Global Magnitski Act ហើយដៅទៅលើជនប្រព្រឹត្តអំពើពុករលួយ និងរំលោភសិទ្ធិមនុស្សធ្ងន់ធ្ងរ។ លោកអនុរដ្ឋមន្រ្តី Justin G. Muzinich បានមានប្រសាសន៍ថា៖ “នៅទិវាអន្តរជាតិប្រឆាំងនឹងអំពើពុករលួយ ក្រសួងរតនាគារសហរដ្ឋអាមេរិកមានការប្តេជ្ញាចិត្តដ៏ពេញលេញ ក្នុងការធ្វើឲ្យអ្នកសម្របសម្រួលអំពើពុករលួយ ដែលនាំឲ្យប៉ះពាល់ដល់ប្រយោជន៍ប្រជាជន ត្រូវធ្វើការបង់ថ្លៃ”។ ដើម្បីធ្វើឲ្យសាធារណជនមានការយល់ដឹងច្រើនលើគំនិតផ្តួចផ្តើមប្រឆាំងនឹងអំពើពុករលួយ ទិវាអន្តរជាតិប្រឆាំងនឹងអំពើពុករលួយត្រូវបានប្រារព្ធធ្វើរាល់ឆ្នាំ នៅថ្ងៃទី ៩ ខែធ្នូ ចាប់តាំងពីមហាសន្និបាតនៃអង្គការសហប្រជាជាតិបានអនុម័តលើអនុសញ្ញានៃអង្គការសហប្រជាជាតិប្រឆាំងនឹងអំពើពុករលួយ (UNCAC) កាលពីថ្ងៃទី ៣១ ធ្នូ ឆ្នាំ ២០០៣។ នៅពេលនេះ មានភាគីរដ្ឋចំនួន ១៨៧ ចូលរួមនៅក្នុងអនុសញ្ញានេះ។ ក្រៅពីផ្ញើសារប្រឆាំងនឹងអំពើពុករលួយ ក្រសួងរតនាគារអាមេរិកប្រើប្រាស់មធ្យោបាយដែលខ្លួនមាន ដើម្បីបង្កើនតម្លាភាព គណនេយ្យភាព និងនីតិរដ្ឋ។ ជាមួយនឹងការដៅទាំងនេះ ក្រសួងរតនាគារអាមេរិកលើកទឹកចិត្តរដ្ឋាភិបាលទាំងអស់ឲ្យអនុវត្តកំណែទម្រង់លើហិរញ្ញប្បទានប្រឆាំងនឹងភេរវករ ហើយនិងការលាងលុយកខ្វក់ ដើម្បីដោះស្រាយបញ្ហានៃភាពងាយរងគ្រោះដោយសារអំពើពុករលួយ។ អំពើពុករលួយនៅប្រទេសលីបេរីយ៉ា៖ Harry Varney Gboto-Nambi Sherman  Harry Varney Gboto-Nambi Sherman​ (ហៅ Sherman) ដែលនៅពេលនេះ ជាមេធាវីដ៏ល្បី ជាព្រឹទ្ធសមាជិកសភាលីបេរីយ៉ា និងជាប្រធាននៃគណៈកម្មាធិការនីតិកម្មរបស់ព្រឹទ្ធសភាលីបេរីយ៉ា បានផ្តល់សំណូកដល់ចៅក្រមជាច្រើនទាក់ទងនឹងរឿងក្តីរបស់គាត់ស្តីពីការសូកប៉ាន់ នៅឆ្នាំ ២០១០ ហើយគាត់មានទំនាស់ផលប្រយោជន៍​ ដែលគេមិនបានបង្ហាញឲ្យដឹង ជាមួយចៅក្រមម្នាក់ ដែលបានយកសាលក្រមថាគ្មានទោសលពីខែកក្កដាឆ្នាំ ២០១៩ មកកាត់ឡើងវិញ ។ Sherman តែងតែឲ្យលុយចៅក្រម ដើម្បីឲ្យសម្រេចក្តីឲ្យគាត់ឈ្នះ ហើយមានការចោទប្រកាន់ថា គាត់បានសម្របសម្រួលការទូទាត់លុយឲ្យអ្នកនយោបាយលីបេរីយ៉ា ដើម្បីឲ្យគាំទ្រការដាក់ទោសលើចៅក្រមម្នាក់ ដែលបានចេញការសម្រេចចិត្តប្រឆាំងនឹងគាត់។   នៅក្នុងការឃុបឃិតគ្នានៅឆ្នាំ ២០១០ ដែលនាំដល់ការកាត់ក្តីគាត់ Sherman បានធ្វើការឲ្យក្រុមហ៊ុនរ៉ែមួយរបស់អង់គ្លេស ដើម្បីទទួលបានកិច្ចសន្យាលើកន្លែងរ៉ែមួយ ក្នុងចំណោមកន្លែងរ៉ែនៅប្រទេសលីបេរីយ៉ា ដែលនៅសេសសល់ចុងក្រោយ គឺសម្បទានរ៉ែដែកនៅ Wologizi ។ Sherman បានណែនាំទៅក្រុមហ៊ុនថា ដើម្បីទទួលបានកិច្ចសន្យា គេត្រូវធ្វើយ៉ាងម៉េចឲ្យច្បាប់ស្តីពីសម្បទានរបស់ប្រទេសលីបេរីយ៉ា ត្រូវបានផ្លាស់ប្តូរដោយធ្វើការសូកប៉ាន់មន្រ្តីជាន់ខ្ពស់។ នៅឆ្នាំ ២០១៦ Sherman ត្រូវបានរដ្ឋាភិបាលលីបេរីយ៉ាដាក់ទោស រួមជាមួយនឹងមន្រ្តីរដ្ឋាភិបាលដទៃជាច្រើនទៀត ពីបទពាក់ព័ន្ធក្នុងការសូកប៉ាន់ដែលមានទឹកប្រាក់ចំនួន ៩៥០ ០០០ ដុល្លាអាមេរិក។​ នៅឆ្នាំ ២០១៩ ចៅក្រមកាត់ក្តីបានកាត់ឲ្យមនុស្សទាំងអស់ដែលត្រូវបានចោទប្រកាន់ថា មានពាក់ព័ន្ធនឹងការសូកប៉ាន់​នោះ រួចខ្លួន។ អំពើសូកប៉ាន់របស់ Sherman គឺជាផ្នែកមួយនៃការស្តែងឲ្យឃើញពីទម្រង់ធំនៃទង្វើ ដែលប្រើឥទ្ធិពលទៅលើប្រព័ន្ធតុលាការ និងក្រសួងយុត្តិធម៌របស់ប្រទេសលីបេរីយ៉ា។ Sherman ត្រូវបានកំណត់ថា ជាបុគ្គលបរទេសម្នាក់ ដែលជាមន្រ្តីរដ្ឋាភិបាលបច្ចុប្បន្ន ឬក្នុងពេលកន្លងមក ដែលទទួលខុសត្រូវចំពោះអំពើពុករលួយ ឬមានការពាក់ព័ន្ធ ដោយផ្ទាល់ ឬមិនផ្ទាល់ ក្នុងអំពើពុករលួយ ដែលរួមមានការគៃបន្លំយកទ្រព្យសម្បត្តិរដ្ឋ ដកហូតយកទ្រព្យសម្បត្តិឯកជនសម្រាប់ខ្លួនឯង អំពើពុករលួយទាក់ទងនឹងកុងត្រារបស់រដ្ឋាភិបាល ឬការធ្វើអាជីវកម្មលើធនធានធម្មជាតិ ឬការសូកប៉ាន់។ អំពើពុករលួយនៅសាធារណរដ្ឋ Kyrgyztan : Raimbek Matraimov  Raimbek Matraimov ហៅ Matraimov ដែលជាអតីតអនុប្រធាននៃផ្នែកគយរបស់ប្រទេស Kyrgyzstan បានមានការពាក់ព័ន្ធក្នុងផែនការគយ ដែលក្នុងនោះប្រាក់ចំនួនយ៉ាងតិច ៧០០ លានដុល្លាអាមេរិកត្រូវបានលាងចេញពីសាធារណរដ្ឋ Kyrgyzstan។ ផែនការនោះមានទាក់ទអនឹងក្រុមហ៊ុនមួយ និងការគេចពីការបង់គយរបស់គេ។ ក្រុមហ៊ុនបានសូកមន្រ្តីគយ ហើយមន្រ្តីគយបានឲ្យចេញរួចនូវផលិផលថ្លៃៗ ដោយកំណត់ថា ជាទំនិញថោកៗ ដើម្បីឲ្យក្រុមហ៊ុនបានចំណេញច្រើន។ លើសពីនេះទៀត គេអនុញ្ញាតឲ្យទំនិញបានចេញលឿនពីកន្លែងគយ។ ទំនិញរបស់ក្រុមហ៊ុនដទៃទៀត ដែលមិនទាក់ទងនឹងក្រុមហ៊ុននេះ ហើយមិនធ្វើការសូកប៉ាន់ ត្រូវបានពិនិត្យយ៉ាងដិតដល់ លើកចេញពីរថយន្ត ហើយត្រូវបានទុកចោលនៅកន្លែងគយរាប់សប្តាហ៍ ឬមានរហូតដល់រាប់ខែផង។ Matraimov បានប្រើតំណែងរបស់គាត់ដើម្បីឲ្យទំនិញរបស់ក្រុមហ៊ុនអាចឆ្លងព្រំដែននៃប្រទេស Kyrgyzstan បានយ៉ាងស្រួល។ Matraimov ទទួលបន្ទុកប្រមូលនិងចែកចាយសំណូករបស់ក្រុមហ៊ុននេះ។ លើសពីនេះទៀត Matraimov បានជួយក្រុមហ៊ុននេះ ក្នុងការរត់ពន្ធលុយចូលទៅក្នុងប្រទេស Kyrgyzstan តាមរយៈមធ្យោបាយដឹកជញ្ជូនលឿន (Courier) ។ នៅពេលគេដឹកជញ្ជូនលុយច្រើន ហើយត្រូវបានភ្នាក់ងារពង្រឹងការអនុវត្តច្បាប់នៅព្រលានយន្តហោះត្រួតពិនិត្យ គេប្រើឈ្មោះ Matraimov ដើម្បីបានបន្តដំណើរទៅមុខ។ ដោយប្រើតំណែងពីមុនមករបស់គាត់ជាអនុប្រធានផ្នែកគយរបស់ប្រទេស Kyrgyzstan Matraimov រកលុយបានរាប់លានដុល្លា នៅក្នុងការឃុបឃិតផ្នែកគយនេះ។ Matraimov ត្រូវបានចាត់ទុកថាជាជនបរទេស ជាមន្រ្តីរដ្ឋាភិបាលបច្ចុប្បន្ន ឬពីអតីតកាល ដែលមានការទទួលខុសត្រូវក្នុងការឃុបឃិត ដោយផ្ទាល់ ឬដោយមិនផ្ទាល់ នៅក្នុងអំពើពុករលួយ ដែលរួមមានការគៃបន្លំយកទ្រព្យសម្បត្តិរដ្ឋ ដកហូតយកទ្រព្យសម្បត្តិឯកជនសម្រាប់ខ្លួនឯង អំពើពុករលួយទាក់ទងនឹងកុងត្រារបស់រដ្ឋាភិបាល ឬការធ្វើអាជីវកម្មលើធនធានធម្មជាតិ ឬការសូកប៉ាន់។ អំពើពុករលួយនៅអាស៊ីអាគ្នេយ៍៖ Broken Tooth (ធ្មេញបាក់)   Wan Kuok Koi ដែលគេច្រើនហៅថា Broken Tooth (ធ្មេញបាក់) គឺជាសមាជិកម្នាក់នៃសន្និសីទពិគ្រោះយោបល់នយោបាយរបស់ប្រជាជនចិន នៃគណបក្សកុម្មុនិស្តចិន (CCP) ហើយដឹកនាំក្រុម 14K ដែលជាក្រុមមួយក្នុងចំណោមក្រុមសង្គមងងឹតដែលមានការចាត់តាំងរបស់ចិន នៅក្នុងពិភពលោក ហើយដែលធ្វើសកម្មភាពជួញដូរគ្រឿងញៀន បើកល្បែងស៊ីសងខុសច្បាប់ ធ្វើជំនួញខុសច្បាប់ ប្រព្រឹត្តការជួញដូរមនុស្ស និងសកម្មភាពខុសច្បាប់ដទៃជាច្រើនទៀត។ ក្រុម 14K ក្រៅពីធ្វើការសូកប៉ាន់ និងប្រព្រឹត្តអំពើពុករលួយ បានប្រព្រឹត្តសកម្មភាពខុសច្បាប់បែបនេះ នៅ Palau ។ Broken Tooth ត្រូវបានចាត់ទុកថាជាជនបរទេស ជាមេដឹកនាំឬជាមន្រ្តីនៃអង្គការស្ថាប័នមួយ ដែលរួមទាំងជាអង្គការស្ថាប័នរដ្ឋាភិបាល ដែលបានចូលរួម ឬដែលមានសមាជិកបានចូលរួមក្នុងអំពើពុករលួយ ដូចជាការគៃបន្លំយកទ្រព្យសម្បត្តិរដ្ឋ ដកហូតយកទ្រព្យសម្បត្តិឯកជនសម្រាប់ខ្លួនឯង អំពើពុករលួយទាក់ទងនឹងកុងត្រារបស់រដ្ឋាភិបាល ឬការធ្វើអាជីវកម្មលើធនធានធម្មជាតិ ឬការសូកប៉ាន់។ OFAC ថែមទាំងបានធ្វើការដៅទៅលើអង្គការ/ស្ថាប័នចំនួន ៣ ដែលមាន Broken Tooth  ជាម្ចាស់ ឬគ្រប់គ្រងដោយ Broken Tooth ៖ – សមាគម World Hongmen History and Culture Association ដែលមានមូលដ្ឋាននៅកម្ពុជា ហើយត្រូវបានបង្កើតឡើងដោយ Broken Tooth នៅឆ្នាំ ២០១៨ – Dongmei Group ដែលមានមូលដ្ឋាននៅហុងកុង និង – សមាគម Palau China …

អាន​បន្ថែម»

២០២០ បង្ហាញឲ្យឃើញអំពើពុករលួយ។ ពេលនេះ សម្ព័ន្ធភាពនៃប្រទេសប្រជាធិបតេយ្យកំពុងឆ្លើយតបវិញ

អត្ថបទ​របស់ Keith Krach និង Nathan A. Sales ជំងឺរាតត្បាតនៅឆ្នាំ ២០២០ នឹងស្ថិត​នៅក្នុងសៀវភៅប្រវត្តិសាស្រ្តអស់រយៈពេលយ៉ាងយូរ។ តែ​ឆ្នាំ​នេះនឹងត្រូវបានគេចងចាំថា ជាឆ្នាំដែលពលរដ្ឋនៅក្នុងពិភពលោកភ្ញាក់ចំពោះការពិតមួយស្តីពីការលាក់បាំងមនោគមន៍វិជ្ជា ការគៃបន្លំយក ការបង្ខិតបង្ខំ និងអំពើពុករលួយ​របស់គណបក្សកុម្មុយនិស្តចិន (CCP) ។ ពលរដ្ឋមើលឃើញថា CCP លាក់បាំងការផ្ទុះពីដំបូង​នៃមេរោគកូរ៉ូណា លុបបំបាត់សេរីភាព​នៅហុងកុង ប្រព្រឹត្តអំពើយង់ឃ្នងលើសិទ្ធិមនុស្ស​នៅខេត្ត Xinjiang ហើយប្រើអំពើពុករលួយដើម្បីពង្រីកបណ្តាញទូរស័ព្ទ 5G របស់ខ្លួន។ ដំណឹងល្អគឺថា ទង្វើទាំងអស់​នេះធ្វើឲ្យ​រដ្ឋាភិបាល និងក្រុមហ៊ុននានាមានចិត្តធ្វើការតបត ហើយពេលនេះ រលកកំពុងបោកបក់ប្រឆាំងទៅលើ CCP។ ថ្វីបើសាធារណរដ្ឋប្រជាមានិតចិន (PRC) គឺជាភាគីរដ្ឋជាយូរមកហើយ នៅក្នុងអនុសញ្ញា​របស់អង្គការសហប្រជាជាតិ​ ប្រឆាំងនឹងអំពើពុករលួយក្តី ដូចការចូលរួមជាច្រើន​របស់ខ្លួនជាមួយនឹងស្ថាប័នអន្តរជាតិ តែ PRC ប្រើសមាជិកភាព​របស់ខ្លួនដើម្បីធ្វើការបិទបាំងការរំលោភ​យ៉ាងជាក់ស្តែងរបស់ខ្លួន។ អំពើពុករលួយដិតដាម​នៅក្នុង DNA នៃគណបក្សកុម្មុយនិស្តចិន និងគោលនយោបាយ​របស់ខ្លួន ដូចជាគម្រោងខ្សែក្រវ៉ាត់មួយ ផ្លូវមួយ ដែលជាកម្មវិធីគោលនយោបាយការបរទេសសំខាន់មួយរបស់ខ្លួន ដែលឈរលើគម្រោងអភិវឌ្ឍហេដ្ឋារចនាសម្ព័ន្ធទ្រង់ទ្រាយធំជាបន្តបន្ទាប់ នៅទូទាំងសាកលលោក។ នៅក្រោមទង់​នៃគម្រោងខ្សែក្រវ៉ាត់មួយ ផ្លូវមួយ  PRC ប្រើប្រាស់ការឧបត្ថម្ភទុនដ៏ច្រើន និងបញ្ចា្រសទីផ្សារ ដើម្បីបានចំណែកទីផ្សារច្រើន ហើយកសាងគម្រោងហេដ្ឋារចនាសម្ព័ន្ធដែលមិនធានានិរន្តភាព និងគ្មានការទទួលខុសត្រូវចំពោះបរិស្ថាន នៅទូទាំងសាកលលោក។ គម្រោង​ទាំង​នេះច្រើនតែទទួលបានលុយពីកម្ចីបែបជញ្ជក់ឈាម និងគ្មានការទទួលខុសត្រូវរបស់ទីក្រុងប៉េកាំង ដែលធ្វើឲ្យប្រទេសដែលជាប់បំណុលស្រាប់ ត្រូវបង់លុយថ្លៃផ្លូវថ្នល់ និងផ្លូវដែក ដែលមានឡើងសម្រាប់បម្រើផលប្រយោជន៍ទីក្រុងប៉េកាំង ពោលគឺដឹកជញ្ជូនទំនិញនាំចេញ​របស់ប្រទេសចិន ហើយទាញយកធនធានធម្មជាតិ​របស់ប្រទេសម្ចាស់ស្រុក។ បន្ថែមពីលើ​នេះទៀត ទីក្រុងប៉េកាំងច្រើនពឹងផ្អែកលើកម្លាំងពលកម្មរបស់ចិន ហើយផ្តល់កុងត្រាឲ្យសហគ្រាសរដ្ឋចិន ដែលជាការកាត់បន្ថយយ៉ាងច្រើន នូវប្រយោជន៍​សេដ្ឋកិច្ចបណ្តោះអាសន្នដែលគម្រោង​ទាំង​នោះអាចផ្តល់ឲ្យប្រទេសម្ចាស់ផ្ទះ។ ជាមួយនឹងពលកម្មនិងការប្រតិបត្តិទាក់ទងនឹងបរិស្ថានមានកម្រិតស្តង់ដាទាប គម្រោងទាំង​នោះថែមទាំងអាចបំផ្លាញបរិស្ថាន និងបណ្តាលឲ្យមានការរជើបរំជួលក្នុងសង្គម  នៅពេលក្រោយមក។  ក្រុមហ៊ុនបច្ចេកវិទ្យា​ធំៗរបស់ចិនក៏មានការចូលដៃដែរ។ ក្រុមហ៊ុនធំជាងគេពីរ គឺក្រុមហ៊ុន Huawei និងក្រុមហ៊ុន ZTE ត្រូវបានរកឃើញថា មានជាប់ពាក់ព័ន្ធនឹងរឿងអាស្រូវពុករលួយ នៅក្នុងប្រទេសអាហ្វ្រិកចំនួនយ៉ាងតិច ១៥ ប្រទេស។ ក្រុមហ៊ុន ZTE បានសូកប៉ាន់មន្រ្តីលីបេរីយ៉ា ដើម្បីទទួលបានកុងត្រាដែលផ្តល់ការចំណេញច្រើន ក្នុងការផ្តល់សេវាផ្នែកទូរគមនាគមន៍​ ដោយដេញថ្លៃឈ្នះក្រុមហ៊ុនមួយ​របស់អាមេរិក ហើយក្រុមហ៊ុន Huawei ត្រូវបានគេស៊ើបអង្កេតពីបទចោទប្រកាន់ថាបានធ្វើការសូកប៉ាន់ទាក់ទងនឹងកុងត្រាដែលមានទឹកលុយរាប់លានដុល្លា ដើម្បីកសាងប៉ម នៅតាមតំបន់ជនបទ នៅប្រទេស Zambia ។ នៅប្រទេស Algeria ក្រុមហ៊ុន Huawei ត្រូវបានហាមមិនឲ្យធ្វើការដេញថ្លៃជាសាធារណៈលើកុងត្រា បន្ទាប់ពីអ្នកគ្រប់គ្រងក្រុមហ៊ុន​នោះរងការចោទប្រកាន់ថា បានបង់ប្រាក់ចំនួន ១០ លានដុល្លារជាសំណូក ដល់អតីតប្រធានអ្នកគ្រប់គ្រងផ្នែកទូរគមនាគមន៍​រដ្ឋ។ អំពើពុករលួយ​របស់ PRC ថែមទាំងឆ្លងដល់សេរីភាពផ្នែកសិក្សាស្រាវជ្រាវ នៅទូទាំងពិភពលោកថែមទៀត​ផង។ នៅខែវិច្ឆិកា ឆ្នាំ ២០១៩ ស្ថានទូតចិន​នៅទីក្រុង Prague ត្រូវបានរកឃើញថា បានបង់លុយ​ដោយសម្ងាត់ឲ្យសាស្រ្តាចារ្យ​នៅសាកលវិទ្យាល័យ Charles University ដែលជាស្ថាប័នសិក្សាស្រាវជ្រាវដ៏ល្បីបំផុត​របស់សាធារណរដ្ឋឆេក ដើម្បីឲ្យបង្ហាញរូបភាពវិជ្ជមាន​នៃឱកាសសេដ្ឋកិច្ច និងការវិនិយោគ​របស់ PRC ។ ដូចគ្នា​នេះដែរ ទីក្រុងប៉េកាំងប្រើវិទ្យាស្ថាន Confucius Institute របស់ខ្លួននៅទូទាំងសហរដ្ឋអាមេរិក និងពិភពលោក ដើម្បីតាមដានការនិយាយស្តី ហើយជំរុញការបន្ថយការនិយាយប៉ះពាល់ខ្លួន នៅតាមសាលា។  អំពើពុករលួយជាបន្តទាំង​នេះប៉ះពាល់សន្តិសុខ និងសេដ្ឋកិច្ចនៃសង្គមទាំងមូល។ សហរដ្ឋអាមេរិកបានទទួលស្គាល់ និងផ្តល់អាទិភាព​ដល់ការខិតខំប្រយុទ្ធប្រឆាំងនឹងផលវិបាកដែលធ្វើឲ្យមានអស្ថិរភាព​​នៃ​ អំពើពុករលួយក្នុងសាកលលោក ជាយូរមកហើយ។ សហរដ្ឋអាមេរិកគឺជាប្រទេសដំបូងគេ ដែលបានដាក់ទោសព្រហ្មទណ្ឌចំពោះការសូកប៉ាន់។ ក្នុងពេលថី្មៗ​នេះ ក្នុងឆ្នាំ ២០១៩ ក្រសួងយុត្តិធម៌អាមេរិកចេញការចោទប្រកាន់ពីបទសូកប៉ាន់នៅបរទេសក្នុងចំនួនច្រើនបំផុតក្នុងមួយឆ្នាំ ក្នុងប្រវត្តិសាស្រ្ត ប្រឆាំងនឹងបុគ្គល ហើយតុលាការក៏​ធ្វើការដាក់ទោសច្រើនបំផុតផងដែរ។ សហរដ្ឋអាមេរិកថែមទាំងកំពុងផ្តល់លទ្ធភាពដល់ដៃគូ ក្នុងការប្រយុទ្ធប្រឆាំងនឹងអំពើពុករលួយ។ ក្នុងរយៈពេល ៣ ឆ្នាំមក​នេះ យើងបានផ្តល់ប្រាក់ចំនួនជាង ១០០ លានដុល្លារ ក្នុងមួយឆ្នាំៗ ជាជំនួយបរទេសសម្រាប់កសាងសមត្ថភាព​ប្រឆាំងនឹងអំពើពុករលួយ ហើយសហរដ្ឋអាមេរិកក៏កំពុងតែធ្វើការជាមួយស្ថាប័នពហុភាគីជាច្រើនទៀតផងដែរ។ កាលពីខែមុន យើងបានបន្តបង្ហាញភាពជាអ្នកដឹកនាំ​របស់យើង នៅក្នុងកិច្ចប្រជុំថ្នាក់រដ្ឋមន្រ្តីប្រឆាំងនឹងអំពើពុករលួយជាលើកដំបូង ក្នុងកិច្ចប្រជុំនៃប្រទេសមានសេដ្ឋកិច្ចធំជាងគេចំនួន ២០។ គន្លឹះសំខាន់​គឺនៅត្រង់ជួយ​ប្រទេសនានា ក្នុងការតបតនឹងអំពើពុករលួយ​របស់ PRC នៅទូទាំងសាកលលោក។ នៅក្នុងផ្នែកសន្តិសុខបច្ចេកវិទ្យាជាសាកល បណ្តាញដែលមានឈ្មោះថា បណ្តាញស្អាតស្អំ (Clean Network) គឺជាគំរូមួយក្នុងការទប់ទល់នឹងក្រុមហ៊ុនដែលពុករលួយ និងតាមដានរដ្ឋរបស់គណបក្សកុម្មុយនិស្តចិន ដូចជាក្រុមហ៊ុន Huawei និងក្រុមហ៊ុន ZTE ។ សម្ព័ន្ធភាពដែលកំពុងរីកធំយ៉ាងរហ័សនេះ ធ្វើការតាមគោលការណ៍ដែលមានទំនុកចិត្តតាមលទ្ធិប្រជាធិបតេយ្យ ហើយ​នៅពេលនេះ មានប្រទេសដែលមានគំនិតដូចគ្នាចំនួនជាង ៥០ ក្រុមហ៊ុនទូរគមនាគមន៍​ចំនួន ១៨០ និង​ក្រុមហ៊ុនឧស្សាហកម្មឈានមុខជាច្រើនជាសមាជិក។ ជោគជ័យ​នៃសម្ព័ន្ធភាពនៃប្រទេសប្រជាធិបតេយ្យទាំង​នេះគឺជាគ្រឹះរឹងមាំ សម្រាប់វិស័យសហប្រតិបត្តិការដទៃទៀត ដូចជាហេដ្ឋារចនាសម្ព័ន្ធស្អាត។ សហរដ្ឋអាមេរិកបានធ្វើជាដៃគូជាមួយប្រទេសជប៉ុន និងអូស្ត្រាលី ក្នុងការផ្តើមបង្កើតឡើងនូវបណ្តាញ Blue Dot Network ដែល​នៅពេលនេះ រួមមានកោះតៃវ៉ាន់ និងប្រទេស​ដែលគេហៅថា Three Seas Nations ចំនួន ១២ ដើម្បីបញ្ជាក់ពីគម្រោងហេដ្ឋារចនាសម្ព័ន្ធដែលគ្មានអំពើពុករលួយ មានគុណភាពខ្ពស់ និងទទួលបាននូវការទុកចិត្ត។ ពិភពលោកទាំងមូលរងការខាតបង់ នៅពេល PRC លួចបន្លំ ហើយសូកប៉ាន់ ដើម្បីទទួលបានឥទ្ធិពល និងទ្រព្យសម្បត្តិ។ បញ្ហាជាសាកល​នេះទាមទារដំណោះស្រាយជាសាកល ដែលជំរុញទឹកចិត្តនៃរដ្ឋាភិបាល ក្រុមហ៊ុន អង្គការមិនមែនរដ្ឋាភិបាល និងពលរដ្ឋសាមញ្ញ។ បណ្តាញ Clean Network ផ្តល់ជាក្របខ័ណ្ឌមួយ​សម្រាប់ធ្វើឲ្យមានការឯកភាពគ្នា​នៃសម្ព័ន្ធនៃដៃគូដែលទទួលបានការទុកចិត្ត ក្នុងការបំភ្លឺទៅលើអំពើពុករលួយ​របស់បក្សកុម្មុយនិស្តចិន ហើយកាត់បន្ថយឱកាសសម្រាប់ការប្រព្រឹត្តអំពើពុករលួយរបស់ PRC ។

អាន​បន្ថែម»

រង្វាន់រហូតដល់ ៥ លានដុល្លា

ចំពោះព័ត៌មានស្តីពីសកម្មភាពខុសច្បាប់​របស់ប្រទេស កូរ៉េខាងជើង ដែលរំលោភលើទណ្ឌកម្មរបស់សហរដ្ឋអាមេរិក  និងរបស់អង្គការសហប្រជាជាតិ។ របបនៅប្រទេសកូរ៉េខាងជើង របស់ Kim Jong Un ប្រើប្រាស់ ការលាងសម្អាតលុយ ការលួច ការចាប់ជំរិត និងការដឹកជញ្ជូន​ដោយ ខុសច្បាប់ ដើម្បីបានប្រាក់សម្រាប់កម្មវិធីអាវុធប្រល័យលោក​របស់ខ្លួន។ ប្រទេសកូរ៉េខាងជើងធ្វើការវាយប្រហារតាមប្រព័ន្ធអ៊ិនធ័រណែត ហើយ បញ្ជូនចោរតាមអ៊ិនធ័រណែត និងកម្មករ…នៅទូទាំងសាកលលោក ដើម្បីរក ចំណូលសម្រាប់កសាងអាវុធនុយក្លេអ៊ែរ។ រដ្ឋាភិបាលសហរដ្ឋអាមេរិកនឹងផ្តល់រង្វាន់រហូតដល់ ៥ លានដុល្លា ចំពោះ ព័ត៌មានស្តីពីការរំលោភ​នៃប្រទេសកូរ៉េខាងជើង ចំពោះទណ្ឌកម្ម​របស់ សហរដ្ឋអាមេរិក និងរបស់អង្គការសហប្រជាជាតិ។ សូមទាក់ទងយើងនៅថ្ងៃ​នេះ! ចំពោះព័ត៌មានស្តីពីការគេចវេសទណ្ឌកម្ម​និងសកម្មភាពខុសច្បាប់តាមប្រព័ន្ធអ៊ិនធ័រណែត ដោយប្រទេសកូរ៉េខាងជើង ប្រឆាំងទៅលើសហរដ្ឋអាមេរិក។ របប​នៅប្រទេសកូរ៉េខាងជើង និងអ្នកគាំទ្ររបស់ខ្លួនធ្វើសកម្មភាពខុសច្បាប់ ដែលរួមមានការលាងលុយ  ការគេចពីទណ្ឌកម្ម និងបទល្មើសតាមប្រព័ន្ធអ៊ិនធ័រណែត ដើម្បីបានប្រាក់សម្រាប់ធ្វើការអភិវឌ្ឍអាវុធនុយក្លេអ៊ែរខុសច្បាប់របស់ខ្លួន។ សូមជួយយើងក្នុងការបញ្ឈប់សកម្មភាពខុសច្បាប់ទាំង​នេះ។ បើលោកអ្នកមានព័ត៌មាន សូមផ្ញើសារទៅកាន់ Rewards for Justice តាម​Signal, Telegram ឬ WhatsApp ។

អាន​បន្ថែម»

វិចារណកថារួម៖ បញ្ឈប់នូវការរាតត្បាតដ៏ខ្លាំងក្លានូវជំងឺអេដស៍ និង​កូ​វីដ ១៩ តាម​រយៈការទទួលខុសត្រូវរួមគ្នា និង​សាមគ្គីភាពជាសាកល 

ថ្ងៃទី​១ ខែធ្នូ ៖ ទិវាប្រយុទ្ធប្រឆាំង​ជំងឺអេដស៍ គឺជា​ពេលវេលា​ត្រូវចងចាំ​នូវជីវិតដែលបាន​បាត់​បង់ ការ​អបអរនូវ​វឌ្ឍនភាពដែលសម្រេចបាន និង​ប្តេជ្ញាឡើងវិញចំពោះការលុបបំបាត់ជំងឺអេដស៍។ នៅក្នុង​ឆ្នាំនេះ គ្រាដែលមេរោគហ៊ីវ និង​ការរាតត្បាតនៃជំងឺកូវីដ ១៩ កំពុងរាតត្បាតមកជាមួយគ្នា ប្រធានបទនៃទិវាប្រយុទ្ធ​ជំងឺអេដស៍ ឆ្នាំ ២០២០ គឺ «សាមគ្គីភាពជាសាកល និង​ការទទួលខុសត្រូវរួមគ្នា»។ ការរាតត្បាតនៃមេរោគកូវីដ ១៩ បាន​ប៉ះពាល់យ៉ាង​ខ្លាំង​បំផុត ដល់​អ្នកក្រីក្រ និង​អ្នកងាយរងគ្រោះបំផុត និងបាន​បង្កបញ្ហាលំបាកកាន់តែធំ ដល់អ្នក​ផ្ទុកមេរោគអេដស៍។ ដូច្នេះរាល់ភាគីពាក់ព័ន្ធ​ទាំង​អស់ ដែល​ធ្វើការងារ​ប្រយុទ្ធ​ប្រឆាំង​នឹង​មេរោគកូវីដ ១៩ និង​ជំងឺអេដស៍នេះ ទាំង​រដ្ឋាភិបាល ម្ចាស់ជំនួយ មេដឹកនាំ​សាសនា អ្នក​សិក្សាស្រាវជ្រាវ សង្គមស៊ីវិល អ្នកជំងឺអេដស៍ និង​ពលរដ្ឋដែល​ស្ថិតនៅក្នុងភាពគ្រោះថ្នាក់នេះ ត្រូវ​ធ្វើការ​ជាមួយ​គ្នា ដើម្បី​បញ្ឈប់​នូវបញ្ហាជាទ្វេគ្រោះនេះ ។   សូ ធារី ជាមនុស្ស​ម្នាក់ក្នុងចំណោមវីរជនដែលមិនសូវមានគេស្គាល់ ជាច្រើននៅកម្ពុជា។ គាត់កំពុង​ប្រយុទ្ធ​ជាមួយ​នឹង​ជំងឺរាតត្បាតភ្លោះនេះ គឺជំងឺអេដស៍ និង​កូវីដ ១៩។ នាងកំពុងរស់នៅជាមួយ​នឹង​មេរោគហ៊ីវ ហើយ​ធ្វើការ​ជាអ្នក​ផ្តល់​ប្រឹក្សា ឲ្យ​សមាគមអ្នក​ប្រើប្រាស់ថ្នាំ​ពន្យារជីវិត​ (AUA) ក្នុង​រាជធានី​ភ្នំពេញ។ ធារីនិយាយទាំង​ញញឹម​ថា ៖ «កាលពី​អតីតកាល ខ្ញុំ​ជា​ស្ត្រីមេផ្ទះ​សាមញ្ញម្នាក់។ គេហៅខ្ញុំ​ថា បងស្រី ប៉ុន្តែ​ក្រោយ​ធ្វើការ​នៅ​កន្លែងព្យាបាលមួយ​កន្លែង គេហៅខ្ញុំ​ថា​ អ្នកគ្រូ»។ នាង​បន្តថា ​៖ «ខ្ញុំ​មិន​ចង់ឈប់មក​ធ្វើការទេ​ ទោះជា​ខ្ញុំ​ខ្លាចថា ​ខ្ញុំ​អាច​ឆ្លង​កូវីដ ១៩ក៏ដោយ ព្រោះខ្ញុំ​ចង់​ឲ្យ​ប្រាកដថា​អ្នក​ផ្ទុកមេរោគអេដស៍ អាចទទួល​បាន​ការ​ព្យាបាល​ …

អាន​បន្ថែម»

សហរដ្ឋអាមេរិកផ្តល់ជំនួយបន្ថែម ដើម្បីឆ្លើយតបទៅនឹងគ្រោះទឹកជំនន់ដ៏ធ្ងន់ធ្ងរនៅកម្ពុជា

សេចក្តីប្រកាសព័ត៌មាន  ថ្ងៃទី ២៤ ខែ​វិច្ឆិកា ឆ្នាំ ២០២០ សហរដ្ឋអាមេរិក តាមរយៈ ទីភ្នាក់ងារជំនួយ អាមេរិក (USAID) ផ្តល់ជំនួយមនុស្សធម៌បន្ថែមចំនួន ៦០០ ០០០ ដុល្លាអាមេរិក សម្រាប់ជួយដល់ការខិតខំ​ក្នុងការឆ្លើយតបនឹងគ្រោះទឹកជំនន់ដ៏ធ្ងន់ធ្ងរ នៅកម្ពុជា ដែលបណ្តាលមកពីព្យុះត្រូពិក ដែលមានជាបន្តបន្ទាប់គ្នា និងភ្លៀងខ្លាំងផ្ទួនៗដែលមានរយៈពេលយូរ តាំងពីដើម​ខែតុលាមក។   លោកឯកអគ្គរដ្ឋទូតអាមេរិក W. Patrick Murphy បានមានប្រសាសន៍ថា៖ “យើងមានការអាណិត ដោយឃើញប្រជាជនកម្ពុជាងាយរងគ្រោះជាច្រើន មាន​ការខ្វះខាត ដោយសារតែគ្រោះទឹកជំនន់​ នៅឆ្នាំ​នេះ។ សហរដ្ឋអាមេរិក នឹងផ្តល់ជំនួយសង្គ្រោះជាបន្ថែម ក្នុងស្មារតីសាមគ្គីភាពជាមួយសហគមន៍ដែលរងគ្រោះដោយ​​​គ្រោះទឹកជំនន់ទាំង​នេះ”។  ជាមួយនឹងថវិកាបន្ថែម​នេះ ការិយាល័យផ្តល់ជំនួយ​មនុស្សធម៌ ​របស់ទីភ្នាក់ងារជំនួយអាមេរិក USAID នឹងជួយដល់អង្គការកម្មវិធីស្បៀងអាហារពិភពលោក (WFP) ក្នុងការផ្តល់ជំនួយក្នុងគ្រាបន្ទាន់ ដើម្បីជួយគ្រួសារចំនួន ៣ ៧២៥ ដែលរងផលប៉ះពាល់ ដើម្បីឲ្យគេទិញស្បៀងអាហារ។ ជំនួយ​នេះ បានបន្ថែមទៅលើទឹកប្រាក់ចំនួន ១០០ ០០០ ដុល្លា ដែលទីភ្នាក់ងារ USAID បានផ្តល់ឲ្យដំបូង ដល់អង្គការ WFP បន្ទាប់ពីមានគ្រោះទឹកជំនន់ភ្លាម សម្រាប់ជួយក្នុងការចែកចាយស្បៀងជាបន្ទាន់ ​ដល់គ្រួសារចំនួនជាង ២៥៦០  នៅក្នុងតំបន់ដែលរងគ្រោះខ្លាំងជាងគេ ក្នុងខេត្តពោធិសាត់។    លោកស្រី Claire Conan  តំណាងនៃអង្គការ WFP បានមានប្រសាសន៍ថា៖ “យើងសូមអរគុណដល់ទីភ្នាក់ងារ USAID ចំពោះជំនួយបន្ថែម​នេះ សម្រាប់គ្រួសារខ្សត់ខ្សោយ ដែលរងគ្រោះដោយទឹកជំនន់។ ជំនួយ​នេះ​មានសារៈសំខាន់​ណាស់សម្រាប់ស្តារស្ថាន​ភាព​របស់គេ ពិសេស​ដោយពួកគេជាច្រើ​នក៏រងគ្រោះផងដែរដោយសារ​បញ្ហា​ជំងឺរាតត្បាត​ជា​សាកល។ អង្គការ WFP នឹង​ធ្វើការ​ជិតស្និទ្ធ​ជាមួយ​រដ្ឋាភិបាល និងដៃគូ នៅក្នុងដំណាក់កាលថ្មី​នេះ​ នៃការឆ្លើយតបនឹងគ្រោះទឹកជំនន់”។  ក្រៅពីនេះទៀត ជាមួយនឹងជំនួយ​របស់ទីភ្នាក់ងារ USAID អង្គការ WFP បានជួយពង្រឹងប្រព័ន្ធព័ត៌មាន​លើការគ្រប់គ្រងគ្រោះមហន្តរាយថ្នាក់ជាតិ របស់គណៈកម្មាធិការជាតិគ្រប់គ្រងគ្រោះមហន្តរាយកម្ពុជា។ ការ​នេះបានរួមចំណែកធ្វើឲ្យគណៈកម្មាធិការនេះ ​អាចតាមដានហានិភ័យ និងផលប៉ះពាល់ នៅពេលមានគ្រោះទឹកជំនន់ ហើយអាចគៀងគរធនធានបានឆាប់រហ័ស សម្រាប់ធ្វើការឆ្លើយតប នៅតាមតំបន់ដែលរងផលប៉ះពាល់។   ក្រៅពីនេះទៀត ដោយមានជំនួយ​របស់ទីភ្នាក់ងារ USAID អង្គការ WFP បានជួយដល់វេទិកាឆ្លើយតបមនុស្សធម៌ ដោយជួយធ្វើការសម្របសម្រួលការឆ្លើយតបនឹងគ្រោះទឹកជំនន់ នៅក្នុងវិស័យ​នានា ហើយធ្វើសេចក្តីរាយការណ៍អំពីស្ថាន​ភាពទឺកជំនន់ នៅក្នុងពេលមានវិបត្តិកើតឡើង។  តាំងពីឆ្នាំ ២០០០ មក ទីភ្នាក់ងារ USAID បានផ្តល់ថវិកាចំនួនជិត ១៣ លានដុល្លារ ជាជំនួយសម្រាប់កាត់បន្ថយហានិភ័យ សម្រាប់ការត្រៀមបម្រុង និងសម្រាប់ការឆ្លើយតបនឹងគ្រោះមហន្តរាយ​ នៅកម្ពុជា។ នៅក្នុងឆ្នាំ ២០២០ នេះ សហរដ្ឋអាមេរិក​ កំពុងធ្វើការរំលឹកខួបលើកទី ៧០ នៃការបង្កើតទំនាក់ទំន​ងការទូត​ រវាងប្រទេសទាំងពីរ។  ###   ព័ត៌មាន​បន្ថែមសូមទាក់ទងៈ អ្នកស្រី ជា ជូ មន្ត្រីផ្នែកទំនាក់ទំនង  កម្មវិធីស្បៀងអាហារពិភពលោក  លេខទូរស័ព្ទ៖ +855 78 565 283  អ៊ីម៉េល: chou.chea@wfp.org 

អាន​បន្ថែម»

នួននិស្សិតកម្ពុជា កំពុងសិក្សា​នៅសហរដ្ឋអាមេរិក កើនឡើងខ្ពស់

យោងតាមរបាយការណ៍​ថ្មីមួយរបស់រដ្ឋាភិបាលសហរដ្ឋអាមេរិក ចំនួន​និស្សិត​ដែល​បាន​សិក្សា​​នៅ ក្នុង​មហាវិទ្យាល័យ និងសាកលវិទ្យាល័យនៅសហរដ្ឋអាមេរិក បាន​កើន​ឡើង​ខ្ពស់នៅឆ្នាំ ២០១៩–២០២០ ដោយមានកំណើន ៨,៣% លើសឆ្នាំលើសឆ្នាំមុន។   របាយការណ៍ Open Doors ឆ្នាំ ២០២០ ស្តីពី​ការផ្លាស់​ប្តូរ​​ផ្នែក​សិក្សា​អប់រំ​អន្តរជាតិ ​បាន​បង្ហាញ​​ឲ្យ​ឃើញ​ថា និស្សិតកម្ពុជាចំនួន ៧៤២ នាក់បានរៀន​នៅក្នុងមហាវិទ្យាល័យ និង​សាកល​វិទ្យាល័យ ក្នុង​សហរដ្ឋ​អាមេរិក​ដែល​ជាកំណើនលើសឆ្នាំ ២០១៨–២០១៩ ដែលមានចំនួន ៦៨៥ នាក់។ ចំនួន​នេះ បន្តនិន្នាការ វិជ្ជមាន ដែលមាន​នៅក្នុងរយៈពេល ៦ ឆ្នាំកន្លងមកនេះ។  លោក W. Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំប្រទេសកម្ពុជា បានមានប្រសាសន៍ថា ៖ “នេះជាព័ត៌មានដ៏ប្រពៃ និងគួរឲ្យលើកទឹកចិត្ត។ យើងក៏រីករាយផងដែរ ដែល​និស្សិត​កម្ពុជា​មើលឃើញពីតម្លៃពិតប្រាកដ​នៃផ្នែកឧត្តមសិក្សា​របស់អាមេរិក។ ការ​មាន​និស្សិត​ខ្មែរ​សិក្សា​នៅ​ក្នុង​សហរដ្ឋ​អាមេរិក​ គឺជាការល្អសម្រាប់​ប្រទេសយើងទាំងពីរ ហើយ​វា​ពង្រឹង​ទំនាក់​ទំនង​រវាង​ប្រជាជន និងប្រជាជន​របស់​យើង”។   សហរដ្ឋអាមេរិកគឺជាគោលដៅទី១ នៅក្នុងពិភពលោក សម្រាប់និស្សិតអន្តរជាតិ ដោយ​មាន​និស្សិត​អន្តរជាតិ​ចំនួនជាង ១ លាននាក់ នៅឆ្នាំ ២០១៩ – ២០២០។   ស្ថានទូត​នៃសហរដ្ឋអាមេរិកនៅកម្ពុជា ជំរុញឱកាសសម្រាប់ឲ្យនិស្សិតកម្ពុជា បានសិក្សា​នៅ​សហរដ្ឋ​អាមេរិក តាមរយៈមជ្ឈមណ្ឌល EducationUSA របស់ខ្លួន និងសាកលវិទ្យាល័យបញ្ញាសាស្រ្ត នៅភ្នំពេញ។ ស្ថានទូតថែមទាំងជំរុញឱកាសនេះផងដែរ តាមរយៈសកម្មភាព​នៅតាមបណ្ណាល័យ​របស់​ស្ថានទូត ដែល​ស្ថិត​នៅ​តាម​ទីតាំងចំនួន ៤ នៅប្រទេសកម្ពុជា និងនៅតាមសាលានានា​នៅកម្ពុជា ទូទាំង​ប្រទេស។  …

អាន​បន្ថែម»

សេចក្តីថ្លែងការណ៍រួមស្តីពីហុងកុង

ថ្ងៃទី ១៨ វិច្ឆិកា ឆ្នាំ ២០២០ យើង ដែលជារដ្ឋមន្រ្តីក្រសួងការបរទេស​នៃប្រទេសអូស្ត្រាលី កាណាដា ណូវែលហ្សេឡង់ ចក្រភពអង់គ្លេស និងសហរដ្ឋអាមេរិក សូមសម្តែងជាថ្មី នូវកង្វល់ដ៏ជ្រាលជ្រៅរបស់យើង ចំពោះការដាក់ឲ្យអនុវត្តនូវច្បាប់ថ្មី ដែលផាត់ចោលសមាជិកសភាជាប់ឆ្នោត នៅហុងកុង។ បន្ទាប់ពីការដាក់ឲ្យអនុវត្ត​នូវច្បាប់សន្តិសុខជាតិ និងការផ្អាកការបោះឆ្នោតក្រុមប្រឹក្សានីតិបញ្ញតិ្ត កាលពីខែកញ្ញា ការសម្រេចចិត្ត​នេះនឹងបំផ្លាញថែមទៀត​ ដល់កម្រិតខ្ពស់​នៃស្វ័យភាព សិទ្ធិ និងសេរីភាព​របស់ទឹកដីហុងកុង។ សកម្មភាព​របស់ប្រទេសចិន គឺជាការរំលោភយ៉ាងច្បាស់ លើកាតព្វកិច្ចជាអន្តរជាតិរបស់ខ្លួន នៅក្រោមសេចក្តីប្រកាសរួមគ្នារបស់ប្រទេសចិន និងចក្រភពអង់គ្លេស ដែលត្រូវបានតម្កល់​នៅអង្គការសហប្រជាជាតិ និងដែលមានតម្លៃតាមផ្លូវច្បាប់។ សកម្មភាព​នេះ​រំលោភទាំងទៅលើការប្តេជ្ញាចិត្តរបស់ប្រទេសចិន ដែលថា ទឹកដីហុងកុងនឹងទទួលបាន”ស្វ័យភាពកម្រិតខ្ពស់” និងសេរីភាព​ក្នុងការសម្តែងមតិ។ ច្បាប់ផាត់ចោលនេះទំនងជាផ្នែកមួយ​នៃយុទ្ធនាការរួម ក្នុងការបំបាត់សម្លេងទិតៀនទាំងអស់ បន្ទាប់ពីការផ្អាក​ការបោះឆ្នោតក្រុមប្រឹក្សានីតិបញ្ញត្តិ កាលពីខែកញ្ញា ការធ្វើការចោទប្រកាន់ទៅលើសមាជិកសភាជាប់ឆ្នោតមួយចំនួន និងសកម្មភាពបំផ្លាញសេរីភាពផ្នែកប្រព័ន្ធឃោសនាដ៏រស់រវើក នៅទឹកដីហុងកុង។ យើងសូមអំពាវនាវឲ្យប្រទេសចិន បញ្ឈប់ការបំផ្លាញសិទ្ធិ​របស់ប្រជាជនហុងកុង ក្នុងការជ្រើសរើសតំណាងរបស់ពួកគេ ស្របតាមសេចក្តីប្រកាសរួម និងច្បាប់ជាមូលដ្ឋាន។ ដើម្បីវិបុលភាព និងស្ថិរភាព​នៃទឹកដីហុងកុង ប្រទេសចិន និងអាជ្ញាធរហុងកុង ចាំបាច់ត្រូវគោរពបណ្តាញសម្រាប់ឲ្យប្រជាជនហុងកុងអាចសម្តែងមតិ និងកង្វល់ស្របច្បាប់របស់ពួកគេបាន។ ក្នុងនាមជាសមាជិកឈានមុខគេ​នៃសហគមន៍​អន្តរជាតិ យើងរំពឹងថា ប្រទេសចិននឹងបំពេញតាមការប្តេជ្ញាចិត្តជាអន្តរជាតិ និងកាតព្វកិច្ចរបស់ខ្លួន …

អាន​បន្ថែម»

រដ្ឋាភិបាលសហរដ្ឋអាមេរិក ជួយជនរងគ្រោះដោយទឹកជំនន់ ជាង ២៥០០ គ្រួសារ នៅខេត្តពោធិសាត់

សេចក្តីប្រកាសព័ត៌មាន   ថ្ងៃទី ២ ខែវិច្ឆិកា ឆ្នាំ ២០២០  ស្ថានទូតអាមេរិក បាន​ផ្តល់ជំនួយ​ជា​ស្បៀងអាហារជូន​ដល់​គ្រួសារជាង ២៥០០ នៅខេត្តពោធិសាត់ នៃ​ប្រទេស​កម្ពុជា កាលពី​សប្តាហ៍មុន ដែលជាជំនួយរបស់ ទីភ្នាក់ងារជំនួយអាមេរិក​ USAID និងត្រូវបានចែកចាយ​តាមរយៈ កម្មវិធីស្បៀងអាហារពិភពលោក WFP របស់អង្គការសហប្រជាជាតិ។ ប្រទេសកម្ពុជាកំពុងទទួលរងគ្រោះទឹកជំនន់ខ្លាំងបំផុត ​ក្នុងរយៈពេល ២០ ឆ្នាំមក​នេះ ពិសេស​នៅតាមតំបន់ដែលមិនបានត្រៀមចំពោះទឹកជំនន់ដ៏គំហុកនេះ។ ភ្លៀងខ្លាំងជាប់ៗគ្នា បានបណ្តាលឲ្យមានទឹកជំនន់យ៉ាងរហ័ស ដែលប៉ះពាល់ដល់ខេត្តយ៉ាងតិចចំនួន ១៤ ក្នុងចំណោមខេត្តទាំង ២៥ នៅក្នុងប្រទេស ដោយរួមទាំងរាជធានីភ្នំពេញផងដែរ។ មនុស្ស​ចំនួនជិត ២០០ ០០០ គ្រួសារ បានរងផលប៉ះពាល់ មានមនុស្ស ៤០ នាក់បានស្លាប់ ហើយជាង ១៤ ០០០ នាក់ត្រូវបានជម្លៀស។ ដីកសិកម្មចំនួនជិត ៣៣០ ០០០ ហិកតា និងផ្លូវថ្នល់ប្រវែងជិត ២ ១០០ គីឡូម៉ែត្រ​ បានរងការខូចខាត ដែលជាហេតុធ្វើឲ្យមានការប៉ះពាល់ដល់បញ្ហាស្បៀងអាហារ និងការប្រកបជីវភាព​រស់នៅ​របស់ប្រជាជន។ អង្គការ WFP បានចែកជំនួយស្បៀងអាហារ កាលពីថ្ងៃទី ២៨ ខែតុលា ទៅដល់គ្រួសាររងគ្រោះធ្ងន់ធ្ងរដោយទឹកជំនន់ចំនួន ២ ៥៦០ គ្រួសារ នៅក្នុងស្រុកចំនួន ៣ នៅក្រុងពោធិសាត់ ស្រុកបាកាន និងភ្នំក្រវាញ នៃខេត្ត​ពោធិសាត់។ គ្រួសារទាំង​នោះត្រូវបាជ្រើសរើសដោយឆ្លងតាមការសម្របសម្រួលជាមួយអាជ្ញាធរខេត្ត ស្រុក និងឃុំ។ មានការផ្តល់អាទិភាព​ទៅលើគ្រួសារ​ដែលស្ថិត​ក្នុងស្ថាន​ភាពងាយរងគ្រោះ ដោយរួមទាំងគ្រួសារដែលត្រូវបានចុះបញ្ជី​នៃកម្មវិធីជំនួយសម្រាប់ភាពក្រីក្ររបស់រដ្ឋាភិបាល និងគ្រួសារដែលមានស្រ្តីជាមេគ្រួសារ ដោយមើលឃើញថា ទឹកជំនន់បានធ្វើឲ្យចំណូល និងស្បៀងនៅសល់ក្នុងគ្រួសារ​របស់គេ ដែលមានតិចស្រាប់​នោះ កាន់តែមានចំនួនតិចទៅៗ។ ទីភ្នាក់ងារជំនួយអាមេរិក USAID បានផ្តល់ថវិកាចំនួនជាង ៧ លានដុល្លារ សម្រាប់ការឆ្លើយតប ការត្រៀមរៀបចំ​សម្រាប់គ្រោះមហន្តរាយ និងការកាត់បន្ថយហានិភ័យនៅកម្ពុជា គិតតាំងពីឆ្នាំ ២០០០ មក។ តាមរយៈគម្រោងស្តីពីភាពជាដៃគូរវាងសហរដ្ឋអាមេរិក និងតំបន់ទន្លេមេគង្គ សហរដ្ឋអាមេរិក ថែមទាំងកំពុងតែពង្រឹងលក្ខណៈសម្រាប់ការឆ្លើយតប និងការត្រៀមរៀបចំសម្រាប់គ្រោះមហន្តរាយ​នៅក្នុងមូលដ្ឋាន នៅទូទាំងប្រទេសទាំង ៥ ក្នុងតំបន់ទន្លេមេគង្គក្រោម ដោយរួមទាំងប្រទេសកម្ពុជាផងដែរ៕ ###

អាន​បន្ថែម»

សុនុ្ទរកថារបស់លោកឯកអគ្គរដ្ឋទូត W. Patrick Murphy នៅក្នុងសន្និសីទតាមអ៊ិនធ័រណែត ស្តីពីការអភិវឌ្ឍន៍ និងអនាគតនៃទន្លេមេគង្គ

ថ្ងៃទី២៦ ខែតុលា ឆ្នាំ២០២០ រាជធានីភ្នំពេញ សូមអរគុណលោកឯកអគ្គរដ្ឋទូត សុធីរៈ និងសូមអរគុណដល់វិទ្យាស្ថានខ្មែរសម្រាប់សហប្រតិបត្តិការ និង​សន្តិភាព (CICP) ដែលបានអញ្ជើញខ្ញុំឲ្យមកធ្វើសេចក្តីថ្លែង នៅថ្ងៃ​នេះ។ ខ្ញុំសូមអរគុណចំពោះក្រុមវាគ្មិន និងអ្នកចូលរួមក្នុងសន្និសីទ​នេះ ដោយអ្នកខ្លះ​នៅភ្នំពេញ ខ្លះចូលរួមតាមអ៊ិនធ័រណែតពីប្រទេសអូស្ត្រាលី កម្ពុជា​ ឡាវ សិង្ហបូរី ថៃ សហរដ្ឋអាមេរិក និងវៀតណាម។              ខ្ញុំមានសេចក្តីរីករាយដោយឃើញតំណាងមកពីស្ថាប័នរដ្ឋ និងស្ថាប័នថ្នាក់តំបន់ ព្រមទាំងសមាជិកសំខាន់ៗ​នៃសង្គមស៊ីវិល មកពីអង្គការមិនមែនរដ្ឋាភិបាល ស្ថាប័នអប់រំ និងក្រុមអ្នកជំនាញ។ ខ្ញុំសូមកោតសរសើរជាពិសេស ចំពោះវិទ្យាស្ថានខ្មែរសម្រាប់សហប្រតិបត្តិការ និងសន្តិភាព ដែលបានធ្វើការជាមួយយើង ក្នុងការរៀបចំវេទិកានេះឡើង។              ពេលនេះមានសារៈសំខាន់ជាងពេលណាទាំងអស់ ដែលយើងត្រូវពិនិត្យលើអនាគត​នៃទន្លេមេគង្គ និងបញ្ហាប្រឈមផ្សេងៗ ចំពោះអនុតំបន់​នេះ។ ខ្ញុំបានធ្វើដំណើរឡើងចុះតាមទន្លេមេគង្គ ក្នុងឆ្នាំកន្លងទៅ​នេះ ជាឆ្នាំដំបូងរបស់ខ្ញុំជាឯកអគ្គរដ្ឋទូតប្រចាំប្រទេសកម្ពុជា ហើយខ្ញុំនឹងធ្វើដំណើរតាមទន្លេ​នេះម្តងទៀត នៅខែក្រោយ។ ពិតណាស់ ពេលនេះ ទន្លេមេគង្គកំពុងតែមានបញ្ហា ដូចជាទំនប់វារីអគ្គិសនីនៅខ្សែទឹកខាងលើ ការបូមខ្សាច់ ការបំពុល ការអភិវឌ្ឍដែលមានធានានិរន្តភាព និងការប្រែប្រួលអាកាសធាតុកំពុងតែធ្វើឲ្យមានផលប៉ះពាល់មិនល្អដល់ទន្លេដ៏ធំ​នេះ។              តែ ទន្លេមេគង្គនៅតែជាប្រភពដ៏សំខាន់ និងគ្មានអ្វីមកជំនួសបាន ក្នុងការផ្តល់មុខរបរចិញ្ចឹមជីវិត …

អាន​បន្ថែម»

សុន្ទរកថា របស់លោក Stilwell ឧបការីរដ្ឋមន្រ្តី នៅក្នុងសន្និសីទឥណ្ឌូប៉ាស៊ីហ្វិក ស្តីពីការពង្រឹងអភិបាលកិច្ចទន្លេហូរឆ្លងកាត់ព្រំដែន

ថ្ងៃទី ១៥ តុលា ឆ្នាំ ២០២០  សូមអរគុណចំពោះ Satu Limaye និងមជ្ឈមណ្ឌល East-West Center និងសូមអរគុណដល់លោកអ្នកទាំងអស់ ដែលចូលរួមជាមួយយើងពីទូទាំងសាលកលលោក។ ខ្ញុំរីករាយដោយជួបលោកអ្នកជាច្រើន ដែលមានគម្រោងចូលរួមជាមួយយើង កាលពីខែកុម្ភៈ មុនពេលដែលជំងឺ​រាតត្បាត បង្ខំឲ្យយើងផ្អាកការប្រជុំនេះ។ ខ្ញុំសូមស្វាគមន៍លោកអ្នក និងអ្នកចូលរួមថ្មីជាច្រើនទៀត នៅថ្ងៃនេះ។ យើងមកប្រជុំគ្នា ពីព្រោះយើងមើលឃើញសារៈសំខាន់នៃទន្លេសម្រាប់សេដ្ឋកិច្ច មុខរបរចិញ្ចឹមជីវិត វប្បធម៌ និងអារ្យធម៌របស់យើង។  ពិតណាស់ ទន្លេគឺជាកន្លែងដែលបុព្វបុរសមុនដំបូងបង្អស់​របស់យើង រួមគ្នាដើម្បីបង្កើតជាសង្គមមនុស្ស។  ទឹកគឺជាសារធាតុផ្សំចាំបាច់សម្រាប់ជីវិត ហើយបុព្វបុរសបានដឹង ហើយយល់ពីសារៈសំខាន់នៃទន្លេ។ សង្គមមនុស្ស កសិកម្មរបស់មនុស្ស ឬប្រវត្តិសាស្រ្ត ឬអារ្យធម៌របស់មនុស្សជាតិ បង្ហាញពីតួនាទីដ៏មានសារៈសំខាន់នៃទន្លេ។  តើពិភពលោកយើងត្រូវមានលក្ខណៈដូចម្តេច បើគ្មានអារ្យធម៌នៃ Mesopotamia ដែលអមដោយទន្លេដ៏ធំ គឺទន្លេ Euphrates និងទន្លេ Tigris? តើប្រទេសអេហ្ស៊ីបសម័យដើមមានទេ បើគ្មានទន្លេនីល ផ្តល់ជីវិតរស់នៅ? តើអារ្យធម៌ Harappan រលត់ទៅវិញដោយសារទន្លេ Saraswati រីងបាត់ទៅវិញទេ? តើទីក្រុងឡុងដ៏ អាចក្លាយជារដ្ឋធានីសាកលលោក ដោយគ្មានកំពង់ផែ Thames ទេ ឬតើកំពង់ផែ New York អាចក្លាយជាកំពង់ផែធំជាងគេ ដោយគ្មានទន្លេ Hudson បានទេ? តាមពិត សន្និសីទនេះត្រូវបានគ្រោងធ្វើ​នៅទីក្រុងបាងកក។ ក្នុងចម្ងាយ ១០០ ម៉ៃល៍ខាងជើងទីក្រុងបាងកក ដែលស្ថិតនៅលើទន្លេ Chao Phraya គឺទីក្រុង Ayuttaya ដែលជាកន្លែងរបស់ស្តេចថៃជំនាន់ដើម។ សព្វថ្ងៃនេះ តាមច្រាំងទន្លេនោះគឺមានទីក្រុងដ៏ធំបំផុតមួយនៅអាស៊ីអាគ្នេយ៍។ ទន្លេធ្វើឲ្យបុព្វការីជនរបស់យើងអាចប្រមូលផ្តុំគ្នា ធ្វើស្រែចំការ និងចិញ្ចឹមមនុស្សកាន់ជាច្រើន។ សង្គមដំបូងៗទាំងនោះបានផ្តើមឲ្យមានភាសានិងអារ្យធម៌។ អារ្យធម៌ទាំងនោះបានផ្តើមឲ្យមានវប្បធម៌ ប្រជាជាតិ អាណាចក្រ និងប្រវត្តិសាស្រ្ត។   វដ្តនៃទឹកជំនន់ និងភាពរាំងស្ងួតនៅតាមទន្លេ វដ្តនៃទឹកជំនន់ និងភាពរាំងស្ងួតនៅតាមទន្លេ Yangtze និងទន្លេ Yellow បានបណ្តាលឲ្យគេមានគំនិតរក្សាតុល្យភាពល្អ ដែលមានចែងក្នុងរឿង Yin និង Yang ។ ទន្លេ Mississippi នាំឲ្យមានទេព្យកោសល្យអស្ចារ្យផ្នែកអក្សរសាស្រ្តរបស់ Mark Twain ។ ទន្លេ Thames បំផុសឲ្យប្រជាជនអង់គ្លេសស្វែងរកលាភសំណាងលើសមុទ្រ។ ហេតុអ្វីក៏ការយល់ពីទន្លេមានសារៈសំខាន់? ហេតុអ្វីក៏គេគួរផ្តោតការយកចិត្តទុកដាក់ទៅលើតួនាទីនៃទន្លេ នៅក្នុងការធ្វើឲ្យមនុស្សជាតិមានការចម្រើនឡើង? ពីព្រោះអ្នកដែលបង្កឧបសគ្គ រាំងស្ទះ ឬបង្វែរធនធានទន្លេដើម្បីប្រយោជន៍ខ្លួនគេ បណ្តាលឲ្យមានគ្រោះថ្នាក់ឬការខូចខាតធ្ងន់ដល់មុខរបរប្រកបជីវភាព នៃមនុស្សរាប់លាននាក់។ ទន្លេមិនមែនត្រឹមតែជាលក្ខណៈភូមិសាស្រ្តតែប៉ុណ្ណោះទេ ។ វាជាមូលដ្ឋានសំខាន់ចាំបាច់មួយនៃជីវិតរបស់មនុស្ស។ មនុស្សរាប់លាននាក់ដែលពឹងផ្អែកលើទន្លេ Ganga, Indus, Yamuna និងទន្លេ Brahmaputra ស្គាល់ពីការពិតដ៏សំខាន់នេះ។ ដោយឡែក ប្រជាជននៅតំបន់ទន្លេមេគង្គយល់ពីការពិតនេះ ពីព្រោះគេកំពុងរស់នៅជាមួយនឹងផលវិបាកដ៏អាក្រក់នៃការគ្រប់គ្រងទឹកនៅតំបន់ផ្នែកខាងលើនៃទន្លេ ដែលមានផលប៉ះពាល់ធ្ងន់ធ្ងរកាន់តែច្រើនឡើងទៅលើជីវិតមនុស្សរាប់សិបលាននាក់ ដែលចាត់ទុកទន្លេជាជីវិតរបស់គេ។  ប្រទេសអាមេរិក មានកង្វល់ចំពោះដំណើរប្រែប្រួលទាំងនេះ ហើយនេះជាមូលហេតុដែលខ្ញុំមានកិត្តិយស ក្នុងការថ្លែងទៅកាន់លោកអ្នក នៅថ្ងៃនេះ។  ភាពជាដៃគូ មេគង្គ សហរដ្ឋអាមេរិក  វាជាសំណាងល្អមួយដែលយើងអាចប្រជុំគ្នាបាន បើទោះបីជាយើងមិនអាចជួបគ្នាទល់មុខក្តី ពីព្រោះទន្លេមេគង្គមានសារៈសំខាន់សម្រាប់យើងទាំងអស់គ្នា។ ភាពជាដៃគូរបស់សហរដ្ឋមេរិកជាមួយប្រទេសកម្ពុជា ឡាវ ភូមា ថៃ និងវៀតណាម បានរីកចម្រើនគួរ​ឲ្យកត់សម្គាល់ ចាប់តាំងពីយើងបានបង្កើតគម្រោងគំនិតផ្តួចផ្តើមស្តីពីតំបន់មេគង្គក្រោម នៅឆ្នាំ ២០០៩។ នៅក្នុងរយៈពេល ១១ ឆ្នាំមកនេះ រដ្ឋាភិបាលសហរដ្ឋមេរិក បានផ្តល់ថវិកាចំនួនជិត ៣,៥ ពាន់លានដុល្លារ ជាជំនួយបរទេស ជួយ​ដល់តំបន់ទន្លេមេគង្គ រួមនឹងថវិការាប់ពាន់លានដុល្លារទៀត ជាហិរញ្ញប្បទានផ្លូវការរបស់រដ្ឋាភិបាលសហរដ្ឋមេរិក និងការវិនិយោគនៃវិស័យឯកជនអាមេរិក។ ឆ្នាំនេះមានការពង្រីកបន្តទៀត ជាមួយនឹងការសម្ពោធ កាលពីខែមុន នូវគម្រោង ភាពជាដៃគូរវាងសហរដ្ឋមេរិក និងតំបន់ទន្លេមេគង្គ។ នៅពេលនេះ កិច្ចសហការរបស់យើងធំ មានភាពជ្រាលជ្រៅ និងមានលក្ខណៈជាយុទ្ធសាស្រ្តច្រើនជាងមុន ហើយមានធនធានច្រើនជាងមុន ដែលជាការឆ្លុះបញ្ចាំងពីសារៈសំខាន់នៃតំបន់ទន្លេមេគង្គ និងការប្តេជ្ញាចិត្តរបស់យើង ចំពោះដៃគូនៅតំបន់ទន្លេមេគង្គ។ គម្រោងនៃភាពជាដៃគូ មេគង្គ សហរដ្ឋអាមេរិក ផ្តល់កិច្ចសហប្រតិបត្តិការស្តីពី​អភិបាលកិច្ចតាមដងទន្លេដែលហូរឆ្លងព្រំដែន ជាបញ្ហាចំពោះមុខ។ ហើយវាធ្វើឡើងក្នុងពេល​សំខាន់​។ បញ្ហាប្រឈមក្នុងតំបន់​ ទាក់ទងនឹងធនធានទឹករួមគ្នា មានកាន់តែធំឡើង ចាប់តាំងពីពេលដែលលោក Pompeo រដ្ឋមន្រ្តីការបរទេសសហរដ្ឋអាមេរិក បានប្រកាសពីបំណងរបស់យើង ក្នុងការរៀបចំសន្និសីទនេះ នៅក្នុងឆ្នាំ ២០១៩។ នៅពេលនោះ លោករដ្ឋមន្រ្តីបានសម្តែងកង្វល់ច្រើនលើនិន្នាការដ៏គួរឲ្យ​បារម្ភ។ ពេលនេះ យើងប្រឈមនឹងវិបត្តិនេះ។ ការបាត់បង់ជីវិតមនុស្ស ដោយសារគ្រោះរាំងស្ងួត   សហគមន៍ និងប្រព័ន្ធបរិស្ថានអេកូឡូស៊ីដែលរាប់ជំនាន់មនុស្សមក បានពឹងផ្អែកលើចង្វាក់បេះដូងនៃជំនន់ធម្មជាតិនៃទឹកទន្លេមេគង្គ កំពុងរងគ្រោះដោយគ្រោះរាំងស្ងួតដែលមិនធ្លាប់មាន សម្រាប់មនុស្សជាង ៦០ លាននាក់ ហើយមានផលវិបាកធ្ងន់ធ្ងរលើផ្នែកសន្តិសុខស្បៀង ការអភិវឌ្ឍន៍សេដ្ឋកិច្ច និងអធិបតេយ្យភាពជាតិ នៅទូទាំងតំបន់ទន្លេមេគង្គ។ ពេលនេះ ខ្ញុំដឹងថា ខ្ញុំកំពុងនិយាយទៅកាន់សង្គមស៊ីវិល និងអ្នកជំនាញផ្នែកអភិបាលកិច្ចធនធានទឹក។ លោកអ្នកជាអ្នកមើលឃើញផលវិបាកទាំងនេះដោយផ្ទាល់។ ខ្ញុំសូមបង្ហាញផលវិបាកខ្លះ។ · កង្វះទឹកបានធ្វើឲ្យខូចស្រូវចំនួនជិត ១សែនហិកតា នៅក្នុងតំបន់ទាំងមូល។ កង្វះនេះនាំឲ្យផលិតផលស្រូវថយចុះចំនួន ៥០% នៅទូទាំងប្រទេសឡាវ កម្ពុជា និងវៀតណាម ហើយវាធ្វើឲ្យទិន្នផលត្រីនៅកម្ពុជាថយចុះរហូតដល់ ៩០%។ · គ្រោះរាំងស្ងួតនេះ ធ្វើឲ្យមានរដូវទឹកជំនន់ខ្លី។ ការនេះធ្វើឲ្យខ្វះទឹកសម្រាប់បំពេញទឹកក្រោមដីឡើងវិញ ហើយធ្វើឲ្យដីនៅតំបន់ដីសណ្តរស្រុតចុះជាងការរំពឹងទុក។ · ឧទាហរណ៍ នៅក្នុងខេត្តអាងយ៉ាងនៃប្រទេសវៀតណាម អ្នកនេសាទចាប់ត្រីបានតិចជាងមុនចំនួនជាងពាក់កណ្តាល។ យើងបានអានអំពីអ្នកនេសាទនៅតំបន់ផ្សេងទៀតនៃប្រទេសវៀតណាម ដែលធ្លាប់តែចាប់បានត្រីចំនួន ២០០ គក ក្នុងមួយថ្ងៃ តែពេលនេះ ចាប់ត្រីបានមិនដល់ ១០ គកផង​ ក្នុងមួយថ្ងៃ។ · កង្វះទឹកនេះ ធ្វើឲ្យទឹកសមុទ្រហូរចូលច្រើនមកក្នុងដីសណ្ត ចូលដល់រហូតដល់ ៩០ គម។ នេះជាកម្រិតខ្ពស់បំផុតដែលមិនធ្លាប់មានមក ហើយវាធ្វើឲ្យខូចដំណាំកសិកម្ម និងស្រូវ ដែលជាមធ្យោបាយចិញ្ចឹមជីវិតនៃមនុស្សរាប់សិបលាននាក់ នៅតំបន់អាស៊ីអាគ្នេយ៍។ ទំនប់នៅខ្សែទឹកខាងលើរបស់ប្រទេសចិន   ភស្តុតាងកាន់តែច្រើនឡើងបង្ហាញថា បញ្ហានៅខ្សែទឹកខាងក្រោមកាន់តែមានភាពធ្ងន់ធ្ងរឡើង ដោយសារការសាងសង់ និងការដំណើរការនៃទំនប់វារីអគ្គិសនីនៅប្រទេសចិន។ ទង្វើជាឯកតោភាគីរបស់ប្រទេសចិនចំពោះទន្លេរួមគ្នានេះ ប៉ះពាល់ដល់ជីពចរនៃទឹកជំនន់ធម្មជាតិ ដែលត្រូវហូរចូលទៅបឹង ទន្លេនានា ក្នុងប្រទេសកម្ពុជា ដូចជាបឹងទន្លេសាប ធ្វើឲ្យផ្នែកកសិកម្ម និងជលផលមានភាពរស់រវើក ហើយបន្សាបជាតិអាស៊ីតពីក្នុងទឹកសាប នៅទូទាំងតំបន់អាងទន្លេមេគង្គ។ ប្រទេសចិននិយាយថា ទំនប់វារីអគ្គិសនីរបស់ខ្លួនផ្តល់ប្រយោជន៍ដល់ប្រទេសនៅផ្ទៃទឹកខាងក្រោម ដោយបង្កើនលំហូរទឹកនៅរដូវប្រាំង។ តែតាមការសារភាពរបស់ទីក្រុងប៉េកាំង ការបញ្ចេញទឹកនៅរដូវប្រាំងទាំងនេះ ត្រូវបានធ្វើដើម្បីជាប្រយោជន៍សម្រាប់ផលិតភ្លើងអគ្គិសនីរបស់ចិនតែប៉ុណ្ណោះ។ តម្លាភាព និងទិន្នន័យទឹក  ដូចក្នុងករណីបញ្ហាប្រឈមជាច្រើនជាមួយប្រទេសចិនដែរ ការគ្មានតម្លាភាពគឺជាផ្នែកធំមួយនៃបញ្ហា។ ទីក្រុងប៉េកាំង មិនបានចែករំលែកព័ត៌មានបានគ្រប់គ្រាន់ ស្តីពីកិច្ចដំណើរការនៃទំនប់វារីអគ្គិសនី ឬស្ថានភាពនៃទន្លេផ្នែកខាងលើទេ ដែលជាការនាំឲ្យរដ្ឋាភិបាលនៅតាមទន្លេមេគង្គមិនសូវមានលទ្ធភាពក្នុងការរៀបចំទប់ទល់ ឬបន្ធូរបន្ថយការប៉ះពាល់ដែលបង្កដោយទំនប់វារីអគ្គិសនី។ ក្រុមហ៊ុនទំនប់វារីអគ្គិសនីរបស់ចិនបានបញ្ចេញទឹកមកដោយមិនប្រកាសឲ្យដឹង ដែលជាការធ្វើឲ្យដំណាំនៅតំបន់ខ្សែទឹកខាងក្រោមខូច នៅពេលទឹកទន្លេឡើងមិនទៅតាមការរំពឹងទុក។  ក្នុងពេលថ្មីៗនេះ ទីក្រុងប៉េកាំងបានទទួលស្គាល់តួនាទីរបស់ខ្លួន ក្នុងការគ្រប់គ្រងលើលំហូរទឹកទន្លេធម្មជាតិ ហើយបានផ្តល់ការធានាថ្មីថា នឹងចែករំលែកទិន្នន័យទឹកបន្ថែម។ តែគណបក្សកុម្មុយនីស្តចិន មានប្រវត្តិធ្វើការសន្យាខ្យល់។ សូមមើលទៅករណី សមុទ្រចិនខាងត្បូង។ យើងសូមសរសើរប្រទេសនៅក្នុងតំបន់ទន្លេមេគង្គ និងគណៈកម្មការទន្លេមេគង្គ នៅក្នុងការបន្តបញ្ចុះបញ្ចូលឲ្យចិនផ្តល់ទិន្នន័យទឹកឲ្យបានច្រើន។ យើងសូមលើកទឹកចិត្តឲ្យគេចាប់ឲ្យប្រទេសចិន មានការទទួលខុសត្រូវក្នុងការចែករំលែកទិន្នន័យស្តីពីទំនប់វារីអគ្គិសនី និងលំហូរទឹកឲ្យបានទាន់ពេលវេលា និងពេញមួយឆ្នាំៗ។ យើងសូមឲ្យទីក្រុងប៉េកាំងធ្វើការសម្របសម្រួលជិតស្និទ្ធជាមួយគណៈកម្មការទន្លេមេគង្គ ហើយប្រើពិធីសារ និងឧបករណ៍ដែលមានស្រាប់។ កង្វល់ និងការឆ្លើយតបនៅក្នុង​តំបន់ សហរដ្ឋអាមេរិកគាំទ្រអង្គការនៅក្នុងតំបន់ ដូចជាអង្គការ ACMECS និងកិច្ច​ខិតខំរបស់ដៃគូ ដូចជាប្រទេសជប៉ុន កូរ៉េខាងត្បូង អូស្រ្តាលី ឥណ្ឌា និងប្រទេសដទៃទៀត នៅក្នុងសហភាពអឺរ៉ុប នៅក្នុងការជួយដល់ការអភិវឌ្ឍប្រកបដោយនិរន្តភាព និងចែករំលែកការអនុវត្តល្អជាសាកល នៅក្នុងតំបន់ទន្លេមេគង្គ។ យើងក៏សូមអបអរសាទរផងដែរ ចំពោះការខិតខំរបស់ប្រទេសអាស៊ាន ដឹកនាំ​ដោយប្រទេសវៀតណាមដែលជាប្រធានអាស៊ាន នៅឆ្នាំ​នេះ ដើម្បីធ្វើឲ្យ​គេមានការចាប់អារម្មណ៍​កាន់តែច្រើន​ លើបញ្ហាទន្លេមេគង្គ។ តំបន់ទន្លេមេគង្គ​មានសារៈសំខាន់​សម្រាប់អាស៊ាន ដូចសមុទ្រចិនខាងត្បូងដែរ។ យើងសូមលើកទឹកចិត្តឲ្យរដ្ឋជាសមាជិកអាស៊ានពិចារណាលើបញ្ហានានា នៅតំបន់ទន្លេមេគង្គ ថាមានសារៈសំខាន់​សម្រាប់កិច្ចសហប្រតិបត្តិការក្នុងតំបន់ និងភាពសុខដុម ដូចសមុទ្រដែរ។ លំហូរនៃទន្លេមិនមែនគ្រាន់តែជាបញ្ហាប្រឈមតែមួយ​សម្រាប់តំបន់ទន្លេមេគង្គនោះទេ។  នៅទូទាំងតំបន់​នេះ សហគមន៍​មានកង្វល់ចំពោះបំណុលដែលទាក់ទងនឹងហេដ្ឋារចនាសម្ព័ន្ធ ហើយនិងការធ្វើជំនួញបែបជញ្ជក់ឈាម និងមិនសូវច្បាស់លាស់​ របស់ក្រុមហ៊ុនរដ្ឋចិន។ សហគមន៍​នៅតំបន់ទន្លេមេគង្គមានកង្វល់​ លើកំណើន​នៃការជួញដូរមនុស្ស គ្រឿងញៀន និងសត្វព្រៃ។ ពលរដ្ឋនៅតំបន់ទន្លេមេគង្គមានកង្វល់ដូចគ្នានេះផងដែរ ចំពោះការមិនសូវចាប់អារម្មណ៍​របស់ក្រុងប៉េកាំង​ ក្នុងការទប់ស្កាត់អង្គការ​ និងក្រុមហ៊ុនពុករលួយ និងប្រព្រឹត្តបទល្មើស ដែលធ្វើសកម្ម​ភាពចេញពីតំបន់សេដ្ឋកិច្ចពិសេស ដោយមានការទាក់ទងនឹងគណបក្សកុម្មយនិស្តចិន។ ប្រជាជនមានកង្វល់​ចំពោះការល្បាតតាមដងទន្លេនៅក្រៅទឹកដីរបស់ខ្លួន នៅក្រោមលេសថា ជួយដល់ការពង្រឹងការអនុវត្តច្បាប់ ទោះបីជាសមាសធាតុឧក្រិដ្ឋជននៅក្នុងតំបន់ធ្វើការពង្រីកការគ្រប់គ្រង​របស់គេក្តី។  គ្រាន់តែ​នៅក្នុងសប្តាហ៍មុន ខ្ញុំបានអានព័ត៌មានដឹងថា Zhao …

អាន​បន្ថែម»

រដ្ឋាភិបាលសហរដ្ឋអាមេរិកផ្តល់ជំនួយបន្ទាន់ ក្នុងការឆ្លើយតបនឹងគ្រោះទឹកជំនន់ដ៏ច្រើន​នៅកម្ពុជា

សេចក្តីប្រកាសព័ត៌មាន   ថ្ងៃទី ១៧ ខែតុលា ឆ្នាំ ២០២០  តាមរយៈទីភ្នាក់ងារផ្តល់ជំនួយ​របស់សហរដ្ឋអាមេរិក USAID សហរដ្ឋអាមេរិកផ្តល់ថវិកាសរុបចំនួន ១០០ ០០០ ដុល្លា ជាជំនួយមនុស្សធម៌បន្ទាន់ ដើម្បីជួយក្នុងការឆ្លើយតបនឹងគ្រោះទឹកជំនន់ដ៏ធ្ងន់ធ្ងរ នៅប្រទេសកម្ពុជា។ នៅទូទាំងប្រទេសកម្ពុជា ភ្លៀងដ៏ច្រើន តាំងពីដើមខែតុលាមក បានបណ្តាលឲ្យមានគ្រោះទឹកជំនន់ភ្លាមៗ ដែលបណ្តាលឲ្យមនុស្សចំនួនយ៉ាងតិច ១៦ នាក់ស្លាប់ ប៉ះពាល់ដល់មនុស្សចំនួនជាង ១៩៤ ០០០ នាក់     បណ្តាលឲ្យមានការខូចខាតច្រើនកន្លែង ហើយគេមានការពិបាកក្នុងការចូលដល់សហគមន៍​ជាច្រើន ដែលរងគ្រោះខ្លាំង។ ជាការឆ្លើយតប ការិយាល័យផ្នែកជំនួយមនុស្សធម៌របស់ទីភ្នាក់ងារ USAID ធ្វើជាដៃគូជាមួយអង្គការកម្មវិធីស្បៀងអាហារពិភពលោក (WFP) របស់អង្គការសហប្រជាជាតិ ដើម្បីផ្តល់ជំនួយសម្រាប់គ្រាបន្ទាន់​ ដល់មនុស្សដែលរងការប៉ះពាល់​ដោយទឹកជំនន់​នេះ។  ជាមួយនឹងភ្លៀងខ្លាំង និងព្យុះដែលត្រូវបានព្យាករណ៍ សម្រាប់ពេលប៉ុន្មានថ្ងៃខាងមុខ​នេះ អ្នកជំនាញផ្នែកគ្រោះមហន្តរាយ​នៃទីភ្នាក់ងារ USAID បន្តតាមដានសេចក្តីត្រូវការផ្នែកមនុស្សធម៌ នៅទូទាំងតំបន់អាស៊ីអាគ្នេយ៍ ដោយធ្វើការសម្របសម្រួលយ៉ាងជិតស្និទ្ធជាមួយអាជ្ញាធរក្នុងស្រុកសម្រាប់គ្រាអាសន្ន និងដៃគូរបស់យើងនៅនឹងកន្លែង។  គិតតាំងពីឆ្នាំ ២០១៨ មក ជំនួយ​របស់ទីភ្នាក់ងារ USAID បានជួយអង្គការ WFP នៅក្នុងការចាប់ដំណើរការទំរង់កម្មវិធីគ្រប់ជ្រុងជ្រោយលើកដំបូងបង្អស់ ស្តីពីការគ្រប់គ្រងហានិភ័យនៃមហន្តរាយ (កម្មវិធីសម្រាប់តាមដាន​ស្ថាន​ភាព និងផលប៉ះពាល់ភ្លាមៗ) នៅកម្ពុជា ដើម្បីពង្រឹងការត្រៀមរៀបចំទប់ទល់ និងការឆ្លើយតប ដើម្បីសង្រ្គោះជីវិត និងកាត់បន្ថយផលប៉ះពាល់ទៅលើផ្នែកសេដ្ឋកិច្ច សង្គម ដោយសារមហន្តរាយធម្មជាតិ។ គិតតាំងពីឆ្នាំ ២០០០ មក ទីភ្នាក់ងារ USAID បានផ្តល់ថវិកាចំនួនជាង …

អាន​បន្ថែម»

សេចក្តីថ្លែងរបស់លោកឯកអគ្គរដ្ឋទូត W. Patrick Murphy ស្តីពីកិច្ចសហប្រតិបត្តិការលើការពង្រឹងការអនុវត្តច្បាប់

ស្ថានទូតអាមេរិក ថ្ងៃទី១៥ ខែតុលា ឆ្នាំ២០២០ ជាដំបូង ខ្ញុំសូមនិយាយលើ ២ ចំណុច។ ទី១ យើងសូមសម្តែងសមានទុក្ខ ចំពោះប្រជាជនកម្ពុជាទាំងអស់ ដែលកំពុងតែជួបប្រទះនឹងគ្រោះទឹកជំនន់ នៅក្នុងប្រទេស។ យើងកំពុងតែតាមដានការវិវត្ត យើងមានកង្វល់ ហើយមានការអាណិតចំពោះការបាត់បង់ជីវិត មុខរបរ ចិញ្ចឹមជីវិត និងផ្ទះសម្បែង។ យើងចង់ធ្វើជាដៃគូល្អ និងជួយយកអាសា ហើយបើប្រទេសកម្ពុជាត្រូវការជំនួយអន្តរជាតិ សហរដ្ឋអាមេរិកនឹងស្តាប់។ ទី២ នៅខែនេះ ខ្ញុំធ្វើការកត់សម្គាល់ខួបមួយឆ្នាំនៃការងាររបស់ខ្ញុំជាឯកអគ្គរដ្ឋទូតសហរដ្ឋអាមេរិក ប្រចាំប្រទេសកម្ពុជា ហើយវាជាឆ្នាំដ៏ល្អ។ ស្ថានទូតអាមេរិកខិតខំធ្វើការដើម្បីកសាងទំនាក់ទំនងរបស់យើង ហើយពង្រឹងទិដ្ឋភាពជាច្រើននៃកិច្ចសហប្រតិបត្តិការរបស់យើង ដែលរួមមានការជួយប្រទេសកម្ពុជាក្នុងការឆ្លើយតបនឹងជំងឺរាតត្បាតជាសាកល។ យើងគិតថា យើងទទួលបានជោគជ័យច្រើន ពីការខិតខំទាំងនេះ។ នៅឆ្នាំនេះ យើងអបអរខួបលើកទី ៧០ នៃការបង្កើតទំនាក់ទំនងការទូត រវាងប្រទេសយើងទាំងពីរ។ នេះជាឱកាសឲ្យយើងផ្តោតលើវិស័យរឹងមាំនៃកិច្ចសហការ កិច្ចសហប្រតិបត្តិការ និងភាពជាដៃគូជាមួយគ្នា។ វាជាការរីករាយសម្រាប់យើង ពីព្រោះយើងមានដៃគូជាច្រើន នៅទូទាំងប្រទេសកម្ពុជា នៅក្នុងរដ្ឋាភិបាល សង្គមស៊ីវិល ក្នុងចំណោមយុវជន ស្ថាប័នជាច្រើន មជ្ឈមណ្ឌលផ្នែកសិក្សាអប់រំ ជាដើម។ នៅខែតុលានេះ យើងសូមទាញការចាប់អារម្មណ៍លើកិច្ចសហប្រតិបត្តិការក្នុងផ្នែកពង្រឹងការអនុវត្តច្បាប់។ នេះជាផ្នែកសហប្រតិបត្តិការ ដែលមិនសូវមានគេដឹងច្រើន …

អាន​បន្ថែម»

សុន្ទរកថារបស់លោកឯកអគ្គរដ្ឋទូត W. Patrick Murphy នៅក្នុងពិធីជប់លៀងប្រចាំខែលើប្រធាន​បទ ពាណិជ្ជកម្មនិងការវិនិយោគ របស់សភាពាណិជ្ជកម្មសហរដ្ឋអាមេរិកនៅកម្ពុជា

ថ្ងៃព្រហស្បតិ៍ ទី ៣ ខែកញ្ញា ឆ្នាំ ២០២០ ភ្នំពេញ  សូមអរគុណ លោក លោកស្រីទាំងអស់ដែលបានអញ្ជើញមក សូមអរគុណដល់សភាពាណិជ្ជកម្មអាមេរិកប្រចាំ​នៅកម្ពុជា​ ដែលបានរៀបចំពិធី​នេះឡើង។ យើងខានជួបគ្នាមួយរយៈមកហើយ ហើយខ្ញុំសប្បាយចិត្តដែលបានឃើញអ្នកដែលធ្លាប់ស្គាល់ នៅក្នុងចំណោមនេះ ដែលរួមមានមិត្តយើងនៅក្នុងជួររដ្ឋាភិបាល។ ខ្ញុំសូមអរគុណភ្ញៀវកិត្តិយសដែលរួមមាន ឯកឧត្តម ប៉ាន សូរស័ក្តិ​ រដ្ឋមន្រ្តីក្រសួងពាណិជ្ជកម្ម លោកជំទាវ ចម និមល រដ្ឋលេខាធិការក្រសួងពាណិជ្ជកម្ម លោក Allen Tan ប្រធានសភាពាណិជ្ជកម្មអាមេរិក ប្រចាំ​នៅកម្ពុជា លោក Travis Mitchell នាយកប្រតិបត្តិ​នៃសភាពាណិជ្ជកម្មអាមេរិក នៅកម្ពុជា។ នៅក្នុងឆ្នាំ ២០២០ ទាំងមូល យើងអបអរខួបលើកទី ៧០ នៃការបង្កើតទំនាក់ទំនងការទូតរវាងសហរដ្ឋអាមេរិក និងប្រទេសកម្ពុជា ដោយផ្តោតការយកចិត្តទុកដាក់លើរូបភាពទាំងមូល​នៃទំនាក់ទំនងរបស់យើង។ ខែកញ្ញា​នេះ យើងបង្ហាញទំនាក់ទំនងសេដ្ឋកិច្ចរបស់យើង ដែលកំពុងមានការរីកចម្រើនឡើង នៅក្នុងខែអបអរពាណិជ្ជកម្ម និងការវិនិយោគ។ បើយើងក្រឡេកមើលល្បឿននៃការចម្រើនឡើង​នៃទំនាក់ទំនងនេះ វាគួរឲ្យកត់សម្គាល់។  គ្រាន់តែកាលពី ២០ ឆ្នាំមុន​សោះ ពាណិជ្ជកម្មទ្វេភាគីមានបរិមាណ ៨៥០ លានដុល្លារ។ គ្រាន់តែ​កាលពីឆ្នាំទៅ វាបានឡើងដល់ ៥,៩ ពាន់លានដុល្លារ គឺកើន ៧ ដង។  ពាណិជ្ជកម្ម ពិសេសលទ្ធភាពចូលទៅក្នុងទីផ្សារសហរដ្ឋអាមេរិក បានផ្តល់ប្រយោជន៍​ដល់ប្រទេសកម្ពុជាយ៉ាងច្រើន ក្នុងពេលរាប់ឆ្នាំមក​នេះ។ សហរដ្ឋអាមេរិកគឺជាគោលដៅនាំចេញធំជាងគេរបស់ប្រទេសកម្ពុជា ដោយក្នុងឆ្នាំ ២០១៩ កម្ពុជាបាននាំទំនិញទៅសហរដ្ឋអាមេរិក ក្នុងតម្លៃ ៥,៤ ពាន់លានដុល្លារ។ ទោះបីជាពេលនេះ​មានមេរោគរាតត្បាតជាសាកលក្តី ក៏ការនាំចេញមានកំណើនចំនួន ២៣ភាគរយដែរ ក្នុងឆ្នាំ ២០២០។ ការនាំចេញនេះជួយឲ្យប្រជាជនកម្ពុជារាប់ម៉ឺននាក់មានការងារធ្វើ រាប់ពីការងារតាមរោងចក្រ​នៅក្រុងព្រះសីហនុ និងក្រុងបាវិត ដល់កសិករ​នៅខេត្តបាត់ដំបង និងកំពង់ចាម ដល់អ្នកជំនាញព័ត៌មាន​បច្ចេកវិទ្យា នៅភ្នំពេញ។ ការនាំចេញ​ទាំងនេះមានចំណែកយ៉ាងសំខាន់​ក្នុងកំណើនសេដ្ឋកិច្ចដ៏ច្រើន​របស់កម្ពុជា។ ការនាំចេញរបស់កម្ពុជាថែមទាំងផ្តល់ការចំណេញដល់អតិថិជនអាមេរិកផងដែរ ដោយផ្តល់ឲ្យ​នូវជម្រើស។ ពេលនេះ មានទំនិញ​ពីកម្ពុជានៅក្នុងហាងក្នុងសហរដ្ឋអាមេរិកច្រើនជាងពេលណាទាំងអស់។ ទំនិញទាំង​នេះ​មានមិនត្រឹមតែសម្លៀកបំពាក់ និងស្បែកជើងតែប៉ុណ្ណោះទេ  តែថែមទាំងមានផលិតផលកសិកម្មដែលបានទទួលរង្វាន់ ដូចជាម្រេចកំពត និងអង្ករកម្ពុជា។ លើសពីនេះទៀត លោកអ្នកអាចឃើញមានទំនិញសម្រាប់ការធ្វើដំណើរដែលធ្វើ​នៅកម្ពុជា​ មានលក់​កាន់តែច្រើនឡើង​នៅក្នុងសហរដ្ឋអាមេរិក។ ដូចឯកឧត្តមរដ្ឋមន្រ្តីជ្រាបស្រាប់ហើយ ទំនិញសម្រាប់ការធ្វើដំណើរគឺជារឿងគួរឲ្យកត់សម្គាល់មួយ។ បន្ទាប់ពីសហរដ្ឋអាមេរិកបានផ្តល់ការលើកលែងពន្ធគយដល់ទំនិញសម្រាប់ការធ្វើដំណើរ នៅឆ្នាំ ២០១៦  នៅក្រោមកម្មវិធីនៃប្រព័ន្ធផ្តល់ការអនុគ្រោះទូទៅ (GSP) ទំនិញសម្រាប់ការធ្វើដំណើរដែលនាំចេញពីកម្ពុជា មានតម្លៃកើនពី ៥០ លានដុល្លារដល់ជិត ១ ពាន់លានដុល្លារ។ ក្នុងពេលដែលយើងស្វាគមន៍ជោគជ័យ​របស់កម្ពុជា គេក៏ត្រូវកត់សម្គាល់ផងដែរថា ទំនាក់ទំនងពាណិជ្ជកម្ម​នៅពេលនេះ គ្មានតុល្យ​ភាពទេ។ ទំនិញនាំចេញរបស់សហរដ្ឋអាមេរិកមកកម្ពុជាមានតម្លៃតែ ៥១៤ លានដុល្លារទេ នៅក្នុងឆ្នាំ ២០១៩។ ដោយសារប្រទេសកម្ពុជាមានការលូតលាស់សេដ្ឋកិច្ច ហើយប្រជាជនកម្ពុជាចូលចិត្តទំនិញមានគុណភាពខ្ពស់របស់អាមេរិក  បរិមាណ​នេះអាចខ្ពស់ជាងនេះឆ្ងាយ។ ខ្ញុំរីករាយនឹងធ្វើការជាមួយលោករដ្ឋមន្រ្តី ដើម្បីលើកទឹកចិត្តឲ្យប្រជាជនកម្ពុជាទិញផលិតផល និងសេវារបស់អាមេរិកច្រើនថែមទៀត។ ការធ្វើដូច្នេះនឹងធ្វើឲ្យទំនាក់ទំនងពាណិជ្ជកម្មរបស់យើងមានភាពសេរី យុត្តិធម៌ និងផ្តល់ប្រយោជន៍​ឲ្យគ្នាទៅវិញទៅមក។ ពិតមែនតែពាណិជ្ជកម្មគឺជាផ្នែកសំខាន់មួយ​នៃទំនាក់ទំនងសេដ្ឋកិច្ចរបស់យើងក្តី តែការវិនិយោគក៏​ដើរតួនាទីសំខាន់ផងដែរ។ បើលោកអ្នកដើរមើលទីក្រុងភ្នំពេញ​ នៅពេលនេះ លោកអ្នកនឹងឃើញក្រុមហ៊ុនអាមេរិកកាន់តែច្រើនឡើង រាប់ពីសណ្ឋាគារដល់ហាងលក់រាយ ដល់ភោជនីយដ្ឋាន និងដល់រោងចក្រ។ គេអាចឃើញក្រុមហ៊ុនពហុជាតិធំៗ ដូចជា Chevron, Starbucks និង Marriott ព្រមទាំងក្រុមហ៊ុនតូចៗ ដូចជា Aprati Foods, Montana Fly Company និង AHF Products ។ ក្រុមហ៊ុនអាមេរិកទាំងនេះ​មិនត្រឹមតែបង្កើតការងារទេ តែថែមទាំងនាំមកនូវនីតិរដ្ឋ តម្លាភាព បទដ្ឋានបរិស្ថាន និងបទដ្ឋានការងារខ្ពស់ ហើយនិងការមិនពុករលួយ។ ក្រៅពីគុណតម្លៃទាំងនេះ ក្រុមហ៊ុន​របស់សហរដ្ឋអាមេរិកផ្តល់ត្រឡប់ទៅឲ្យសហគមន៍ដែលគេធ្វើជំនួញនៅក្នុង​នោះវិញ ពិសេស ជាមួយនឹងកម្មវិធីទទួលខុសត្រូវថ្មីៗ​របស់ក្រុមហ៊ុន ចំពោះសង្គម។ មានគំរូជាច្រើននៅទូទាំងប្រទេសកម្ពុជា នៅពេលសព្វថ្ងៃ​នេះ។ គម្រោងអាងទឹក Aqua របស់ក្រុមហ៊ុនកូកា កូឡាកំពុងផ្តល់ទឹកស្អាតដល់ប្រជាជនជាង ៧០ ០០០ នាក់ មូលនិធិរបស់ក្រុមហ៊ុន GE តាមរយៈកម្មវិធីវះកាត់ដោយសុវត្ថិភាព​របស់ខ្លួន កំពុងជួយពង្រឹងប្រព័ន្ធសុខាភិបាល​របស់ប្រទេសកម្ពុជា ហើយក្រុមហ៊ុនរថយន្ត Ford ដោយមានដៃគូក្នុងស្រុក គឺក្រុមហ៊ុន RMA កំពុងជួយបណ្តុះបណ្តាល និងកសាងសមត្ថភាពរបស់អ្នកបច្ចេកទេសរថយន្តកម្ពុជា។  ទាំងគុណតម្លៃ ទាំងកម្មវិធី ដែលក្រុមហ៊ុនអាមេរិកនាំមកជាមួយ នៅពេលគេធ្វើការវិនិយោគគឺជាមូលហេតុដែលខ្ញុំហៅក្រុមហ៊ុនទាំង​នោះថា បទដ្ឋានមាស​នៃវិនិយោគបរទេស។ យើងទាំងអស់គ្នាចង់ឲ្យមានក្រុមហ៊ុនអាមេរិកមកច្រើនថែមទៀត។ ដើម្បីទាក់ទាញក្រុមហ៊ុនបន្ថែមទៀតឲ្យមករកស៊ី​នៅកម្ពុជា ក្រុមហ៊ុនទាំង​នោះចង់ឃើញមានច្បាប់ទម្លាប់ច្បាស់លាស់ និងភាពយុត្តិធម៌​នៅក្នុងការរកស៊ី។ សហរដ្ឋអាមេរិក នៅពេលនេះ មានមធ្យោបាយមួយចំនួនសម្រាប់ជួយដល់អ្នកដែលមានការចាប់អារម្មណ៍​លើពាណិជ្ជកម្ម និងការវិនិយោគ នៅទូទាំងតំបន់ឥណ្ឌូប៉ាស៊ីហ្វិក។ មធ្យោបាយទាំង​នេះ​រួមមានថវិកាចំនួន ៦០ ពាន់លានដុល្លា សម្រាប់ធ្វើហិរញ្ញប្បទានដល់ការទ្រទ្រង់ការវិនិយោគរបស់វិស័យឯកជន ដែលបានមកពីសាជីវកម្ម Development Finance Corporation (DFC) ។ ស្ថាប័នដែលមានមុនសាជីវកម្ម​នេះ ដែលមានឈ្មោះថា​ Overseas Private Investment Corporation (OPIC) បានបោះទុនវិនិយោគចំនួន ១៥០ លានដុល្លា នៅក្នុងប្រទេសកម្ពុជា បើគិតមកដល់ពេលនេះ។ បណ្តាញប្រឹក្សាលើប្រតិបត្តិហេដ្ឋារចនាសម្ព័ន្ធ (Infrastructure Transaction Advisory Network (ITAN) ជួយអភិវឌ្ឍហេដ្ឋារចនាសម្ព័ន្ធ ហើយពេលនេះ កំពុងរកមើលវិធីសម្រាប់ឲ្យ ITAN ជួយដល់ការអភិវឌ្ឍន៍​នៃប្រទេសកម្ពុជា។ មធ្យោបាយទាំង​នេះ​អាចជួយធ្វើឲ្យមានការវិនិយោគថ្មីៗ នៅកម្ពុជា។ តែដូចពាណិជ្ជកម្មដែរ ការវិនិយោគអាចមានទៅមានមក។ ដោយកម្ពុជាមានសេដ្ឋកិច្ចរឹងមាំ ភាពជឿនលឿន​នៃក្រុមហ៊ុន​របស់ខ្លួន វាដល់ពេលហើយ​សម្រាប់ជំរុញការវិនិយោគ​របស់កម្ពុជា​នៅក្នុងសហរដ្ឋអាមេរិក។ ដើម្បីជំរុញគោលដៅ​នេះ ខ្ញុំសង្ឃឹមថា នឹងបានដឹកនាំគណប្រតិភូធុរកិច្ចកម្ពុជាមួយទៅសហរដ្ឋអាមេរិក ដើម្បីស្វែងយល់ឱកាសវិនិយោគ​នៅទីនោះ។ ក្រុមហ៊ុនកម្ពុជាបង្កើតការងារ​នៅប្រទេសអាមេរិកគឺជាវិធីល្អណាស់ក្នុងការពង្រឹងទំនាក់ទំនង។ ខ្ញុំដឹងថា​ខ្ញុំនិយាយច្រើនហើយ នៅយប់​នេះ។ សារជាគន្លឹះគឺថា ស្ថានទូតអាមេរិកមានការប្តេជ្ញាចិត្ត​ក្នុងការធ្វើឲ្យទំនាក់ទំនងសេដ្ឋកិច្ច​របស់យើងមានភាពកាន់តែជ្រាលជ្រៅឡើង​ ទាំង​នៅពេលនេះ ទាំង​នៅពេលអនាគត។ ដើម្បីសម្រេចបំណង​នេះបាន យើងត្រូវធ្វើការជិតស្និទ្ធជាមួយលោកអ្នកទាំងអស់ ទាំងជាមួយវិស័យឯកជន ទាំងជាមួយ​រដ្ឋាភិបាល ដើម្បីធ្វើឲ្យការនេះចេញជារូបរាង។ ខ្ញុំមានជំនឿ ហើយសង្ឃឹមថា​ យើងនឹងអាចធ្វើបាន។ សូមរីករាយនៅយប់​នេះ។ 

អាន​បន្ថែម»

សហរដ្ឋអាមេរិក និងអាស៊ានចុះហត្ថលេខាលើកិច្ចព្រមព្រៀងសហប្រតិបត្តិការអភិវឌ្ឍតំបន់ជាលើកដំបូង

សេចក្តីប្រកាសព័ត៌មាន   ទីក្រុង Jakarta ថ្ងៃទី ១០ ខែកញ្ញា ឆ្នាំ ២០២០  ថ្ងៃ​នេះ មន្រ្តីជាន់ខ្ពស់នៃទីភ្នាក់ងារផ្តល់ជំនួយ​របស់សហរដ្ឋអាមេរិក USAID ប្រចាំ​នៅអាស៊ាន គឺលោក Ryan Washburn និងលោកអគ្គលេខាធិការអាស៊ាន គឺឯកឧត្តម Dato Lim Jock Hoi បានចុះហត្ថលេខាលើកិច្ចព្រមព្រៀងស្តីពីសហប្រតិបត្តិការអភិវឌ្ឍតំបន់ ជាលើកដំបូង រវាងទីភ្នាក់ងារ USAID របស់សហរដ្ឋអាមេរិក និងសមាគមអាស៊ាន នៅអគ្គលេខាធិការដ្ឋាអាស៊ាន នៅក្នុងអំឡុងពេល​នៃកិច្ចប្រជុំថ្នាក់រដ្ឋមន្រ្តីអាស៊ាន សហរដ្ឋអាមេរិក។ ការចុះហត្ថលេខាលើកិច្ចព្រមព្រៀង​នេះគឺជាព្រឹត្តិការណ៍​ប្រវត្តិសាស្រ្តដ៏សំខាន់មួយ សម្រាប់កិច្ចសហប្រតិបត្តិការរវាងសហរដ្ឋអាមេរិក និងអាស៊ាន​ ដែលមានរយៈពេលជាង ៤០ ឆ្នាំមកហើយ។ វាថែមទាំងឆ្លុះបញ្ចាំងឲ្យឃើញភាពជាដៃគូជាយុទ្ធសាស្រ្តយូរអង្វែង ដើម្បីលើកកម្ពស់សន្តិភាព លទ្ធិប្រជាធិបតេយ្យ និងវិបុលភាព នៅតំបន់អាស៊ីអាគ្នេយ៍។ មន្រ្តីជាន់ខ្ពស់នៃទីភ្នាក់ងារ USAID ប្រចាំ​នៅអាស៊ាន គឺលោក Ryan Washburn បានមានប្រសាសន៍ថា៖ “កិច្ចព្រមព្រៀងថ្មី សម្រាប់រយៈពេល ៥​ ឆ្នាំ នេះ រវាងទីភ្នាក់ងារ USAID និងអាស៊ាន ដែលមានតម្លៃជាទឹកប្រាក់រហូតដល់ ៥០ លានដុល្លា បញ្ជាក់ពីការប្តេជ្ញាចិត្តរបស់សហរដ្ឋអាមេរិក ចំពោះការអភិវឌ្ឍតំបន់ ចំពោះសារសំខាន់ស្នូល​នៃអាស៊ាន និងគោលដៅរួមគ្នានៃសមាហរណតំបន់ និងអភិបាលកិច្ចផ្អែកលើច្បាប់ទំលាប់ ដើម្បីលើកកម្ពស់សន្តិភាព សន្តិសុខ និងវិបុលភាព​នៅក្នុងអាស៊ាន”។ លោកបានថ្លែងនៅចុងបញ្ចប់ថា៖ “និយាយដោយខ្លី កិច្ចសហប្រតិបត្តិការរបស់ទីភ្នាក់ងារ USAID នៅក្រោមកិច្ចព្រមព្រៀង​នេះ នឹងជំរុញចក្ខុវិស័យ​នៃសមាគមអាស៊ាន …

អាន​បន្ថែម»

ដំណឹងលក់ទំនិញដេញថ្លៃតាមOnline

ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង​​​​​​​​ បើកការលក់ដេញថ្លៃ​​​online នូវសម្ភារៈប្រើរួចមួយចំនួន ដល់សាធារណៈ​ជនទូទៅ​​​​​​​​ ។  ទីតំាងលក់ទំនិញដេញថ្លៃ: ការដេញថ្លៃប្រព្រឹត្តទៅនៅលើវិបសាយ (website): https://online-auction.state.gov/km-KH កាលបរិចេ្ឆទ​ និង ពេលវេលា: ការដេញថ្លៃ online នឹងបើកទទួលការចូលរួមពីបណ្តាសាធារណៈជនចាប់ពីវេលាម៉ោង៨ព្រឹក ថ្ងៃច័ន្ទ ទី៣១ ខែសីហា ឆ្នាំ២០២០ រហូតដល់ថ្ងៃច័ន្ទទី ៤ ខែកញ្ញា ឆ្នាំ២០២០ ម៉ោង​១រសៀល បិទការដេញថ្លៃ។ ស្ថានទូតនឹងធ្វើការសរុបលទ្ធផលនៃការដេញថ្លៃ ដោយមានការចូលរួមអង្កេតពិនិត្យពីមន្រ្តីគយរដ្ឋាករកម្ពុជា។ អ្នកឈ្នះសំរាប់ឡូត៍នីមួយៗនឹងត្រូវបានទាក់ទងដើម្បីជូនជាដំណឹង។ ​លក្ខខណ្ឌនៃការលក់: ទំនិញនឹងត្រូវលក់ជូនដល់អ្នកដេញថ្លៃ ដែលឲ្យតំលៃខ្ពស់បំផុត​។​ ទំនិញដែលបានលក់ដូចឃើញតាមរូបភាពស្រាប់​ ពុំអាចប្តូរជាប្រាក់វិញ និង គ្មានការធានាឡើយ។​ អ្នកដេញថ្លៃអាចចូលមើលរូបភាពទំនិញនីមួយៗនៅលើវេបសាយដេញថ្លៃ។ តម្លៃដេញថ្លៃអប្បរមា ត្រូវបានកំណត់សម្រាប់ឡូត៍នីមួយៗ ស្ថានទូតសហរដ្ឋអាមេរិករក្សាសិទ្ធិក្នុងការច្រានចោលនូវការដេញថ្លៃណាមួយដែលខ្លួនយល់ឃើញថាមិនសមនឹងតំលៃនៃទំនិញ ឬក៏មានភស្តុតាងបញ្ជាក់ថា​ មានការសមគំនិតគ្នា ការឃុបឃិត ឬ ការទទួលសំណូកណាមួយ។ ការបង់ប្រាក់ៈ អ្នកដេញថ្លៃឈ្នះ ត្រូវបង់បា្រក់គ្រប់ចំនួន ដែលគេមិនអាចទារយកមកវិញបាន ក្នុងអំឡុងពេល ១២០ម៉ោង ទៅគណនេយ្យធនាគារ របស់ស្ថានទូត បន្ទាប់ពីត្រូវបានទាក់ទង។ គេអាច យកទំនិញចេញបាន ដោយបង្ហាញបង្កាន់ដៃបង់ប្រាក់ …

អាន​បន្ថែម»

សេចក្តីជូនដំណឹង ស្តីពីសេវាកម្មទិដ្ឋាការ

តម្រូវការអោយមានលទ្ធផលតេស្តអវិជ្ជមានកូវីដ១៩ សម្រាប់ធ្វើដំណើរ៖ ចាប់ពីថ្ងៃទី២៦ ខែមករា មជ្ឈមណ្ឌលត្រួតពិនិត្យ និងបង្ការជំងឺឆ្លង (CDC) នឹងតម្រូវឱ្យគ្រប់អ្នកធ្វើដំណើរតាមផ្លូវអាកាសដែលនឹងចូលទៅសហរដ្ឋអាមេរិកបង្ហាញលទ្ធផលតេស្តអវិជ្ជមានកូវីដ១៩ ដែលទើបបានធ្វើក្នុងអំឡុងពេល៧២ម៉ោងនៃការចេញដំណើរ។ ក្រុមហ៊ុនអាកាសចរណ៍ត្រូវតែបញ្ជាក់ថាអ្នកដំណើរទាំងអស់មានលទ្ធផលតេស្តអវិជ្ជមានមុននឹងអាចឡើងយន្តហោះបាន។ ក្រុមហ៊ុនអាកាសចរណ៍មិនត្រូវអនុញ្ញាតឲ្យអ្នកដំណើរឡើងយន្តហោះទេប្រសិនបើមិនបានផ្តល់ឯកសារដែលបង្ហាញថាគេមានលទ្ធផលអវិជ្ជមាន ឬបានជាសះស្បើយឡើងវិញហើយ។ តម្រូវការនេះគឺដាច់ដោយឡែកពីដំណើការដាក់ពាក្យសុំទិដ្ឋាការ។ រាល់សេចក្តីប្រកាសរបស់ប្រធានាធិបតីដែលរឹតបន្តឹងការធ្វើដំណើរដោយសាជំងឺកូវីដ១៩ នៅមានសុពលភាពដដែល ហើយបន្តអនុវត្តចំពោះអ្នកធ្វើដំណើរដែលជាប់ក្នុងការរឹតបន្តឹងនោះដោយមិនគិតពីលទ្ធផលតេស្តកូវីដ ឬការចាក់វ៉ាក់សាំងរបស់គេឡើយ។ អ្នកដំណើរដែលមានការលើកលែងដោយសាពាក់ព័ន្ធនឹងផលប្រយោជន៍ថ្នាក់ជាតិ ក៏ត្រូវបំពេញទៅតាមតម្រូវការធ្វើតេស្តមុនពេលចេញដំណើរដែរ។ សម្រាប់ព័ត៌មានបន្ថែមពីការលើកលែងសម្រាប់តម្រូវការតេស្តកូវីដ សូមចុច ត្រង់នេះ ។ សេវាកម្ម៖ ចាប់ពីពេលនេះតទៅ ស្ថានទូតអាមេរិកនៅភ្នំពេញបើកបំរើសេវាកម្មសម្រាប់ទិដ្ឋាការអន្តោប្រវេសន៍ និងទិដ្ឋាការមិនមែនអន្តោប្រវេសន៍ប្រភេទមួយចំនួន​ រួមមានប្រភេទK​ ប្រភេទCR1 ប្រភេទCR2 ប្រភេទIR1 ប្រភេទIR2 ប្រភេទSB1 ប្រភេទEB5 ប្រភេទB1/B2 ប្រភេទF ប្រភេទM និងប្រភេទJ។ ស្ថានទូតកំពុងខិតខំធ្វើប្រតិបត្តិការករណីទិដ្ឋាការនីមួយៗឲ្យបានលឿន ប៉ុន្តែពេលវេលានៃការរង់ចាំអាចនឹងយូរជាងមុនដោយសាយើងនៅមានករណីដែលនៅ​សល់ពីមុនជាច្រើនកំពុងបន្តដំណើរការនៅឡើយ។ ប្រាក់ដែលបានបង់សម្រាប់ថ្លៃដាក់ពាក្យសុំទិដ្ឋាការមិនមែនអន្តោប្រវេសន៍ (MRV fee) នឹងមានសុពលភាពរយៈពេលមួយឆ្នាំគិតចាប់ពីថ្ងៃដែលបានបង់ប្រាក់ ហើយអាចប្រើប្រាស់ដើម្បីដាក់ពាក្យសុំទិដ្ឋាការនៅក្នុងប្រទេសណាដែលបានបង់ប្រាក់នោះ។ ប្រសិនបើលោកអ្នកមានធុរៈបន្ទាន់ហើយត្រូវធ្វើដំណើរភ្លាមៗ សូមធ្វើតាមការណែនាំដែលបានផ្ដល់ជូនក្នុង គេហទំព័រនេះ សម្រាប់ទិដ្ឋាការមិនមែនអន្តោប្រវេសន៍ ​ឬអ៊ីម៉េលមក  IVPhnomPenh@state.gov  សម្រាប់ទិដ្ឋាការអន្តោប្រវេសន៍ ដើម្បីស្នើសុំណាត់សម្ភាសន៍ជាប្រញាប់។ ការពន្យាសុពលភាពនៃថ្លៃដាក់ពាក្យសុំទិដ្ឋាការ៖ ស្ថានទូតអាមេរិកប្រចាំនៅកម្ពុជាយល់ឃើញថា បេក្ខជនជាច្រើនបានបង់ថ្លៃដាក់ពាក្យសុំទិដ្ឋាការរួចហើយ និងកំពុងរង់ចាំណាត់សម្ភាសន៍។ ស្ថានទូតកំពុងធ្វើការយ៉ាងយកចិត្តទុកដាក់ក្នុងការបើកបំរើសេវាកម្មទិដ្ឋាការទាំងអស់ឡើងវិញឱ្យបានឆាប់ និងមានសុវត្ថិភាពតាមដែលអាចធ្វើទៅបាន។ ក្នុងពេលនេះ លោកអ្នកអាចទុកចិត្តបានថា ស្ថានទូតនឹងបន្តសុពលភាពនៃការបង់ថ្លៃដាក់ពាក្យសុំទិដ្ឋាការមិនមែនអន្តោប្រវេសន៍ (MRV Fee) របស់លោកអ្នកដែលបានបង់រួច រហូតដល់ថ្ងៃទី៣១ ខែធ្នូ ឆ្នាំ២០២១ ដើម្បីឱ្យបេក្ខជនទាំងអស់ដែលមិនអាចណាត់សម្ភាសន៍សុំទិដ្ឋាការដោយសារតែការផ្អាកសេវាកម្មមានឱកាសណាត់សម្ភាសន៍ និង/ឬចូលសម្ភាសន៍ជាមួយនឹងថ្លៃដាក់ពាក្យសុំទិដ្ឋាការរបស់ខ្លួនដែលបានបង់រួច។ សូមបន្តតាមដានគេហទំព័រនេះ សម្រាប់ព័ត៌មានពីពេលណាដែលស្ថានទូតបើកបំរើសេវាកម្មទិដ្ឋាការធម្មតាឡើងវិញ។ ការផ្អាកមិនឲ្យចូលសហរដ្ឋអាមេរិកចំពោះជនអន្តោប្រវេសន៍ និងមិនមែនអន្តោប្រវេសន៍ប្រភេទមួយចំនួនដែលអាចបង្កហានិភ័យដល់ទីផ្សារការងារអាមេរិក៖ នៅថ្ងៃទី៣១ ខែធ្នូ ឆ្នាំ២០២០ ប្រធានាធិបតីបានចុះហត្ថលេខាលើសេចក្ដីប្រកាសមួយ ផ្អាកជនអន្តោប្រវេសន៍ និងមិនមែនអន្តោប្រវេសន៍ប្រភេទមួយចំនួនដែលអាចបង្កហានិភ័យដល់ទីផ្សារការងារអាមេរិកមិនឲ្យចូលសហរដ្ឋអាមេរិក ។ សេចក្ដីប្រកាសនេះនឹងបន្តសុពលភាពនៃសេចក្ដីប្រកាសរបស់ប្រធានាធិបតីលេខ១០០១៤ និងលេខ១០០៥២ ដោយបន្តការផ្អាកមិនអោយចូលនេះរហូតដល់ថ្ងៃទី៣១ ខែមីនា ឆ្នាំ២០២១។  សេចក្ដីប្រកាសរបស់ប្រធានាធិបតីលេខ១០០១៤  ផ្អាកជនអន្តោប្រវេសន៍ប្រភេទមួយចំនួនមិនឲ្យចូលសហរដ្ឋអាមេរិក ខណៈ សេចក្ដីប្រកាសរបស់ប្រធានាធិបតីលេខ១០០៥២  ផ្អាកជនមិនមែនអន្តោប្រវេសន៍ប្រភេទមួយចំនួនដែលអាចបង្កហានិភ័យដល់ទីផ្សារការងារអាមេរិកមិនឲ្យចូលសហរដ្ឋអាមេរិក ក្នុងកំឡុងពេលនៃការងើបឡើងវិញនៃសេដ្ឋកិច្ចបន្ទាប់ពីការផ្ទុះឡើងនៃមេរោគកូរ៉ូណាថ្មី។ សេចក្ដីប្រកាសរបស់ប្រធានាធិបតីលេខ១០០៥២ សំដៅដល់អ្នកមានទិដ្ឋាការប្រភេទH-1B ប្រភេទH-2B ប្រភេទL-1 ប្រភេទJ-1 សម្រាប់ចូលរួមហាត់ការងារ (intern) អ្នកហ្វឹកហ្វឺនការងារ (trainee) គ្រូបង្រៀន​ (teacher) អ្នកផ្តល់ប្រឹក្សាបោះជំរុំ (camp counselor) អ្នកធ្វើការតាមផ្ទះ (au pair) ឬអ្នកចូលរួមកម្មវិធីការងារធ្វើដំណើរនារដូវក្ដៅ (summer work travel program) ព្រមទាំងប្តី/ប្រពន្ធ និងកូនៗរបស់ពួកគេដែលមានទិដ្ឋាការប្រភេទH-4 ប្រភេទL-2​ ​ឬប្រភេទJ-2 ។ ពលរដ្ឋអាមេរិក អ្នកមានសិទ្ធិរស់នៅអចិន្ត្រៃយ៍ស្របច្បាប់ និងជនបរទេសដែលកំពុង ឬបានចូលសហរដ្ឋអាមេរិករួចហើយ ឬអ្នកដែលទទួលបានទិដ្ឋាការមិនមែនអន្តោប្រវេសន៍ ឬទិដ្ឋាការអន្តោប្រវេសន៍រួចហើយនៅថ្ងៃដែលសេចក្ដីប្រកាសនេះចូលជាធរមាន នឹងមិនរាប់បញ្ចូលក្នុងសេចក្ដីប្រកាសនេះទេ។ សេចក្ដីប្រកាសរបស់ប្រធានាធិបតីស្តីអំពីជំងឺកូរ៉ូណាថ្មី៖ ជនបរទេសណាដែលធ្លាប់មានវត្តមាននៅក្នុងបណ្តាប្រទេសទាំងអស់ខាងក្រោមនេះអំឡុងពេល១៤ថ្ងៃមុនចូលឬមានបំណងចូលសហរដ្ឋអាមេរិកត្រូវបានហាមឃាត់ ដោយយោងទៅតាមសេចក្ដីប្រកាសរបស់ប្រធានាធិបតីលេខ៩៩៨៤  លេខ៩៩៩២ លេខ៩៩៩៣  លេខ៩៩៩៦ និងលេខ១០០៤១ ដែលបានធ្វើឡើងនៅថ្ងៃទី២៥ខែមករា។ ប្រទេសទាំងអស់នោះរួមមាន៖ – ប្រទេសអាហ្រ្វិចខាងត្បូង –  ប្រទេសប្រេស៊ីល –  ចក្រភពអង់គ្លេស និងអៀរឡង់ខាងជើង ដោយមិនរាប់បញ្ចូលទឹកដីក្រោមចក្រភពដែលនៅខាងក្រៅទ្វីបអឺរ៉ុប។ – សាធារណរដ្ឋអៀរឡង់ – ប្រទេសទាំង២៦នៅក្នុងតំបន់ Schengen រួមមានប្រទេសអូទ្រីស ប្រទេសប៊ែលស៊ិក សាធារណរដ្ឋឆែក ប្រទេសដាណឺម៉ាក ប្រទេសអេស្តូនី ប្រទេសហ្វាំងឡង់ ប្រទេសបារាំង ប្រទេសអាឡឺម៉ង់ ប្រទេសក្រិច ប្រទេសហុងគ្រី ប្រទេសអ៊ីស្លង់ ប្រទេសអ៊ីតាលី ប្រទេសឡេតូនី ប្រទេសលិចតិនស្តាញ  ប្រទេសលីទុយអានី ប្រទេសលុចសំបួ ប្រទេសម៉ាល់ត៍ ប្រទេសហូឡង់ ប្រទេសណរវែស៍ ប្រទេសប៉ូឡូញ ប្រទេសប៉ទុយហ្គាល់ ប្រទេសស្លូវាគី ប្រទេសស្លូវានី ប្រទេសអេស្បាញ ប្រទេសស៊ុយអ៉ែត និងប្រទេសស្វីស – សាធារណរដ្ឋឥស្លាមិកអ៊ីរ៉ង់ – សាធារណរដ្ឋប្រជាមានិតចិន ដោយមិនរាប់បញ្ចូលរដ្ឋបាលពិសេសនៃហុងកុង និងម៉ាកាវ។ មានករណីលើកលែងមួយចំនួន ដូចជាសម្រាប់អ្នកមានសិទ្ធរស់នៅស្របច្បាប់នៅសហរដ្ឋអាមេរិក និងសមាជិកគ្រួសារមួយចំនួនរបស់ពលរដ្ឋ អាមេរិកព្រមជាមួយនឹងការលើកលែងដទៃទៀតដែលមានចែងនៅក្នុងសេចក្ដីប្រកាសទាំងនោះ។ ប្រសិនបើអ្នករស់នៅ ធ្លាប់បានធ្វើដំណើរទៅប្រទេសដូចមានរាយនាមខាងលើកាលពីពេលថ្មីៗកន្លងមក ឬមានបំណងធ្វើដំណើរទៅប្រទេសដូចមានរាយនាមខាងលើនេះមុនធ្វើដំណើរទៅអាមេរិក យើងខ្ញុំសូមផ្តល់យោបល់ឲ្យលាកអ្នកពន្យារថ្ងៃសម្ភាសន៍ ដោយត្រូវរង់ចាំរហូតដល់រយៈពេល១៤ថ្ងៃក្រោយពីថ្ងៃដែលអ្នកចាកចេញពីប្រទេសដែលហាមប្រាមខាងលើជាមុនសិន។ ម្យ៉ាងទៀត ប្រសិនបើអ្នកមានអាការៈដូចជាមានជំងឺផ្តាសាយ ឬជឿថាអ្នកបានប៉ះពាល់ជាមួយនឹងមេរោគកូរ៉ូណាថ្មី យើងខ្ញុំសូមផ្តល់យោបល់ឲ្យអ្នកពន្យារថ្ងៃសម្ភាសន៍ ដោយត្រូវរង់ចាំយ៉ាងហោចណាស់រហូតដល់រយៈពេល១៤ថ្ងៃទៅមុខទៀត។ ការលុបចោលសេចក្តីប្រកាសរបស់ប្រធានាធិបតីលេខ ៩៦៤៥ និង ៩៩៨៣ នៅថ្ងៃទី ២០ ខែមករាឆ្នាំ ២០២១ លោកប្រធានាធិបតី Biden បានចុះហត្ថលេខាលើសេចក្តីប្រកាសរបស់ប្រធានាធិបតីដែលមានចំណងជើងថា“ការបញ្ចប់បម្រាមប្រកាន់ពូជសាសន៍នៃការចូលទៅកាន់សហរដ្ឋអាមេរិក“។ សេចក្តីប្រកាសនេះបញ្ចប់ការរឹតត្បិតការធ្វើដំណើរក្រោមសេចក្តីប្រកាសរបស់ប្រធានាធិបតីលេខ ៩៦៤៥ និង ៩៩៨៣ ដែលបានផ្អាកការចូលទៅកាន់សហរដ្ឋអាមេរិកដោយផ្អែកលើប្រភេទទិដ្ឋការនៃជនជាតិជាក់លាក់មួយចំនួនពីប្រទេស Burma, Eritrea, Iran, Kyrgyzstan, Libya, Nigeria, North Korea, Somalia, Sudan, Syria, Tanzania, Venezuela, និង Yemen។ …

អាន​បន្ថែម»

ដំណឹងលក់រថយន្តដេញថ្លៃតាមOnline

ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង​​​​​​​​ធ្វើការលក់ដេញថ្លៃ​​​ឡាយឡុងនូវរថយន្តប្រើប្រាស់រួចចំនួន១គ្រឿងដល់សាធារណជនទូទៅ ចាប់ពីថ្ងៃទី២៣ ខែកក្កដា ឆ្នាំ២០២០ ដល់ថ្ងៃទី២9 ខែកក្កដា ឆ្នាំ២០២០។ សូមផ្ញើរសន្លឹកដេញថ្លៃរបស់លោកអ្នកតាមរយៈស្រោមសំបុត្របិទជិតទៅកាន់អស័យដ្ឋាន៖  ស្ថានទូតសហរដ្ឋអាមេរិកប្រចាំទីក្រុងភ្នំពេញ អគារលេខ ១ ផ្លូវលេខ ៩៦ សង្កាត់វត្តភ្នំ ខណ្ឌដូនពេញ ក្រុងភ្នំពេញ  Attn: លោកសំ សុភី។ សូមមើលព័ត៌មានបន្ថែម៖ Sale Ads for the Land Cruiser (PDF:778KB)

អាន​បន្ថែម»

របាយការណ៍ក្រសួងការបរទេសសហរដ្ឋអាមេរិក របាយការណ៍ស្តីពីការជួញដូរមនុស្សឆ្នាំ ២០២០

ប្រទេសកម្ពុជា – (លំដាប់ថ្នាក់ទី២ ក្នុងបញ្ជីតាមដាន) រដ្ឋាភិបាលកម្ពុជា មិន​បានគោរពបានពេញលេញ​តាម​បទ​ដ្ឋាន​អប្បប​រមាក្នុង​ការ​លុបបំបាត់​ការ​ជួញ​​​ដូរ​មនុស្ស​​ទេ ។ ទោះ​ជា​យ៉ាង​ណា​ក្ដី ក៏រដ្ឋា​ភិបាល​កំពុងបង្កើនកិច្ច​ខិតខំ​ប្រឹង​ប្រែង​គួរឲ្យ​កត់​សម្គាល់ក្នុង​ការ​ប្រយុទ្ធ​ប្រឆាំង​នឹង​ការ​ជួញ​​ដូរ​មនុស្ស​​នេះ។​ ការខិតខំ​ទាំង​នេះ​រួម​មាន​ដូច​ជាបាន​​បន្ត​កាត់ទោស​និងដាក់​ទោស​ជនល្មើស ការបង្កើតផែនការសកម្មភាព ៥ ឆ្នាំដើម្បី​ប្រយុទ្ធ​​​ប្រឆាំង​នឹង​ការជួញ​ដូរ​ការបង្កើត​និង​ប្រើ​បច្ចេកទេស​ថ្មីក្នុង​ការកំណត់​អត្ត​សញ្ញាណ​ជន​រងគ្រោះ និងការ​ប្រមូល​​ទិន្នន័យ។ តែ​រដ្ឋា​ភិបាល​មិន​បាន​បង្ហាញ​ឲ្យ​ឃើញ​ថា​បាន​បង្កើន​ការ​ខិត​ខំ​ទេ បើប្រៀប​ធៀប​នឹងរយៈ​​កាល​នៃ​របាយការណ៍​លើកមុន។ អាជ្ញាធរ​មិន​បានប្រ​មូលព័ត៌មាន​ឲ្យ​បានគ្រប់គ្រាន់ ឬចែករំលែកព័ត៌មានគន្លឹះ ស្តីពីការងារ​ពង្រឹងការអនុវត្តច្បាប់ទេ។ អំពើ​ពុក​រលួយ ​នៅ​តែ​ធ្វើឲ្យ​រាំង​​ស្ទះ​ដល់​ការងាររបស់សមត្ថកិច្ច ដំណើរការ​កាត់ក្តី​ជនល្មើស និង​ការ​​​ផ្តល់​សេវា​ដល់​ជន​រងគ្រោះ។ នៅចំពោះមុខ​​ កង្វះការគ្រប់គ្រង និងវិធានការ​ចាប់ឲ្យ​ទទួល​ខុស​ត្រូវ​របស់រដ្ឋាភិបាល អាជ្ញាធរមិនបានធ្វើការស៊ើបអង្កេតលើរបាយការណ៍​ដែលគួរឲ្យ​ទុក​ចិត្ត​បាន ស្តីពី​​ការ​ឃុបឃិត​របស់មន្រ្តីជាមួយឈ្មួញខិលខូច ដែលបានធ្វើឲ្យបុរស ស្រ្តី និង​កុមារ​រាប់​ពាន់​នាក់ នៅ​ទូទាំង​ប្រទេស រងការ​ជួញដូរមនុស្ស នៅ​តាម​កន្លែង​កំសាន្ត​កន្លែងឡឥដ្ឋ។ ការ​ខកខាន​​របស់​រដ្ឋា​ភិបាល ក្នុងការ​បង្កើត​និង​អនុវត្ត​ប្រព័ន្ធ​តាមដាន​ផ្នែកយុត្តិធម៌ ​ឲ្យបាន​គ្រប់​គ្រាន់​ ​ធ្វើឲ្យ​ជន​សង្ស័យ​​​ជាច្រើនគេចខ្លួនមុនសវនាការ ដែលជា​ការនាំ​ឲ្យមាន​ការកាត់​ទោស​កំបាំង​មុខ​ជា​ច្រើន។ រដ្ឋាភិបាល​បានបន្ត​ប្រើប្រាស់​មិនត្រឹម​ត្រូវ​ ​នូវធនធាន​មាន​កម្រិត​សម្រាប់​ការងារ​ពង្រឹង​ច្បាប់ ដោយ​ដៅលើ​អ្នកមិន​ជាប់​ពាក់ព័ន្ធ​នឹង​ការជួញដូរ ហើយគាប​សង្កត់​លើ​បុគ្គល​​ដែល​ចង់​ធ្វើ​ការ​​ចងក្រង​ឯកសារ​ស្តីពីការជួញដូរ​មនុស្ស​​របស់​ប្រទេសកម្ពុជា ហើយមិន​បាន​​​​ខិត​ខំ​​បង្វែរ​ការ​ចោទ​ប្រកាន់​ស្តីពីការ​ជួញដូរ​ដែល​មិន​សមហេតុផល និង​មាន​លក្ខណៈ​នយោបាយ ដូច​មាន​និយាយ​​នៅក្នុងរបាយការណ៍​លើកមុន។ អាជ្ញាធរ​មិនបាន​ចេញ​​ការណែនាំ​ផ្លូវ​​ការ ​ដែល​អនុញ្ញាត​ឲ្យប្រើ​បច្ចេកទេសស៊ើបអង្កេតសម្ងាត់ នៅក្នុងប្រតិបត្តិការ​ប្រឆាំង​នឹង​ការ​​​ជួញ​ដូរ​ទេ។ កត្តា​នេះ​បន្ត​ធ្វើឲ្យមានឧបសគ្គដល់​លទ្ធភាព​របស់មន្រ្តី នៅក្នុងការ​ចាប់ឲ្យជន​ប្រព្រឹត្ត​ការជួញដូរ​ផ្លូវភេទ​ទទួល​ខុសត្រូវ។ ដូច្នេះប្រទេស​កម្ពុជា​ នៅបន្តស្ថិតនៅ​លំដាប់​ថ្នាក់​ទី ២ ក្នុង​​បញ្ជី​តាម​ដាន …

អាន​បន្ថែម»

ជំហររបស់សហរដ្ឋអាមេរិក នៅក្នុងការទាមទារតំបន់សមុទ្រចិនខាងត្បូង

សេចក្តីប្រកាសព័ត៌មានរបស់លោករដ្ឋមន្រ្តីក្រសួងការបរទេសសហរដ្ឋអាមេរិក Michael R. Pompeo ថ្ងៃទី ១៣ ខែកក្កដា ឆ្នាំ ២០២០ សហរដ្ឋអាមេរិកគាំទ្រឲ្យតំបន់ឥណ្ឌូប៉ាស៊ីហ្វិកមានភាពសេរី និងភាពបើកចំហ។ ពេលនេះ យើងកំពុងពង្រឹងគោលនយោបាយ​របស់សហរដ្ឋអាមេរិកនៅក្នុងផ្នែកដ៏មានសារសំខាន់ និងមានភាពចម្រូងចម្រាស​​នៃតំបន់​នេះ គឺសមុទ្រចិនខាងត្បូង។ យើងសូមបញ្ជាក់ច្បាស់ថា ការទាមទាររបស់ប្រទេសចិន​ចំពោះធនធានក្នុងភាគច្រើនបំផុត​នៃសមុទ្រចិនខាងត្បូងគឺខុសច្បាប់ទាំងស្រុង គឺដូចគ្នានឹងយុទ្ធនាការរបស់ចិនក្នុងការសម្លុតតគេឯង ដើម្បីបានគ្រប់គ្រងធនធានទាំងនោះ។ នៅសមុទ្រចិនខាងត្បូង យើងចង់រក្សាសន្តិភាព និងស្ថិរភាព លើកកម្ពស់សេរីភាពសមុទ្រ ស្របតាមច្បាប់អន្តរជាតិ រក្សាលំហូរដោយគ្មានឧបសគ្គនៃពាណិជ្ជកម្ម ប្រឆាំងការប៉ុនប៉ងណាមួយក្នុងការប្រើការសម្លុត ឬកម្លាំង ដើម្បីដោះស្រាយជម្លោះ។ យើងមានផលប្រយោជន៍​ដ៏ជ្រាលជ្រៅ និងស្របច្បាប់ ជាមួយដៃគូ និងសម្ព័ន្ធមិត្តជាច្រើន​របស់យើង ដែលជាយូរមកហើយ បានគាំទ្រសណ្តាប់ធ្នាប់អន្តរជាតិដែលផ្អែកលើច្បាប់។ ផលប្រយោជន៍រួមទាំង​នេះបានរងការគំរាមកំហែងដែលមិនធ្លាប់មានពីមុនមក ពីសាធារណរដ្ឋប្រជាមានិតចិន។ ទីក្រុងប៉េកាំង បានប្រើការគំរាមកំហែងដើម្បីបំផ្លាញសិទ្ធិអធិបតេយ្យ នៃប្រទេសនៅអាស៊ីអាគ្នេយ៍ ដែលជាប់នឹងសមុទ្រចិនខាងត្បូង សម្លុតគេមិនឲ្យទទួលបានធនធានសមុទ្រ ប្រកាសធ្វើការគ្រប់គ្រងជាឯកតោភាគី ហើយយកគោលការណ៍ “អ្នកខ្លាំងជាអ្នកត្រូវ” មកជំនួសច្បាប់អន្តរជាតិ។ គេមើលឃើញយុទ្ធសាស្រ្តរបស់ប្រទេសចិន​រាប់ឆ្នាំមកហើយ។ នៅឆ្នាំ ២០១០ រដ្ឋមន្រ្តីការបរទេសចិនកាលនោះ ឈ្មោះ Yang Jiechi បានប្រាប់សមភាគីអាស៊ាន​របស់លោកថា “ប្រទេសចិនគឺជាប្រទេសធំ ហើយប្រទេសដទៃគឺជាប្រទេសតូច ហើយវាគឺជាការពិត”។ ទស្សនៈបែបចង់រំលោភលើគេរបស់ប្រទេសចិន​មិនត្រូវមានឡើយ នៅក្នុងសវត្សរ៍ទី ២១ យើង​នេះ។ ប្រទេសចិនគ្មានមូលដ្ឋានច្បាប់ក្នុងការចាប់បង្ខំឲ្យគេទទួលយកឆន្ទៈរបស់ខ្លួននៅក្នុងតំបន់​នេះទេ។ ទីក្រុងប៉េកាំងមិនបានផ្តល់មូលដ្ឋានច្បាប់ត្រឹមត្រូវ​សម្រាប់ការទាមទារតាម “ខ្សែបន្ទាត់ ៩” របស់ខ្លួន នៅសមុទ្រចិនខាងត្បូងទេ តាំងពីពេលដែលខ្លួនបានប្រកាសវា នៅឆ្នាំ ២០០៩មក។ នៅក្នុងការសម្រេចចិត្តជាឯកឆន្ទ កាលពីថ្ងៃទី ១២ ខែកក្កដា ឆ្នាំ ២០១៦ តុលាការកាត់ក្តី ដែលត្រូវបានបង្កើតឡើងក្រោមច្បាប់ឆ្នាំ ១៩៨២ ស្តីពីអនុសញ្ញាសមុទ្រ ដែលប្រទេសចិនជារដ្ឋបានចុះហត្ថលេខាយល់ព្រមផងដែរ​នោះ បានបដិសេធការទាមទារតំបន់សមុទ្ររបស់ប្រទេសចិន​ ថាគ្មានមូលដ្ឋានច្បាប់ នៅក្នុងច្បាប់អន្តរជាតិ។ តុលាការ​នេះបានឲ្យប្រទេសហ្វីលីពីន ដែលជាប្រទេសដាក់ពាក្យបណ្តឹង ឈ្នះក្តីស្ទើរតែក្នុងគ្រប់ការទាមទារទាំងអស់។ ដូចដែលសហរដ្ឋអាមេរិកបានបញ្ជាក់កន្លងមកហើយ និងដូចដែលត្រូវបានបញ្ជាក់ច្បាស់​នៅក្នុងអនុសញ្ញាហើយ ការសម្រេចរបស់តុលាការ​នេះគឺបិទផ្លូវតវ៉ា ហើយភាគីទាំងសងខាងត្រូវតែគោរព។ ពេលនេះ ជំហររបស់សហរដ្ឋអាមេរិកស្តីពីការទាមទាររបស់ប្រទេសចិន​នៅសមុទ្រចិនខាងត្បូង គឺស្របតាមការសម្រេចរបស់តុលាការ ពោលគឺ៖ ប្រទេសចិនមិនអាចធ្វើការទាមទារដោយស្របច្បាប់លើការទាមទារក្នុងតំបន់សមុទ្រ​នេះបានទេ ដែលរួមមានការទាមទារលើតំបន់សេដ្ឋកិច្ចពិសេសណាមួយ រាប់ពីតំបន់ថ្មប៉ប្រះទឹក Scarborough ដល់ប្រជុំកោះ Sprartly  ទាក់ទងនឹងប្រទេសហ្វីលីពីន នៅក្នុងតំបន់ដែលតុលាការបានរកឃើញថា ជាតំបន់សេដ្ឋកិច្ចពិសេសរបស់ប្រទេសហ្វីលីពីន។ ការរំខានរបស់ទីក្រុងប៉េកាំងដល់ការនេសាទ និងការអភិវឌ្ឍថាមពលសមុទ្រ នៅក្នុងតំបន់ទាំង​នោះ គឺ​ខុសច្បាប់ ហើយសកម្មភាពជាឯកតោភាគីរបស់ប្រទេសចិន ក្នុងការធ្វើអាជីវកម្ម​លើធនធានទាំងនោះ​​ ក៏ខុសច្បាប់ដែរ។ ស្របតាមការសម្រេចរបស់តុលាការដែលមានតម្លៃតាមផ្លូវច្បាប់ ប្រទេសចិនគ្មានការទាមទារទឹកដី ឬដែនសមុទ្រស្របច្បាប់ នៅតំបន់ Micheif Reef ឬ Second Thomas Shoal ទេ ដោយតំបន់ទាំងពីរ​នេះ​ស្ថិតនៅក្រោមសិទ្ធិអធិបតេយ្យ និងយុត្តាធិការ​របស់ប្រទេសហ្វីលីពីន ហើយទីកុ្រងប៉េកាំងក៏មិនត្រូវទាមទារដី ឬសមុទ្រដោយសារតែលក្ខណៈ​នៃតំបន់ទាំងនេះបានដែរ។ ដោយសារទីក្រុងប៉េកាំងមិនបានចេញការទាមទារស្របច្បាប់ និងស៊ីចង្វាក់ត្រឹមត្រូវ នៅសមុទ្រចិនខាងត្បូង សហរដ្ឋអាមេរិកសូមបដិសេធរាល់ការទាមទាររបស់ប្រទេសចិន ចំពោះដែនទឹកដែលស្ថិតនៅក្នុងចម្ងាយលើសពី ២២ គម ពីកោះដែលខ្លួនបានទាមទារ នៅប្រជុំកោះ Spratly (ដោយគ្មានការធានាថា នឹងគ្មានការបដិសេធដូចគ្នា​នេះដែរ​ចំពោះការទាមទារលើអធិបតេយ្យ​ភាពដោយរដ្ឋដទៃទៀត លើកោះបែប​នោះ)។ ដូច្នេះ សហរដ្ឋអាមេរិកបដិសេធការទាមទារណាមួយ​របស់ប្រទេសចិននៅក្នុងដែនទឹកនៅជុំវិញតំបន់ Vanguard Bank (ក្បែរប្រទេសវៀតណាម) និងតំបន់ Luconia Shoals (ជិតប្រទេសម៉ាឡេស៊ី) ដែនទឹកក្នុងតំបន់សេដ្ឋកិច្ចផ្តាច់មុខរបស់ប្រទេសប្រ៊ុយណេ និងតំបន់ Natuna Besar (ក្បែរប្រទេសឥណ្តូនេស៊ី)។ សកម្មភាព​ណាមួយ​របស់ប្រទេសចិនដែលយាយីការនេសាទឬការអភិវឌ្ឍធនធានអ៊ីដ្រូកាបោនរបស់រដ្ឋដទៃទៀត​ នៅក្នុងដែនទឹកទាំង​នេះ ឬដែលប្រព្រឹត្តសកម្មភាព​បែប​នេះជាឯកតោភាគី គឺជាអំពើខុសច្បាប់។ ប្រទេសចិនមិនអាចធ្វើការទាមទារដោយស្របច្បាប់​លើដែនដី ឬដែនសមុទ្រនៅ (ឬក្បែរ)តំបន់ James Shoal ដែលជាតំបន់លិចទឹក ហើយមានចម្ងាយតែជាង ៩០គម ពីប្រទេសម៉ាឡេស៊ី និងប្រហែលជាង ១៨០០ គម ពីឆ្នេររបស់ប្រទេសចិន។ តំបន់ James Shoal ត្រូវបានប្រព័ន្ធឃោសនារបស់ប្រទេសចិន​និយាយថា ជា “ទឹកដី​នៅចុងខាងត្បូងបំផុតនៃប្រទេសចិន”។​ ច្បាប់អន្តរជាតិចែងច្បាស់ហើយ គឺថា ដីទួលនៅក្រោមទឹក ដូចជា​ James Shoal មិនអាចរដ្ឋណាមួយទាមទារយកបានឡើយ ហើយមិនអាចត្រូវបានបង្កើតជាតំបន់កំហិតលើការធ្វើនាវាចរណ៍បានទេ។ តំបន់ James Shoal (ដែលស្ថិតនៅក្រោមផ្ទៃទឹកប្រហែល ២០ ម) មិនមែន ហើយក៏​មិនដែលជាទឹកដី​របស់ប្រទេសចិនឡើយ ហើយទីក្រុងប៉េកាំងក៏​មិនអាចទាមទារសិទ្ធិស្របច្បាប់លើតំបន់​នេះបានដែរ។ ពិភពលោកនឹងមិនអនុញ្ញាតឲ្យទីក្រុងប៉េកាំងយកសមុទ្រចិនខាងត្បូងធ្វើជាអាណាចក្រសមុទ្ររបស់ខ្លួនបានទេ។ ប្រទេសអាមេរិកឈរនៅជាមួយដៃគូ និងសម្ព័ន្ធមិត្តរបស់យើង​នៅអាស៊ីអាគ្នេយ៍ នៅក្នុងការការពារសិទ្ធិអធិបតេយ្យ​របស់គេ លើធនធានសមុទ្រ ស្របតាមសិទ្ធិ និងកាតព្វកិច្ចរបស់គេ នៅក្រោមច្បាប់អន្តរជាតិ។ យើងឈរនៅជាមួយសហគមន៍​អន្តរជាតិ នៅក្នុងការការពារសេរីភាពសមុទ្រ ហើយគោរពអធិបតេយ្យ​ភាព ព្រមទាំងបដិសេធការប៉ុនប៉ងក្នុងការបង្ខំឲ្យគេទទួលយកគោលការណ៍ “អ្នកខ្លាំងគឺជាអ្នកត្រូវ” នៅសមុទ្រចិនខាងត្បូង ឬតំបន់ដទៃទៀត ក្នុងពិភពលោក។

អាន​បន្ថែម»

សេចក្តីប្រកាសព័ត៌មានរួម

សេចក្តីប្រកាសព័ត៌មានរួម ស្តីពី ការចុះហត្ថលេខាលើកិច្ចព្រមព្រៀងវិសោធនកម្មស្តីពីហិរញ្ញប្បទានសហប្រតិបត្តិការអភិវឌ្ឍន៍ រវាងរាជរដ្ឋាភិបាលនៃព្រះរាជាណាចក្រកម្ពុជា និង រដ្ឋាភិបាលសហរដ្ឋអាមេរិករាជធានីភ្នំពេញ ៖ ថ្ងៃព្រហស្បតិ៍ ៥កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែមិថុនា ឆ្នាំ២០២០, រាជរដ្ឋាភិបាលកម្ពុជា តាមរយៈក្រុមប្រឹក្សាអភិវឌ្ឍន៍កម្ពុជា និង​ រដ្ឋាភិបាលសហរដ្ឋអាមេរិក តាមរយៈទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) បានចុះហត្ថលេខាលើកិច្ចព្រមព្រៀងវិសោធនកម្មស្តីពីហិរញ្ញប្បទានសហប្រតិបត្តការអភិវឌ្ឍន៍ សម្រាប់ឆ្នាំសារពើពន្ធ២០១៩ ។ តាមរយៈកិច្ចព្រមព្រៀងនេះ រដ្ឋាភិបាលសហរដ្ឋអាមេរិក នឹងផ្តល់ហិរញ្ញប្បទានឥតសំណងប្រមាណ ៥៦ លានដុល្លារ ក្នុងនោះ ៣៨ លានដុល្លារ សម្រាប់វិស័យសុខាភិបាល និងអប់រំ និង ១៨ លានដុល្លារ សម្រាប់វិស័យ​កសិកម្ម និងបរិស្ថាន ដែលអនុវត្តដោយភា្នក់ងារអនុវត្តគម្រោងនានានៅក្នុងព្រះរាជាណាចក្រកម្ពុជា ។ ឯកឧត្តម ជិន​ ប៊ុនស៊ាន ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានក្រុមប្រឹក្សាអភិវឌ្ឍន៍កម្ពុជា បានមានប្រសាសន៍ថា  “ការបន្តកិច្ចសហប្រតិបត្តិការអភិវឌ្ឍទ្វេភាគីនេះ គឺជាសសរស្តម្ភដ៏សំខាន់ក្នុងការលើកកម្ពស់ និងពង្រឹងកិច្ចសហប្រតិបត្តិការ និងភាពជាដៃគូរវាងប្រទេសទាំងពីរ”។ ឯកឧត្តម W. Patrick …

អាន​បន្ថែម»

កម្ពុជា: របាយការណ៍ស្តីពីសេរីភាពសាសនាអន្តរជាតិ ឆ្នាំ ២០១៩

សេចក្តីសង្ខេបរួម  រដ្ឋធម្មនុញ្ញចែងថា ពុទ្ធសាសនា​គឺជា​សាសនា​របស់​រដ្ឋ ហើយត្រូវ​បានលើកកម្ពស់ តាមរយៈការមានថ្ងៃឈប់សម្រាក ការបណ្តុះបណ្តាលបែបសាសនា ការបង្រៀនពីព្រះពុទ្ធសាសនានៅតាមសាលារដ្ឋ និងការផ្តល់ថវិកាដល់ស្ថាប័ន​ពុទ្ធ​សាសនា។ ច្បាប់ចែងពីសេរីភាពនៃជំនឿ និងការប្រតិបត្តិសាសនា ដរាបណាសេរីភាព​នេះមិនជ្រៀតជ្រែកជំនឿសាសនារបស់អ្នកដទៃ ហើយមិនប៉ះពាល់សណ្តាប់ធ្នាប់ និងសន្តិសុខសាធារណៈ។ ច្បាប់មិនអនុញ្ញាតឲ្យនិកាយដែលមិនមែនជាព្រះពុទ្ធសាសនា ធ្វើការទទួលអ្នកដូរសាសនាជាសាធារណៈទេ។ រដ្ឋាភិបាលនៅតែមិនព្រមអនុញ្ញាតឲ្យ​ការិយាល័យ​នៃឧត្តមស្នងការទទួលបន្ទុកជនភៀស​ខ្លួន ​របស់អង្គការសហប្រជាជាតិ (UNHCR) ទទួលយកជាអចិន្រ្តៃយ៍ នូវជនម៉ុងតាញ៉ាមួយក្រុម ដែលកាន់សាសនាគ្រិស្តមកពីប្រទេសវៀត​ណាម ហើយដែលបានមកប្រទសកម្ពុជា ដើម្បីទាមទារសិទ្ធិជ្រកកោន។ រដ្ឋាភិបាល បានប្រគល់ឲ្យវិញ​នូវដីខ្លះទៅសហគមន៍ជនជាតិ ដែលច្រើនមានជំនឿលើរុក្ខអារក្សអ្នកតា ដោយដើមឡើយ រដ្ឋ​ផ្តល់​ដី​នោះទៅឲ្យក្រុមហ៊ុនបរទេសមួយធ្វើជាដីសម្បទានសម្រាប់ធ្វើការអភិវឌ្ឍន៍។ សារព័ត៌មានបានរាយការណ៍ថា អ្នកភូមិបានសម្លាប់មនុស្សយ៉ាងហោចណាស់ ២ នាក់ ដោយគេសង្ស័យថា បានធ្វើធ្មប់ ដោយសារគេមានជំនឿលើអារក្សអ្នកតា។ ឧត្តមស្នងការទទួលបន្ទុកសិទ្ធិមនុស្ស ​របស់អង្គការសហប្រជាជាតិ (OHCHR) បាននិយាយថា បទល្មើសទាក់ទងនឹងអំពើអាបធ្មប់ នៅតែបន្តមានច្រើន ហើយនៅចន្លោះពីឆ្នាំ ២០១២ ដល់ឆ្នាំ ២០១៨ មានករណីបែប​នេះយ៉ាងហោចណាស់ចំនួន ៤៩។ នៅតែមានសេចក្តីរាយការណ៍​ថា មានឧបសគ្គនៅក្នុងសង្គម ចំពោះសមាហរណកម្ម​នៃក្រុមភាគតិចដែលកាន់សាសនាអ៊ីស្លាម និងក្រុមអ្នកកាន់សាសនាគ្រិស្ត។ មន្រ្តីស្ថានទូតសហរដ្ឋអាមេរិកតែងតែលើកឡើងពីសេរីភាពសាសនា និងភាពអត់ឱន ជាមួយតំណាង​នៃក្រសួងធម្មការ និងសាសនា និងមន្រ្តីដទៃទៀត​នៃរដ្ឋាភិបាល។ កម្មវិធីខ្លះ​របស់ស្ថានទូតបានបន្តផ្តោតលើការអភិរក្សនៃទីតាំងវប្បធម៌​សាសនា។ ផ្នែក ១៖ ប្រជាសាស្រ្តទាក់ទងនឹងសាសនា  តាមការប៉ាន់ប្រមាណរបស់រដ្ឋាភិបាលសហរដ្ឋអាមេរិក ប្រជាជនកម្ពុជាមានចំនួន​សរុបចំនួន ១៦,៧ លាន​នាក់ (ចំនួនប៉ាន់ប្រមាណ​នៅពាក់កណ្តាលឆ្នាំ ២០១៩)។ បើយោងតាមក្រសួងធម្មការ​ និងសាសនា ប្រហែល ៩៥% នៃប្រជាជនកម្ពុជាកាន់ព្រះពុទ្ធសាសនា ហើយកាន់ពុទ្ធសាសនា​ហីន​យាន ។ ចំនួន ៥%ទៀតគឺជាអ្នកកាន់សាសនាគ្រិស្ត អ៊ីស្លាម ជំនឿលើអារក្សអ្នកតា សាសនា Bah’is សាសនាជីហ្វ និងសាសនា កៅដាយ។ តាមប្រពៃណី អាណិកជនវៀតណាមកាន់ព្រះពុទ្ធសាសនាមហាយាន តែមានច្រើនបានបែរមកកាន់ពុទ្ធសាសនាហីនយានវិញ។ អាណិកជនវៀតណាមដទៃទៀត​កាន់សាសនារ៉ូម៉ង់កាតូលិក ហើយក្រុមនេះជាក្រុមធំជាងគេ ដែលកាន់សាសនាកាតូលិក​នៅកម្ពុជា។ អ្នកកាន់សាសនាកាតូលិកមានចំនួន ០,៤% នៃប្រជាជនសរុប។ ការវាយតម្លៃ​របស់អង្គការមិនមែនរដ្ឋាភិបាល លើអ្នកកាន់សាសនាប្រូតេស្តង់ រួមទាំងអ្នកកាន់សាសនាគ្រិស្ត Evangelical ផង ឃើញថា មានចំនួនខុសៗគ្នា តែឃើញថា ចំនួនគឺតិចជាង …

អាន​បន្ថែម»

សហរដ្ឋអាមេរិកផ្តល់ជំនួយបន្ថែម ៧,៥ លានដុល្លារ ក្នុងការឆ្លើយតបចំពោះជំងឺកូវីដ ១៩ នៅកម្ពុជា

For Immediate Release                                                                                                       May …

អាន​បន្ថែម»

សហរដ្ឋអាមេរិក ផ្តល់ជំនួយបន្ថែមចំនួន ១,៥ លានដុល្លារ សម្រាប់ការឆ្លើយតបនឹងជំងឺកូវីដ១៩ នៅកម្ពុជា

សេចក្តីប្រកាសព័ត៌មាន ថ្ងៃទី២៧​​ ខែមេសា ឆ្នាំ២០២០ នៅសប្តាហ៍​នេះ រដ្ឋាភិបាលសហរដ្ឋអាមេរិក បានផ្តល់មូលនិធិបន្ថែមចំនួន ១,៥ លានដុល្លារ សម្រាប់ជួយកម្ពុជា ក្នុងការប្រយុទ្ធប្រឆាំងនឹងជំងឺកូវីដ ១៩។ តាំងពីពេលចាប់ផ្តើម​នៃការផ្ទុះមេរោគរាតត្បាត​នេះ​មក រដ្ឋាភិបាលសហរដ្ឋអាមេរិក បានផ្តល់ជំនួយសរុបចំនួនជាង ៣,៥ លានដុល្លារ ដើម្បីទប់ទល់ការរាលដាលនៃជំងឺកូវីដ ១៩ នៅកម្ពុជា។ ជំនួយ​នេះ ដែលត្រូវបានផ្តល់តាមរយៈ ទីភ្នាក់ងារជំនួយអាមេរិក USAID នឹងឧបត្ថម្ភដល់ផ្នែកទំនាក់ទំនងហានិភ័យ ការចូលរួមសហគមន៍ ការគ្រប់គ្រងនិងការពារការឆ្លង និងការគាំទ្រដល់មន្ទីរពិសោធន៍ ។ លោកឯកអគ្គរដ្ឋទូតសហរដ្ឋអាមេរិក W. Patrick Murphy បានមានប្រសាសន៍ថា​​ ៖ «ការជួយដល់ការឆ្លើយតប​របស់ប្រទេសកម្ពុជា​ចំពោះជំងឺកូវីដ ១៩ បន្តកិច្ចសហប្រតិបត្តិការ​ និងភាព​ជាដៃគូដ៏យូរអង្វែងរបស់យើង​លើផ្នែកសុខាភិបាល ជាមួយ​ប្រទេសកម្ពុជា។ ការយកឈ្នះបានលើមេរោគកូវីដ ១៩ គឺជាបញ្ហាប្រឈមជាសាកល​មួយ ហើយសហរដ្ឋអាមេរិក កំពុងធ្វើការនៅក្នុងស្រុក និងនៅបរទេស ដើម្បីបញ្ឈប់ការរាលដាល​នៃជំងឺ​នេះ។ ជំនួយ​របស់យើងនឹងជួយប្រព័ន្ធសុខាភិបាលកម្ពុជា នៅក្នុងការតាមដានជំងឺ ព្យាបាលអ្នកឈឺ ហើយការពារកុំឲ្យមានឆ្លងជំងឺកូវីដ ១៩ ថែមទៀត»។ លោកបន្ត​ថា ៖ …

អាន​បន្ថែម»

សេចក្តីថ្លែងរបស់លោករដ្ឋមន្រ្តីក្រសួងការបរទេសសហរដ្ឋអាមេរិក Mike Pompeo នៅក្នុងឱកាសបុណ្យរ៉ាម៉ាឌន

ថ្ងៃទី ២៣ មេសា ឆ្នាំ ២០២០ តាងនាមឲ្យប្រជាជនអាមេរិក ខ្ញុំសូមជូនពរដល់សហគមន៍ឥស្លាម នៅក្នុងសហរដ្ឋអាមេរិក និងនៅជុំវិញពិភពលោក នៅក្នុងពេលដែលគេចាប់ផ្តើមខែបុណ្យរ៉ាម៉ាឌន។ ខែរ៉ាម៉ាឌន ជាពេលដែលគេធ្វើការមើលទៅលើខ្លួនឯង ការប្រតិបត្តិសាសនា និងក្តីមេត្តាករុណា។ នៅសហរដ្ឋអាមេរិក ស្ថិតក្នុងកាលៈទេសៈធម្មតា វិហារឥស្លាម ផ្ទះ និងមជ្ឈមណ្ឌលសហគមន៍​ជាច្រើនស្វាគមន៍​មិត្តភក្តិ និងអ្នកជិតខាងដែលកាន់សាសនា​ផ្សេងៗ ដើម្បីរួបរួមគ្នាក្រោមដំបូលតែមួយ ដើម្បីបន្ទរនូវគុណតម្លៃរួមរបស់អាមេរិក ក្នុងការចូលរួមទាំងអស់គ្នា និងការធ្វើនូវអំពើសប្បុរស។ នៅឆ្នាំ​នេះ មេរោគកូវីដ ១៩ បានផ្លាស់ប្តូរភ្លាមៗ នូវការជួបជុំគ្នា និងពិធីអបអររបស់សាសនិកឥស្លាមជាច្រើន នៅទូទាំងសាកលលោក។ សាសនិកឥស្លាមដែលមានគម្រោងធ្វើដំណើរទៅMecca ក្នុងដំណើរធម្មយាត្រា Umrah ដើម្បីទៅព្រះវិហារសាសនាពីរ គឺព្រះវិហារ Mecca និង Medina ត្រូវបានលើកទឹកចិត្តឲ្យផ្អាក​គម្រោងផែនការរបស់គេ ដើម្បីទប់ការរាលដាល​នៃជំងឺ​នេះ។ អាហារស្រាយបួស​Iftar មិនអាចត្រូវបានបរិភោគ​រួមគ្នា ដូចដែលគេធ្វើតាមប្រពៃណីមក ជាមួយមិត្តភក្តិនិងបងប្អូនទេ ហើយមានច្រើនគ្នារៀបចំធ្វើតាមប្រព័ន្ធអ៊ិនធ័រណែត។ នៅក្នុងរដូវដែលគេធ្វើការគោរពបូជា​នេះ មានការប្រែប្រួលរួចទៅហើយ​ដោយសាររោគរាតត្បាតមួយនេះ ដែលយកលេសបន្ទោសលើក្រុមសាសនាខ្លះ រួមទាំងសាសនិកឥស្លាមផងនោះ មានការកើនឡើងជាមួយនឹងការរាលដាល​នៃមេរោគ​កូវីដ ១៩។ យើងសុំឲ្យរដ្ឋាភិបាល និងសហគមន៍ទាំងអស់ប្រើពេលវេលា​នេះ ដើម្បីផ្តោតលើពិធីសាសនា និងការឯកភាពគ្នា គិតពីសុខភាព និងសុវត្ថិភាពនៃជន ដែលមិនសូវត្រូវបានគេយកចិត្តទុកដាក់ និងជនងាយរងគ្រោះជាងគេ នៅក្នុងពេលដែលយើងបន្តការខិតខំដើម្បីបញ្ចប់វិបត្តិមេរោគកូវីដ ១៩។ បុណ្យរ៉ាម៉ាឌន …

អាន​បន្ថែម»

សុន្ទរកថារបស់ឯកអគ្គរដ្ឋទូត W. Patrick Murphy ក្នុងពិធីសម្ពោធតាមប្រព័ន្ធអុីនធឺណេតនូវ​ ទិនានុប្បវត្តិ លើកទី២ស្តីពីមហាអនុតំបន់ទន្លេមេគង្គ

ថ្ងៃទី២១ ខែមេសា ឆ្នាំ២០២០ ភ្នំពេញ សូមជម្រាបសួរ! យើងមានសេចក្តីរីករាយក្នុងការផ្សព្វផ្សាយនូវទិន្នានុប្បវត្តិ លើកទី២ ស្តីពីការសិក្សាពីមហាតំបន់ទន្លេមេគង្គ។ នេះគឺជាវេទិកាមួយ សម្រាប់ពិភាក្សាពីបញ្ហាគន្លឹះ ដើម្បីផ្តល់ព័ត៌មានដល់អ្នកពាក់ព័ន្ធ ហើយពិនិត្យលើបញ្ហាស្មុគស្មាញនានា ដែលតំបន់ នេះ ប្រឈមមុខជាមួយ។ តំបន់មេគង្គក្រោមគឺជាចំណុចផ្តោតមួយ សម្រាប់សមាគមអាស៊ាន និងសហគមន៍ អន្តរជាតិទាំងមូល។ សហរដ្ឋអាមេរិកបានជួយតំបន់នេះ តាមរយៈគម្រោងគំនិតផ្តួចផ្តើមស្តីពីតំបន់ ទន្លេមេគង្គក្រោម (LMI) អស់រយៈពេលជាង ១០ ឆ្នាំមកហើយ។ តាមរយៈកម្មវិធីជាច្រើន ទាក់ទងនឹងបញ្ហាក្នុងវិស័យថាមពល បរិស្ថាន សុខាភិបាល និងអប់រំ ជាមួយនឹងទឹកប្រាក់ជំនួយចំនួនជាង ៣,៥ ពាន់លានដុល្លាសម្រាប់ប្រទេសកម្ពុជា ឡាវ ភូមា ថៃ និងប្រទេសវៀតណាម។ ទន្លេមេគង្គចងភ្ជាប់តំបន់នេះចូលគ្នា។ វាជាសរសៃឈាម នៃមនុស្សចំនួន ៦០ លាននាក់ ដែលរស់នៅតាមបណ្តោយទន្លេនេះ និងមនុស្សរាប់រយលាននាក់ទៀត ដែលជលផលពីទន្លេនេះ ផ្តល់ជាស្បៀងអាហារយ៉ាងសំខាន់សម្រាប់គេ។ ឧស្សាហូបនីយកម្ម និងនគរូបនីយកម្មដែលមានល្បឿនលឿន បាននាំឲ្យមានការធ្លាក់ចុះ ផ្នែកបរិស្ថាន នៅតាមបណ្តោយទន្លេនេះ និងហានិភ័យដល់សន្តិសុខស្បៀង និងមុខរបរប្រកបជីវភាពរស់នៅ។ គ្រាន់តែ នៅក្នុងសប្តាហ៍ កន្លងទៅនេះ …

អាន​បន្ថែម»

ដំណឹងលក់រថយន្តដេញថ្លៃតាមOnline

ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង បើកការលក់ដេញថ្លៃonline នូវរថយន្តប្រើរួចមួយចំនួន ដល់សាធារណៈជនទូទៅ ។ ទីតំាងលក់រថយន្តដេញថ្លៃ: ការដេញថ្លៃប្រព្រឹត្តទៅនៅលើវិបសាយ (website): https://online-auction.state.gov/km-KH កាលបរិចេ្ឆទ និង ពេលវេលា: ការដេញថ្លៃ នឹងបើកទទួលការចូលរួមពីបណ្តាសាធារណៈជនចាប់ពីវេលាម៉ោង៨ព្រឹក ថ្ងៃច័ន្ទ ទី២៧ ខែមេសា ឆ្នាំ២០២០ រហូតដល់ថ្ងៃច័ន្ទទី ១១ ខែឧសភា ឆ្នាំ២០២០ ម៉ោង៥ល្ងាច បិទការដេញថ្លៃ។ ស្ថានទូតនឹងធ្វើការសរុបលទ្ធផលនៃការដេញថ្លៃ ដោយមានការចូលរួមអង្កេតពិនិត្យពីមន្រ្តីគយរដ្ឋាករកម្ពុជា។ អ្នកឈ្នះសំរាប់ឡូត៍នីមួយៗនឹងត្រូវបានទាក់ទងដើម្បីជូនជាដំណឹង។ លក្ខខណ្ឌនៃការលក់: រថយន្តនឹងត្រូវលក់ជូនដល់អ្នកដេញថ្លៃ ដែលឲ្យតំលៃខ្ពស់បំផុត។ រថយន្តដែលបានលក់ដូចឃើញតាមរូបភាពស្រាប់ ពុំអាចប្តូរជាប្រាក់វិញ និង គ្មានការធានាឡើយ។ អ្នកដេញថ្លៃអាចចូលមើលរូបភាពរថយន្តនីមួយៗនៅលើវេបសាយដេញថ្លៃ។ ស្ថានទូតសហរដ្ឋអាមេរិករក្សាសិទ្ធិក្នុងការច្រានចោលនូវការដេញថ្លៃណាមួយដែលខ្លួនយល់ឃើញថាមិនសមនឹងតំលៃនៃរថយន្ត ឬក៏មានភស្តុតាងបញ្ជាក់ថា មានការសមគំនិតគ្នា ការឃុបឃិត ឬ ការទទួលសំណូកណាមួយ។ ការបង់ប្រាក់ៈ អ្នកដេញថ្លៃឈ្នះ ត្រូវបង់បា្រក់គ្រប់ចំនួន ឬបង់ប្រាក់កក់ ១០% ដែលគេមិនអាចទារយកមកវិញបាន ក្នុងអំឡុងពេល២៤ម៉ោងដែលត្រូវបានទាក់ទង។ ប្រាក់កក់នេះនឹងត្រូវបានទុកជាអាសារបង់ បើសិនជាប្រាក់នៅសល់ដទៃទៀតមិនត្រូវបានបង់ក្នុងអំឡុងពេល ៩៦ម៉ោង ទៅគណនេយ្យធនាគារ របស់ស្ថានទូត។ គេអាចយករថយន្តចេញបានបន្ទាប់ពីបង្ហាញសំណៅនៃភស្តុតាងថា បានបង់ពន្ធហើយ ទៅក្រុមការងារទទួលបន្ទុកការលក់ដេញថ្លៃរបស់ស្ថានទូត …

អាន​បន្ថែម»

ពិធីបុណ្យចូលឆ្នាំខ្មែរ​ ឆ្នាំ២០២០

សេចក្តីប្រកាសព័ត៌មាន លោកស្រី​ MORGAN ORTAGUS, អ្នកនាំពាក្យក្រសួងការបរទេសសហរដ្ឋអាមេរិក ថ្ងៃទី៩ ខែមេសា​​ ឆ្នាំ២០២០ តាងនាមឲ្យរដ្ឋាភិបាលសហរដ្ឋអាមេរិក ខ្ញុំសូមសម្តែងសព្ទសាធុការពរដល់ប្រជាជនកម្ពុជា សូមឲ្យមានសេចក្តីសុខសប្បាយ នៅក្នុងពេលចូលឆ្នាំខ្មែរ ដែលចាប់ផ្តើមនៅថ្ងៃទី១៣ ខែមេសា។ ឆ្នាំនេះ ពេលនេះ បង្ហាញឲ្យឃើញនូវវប្បធម៌​ដ៏សម្បូរបែប របស់ព្រះរាជាណាចក្រកម្ពុជា។ ប្រជាជនអាមេរិក វាយតម្លៃខ្ពស់​ចំពោះវប្បធម៌របស់អ្នក និងទំនាក់ទំនងរវាងប្រជាជន​និងប្រជាជន​ នៃប្រទេសយើងទាំងពីរ។ ទំនាក់ទំនង​នេះ ធ្វើឲ្យ​យើងមានការតាំងចិត្ត ក្នុងការដោះស្រាយបញ្ហាប្រឈមជាសាកល ​ ដែលកំពុងមាននៅចំពោះមុខយើង ហើយ​យើងពិតជាជឿថា មិត្តភាពរបស់យើងនឹងមានភាពកាន់តែជ្រាលជ្រៅ នៅក្នុងពេលរាប់ឆ្នាំទៅមុខទៀត។ សូមទទួលយកនូវសព្ទសាធុការពររបស់យើង នៅក្នុងអំឡុងពេលបុណ្យចូលឆ្នាំថ្មី​នេះ។ សូមឲ្យឆ្នាំជូត​នេះ នាំមកនូវសំណាងល្អដល់គ្រប់គ្នា។

អាន​បន្ថែម»

សេចក្តីប្រកាសព័ត៌មាន សហរដ្ឋអាមេរិក បញ្ជូនរូបបដិមាខ្មែរចំនួន២ជូនកម្ពុជា

រាជធានីភ្នំពេញ ថ្ងៃទី០៣ ខែមេសា ឆ្នាំ២០២០ ស្ថានទូត​សហរដ្ឋ​អាមេរិក​នៅ​រាជធានី​ភ្នំពេញ​ មានផ្នែក​កិច្ចការ​សាធារណៈ​ និង​សេនានុព័ន្ធស៊ើប​អង្កេតសន្តិសុខ ​មាតុភូមិប្រចាំ​ប្រទេស​ ដោយ​សហការ​ជាមួយ​ក្រសួង​វប្បធម៌​និង​វិចិត្រ​សិល្បៈ​ នៃ​ព្រះ​រាជា​ណាចក្រ​កម្ពុជា​  បាន​ធ្វើការ​សម្រប​សម្រួល​បញ្ជូន​ត្រឡប់​មក​វិញ ​នូវ​រូប​បដិមា​ខ្មែរ​ចំនួន ២ ពី​សហរដ្ឋ​អាមេរិក​ បន្ទាប់​ពី​មាន​ការ​រឹប​អូស​បាន ​កាល​ពី​ឆ្នាំ​២០០៥ និង​ឆ្នាំ​ ២០១៧។ រូប​បដិមា​ទាំងពីរ​នេះ​ បាន​មក​ដល់​អាកាស​យានដ្ឋាន​អន្តរជាតិ​ ភ្នំពេញ នៅព្រឹកនេះ ហើយ​តំណាង​មក​ពី​ស្ថានទូត​  និង​ក្រសួង​វប្បធម៌​និង​វិចិត្រ​សិល្បៈ បាន​ចូលរួម​ក្នុង​កម្មវិធី​ប្រោះព្រំ​ តាម​បែប​ពុទ្ធ​សាសនា​ និង​បួងសួង​សូម​ឲ្យ​ទទួល​បាន​នូវ​សេចក្តី​សុខ​ ចម្រុង​ចម្រើន​ ពិសេស​សូម​ឲ្យ​ប្រជាជន​លើ​ពិភពលោក​ទាំង​មូល ​គេច​ផុត​ពី​ជំងឺ​ឆ្លង​ផ្លូវ​ដង្ហើម​ COVID-19 ។ កម្មវិធីប្រោះព្រំ​នេះ ​ប្រព្រឹត្ត​ទៅនៅរសៀល ​ថ្ងៃទី៣ ខែមេសា ឆ្នាំ២០២០ នា​សារមន្ទីរជាតិ​។   ឯកឧត្តម​ ឯក​អគ្គ​រដ្ឋទូត​សហរដ្ឋ​អាមេរិក​ W. Partick Murphy បាន​កោត​សរសើរ​នូវ​ការ​បញ្ជូន​មក​វិញ​នៃ​បដិមា​ទាំងនេះ​ ដោយ​មាន​ប្រសាសន៍​ថា ៖ “ក្នុង​ពេល​យើង​អបអរ​សាទរ ​ការ​ប្រារព្ធ​ខួប​៧០​ ឆ្នាំ នៃ​ការ​បង្កើត​ទំនាក់​ទំនង​ការ​ទូត​រវាង​សហរដ្ឋ​អាមេរិក​ និង​ប្រទេស​កម្ពុជា​ ការ​ប្រគល់​វិញ​ នូវ​បដិមា​ទាំងពីរ​នា​ថ្ងៃ​នេះ គឺ​ជា​ការ​រំលឹក ​នូវ​អ្វី​ដែល​ប្រទេស​យើង​ទាំងពីរ​សម្រេច​បាន​រួម​គ្នា​”។ ការ​ប្រគល់​មក​វិញ​ នូវ​បដិមា​ទាំងនេះ​ គឺជា​ផ្នែក​មួយ​នៃ​ការ​អនុវត្ត​អនុស្សារណៈ​នៃ​ការ​យោគយល់​ (MoU) ដែល​ត្រូវ​បាន​ចុះ​ហត្ថ​លេខា​ នៅ​ឆ្នាំ​២០១៨​ រវាង​រដ្ឋា​ភិបាល​សហរដ្ឋ​អាមេរិក​ និង​រាជ​រដ្ឋា​ភិបាល​កម្ពុជា​ ទាក់ទង​នឹង​ “ការ​ដាក់​កម្រិត​ហាម​ប្រាម​នូវ​ការ​នាំ​ចូល​ប្រភេទ​វត្ថុ​បុរាណ​របស់​ប្រទេស​កម្ពុជា​”។ អនុស្សារណៈ​នេះ មាន​បំណង​កាត់បន្ថយ​ ការ​លួច​ប្លន់​វត្ថុ​បុរាណ​ ដែល​តំណាង​ឲ្យ​បេតិកភណ្ឌ​វប្បធម៌ ​ដ៏​សម្បូរ​បែប​របស់​ប្រទេស​កម្ពុជា​។  លោក​ជំទាវ​បណ្ឌិត​ ភឿង សកុណា រដ្ឋ​មន្រ្តី​ក្រសួង​វប្បធម៌ និង​វិចិត្រ​សិល្បៈ​ មាន​ប្រសាសន៍​ថា ៖ “រាល់​ការ​បញ្ជូន​ត្រឡប់​មក​វិញ​នៃ​វត្ថុ​បុរាណ​ខ្មែរ​ពី​បរទេស​ គឺ​ជា​សក្ខីភាព​ ដែល​បញ្ជាក់​នូវ​ចំណង​មិត្តភាព ​ភាព​ជាដៃ​គូ​ពិត​ប្រាកដ​ ប្រកប​ដោយ​កិច្ច​សហ​ប្រតិបត្តិ​ការ​ពេញលេញ ​ក្នុង​ពេល​ដែល​កម្ពុជា​មាន​សុខ​សន្តិភាព​បរិបូណ៌​ហើយ​លទ្ធផល​នៃ​កិច្ច​ប្រឹងប្រែង​របស់​រាជ​រដ្ឋាភិបាល​កម្ពុជា​ និង​រដ្ឋាភិបាល​សហរដ្ឋ​អាមេររិក​ ពិត​ជា​អាច​ធ្វើ​បាន​ ក្នុង​ការ​បញ្ជូន​មកវិញ នូវ​រូបបដិមា​ដែលត្រូវបាន គេ​យក​ចេញ​ពី​ប្រទេស​កម្ពុជា​”។ ទោះ​បី​ជា​មាន​បញ្ហា​ប្រឈម​ និង​គ្រោះ​អាសន្ន​សម្រាប់​សុខភាព​ពិភពលោក​ទាំងមូល​ ក៏​ដូច​ជា​វិធានការ​នៃ​ការ​ប្រយុទ្ធ​ប្រឆាំង​នឹងជំងឺឆ្លង​ផ្លូវ​ដង្ហើម​COVID-19  យ៉ាង​ណា​ក៏​ដោយ​ ក៏​រូប​បដិមា​ខ្មែរ​នៅ​តែ​មាន​បំណង​វិល​ត្រឡប់​មក​មាតុភូមិ​របស់​យើង​វិញ ដើម្បី​ជា​ប្រយោជន៍​ដ៏​ធំធេង​ និង​ជា​មង្គល​សម្រាប់​ប្រជាជាតិ​ និង​ប្រជាជន​”។  លោក​ជំទាវ​រដ្ឋមន្ត្រី​ បាន​បន្ថែមទៀត​ថា៖ “ការ​យក​ចិត្ត​ទុក​ដាក់​យ៉ាង​ល្អិត​ល្អន់​ គឺ​ជា​គំរូ​ដ៏​ល្អ​មួយ​នៃ​ក្រុម​ជំនាញ​ឯកទេស ​របស់​បណ្តា​ទី​ភ្នាក់ងារ​នៃ​រដ្ឋា​ភិបាល​សហរដ្ឋ​អាមេរិក​ ហើយ​ក៏​ជា​គំរូ​មួយ​នៃ​កិច្ច​សហ​ប្រតិបត្តិការ​គ្នា​របស់​អ្នក​ជំនាញ ​នៅ​ទូទាំង​ពិភពលោក​នៅ​ក្នុង​ការ​ខិតខំ​ប្រឹងប្រែង ​ដើម្បី​បញ្ឈប់​ការ​ជួញ​ដូរ​ដោយ​ខុស​ច្បាប់​ នូវ​បេតិកភណ្ឌ​ដ៏​មាន​តម្លៃ​មិន​អាច​កាត់​ថ្លៃ​បាន​ របស់​ព្រះ​រាជា​ណាចក្រ​កម្ពុជា។ ​ការងារ​សម្រប​សម្រួល​របស់​ស្ថានទូត​សហរដ្ឋអាមេរិក​ នៅ​រាជធានី​ភ្នំពេញ ជាមួយ​ក្រសួង​សន្តិសុខ​មាតុភូមិ​សហរដ្ឋ​អាមេរិក​ មិន​ត្រឹម​តែ​ការពារ​បេតិកភណ្ឌ​វប្បធម៌​តែ​ប៉ុណ្ណោះ​ទេ តែ​ថែម​ទាំង​ជា​ការ​ឆ្លុះ​បញ្ចាំង​ និង​ពង្រឹង​នូវ​ការ​អនុវត្ត​អនុសញ្ញា​ឆ្នាំ១៩៧០ របស់​អង្គការ UNESCO ស្តី​ពី​មធ្យោបាយ​នៃ​ការ​ហាម​ប្រាម​ និង​ការពារ​កុំ​ឲ្យ​មាន​ការ​នាំ​ចេញ​–នាំ​ចូល​ និង​ការ​ផ្ទេរ​ខុស​ច្បាប់​នៃ​កម្ម​សិទ្ធិ​លើ​សម្បត្តិ​វប្បធម៌​”។  រូបបដិមាទី១ គឺ​ជា​ដង​ខ្លួន​ទេវរូប​ ភេទ​ប្រុស​ ធ្វើ​ពី​ថ្ម​ភក់​ ជា​ប្រភេទ​បដិមា​ទោល​ នៅ​សល់​ដង​ខ្លួន​ គ្មាន​ព្រះ​កេស​ ដៃ​ទាំង​ពីរ​ដាច់​ត្រឹម​ដើម​ដៃ​ និង​ជើង​ទាំង​ពីរ​ដាច់​ត្រឹម​ភ្លៅ​។ ដង​ខ្លួន​រាង​មូល​ ស្លៀក​សំពត់​មាន​ភ្លី​ឆ្នូត​បញ្ឈរ​តូចៗ​មាន​ពាក់​ខ្សែ​ក្រវ៉ាត់​រាង​សំប៉ែត​(ឆ្លាក់​ក្បាច់​បួន​ជ្រុង​រាង​ដូច​ក្បាល​ខ្សែ​ក្រវ៉ាត់​) និង​ចង្កេះ​សំពត់​ខាង​ក្រោយ​រាង​ខ្ពស់​ជាង​ខ្សែ​ក្រវ៉ាត់​។ ផ្នែក​ខាង​ក្រោយ​ឆ្លាក់​ក្បាច់​កន្ទុយ​ក្បិន​វាត់​ឡើង​ មាន​ជាយ​អម​សងខាង​ធ្លាក់​លើ​ខ្សែ​ក្រវ៉ាត់​។ ចំណែក​នៅ​លើ​សំពត់​ និង​ក្បាល​ខ្សែ​ក្រវ៉ាត់​ខាង​មុខ​សឹក​ និង​មាន​ស្នឹម​មើល​មិន​ស្គាល់​ក្បាច់​ចម្លាក់​។ នៅ​លើ​តួ​បដិមា​មាន​ស្នឹម​ និង​សឹក​ផ្នែក​ខាង​ក្រោយ ​មាន​ស្នាម​បែក​តូចៗ​ជា​ច្រើន​កន្លែង ​ដូច​ជា​នៅ​លើ​ខ្សែ​ក្រវ៉ាត់​ផ្នែក​ខាង​ស្ដាំ​ នៅ​លើ​ចង្កេះ​ខាង​ឆ្វេង​ និង​នៅ​លើ​ស្មា​។ ទឹក​ដៃ​សិល្បៈ​ ជា​ស្នាដៃ​មិន​សូវ​ស្អាត​ ការ​ឆ្លាក់​ក្បាច់​លម្អ​ពុំ​សូវ​យក​ចិត្ត​ទុក​ដាក់​ ឬ​ទឹក​ដៃ​សិល្បៈ​ធ្លាក់​ចុះ​ ដូច​បដិមា​ខ្មែរ​មួយ​ចំនួន​ ក្នុង​រចនា​បថ​ឃ្លាំង​ ចុង​ស.វ.ទី១០ ដល់​ដើម​ស.វ.ទី១១​ គ.ស។ បដិមា​នេះ ​ត្រូវ​រឹប​អូស​បាន​នៅ​ឆ្នាំ​២០១៧​ នៅ​ពេល​ផ្នែក​ស៊ើប​អង្កេត​នៃ​ក្រសួង​សន្តិសុខ​មាតុភូមិ​សហរដ្ឋ​អាមេរិក​នៅ​ទីក្រុង San Francisco បាន​ទទួល​ព័ត៌មាន​ទាក់ទង​នឹង​ការ​លក់​ដេញ​ថ្លៃ ​នៅ​កន្លែង​លក់​ដេញ​ថ្លៃ​មួយ​ នៅ California។ ម្ចាស់​នៅ​កន្លែង​លក់​ដេញ​ថ្លៃ​នោះ ​បាន​និយាយ​ថា​ វត្ថុ​នោះ ​ត្រូវ​បាន​នាំ​ចូល​មក​នៅ​ឆ្នាំ​១៩៩២ ដោយ​មាន​លិខិត​បញ្ជាក់​កន្លែង​ដើម​ចេញ​ពី​ទី​ក្រុង​ Bangkok នៃ​ប្រទេស​ថៃ ដោយ​ដាក់​ថា​ “ខ្លួន​ខ្មែរ​នៅ​អង្គរ​វត្ត​”។ អ្នក​ជំនាញ​ផ្នែក​វត្ថុ​បុរាណ ​បាន​កំណត់​ថា​ បដិមានេះ ​មាន​តម្លៃ​នៅ​លើ​ទីផ្សារ​ចំនួន​ ៧៥ ០០០ ដុល្លា​។  រូបបដិមាទី២ គឺជា​ដងខ្លួន​ទេវ​រូបភេទ​ប្រុស ផលិត​ពី​ថ្មភក់​ពណ៌​ប្រផេះ មាន​មាឌ​មាំ រូបភាព​គ្មាន​ចលនា​ ស្លៀក​សំពត់​ចង​ក្បិន​មានភ្លីសេ​ នៅលើ​ជង្គង់គឺ​មានផ្ន​ត់រាប​ស្មើសាច់​ នៅលើ​ភ្លៅខាង​ឆ្វេងមាន​ផ្នត់​ធំៗ​លំនាំ​ដូច​ជា​ហោប៉ៅ​ នៅចំ​ពី​មុខ​មាន​ផ្នត់​រាង​កន្ទុយ​ត្រីពីរ​ជាន់​ (ផ្នត់ខាងលើខ្លី និងផ្នត់ខាងក្រោមវែង) ពាក់ខ្សែ​ក្រវ៉ាត់​លាត​ពីរជាន់​។ ស្ថានភាព​ដងខ្លួន​ទេវរូប​ គឺបាត់​ព្រះសិរ​ត្រឹមក​ ដាច់​ព្រះហស្ថ​សងខាង​ត្រឹម​ក្លៀក​ បាក់​ជើង​ស្តាំ​ក្រោម​ជង្គង់​ និង​ជើងឆ្វេង​ នៅសល់​ត្រឹម​ភ្លៅ។ សរុប​មក ដងខ្លួនទេវរូប​នេះ​ អាច​មាន​ប្រភព​ចេញ​ពី​ប្រាសាទ​បាសែត​ ខេត្ត​បាត់ដំបង​ ក្នុង​រចនាបថ​កោះកេរ​ រវាង​សតវត្ស​ទី​១០​ ឬ​ជា​ដង​ខ្លួន​ព្រះព្រហ្ម​ ក្នុង​រចនា​បថ​ឃ្លាំង​នា​ចុង​សតវត្ស​ទី​ ១០ និង​ដើម​សតវត្ស​ទី ១១ ។ បដិមា​នេះ​ ត្រូវ​បាន​រឹប​អូស​ពី​ជន​ល្មើស​ នៅខែ​កញ្ញា ឆ្នាំ២០០៥​ នៅ​ពេល​ក្រសួង​សន្តិសុខ​មាតុភូមិ​ ផ្នែកគយ និងការពារព្រំដែន និង​ផ្នែក​ស៊ើប​អង្កេត​របស់​ក្រសួង​សន្តិសុខ​មាតុភូមិ​ នៅ​ទីក្រុង Los Angeles រឹប​អូស​បាន​ពី​ក្នុង​ទំនិញ​មួយ​ផ្នែក​ដែល​បាន​មក​ដល់​សហរដ្ឋ​អាមេរិក​ ពី​ប្រទេសថៃ​។ អ្នក​ជំនាញ​ ប្រមាណថា បដិមានេះមានតម្លៃប្រហែល ១២០ ០០០ ដុល្លា នៅលើទីផ្សារ។  លោក Russell J. Bash សេនានុព័ន្ធ​ប្រចាំ​ប្រទេស​ នៃ​សេនា​នុព័ន្ធ​ស៊ើប​អង្កេត​សន្តិ​សុខ​មាតុភូមិ​ នៅ​កម្ពុជា​ បាន​មាន​ប្រសាសន៍​ថា​ ៖ “នៅ​ក្នុង​ពិភព​លោក​សព្វ​ថ្ងៃ​ ការ​លួច​ និង​ការ​ជួញ​ដូរ​នៃ​សម្បត្តិ​វប្បធម៌​ជាតិ​ដ៏​មាន​តម្លៃ​មិន​អាច​កាត់​ថ្លៃ​បាន​របស់​ប្រទេស​មួយ​ទៀត​ គឺ​ជា​កង្វល់​របស់​ពិភព​លោក​ ដែល​ទាមទារ​ឲ្យ​មាន​ការ​ធ្វើ​កិច្ច​សហ​ប្រតិ​បត្តិការ​គ្នា​ និង​ការ​យល់គ្នា​រវាង​ជាតិ​នីមួយៗ​”។​ ក្នុង​នាម​ជា​ទីភ្នាក់ងារ​ពង្រឹង​ការ​អនុវត្ត​ច្បាប់​របស់​រដ្ឋាភិបាល​សហព័ន្ធ ដែល​ធ្វើការ​ក្នុង​ពិភពលោក​ ផ្នែក​ស៊ើប​អង្កេត​នៃ​ក្រសួង​សន្តិសុខ​មាតុ​ភូមិ​ គឺ​ជា​ស្ថាប័ន​ឈាន​មុខ​គេ​នៅ​ក្នុង​ការ​ស៊ើប​អង្កេត​បទ​ល្មើស​ទាក់ទង​នឹង​ការ​នាំចូល​ និង​ចែកចាយ​ដោយ​ខុស​ច្បាប់​នៃ​សម្បត្តិ​វប្បធម៌​ ហើយ​ករណី​នេះ​បង្ហាញ​ឲ្យ​ឃើញ​ការ​ប្តេជ្ញា​ចិត្ត​របស់​យើង​ ក្នុង​ការ​ធ្វើ​ឲ្យ​ជន​ល្មើស​ត្រូវ​ទទួល​ខុស​ត្រូវ​ចំពោះ​មុខ​ឧក្រិដ្ឋកម្ម​របស់ខ្លួន​ និង​ធ្វើ​ឲ្យ​មាន​ការ​ប្រគល់​មក​មាតុភូមិ​ដើម​វិញ​នូវ​បដិមា​របស់​ខ្មែរ” ។  ស្រប​តាមបញ្ញតិ​របស់​ខ្លួន​ រួម​ទាំង​អនុ​សញ្ញា​ស្តី​ពី​ច្បាប់​អនុវត្ត​លើ​សម្បត្តិ​វប្បធម៌​ រដ្ឋា​ភិបាល​សហរដ្ឋ​អាមេរិក​ធ្វើ​ការ​រឹត​ត្បិត​លើការ​នាំចូល​ ទៅក្នុង​​សហរដ្ឋ​អាមេរិក​នូវ​វត្ថុ​បុរាណ​មួយ​ចំនួន​ រាប់​ពីវត្ថុពីសម័យសំរឹទ្ធ (១៥០០ ឆ្នាំមុនគ.ស) …

អាន​បន្ថែម»

សហរដ្ឋអាមេរិក ក្នុងតួនាទីជាអង្គការអន្តរជាតិ ឆ្លើយតបទៅនឹងជំងឺកូវីដ១៩ 

ក្រសួងការបរទេសសហរដ្ឋអាមេរិក ការិយាល័យអ្នកនាំពាក្យ ថ្ងៃទី៣១ ខែមីនា ឆ្នាំ២០២០ ព័ត៌មាន​លំអិត សហរដ្ឋអាមេរិក ក្នុងតួនាទីជាអង្គការអន្តរជាតិ ឆ្លើយតបទៅនឹងជំងឺកូវីដ១៩  «រាល់ពេលដែលអ្នកឃើញជំនួយប្រឆាំងនឹងមេរោគកូវីដ ១៩ ប្រកបដោយគុណភាព និងប្រសិទ្ធភាព ដែលត្រូវបាន ចែកចាយ​នៅទូទាំងពិភពលោក ដោយទីភ្នាក់ងារផ្តល់ជំនួយមនុស្សធម៌ របស់អង្គការសហប្រជាជាតិ​ គឺអ្វីដែលអ្នកកំពុងឃើញ គឺជាទឹកចិត្តសប្បុរសធម៌ របស់ប្រជាជនអាមេរិក និងអ្នកទាំងឡាយណា ដែលមានគុណតម្លៃមនុស្សធម៌​ដូចយើង។ យើងជាអ្នករួមចំណែកធំជាងគេច្រើន ចំពោះអង្គការនានា ដូចជា មូលនិធិសហប្រជាជាតិដើម្បីកុមារ(UNICEF) និងអង្គការស្បៀងអាហារពិភពលោក (WFP) ដោយសារយើង មានជឿលើសម្ព័​ន្ធ​ពហុនិយម ប្រកបដោយប្រសិទ្ធភាព ដែលផ្តោតការយកចិត្តទុកដាក់ លើការជួយអ្នកខ្សត់ខ្សោយ មិនមែនដើម្បីចំណេញនយោបាយទេ។ នេះគឺជាការពិត នៃភាពជាអ្នកដឹកនាំសកល»។  ប្រសាសន៍លោករដ្ឋមន្រ្តីការបរទេសសហរដ្ឋអាមេរិក នៅថ្ងៃទី ២៧ មីនា ឆ្នាំ ២០២០  សហរដ្ឋអាមេរិក គឺជាប្រទេសរួមចំណែកធំជាងគេ និងជាទីទុកចិត្ត ក្នុងការឆ្លើយតបចំពោះវិបត្តិ និងសកម្មភាពមនុស្សធម៌ តាមរយៈអង្គការសហប្រជាជាតិ និងអង្គការអន្តរជាតិរាប់សិបទៀត ។ ជំនួយរបស់សហរដ្ឋអាមេរិក ជាថវិកា និងជាសម្ភារៈ ជំនាញឯកទេស និងបច្ចេកវិទ្យា …

អាន​បន្ថែម»

ព័ត៌មានសម្រាប់បេក្ខជនទិដ្ឋាការទាក់ទងនឹងវីរូសកូវីដ១៩

ចាប់អនុវត្ត ថ្ងៃទី១៦ ខែមីនា ឆ្នាំ២០២០ ស្ថានទូតសហរដ្ឋអាមេរិកប្រចាំទីក្រុងភ្នំពេញ នៃព្រះរាជាណាចក្រកម្ពុជាបានរំសាយរាល់ការណាត់ពេលវេលាសម្ភាសន៍សម្រាប់ទិដ្ឋាការប្រភេទអន្តោប្រវេសន៍ និងមិនមែនអន្តោប្រវេសន៍ទាំងអស់។ ការិយាល័យកុងស៊ុលនឹងបន្តសេវាកម្មទិដ្ឋាការជាធម្មតាវិញក្នុងពេលឆាប់ៗ ប៉ុន្តែនៅពេលនេះយើងមិនទាន់អាចបញ្ជាក់នូវកាលបរិច្ឆេទជាក់លាក់បានទេ។ ទឹកប្រាក់​ (MRV fee) ដែលបានបង់សម្រាប់ការដាក់ពាក្យសុំទិដ្ឋាការនៅមានសុពលភាពនៅឡើយ ហើយអ្នកអាចប្រើប្រាស់ទឹកប្រាក់នេះដើម្បីការដាក់ពាក្យសុំទិដ្ឋាការក្នុងរយៈពេលមួយឆ្នាំនៅក្នុងប្រទេសណាដែលអ្នកបានបង់ប្រាក់។ ប្រសិនបើអ្នកមានធុរៈបន្ទាន់ហើយត្រូវធ្វើដំណើរភ្លាមៗ សូមធ្វើតាមសេចក្ដីណែនាំនៅក្នុងគេហទំព័រ https://www.ustraveldocs.com/kh ឬទូរស័ព្ទទៅលេខ (៨៥៥) ២៣-៩៦២ ៥៣០ (ពីម៉ោង៨ព្រឹកដល់ម៉ោង៨យប់ ម៉ោងក្នុងស្រុក)  ឬ (+១​) ៧០៣-៦៦៥-៧៣៤៦ (ក្រៅម៉ោងធ្វើការ និយាយភាសាអង់គ្លេស) ដើម្បីស្នើសុំការណាត់បន្ទាន់។

អាន​បន្ថែម»

ពិព័រណ៍ស្តីពីការសិក្សានៅក្នុងសហរដ្ឋអាមេរិក ឆ្នាំ២០២០

សម្រាប់ចេញផ្សាយ                                                                                                   ថ្ងៃទី២៧ ខែកុម្ភះ ឆ្នាំ២០២០ ២០២០/០៨   ស្ថានទូតអាមេរិកនៅរាជធានីភ្នំពេញ …

អាន​បន្ថែម»

ព័ត៌មានស្តីពីវិស័យកសិកម្មនៅកម្ពុជា

កសិកម្ម មាន ២២% នៃផលិតផលក្នុងស្រុកសរុប​(GDP) របស់កម្ពុជា ហើយមនុស្សចំនួនប្រហែល ៣ លាននាក់ធ្វើការក្នុងវិស័យ​នេះ។ ការនាំចេញ​ក្នុងវិស័យកសិកម្មកម្ពុជា នៅឆ្នាំ ២០១៨ បានឡើងដល់ ៤,២ លានតោន ដោយរួមមានស្រូវអង្ករ ដំឡូង ពោត ម្រេច ស្វាយ និងប្រេងរុក្ខជាតិ។ ទំហំពាណិជ្ជកម្មផ្នែកកសិកម្ម រវាងសហរដ្ឋអាមេរិក និងកម្ពុជាមានប្រហែល ២២០ លានដុល្លា ក្នុងមួយឆ្នាំ ហើយអាចមានកំណើនច្រើនថែមទៀត។ នៅឆ្នាំ ២០១៨ ទំនិញនាំចេញរបស់កម្ពុជា​ទៅកាន់សហរដ្ឋអាមេរិកមានតម្លៃ ១៥៧ លានដុល្លា ។ នេះគឺជាបរិមាណខ្ពស់បំផុតថ្មីមួយ ដោយភាគច្រើនគឺផលិតផលឈើ (១៣៤ លានដុល្លា) ដោយបន្ទាប់មកមានចំណីសត្វចិញ្ចឹមក្នុងផ្ទះ និងអង្ករ។ ផលិតផលកសិកម្មដែលសហរដ្ឋអាមេរិកនាំមកកម្ពុជា នៅឆ្នាំ ២០១៨ មានតម្លៃ ៦២ លានដុល្លា ដែលភាគច្រើនគឺចំណីធ្វើពីសណ្តែកសៀង (១៣ លានដុល្លា) ធញ្ញជាតិសម្រាប់ផលិតស្រាបៀ (១២ លានដុល្លា) ចំណីធ្វើស្រាប់ (៦លានដុល្លា) ទំនិញកសិកម្មនាំចេញ​របស់សហរដ្ឋអាមេរិកមកកម្ពុជាមានកំណើន ៤២២% …

អាន​បន្ថែម»

ខួបលើកទី ៧០ នៃចំណងការទូតរវាងសហរដ្ឋអាមេរិក និងព្រះរាជាណាចក្រកម្ពុជា

សហរដ្ឋអាមេរិក និងប្រទេសកម្ពុជា បានបង្កើតទំនាក់ទំនងការទូតជាលើកដំបូង នៅឆ្នាំ១៩៥០ នៅពេលអ្នកការទូតអាមេរិកម្នាក់ឈ្មោះ Donald Heath ​ប្រចាំការនៅទីក្រុង Saigon ដែលស្ថិតក្រោមការគ្រប់គ្រងរបស់បារាំង បានថ្វាយសារតាំងជូនព្រះករុណា ព្រះបាទនរោត្តម សីហនុ ។ ឆ្នាំ ២០២០ គឺជាឆ្នាំខួបលើកទី ៧០ នៃការបង្កើតទំនាក់ទំនងការទូតនេះ។ ដើម្បីបង្ហាញពីការរួមចំណែក​របស់សហរដ្ឋអាមេរិក ចំពោះ​ការអភិវឌ្ឍន៍​នៃប្រទេសកម្ពុជា ក៏ដូចជាភាពជាដៃគូជាច្រើនដែលជួយគាំទ្រដល់ទំនាក់ទំនងទ្វេភាគីនេះ ស្ថានបេសកកម្មរបស់សហរដ្ឋអាមេរិក គ្រោងធ្វើការអបអរដែលមានរយៈពេល ១ឆ្នាំ ។ ការងាររបស់ស្ថានទូតទាំងមូលនឹងផ្តោតលើការយកចិត្តទុកដាក់​របស់យើង ចំពោះប្រជាជនកម្ពុជា រួមទាំងបុគ្គល ស្ថាប័ន និងអង្គការដែលមានការប្តេជ្ញាចិត្តដូចយើង ក្នុងការចង់ឲ្យព្រះរាជាណាចក្រមួយ​នេះមានវិបុលភាព ប្រជាធិបតេយ្យ និង អធិបតេយ្យ​ភាព ។ នៅក្នុងខែនីមួយៗនៃឆ្នាំ ២០២០ ស្ថានទូតនឹងផ្តោត​លើវិស័យជាប្រធានបទ​ដែលមាន ការងារនិងការរួមចំណែករបស់យើង ដោយប្រើប្រាស់ប្រព័ន្ធផ្សព្វផ្សាយសង្គម សកម្មភាពជាមួយសាធារណៈជន ការផ្លាស់ប្តូរគ្នា ការធ្វើដំណើរ និងការចុះមើលទីកន្លែងនានា និងកម្មវិធីផ្សេងទៀត។ ខួបលើកទី ៧០ នៃចំណងទាក់ទងផ្នែកការទូតរវាងសហរដ្ឋអាមេរិក និងប្រទេសកម្ពុជា​ នឹងមានខែនីមួយៗ​នៃឆ្នាំ ២០២០ ផ្តោតលើប្រធានបទដូចខាងក្រោម៖ ខែមករា – …

អាន​បន្ថែម»

ដំណឹងលក់ឥវ៉ាន់ដេញថ្លៃ

ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង​​​​​​​​ ធ្វើការលក់ដេញថ្លៃ​​​ឡាយឡុងនូវឥវ៉ាន់ប្រើប្រាស់រួចដូចជា រថយន្តម៉ាស៊ីនភ្លើង គ្រឿងសង្ហារឹម និងសម្ភារៈផ្សេងទៀត ដល់សាធារណៈ​ជនទូទៅ​​​​​​​​ ។ ទីតំាងលក់ឥវ៉ាន់ដេញថ្លៃ: ឃ្លាំងស្ថានទូតសហរដ្ឋអាមេរិកប្រចាំទីក្រុងភ្នំពេញ​ អាគារលេខ​ ១៧៨២​ ផ្លូវជាតិលេខ ៥ សង្កាត់ទួលសង្កែ ខ័ណ្ឌឬស្សីកែវ (ខាងជើងស្ពានមិត្តភាព កម្ពុជា ជប៉ុន)។ កាលបរិចេ្ឆទ​ និង ពេលវេលា: ថ្ងៃព្រហស្បត៏ទី ១៩ ខែ ធ្នូ ឆ្នាំ ២០១៩ ម៉ោង​ ៨:00  ព្រឹក​ – ០៩:00  ព្រឹក:​ អាចចូលពិនិត្យមើលនូវរថយន្ត និងឥវ៉ាន់សម្រាប់ដេញថ្លៃបាន។​ ម៉ោង ០៩:​00 ព្រឹក – ១២:​០0 រសៀល:​​ ការដេញថ្លៃចាប់ផ្តើម អ្នកចូលរួមដេញថ្លៃអាចទម្លាក់ប័ណ្ណដេញថ្លៃសម្រាប់ឡូត៍ដែលខ្លួនពេញចិត្តបាន។ ១២:​០0 រសៀលៈ បិទការដេញថ្លៃ។ ស្ថានទូតនឹងបើកប្រអប់ដេញថ្លៃនារសៀលថ្ងៃខែឆ្នាំដដែល ដោយមានការចូលរួមអង្កេតពីមន្រ្តីគយរដ្ឋាករ។ អ្នកឈ្នះសម្រាប់ឡូត៍នីមួយៗនឹងត្រូវបានទាក់ទង។ លក្ខខណ្ឌនៃការលក់: ឥវ៉ាន់នឹងត្រូវលក់ជូនដល់អ្នកដេញថ្លៃ ដែលឲ្យតំលៃខ្ពស់បំផុត​។​ ឥវ៉ាន់ដែលបានលក់ដូចឃើញនៅនឹងកន្លែងស្រាប់​ ពុំអាចប្តូរជាប្រាក់វិញ និង …

អាន​បន្ថែម»

សេចក្តីថ្លែងរបស់លោកឯកអគ្គរដ្ឋទូត W. Patrick Murphy ទៅកាន់អ្នកសារព័ត៌មាននៅគេហដ្ឋានរបស់លោក កឹម សុខា

គេហដ្ឋានលោកកឹម សុខា, ភ្នំពេញ ថ្ងៃទី១១ ខែវិច្ឆិកា ឆ្នាំ២០១៩ ពេលនេះគឺនិយាយពីលោក កឹម សុខា ហេីយមិនមែននិយាយពីខ្ញុំ និងប្រទេសខ្ញុំទេ ប៉ុន្តែខ្ញុំនឹងធ្វេីការអង្កេតមួយ។ នេះពិតជាភាពរីករាយយ៉ាងប្រាកដដែលបានជួបលោក កឹម សុខា ម្តងទៀត ។ ខ្ញុំបានជួបគាត់ កាលពីប៉ុន្មានឆ្នាំមុន ហេីយខ្ញុំបានមេីលឃេីញថាគាត់ជាមនុស្សមានសន្តានចិត្តល្អមានសន្តិភាព និងជាមេដឹកនាំដ៏មានបទពិសោធន៍ល្អមួយរូប ។ ហេីយខ្ញុំ មានការសោកស្តាយដែលសេរីភាពរបស់គាត់ត្រូវបានគេបដិសេធ ក្នុងរយៈពេល២ឆ្នាំចុងក្រោយនេះ ។ ការបោះជំហាន ដែលធ្វេីឡេីងដោយអាជ្ញាធរកាលពីម្សិលមិញ គឺជាជំហានមួយឆ្ពោះទៅមុខ ហេីយយេីងបានទទួលស្គាល់ជាមួយអាជ្ញាធររដ្ឋាភិបាល។ ទោះជាយ៉ាងណា យេីងគិតថា វាមានសារៈសំខាន់ណាស់ដែលយេីងចង់ឃេីញបន្ថែមទៀត ។ ហេីយយោបល់របស់យេីងក្នុងនាម ជាមិត្តភក្ត្ររបស់ព្រះរាជាណាចក្រកម្ពុជា គឺចង់ឲ្យអាជ្ញាធរស្វែងរកមធ្យោបាយក្នុងការផ្តល់ឡេីងវិញនូវសិទ្ធិ និងសេរីភាពរបស់លោក កឹម សុខា និងទម្លាក់បទចោទប្រកាន់ប្រឆាំងរូបគាត់។ តែក៏ត្រូវប្រេីពេល និងទីកន្លែងដ៏មានសារៈសំខាន់ អនុវត្តឲ្យដូចគ្នាចំពោះអ្នកទាំងឡាយណា ដែលសិទ្ធសេរីភាពរបស់គេ ត្រូវបានបដិសេធ ។ យេីងទទូចសុំឲ្យពួកគេមានសេរីភាព និងត្រូវបានអនុញ្ញាត ទោះបីពួកគេស្ថិតក្នុងប្រទេស ឬក្រៅប្រទេសក្តី ដេីម្បីឲ្យពួកគេអាចចូលរួម ផ្តល់ជាសម្លេង ឲ្យគេបានដឹងឮ ។ …

អាន​បន្ថែម»

សេចក្តីថ្លែងរបស់លោករដ្ឋមន្រ្តីក្រសួងការបរទេសសហរដ្ឋអាមេរិក Michael Pompeo ស្តីពីទិវាបុណ្យឯករាជ្យជាតិខ្មែរ

ថ្ងៃទី៧ ខែវិច្ឆិកា ឆ្នាំ២០១៩ តាងនាមឲ្យរដ្ឋាភិបាលសហរដ្ឋអាមេរិក ខ្ញុំសូមសម្តែងអំណរសាទរដល់ប្រជាជនកម្ពុជា នៅក្នុងឱកាសខួបលើកទី ៦៦ នៃឯករាជ្យរបស់អ្នក នៅថ្ងៃទី៩  ខែវិច្ឆិកា។ ដោយមើលឃើញគុណតម្លៃរួមគ្នា​របស់ប្រជាជនកម្ពុជា និងប្រជាជនអាមេរិក យើងសង្ឃឹមថា ទិវានេះនឹងផ្តោតការយកចិត្តទុកដាក់លើការផ្សះផ្សាជាតិ កិច្ចសន្ទនាដោយសន្តិវិធី ការអភិវឌ្ឍន៍សង្គម សេដ្ឋកិច្ច និងប្រជាធិបតេយ្យ។ យើងអបអរកិច្ចសហប្រតិបត្តិការរវាងសហរដ្ឋអាមេរិក និងប្រទេសកម្ពុជា នៅក្នុងការកសាងប្រទេសកម្ពុជា​មួយ ​ដែលមានឯករាជ្យ លទ្ធិប្រជាធិបតេយ្យ និងវិបុលភាពដែលកាន់តែប្រសើរឡើង។ សហរដ្ឋអាមេរិកសម្តែងអំណរសាទរដល់ប្រជាជនកម្ពុជា ហើយសូមជូនសព្វសាធុការពរដល់ប្រជាជនកម្ពុជា នាឱកាសបុណ្យឯករាជ្យជាតិខ្មែរនេះ។

អាន​បន្ថែម»

ស្ថានទូតឈប់សម្រាក ក្នុងពិធីបុណ្យភ្ជុំបិណ្ឌ

ស្ថានទូតអាមេរិក នឹងឈប់សម្រាក នៅថ្ងៃទី២៦ និង ២៧ ខែកញ្ញា ឆ្នាំ២០១៩ ដើម្បីអបអរបុណ្យភ្ជុំបិណ្ឌ។ ស្ថានទូតអាមេរិកនឹងបើកជាធម្មតាឡើងវិញ នៅថ្ងៃច័ន្ទ ទី៣០ ខែកញ្ញា។

អាន​បន្ថែម»

សុន្ទរកថារបស់លោកភារធារី Michael Newbill នៅក្នុងពិធីប្រគល់វិញ្ញាបនបត្រ ISO 15189 ដល់ផ្នែកពិគ្រោះជំងឺក្រៅ នៃមន្ទីរពិសោធន៍ជាតិសុខភាពសាធារណៈ

វិទ្យាស្ថានជាតិសុខភាពសាធារណៈ ថ្ងៃទី ៩ ខែកញ្ញា ឆ្នាំ ២០១៩ (រៀបចំសម្រាប់ថ្លែង) សូមគោរព ឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាល ឯកឧត្តម វេជ្ជបណ្ឌិត សុខ ផេង រដ្ឋលេខាធិការក្រសួងសុខាភិបាល ឯកឧត្តម សាស្រ្តាចារ្យ សាផុន វឌ្ឍនៈ សាកលវិទ្យាធិការនៃសាកលវិទ្យាល័យវិទ្យាសាស្រ្ត​សុខាភិបាល  សាស្រ្តាចារ្យ អ៊ុង សំអាន ទីប្រឹក្សាក្រសួងសុខាភិបាល  ឯកឧត្តម វេជ្ជបណ្ឌិត ហុក គឹមចេង អគ្គនាយកសុខាភិបាល សាស្ត្រាចារ្យ ឈា ឆវណ្ណ នាយកវិទ្យាស្ថានជាតិសុខភាពសាធារណៈ លោកស្រី វេជ្ជបណ្ឌិត Rachel Albalak ប្រធានទីមជ្ឈមណ្ឌលបង្ការជំងឺ របស់សហរដ្ឋអាមេរិក​ US-CDC ប្រចាំ​កម្ពុជា ភ្ញៀវកិត្តិយស អស់លោក លោកស្រី ជាទីរាប់អាន ។ ខ្ញុំមានសេចក្តីរីករាយដោយមានវត្តមាន​នៅក្នុងពិធីប្រគល់វិញ្ញាបនបត្រ បញ្ជាក់គុណភាព ISO 15189 ​ Plus ដល់ផ្នែកពិគ្រោះជំងឺក្រៅ …

អាន​បន្ថែម»

ខួបលើកទី៥២ នៃការបង្កើតសមាគមនៃប្រជាជាតិនៅអាស៊ីអាគ្នេយ៍

ថ្ងៃទី៧ ខែសីហា ឆ្នាំ២០១៩ សេចក្តីប្រកាសព័ត៌មាន​របស់លោក Michael R. Pompeo រដ្ឋមន្រ្តីក្រសួងការបរទេសសហរដ្ឋអាមេរិក ខួបលើកទី៥២ នៃការបង្កើតសមាគមនៃប្រជាជាតិនៅអាស៊ីអាគ្នេយ៍ តាងនាមអោយរដ្ឋាភិបាលសហរដ្ឋអាមេរិក ខ្ញុំមានសេចក្តីរីករាយ សូមសម្តែងការអបអរសាទរ​ដល់រដ្ឋជាសមាជិក​ទាំង ១០ នៃសមាគម​ប្រជាជាតិអាស៊ីអាគ្នេយ៍ (ASEAN) និងលេខាធិការដ្ឋាន​អាស៊ាន នៅខួបលើកទី​៥២ នៃការបង្កើតសមាគមអាស៊ាន នៅថ្ងៃទី៨ ខែសីហា។ នៅក្នុងប្រវត្តិសាស្រ្តរបស់ខ្លួន អាស៊ានបានជួយធ្វើអោយតំបន់​នេះ​មានសន្តិភាព វិបុលភាព និងស្ថិរភាព។ សហរដ្ឋអាមេរិកមានការប្តេជ្ញាចិត្ត​ ក្នុងការធ្វើអោយតួនាទីអាស៊ានមានសារៈសំខាន់ស្នូល នៅក្នុងតំបន់។ ភាពជាដៃគូជាយុទ្ធសាស្រ្ត រវាងសហរដ្ឋអាមេរិក និងអាស៊ាន រួមចំណែកដល់ចក្ខុវិស័យរួម ក្នុងការធ្វើអោយតំបន់ឥណ្ឌូប៉ាស៊ីហ្វិកជាតំបន់ដែលមានការចូលរួមទាំងអស់គ្នា មានភាពបើកចំហ និងឈរលើច្បាប់។ យើងនឹងបន្តធ្វើការជាមួយគ្នា ដើម្បីជម្រុញគុណតម្លៃ ផលប្រយោជន៍ និងនយោបាយ ដែលធ្វើឲ្យតំបន់​នេះរីកចម្រើន ហើយកសាងទំនាក់ទំនងរវាងប្រជាជនអាមេរិក និងប្រជាជន​នៅតំបន់អាស៊ីអាគ្នេយ៍។ សហរដ្ឋអាមេរិករីករាយនឹងឃើញភាពជាដៃគូជាមួយអាស៊ាន​មានជាបន្ត អស់ពេលជាច្រើនឆ្នាំទៀត។

អាន​បន្ថែម»

សេចក្តីថ្លែងការណ៍របស់ស្ថានទូតអាមេរិកនៅភ្នំពេញលើការដាក់ទោសលោករ៉ាត់ រត្នមុនី

ស្ថានទូតសហរដ្ឋអាមេរិកនៅភ្នំពេញ ថ្ងៃទី២៦ ខែមិថុនា ឆ្នាំ២០១៩ សេចក្តីថ្លែងការណ៍របស់ស្ថានទូតអាមេរិកនៅភ្នំពេញលើការដាក់ទោសលោករ៉ាត់ រត្នមុនី ស្ថានទូតអាមេរិកមាន​កង្វល់យ៉ាងជ្រាលជ្រៅ​​លើ​ការដាក់ទោសដោយតុលាការ លើលោក រ៉ាត់ រត្នមុនី ដែលជាសកម្មជនការងារ​កម្ពុជា អោយជាប់ពន្ធនាគារ ២ ឆ្នាំ ចំពោះការដែលលោក​បាន​ជួយ​នៅក្នុងការ​ផលិតភាព​យន្តឯកសារ ស្តីពីការជួញដូរផ្លូវភេទ។ របាយការណ៍​ពី​សវនាការរបស់លោក មុនីបង្ហាញ​ថា លោកមិនបាន​ទទួលបាន​ការធានា​លើសវនាការប្រកប​ដោយយុត្តិធម៌​ទេ។ ការដាក់ទោសលោក​រឹតតែ​ធ្វើអោយគេបាត់បង់​​ជំនឿលើប្រព័ន្ធតុលាការ​​របស់​ប្រទេសកម្ពុជាថែមទៀត។   សហរដ្ឋអាមេរិកគាំទ្រសេរីភាព​​ក្នុងការបញ្ចេញមតិ នៅទូទាំងពិភពលោក ដោយចាត់ទុកវាជាផ្នែកសំខាន់​​មួយ​នៃអភិបាលកិច្ចតាម​លទ្ធិប្រជាធិបតេយ្យ។ យើងសូមអំពាវនាវអោយរដ្ឋាភិបាលកម្ពុជា​អនុញ្ញាត​អោយមនុស្សគ្រប់​រូប​អនុវត្តដោយសេរី នូវសិទ្ធិនេះ ដែលត្រូវបានការពារនៅ​ក្រោមច្បាប់អន្តរជាតិ និងរដ្ឋធម្មនុញ្ញកម្ពុជា ដោយគ្មានរងការគំរាម​កំហែងសងសឹក។ សេរីភាព​ក្នុងការបញ្ចេញមតិ​ក៏មានសារៈសំខាន់ចាំបាច់ផងដែរ ដល់ការចងក្រងឯកសារ និងលើកកំពស់ការ​យល់ដឹង​ទៅលើបញ្ហាជួញដូរ​មនុស្ស​របស់ប្រទេសកម្ពុជា។

អាន​បន្ថែម»

សុន្ទរកថារបស់លោកភារធារី Michael Newbill នៅក្នុងសិក្ខាសាលាថ្នាក់តំបន់ស្តីពីទស្សនវិស័យអនាគតនៃទន្លេមេគង្គ

សណ្ឋាគារ រ៉ាហ្វល ឡឺ រ៉ូយ៉ាល់ ថ្ងៃទី ១៣ ខែមិថុនា ឆ្នាំ ២០១៩ (រៀបសម្រាប់ថ្លែង) សូមជម្រាបសួ ឯកឧត្តម ពូ សូធីរៈ នាយកប្រតិបត្តិ​នៃវិទ្យាស្ថានខ្មែរសម្រាប់សហប្រតិបត្តិការនិងសន្តិភាព ឯកឧត្តម ស៊ឹម វីរៈ ទីប្រឹក្សាក្រសួងការបរទេស និងកិច្ចសហប្រតិបត្តិការអន្តរជាតិ លោក Walter Douglas ឧបការីរងរដ្ឋមន្រ្តីក្រសួងការបរទេសសហរដ្ឋអាមេរិក សូមជម្រាបសួ​ អស់លោក លោកស្រីទាំងអស់! ខ្ញុំមានសេចក្តីរីករាយដោយមានវត្តមាននៅថ្ងៃ​នេះ។ ដូចដែល​មន្រ្តីជាន់ខ្ពស់ប្រចាំការិយាល័យ​របស់យើង (និងជាឯកអគ្គរដ្ឋទូតតែងតាំងប្រចាំ​នៅកម្ពុជា)​ លោក Patrick Murphy បានមានប្រសាសន៍​ នៅក្នុងពេលថ្មីៗ​នេះថា ឆ្នាំ ២០១៩ គឺជាឆ្នាំជាប្រវតិ្តសាស្រ្តមួយ នៅក្នុងការទាក់ទង​របស់យើងជាមួយតំបន់ទន្លេមេគង្គ។ ឆ្នាំ​នេះគឺជាខួបលើកទី ១០ នៃគម្រោងគំនិតផ្តួចផ្តើមស្តីពីតំបន់មេគង្គក្រោម​ (LMI) ដែលត្រូវបានបង្កើតឡើង នៅ Phuket ក្នុងឆ្នាំ ២០០៩។​ យើងចាត់ទុកការចូលរួមរបស់យើងជាមួយតំបន់​មេគង្គថាជាផ្នែកសំខាន់មួយ​នៃយុទ្ធសាស្រ្តរបស់យើងសំរាប់តំបន់ឥណ្ឌូប៉ាស៊ីហ្វិក និងនៃការខិតខំជារួមរបស់យើង​ក្នុងការគាំទ្រសមាគមអាស៊ាន ដោយរួមទាំងតាមរយៈគម្រោងគំនិតផ្តួចផ្តើមសម្រាប់សមាហរណកម្មអាស៊ាន ដែលមាន​បំណងបន្ថយគម្លាតគ្នាផ្នែកអភិវឌ្ឍន៍ រវាងបណ្តាប្រទេសអាស៊ាន ហើយជំរុញឯកភាពតំបន់។ ខ្ញុំសូមអរគុណ …

អាន​បន្ថែម»

សុន្ទរកថារបស់លោកភារធារី Michael Newbill នៅក្នុងឱកាសនៃ ការ​ប្រារព្ធខួបលើកទី 30 របស់អង្គការមូលនិធិប្រាសាទពិភពលោក​ (WMF)

ភ្នំបាខែង ខេត្តសៀមរាប ថ្ងៃច័ន្ទ ទី១០ ខែមិថុនា ឆ្នាំ២០១៩ (រៀបចំសម្រាប់ថ្លែង) អរុណ​សួស្តី! ខ្ញុំរីករាយដែលបានចូលរួមក្នុង​ពិធីអបអរសាទរខួបលើកទី 30 របស់ អង្គការមូលនិធិប្រាសាទពិភពលោក នាថ្ងៃនេះ។ ខ្ញុំសូមចាប់ផ្តើមដោយអរគុណភ្ញៀវកិត្តិយសរបស់យើងចំពោះវត្តមាននៅថ្ងៃនេះ ដែលមានលោកជំទាវបណ្ឌិត ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ លោកស្រី ជាម ផល្លី ស្ថាបត្យករជាន់ខ្ពស់និងជាអ្នកសម្របសម្រួល WMF នៅតំបន់អង្គរ និងក្រុមការងាររបស់ WMF កម្ពុជាទាំងអស់នៅកម្ពុជា។ ព្រឹត្តិការណ៍នៅថ្ងៃនេះគឺជាការបញ្ជាក់ពីទំនាក់ទំនងយូរអង្វែងនិងដោយមានផលិតភាពរវាងសហរដ្ឋអាមេរិច មូលនិធិប្រាសាទពិភពលោក និងក្រសួងវប្បធម៌និងវិចិត្រសិល្បៈ តាមរយៈមូលនិធិឯកអគ្គរដ្ឋទូតសំរាប់ការអភិរក្សវប្បធម៌ (AFCP)។ ក្នុងអំឡុងពេល 30 ឆ្នាំរបស់ WMF នៅកម្ពុជាវាបានចងក្រងឯកសារបេតិកភណ្ឌស្ថាបត្យកម្មដ៏សម្បូរបែបរបស់កម្ពុជាហើយបានធ្វើឱ្យមានស្ថិរភាពនិងអភិរក្សប្រាសាទសំខាន់ៗ។ WMFបានគូសបញ្ជាក់ពីការរួមចំណែកខាងវប្បធម៌របស់កម្ពុជាក៏ដូចជាការបណ្តុះបណ្តលអ្នកជំនាញបេតិកភណ្ឌ។ នៅពេល WMF បានមកដល់តំបន់អង្គរ នៅឆ្នាំ 1989 ពួកគេបានរកឃើញថាទោះបីជាមានជម្លោះស៊ីវិលនិងភាពឯកោពីអន្តរជាតិក៏ដោយ ក៏ប្រាសាទទាំងនោះមិនទទួលរងនូវឥទ្ធិពលឡើយ ។ គួរឱ្យសោកស្តាយ ទោះយ៉ាងណាប្រទេសនេះ បានបាត់បង់អ្នកជំនាញបេតិកភណ្ឌមួយជំនាន់ រួមមានអ្នកថែរក្សាអង្គរ ស្ថាបត្យករ និងអ្នកជំនាញដទៃទៀត។ WMF បានទទួលសា្គល់ថាមានការងារសំខាន់នៅតាមមូលដ្ឋាន ។ នោះមិនត្រឹមតែការអភិរក្សនិងការពារតំបន់វប្បធម៌សម្បូរបែបទាំងនេះប៉ុណ្ណោះទេប៉ុន្តែ …

អាន​បន្ថែម»

ដំណឹងលក់ឥវ៉ាន់ដេញថ្លៃ

ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង​​​​​​​​ ធ្វើការលក់ដេញថ្លៃ​​​ឡាយឡុងនូវឥវ៉ាន់ប្រើប្រាស់រួចដូចជាម៉ាស៊ីនភ្លើង គ្រឿងសង្ហារឹម និងសម្ភារៈផ្សេងទៀត ដល់សាធារណៈ​ជនទូទៅ​​​​​​​​ ។ ទីតំាងលក់ឥវ៉ាន់ដេញថ្លៃ: ឃ្លាំងស្ថានទូតសហរដ្ឋអាមេរិកប្រចាំទីក្រុងភ្នំពេញ​ អាគារលេខ​ ១៧៨២​ ផ្លូវជាតិលេខ ៥ សង្កាត់ទួលសង្កែ ខ័ណ្ឌឬស្សីកែវ (ខាងជើងស្ពានមិត្តភាព កម្ពុជា ជប៉ុន)។ កាលបរិចេ្ឆទ​ និង ពេលវេលា: ថ្ងៃព្រហស្បត៏ទី ២៤ ខែ ឩសភា ឆ្នាំ ២០១៩ ម៉ោង​ ៨:00  ព្រឹក​ – ០៩:00  ព្រឹក:​ អាចចូលពិនិត្យមើលនូវឥវ៉ាន់សំរាប់ដេញថ្លៃបាន។​ ម៉ោង ០៩:​00 ព្រឹក – ១២:​០0 រសៀល:​​ ការដេញថ្លៃចាប់ផ្តើម អ្នកចូលរួមដេញថ្លៃអាចទម្លាក់ប័ណ្ណដេញថ្លៃសំរាប់ឡូត៍ដែលខ្លួនពេញចិត្តបាន។ ១២:​០0 រសៀលៈ បិទការដេញថ្លៃ។ ស្ថានទូតនឹងបើកប្រអប់ដេញថ្លៃនារសៀលថ្ងៃខែឆ្នាំដដែល ដោយមានការចូលរួមអង្កេតពីមន្រ្តីគយរដ្ឋាករ។ អ្នកឈ្នះសំរាប់ឡូត៍នីមួយៗនឹងត្រូវបានទាក់ទង។ លក្ខខណ្ឌនៃការលក់: ឥវ៉ាន់នឹងត្រូវលក់ជូនដល់អ្នកដេញថ្លៃ ដែលឲ្យតំលៃខ្ពស់បំផុត​។​ ឥវ៉ាន់ដែលបានលក់ដូចឃើញនៅនឹងកន្លែងស្រាប់​ ពុំអាចប្តូរជាប្រាក់វិញ និង គ្មានការធានាឡើយ។​ ស្ថានទូតសហរដ្ឋអាមេរិករក្សាសិទ្ធិក្នុងការច្រានចោលនូវការដេញថ្លៃណាមួយដែលខ្លួនយល់ឃើញថាមិនសមនឹងតំលៃនៃឥវ៉ាន់ …

អាន​បន្ថែម»

សុន្ទរកថារបស់លោកភារធារី Michael Newbill ក្នុងពិធីបើកការសាងសង់ ជលវប្បដ្ឋាន និងត្រីទឹកសាប ទឹកប្រៃ និងសួនសត្វថ្នាក់ពិភពលោក

និវេសនដ្ឋានឯកអគ្គរដ្ឋទូតអាមេរិក ថ្ងៃចន្ទ ទី២៩ ខែមេសា ឆ្នាំ២០១៩ (រៀបចំសម្រាប់ថ្លែង) ជម្រាបសួ អស់លោក លោកស្រី! សូមស្វាគមន៍​មកកាន់និវេសដ្ឋាន​របស់ឯកអគ្គរដ្ឋទូតអាមេរិក និងសូមអរគុណដែលបានអញ្ជើញមកនាយប់​នេះ ដើម្បីអបអរពិធីសម្ពោធបើកការសាងសង់គម្រោងរបស់ក្រុមហ៊ុន អង្គរ វ៉ាយដ៍ឡាយហ្វ៍ & អឹឃ្វារៀម (Angkor Wildlife and Aquarium) ។ ខ្ញុំឈ្មោះ Michael Newbill ហើយខ្ញុំគឺជាភារធារីនៃស្ថានទូតអាមេរិក។ ពិតមែនតែខ្ញុំមិនរស់នៅក្នុងផ្ទះដ៏​ប្រណីតនេះក្តី តែយ៉ាងហោចណាស់ក៏ខ្ញុំអាចរៀបចំពិធីធំៗ​ នៅទីនេះបានដែរ។ ខ្ញុំសង្ឃឹមថា អ្នកទាំងអស់គ្នា នឹងសប្បាយក្នុងការពិសាអាហារ ហើយជជែកលេងជាមួយគ្នា។ មុនពេលខ្ញុំនិយាយបន្តទៀត ខ្ញុំសូមគោរពចំពោះភ្ញៀវកិត្តិយសរបស់យើង ដែលមានវត្តមាន​នៅយប់​នេះ គឺ​៖ ឯកឧត្តម ទិត ចន្ថា រដ្ឋមន្ត្រីស្តីទី ក្រសួងទេសចរណ៍ ឯកឧត្តម ពៅ ពិសិដ្ឋ អភិបាលរងខេត្តសៀមរាប លោក Zeb Hogan (មកពីគំរោង Wonders of Mekong របស់ទូរទស្សន៍ National Geographic) …

អាន​បន្ថែម»

ប្រជាជនកម្ពុជាដែលមានបំណងមកសិក្សានៅសហរដ្ឋអាមេរិក៖ យើងសូមស្វាគមន៍អ្នកមកទីនេះ!

ដោយភារធារី​នៃស្ថានទូតអាមេរិក​នៅកម្ពុជា Michael Newbill ខ្ញុំសូមអបអរសាទរនិស្សិតកម្ពុជាទាំងអស់ ដែលត្រូវបានទទួលអោយចូលរៀន​នៅក្នុងស្ថាប័នមួយ​ក្នុងចំណោមស្ថាប័នឧតុ្តមសិក្សានៅក្នុងសហរដ្ឋអាមេរិក ដែលមានការទទួលស្គាល់ជាផ្លូវការចំនួនជាង៤៧០០ ។ អ្នកដែលបានទទួលសញ្ញាប័ត្រពីសាកលវិទ្យាល័យ​របស់សហរដ្ឋអាមេរិក បានក្លាយជាអ្នកដឹកនាំ និងជាអ្នក​បង្កើតថ្មី (Innovator) នៅក្នុងវិស័យជាច្រើន នៅជុំវិញពិភពលោក ហើយអ្នកគួរតែមានមោទនភាព​ចំពោះការអញ្ជើញអោយចូលរួមជាមួយក្រុមយុវជនពិសេស​នេះ ដែលជីវិតរបស់គេនឹងមាការផ្លាស់ប្តូរជារៀងរហូត​ ដោយសារថាមភាព ភាពបើកចំហ និងគុណភាព​នៃសាលា នៅទូទាំងសហរដ្ឋអាមេរិក។ នៅកម្ពុជា មានសិស្សកាន់តែច្រើនឡើងសិក្សា​នៅបរទេស ក្នុងសហរដ្ឋអាមេរិក ពីមួយឆ្នាំទៅមួយឆ្នាំ។ តាមពិតទៅ នៅឆ្នាំ ២០១៨ ចំនួននិស្សិតកម្ពុជា​សិក្សា​នៅក្នុងសហរដ្ឋអាមេរិកមានកំណើនលើសឆ្នាំ ២០១៧ ចំនួន ២៩% ហើយគេរំពឹងថា និន្នាការ​នេះ​នឹងបន្តមានទៀត។ ការផ្តល់ការអនុញ្ញាតអោយចូលរៀន គឺជាលទ្ធផល​នៃការគិតគូរហ្មត់ចត់ច្រើន និងការខិតខំ ទាំងរបស់និស្សិត​ដែលដាក់ពាក្យចូលរៀន ទាំងមហាវិទ្យាល័យ និងសាកលវិទ្យាល័យអាមេរិក ដែលធ្វើការពិនិត្យហ្មត់ចត់​លើពាក្យសុំចូលរៀនទាំង​នោះ។ យើងមើលឃើញពីការប្រឹងប្រែង និងគំនិតច្នៃប្រឌិត ដែលអ្នកដាក់បញ្ចូលទៅក្នុងសំណេរនិងការស្រម៉ៃចង់បានរបស់អ្នក ការខិតខំរៀបចំ​សំរាប់ការប្រលងផ្នែកភាសាអង់គ្លេស និងការប្រលងដទៃទៀត ហើយនិងការប្តេជ្ញាចិត្តរបស់អ្នក ចំពោះការងារដើម្បីសហគមន៍ ហើយនិងចំណាប់អារម្មណ៍​ផ្សេងៗ​ក្រៅកម្មវិធី​សិក្សា។ ពេលនេះ មាននិស្សិតអន្តរជាតិចំនួនជាងមួយលាននាក់កំពុងសិក្សា​នៅតាមស្ថាប័នឧត្តមសិក្សា ក្នុងសហរដ្ឋអាមេរិក ដែលជាការធ្វើអោយសហរដ្ឋអាមេរិក​នៅតែជាប្រទេសដែលមាននិស្សិតអន្តរជាតិសិក្សាច្រើនជាងគេ អស់ពេលដ៏យូរមកហើយ។ នេះគឺជាការបញ្ជាក់ពីគុណភាពគ្មានអ្នកណាស្មើបាន​ នៃឧត្តមសិក្សា​នៅសហរដ្ឋអាមេរិក នៅក្នុងក្រសែភ្នែករបស់និស្សិតអន្តរជាតិ …

អាន​បន្ថែម»

ជូនពរឆ្នាំថ្មី

សេចក្តីប្រកាសព័ត៌មាន Morgan Ortagus អ្នកនាំពាក្យក្រសួងការបរទេសសហរដ្ឋអាមេរិក វ៉ាស៊ីនតោនឌីស៊ី ថ្ងៃទី១២ ខែមេសា ឆ្នាំ២០១៩ សេចក្តីថ្លែងរបស់អ្នកនាំពាក្យក្រសួងការបរទេសសហរដ្ឋអាមេរិក Morgan Ortagus អបអរបុណ្យចូលឆ្នាំខ្មែរ           តាងនាមអោយរដ្ឋាភិបាលសហរដ្ឋអាមេរិក ខ្ញុំសូមសំដែងអំណរសរសើរដល់ប្រជាជនកម្ពុជា នៅក្នុងឱកាសចូលឆ្នាំថ្មីរបស់ខ្មែរ។           ទំនាក់ទំនងរវាងប្រជាជន និងប្រជាជននៃប្រទេសកម្ពុជា និងសហរដ្ឋអាមេរិកគឺជាមូលដ្ឋាននៃការប្រឹងប្រែងរួមគ្នា ក្នុងការលើកកម្ពស់សន្តិភាព វិបុលភាព និងសេរីភាព។ សូមអោយទំនាក់ទំនងនេះកាន់តែមានភាពជ្រាលជ្រៅថែមទៀត នៅឆ្នាំខាងមុខ។           សូមទទួលសព្វសាធុការពររបស់យើង នៅក្នុងឱកាសចូលឆ្នាំថ្មីនេះ។ សូមអោយឆ្នាំកុរនាំមកនូវសុខភាពល្អ សុភមង្គល និងវិបុលភាពដល់គ្រប់គ្នា។

អាន​បន្ថែម»

សុន្ទរកថារបស់លោកភារធារី Michael Newbill ក្នុងកិច្ចពិភាក្សាពី ឥទ្ធិពលពាណិជ្ជកម្មរបស់សហរដ្ឋអាមេរិក និង ចិន នៅប្រទេសកម្ពុជា

រាជធានីភ្នំពេញ ថ្ងៃព្រហស្បតិ៍ ទី៤ ខែមេសា ឆ្នាំ២០១៩ (សម្រាប់ការផ្សព្វផ្សាយ) អរគុណចំពោះវត្តមានរបស់លោកអ្នកនារាត្រីនេះ ។ ខ្ញុំអាចមើលឃើញថា​យើង​មានភ្ញៀវដ៏អស្ចារ្យនិងមានចំណាប់អារម្មណ៍ចំពោះពិធីនេះ និងមានក្រុមអ្នកពិភាក្សាដ៏កំពូលៗ ត្រៀមខ្លួនសម្រាប់ការពិភាក្សាដ៏មានអត្ថន័យនេះ ។ ខ្ញុំសូមថ្លែងអំណរគុណ ជាដំបូងដល់ សភាពាណិជ្ជកម្មអាមេរិកនៅកម្ពុជា ។ ខ្ញុំក៏ចង់អរគុណផងដែរ ដល់វាគ្មិនដែលផ្តល់ជាកិត្តិយសទាំងអស់ អ្នកជំនាញក្នុងវិស័យសេដ្ឋកិច្ច និង​គោលនយោបាយពាណិជ្ជកម្ម ។ យើងបាន​ប្រើប្រាស់ការពិភាក្សានេះ ដើម្បីពីទស្សនវិស័យរបស់យើង អំពីអ្វីដែលបានកើតមានក្នុងសារព័ត៌មាននាពេលថ្មីៗនេះ ទោះបី ខ្ញុំទទួលស្គាល់ថា មិនមានការ​សរសេរពីបរិបទវាឲ្យ​បានច្រើន ឬប្រវត្តិរឿងឲ្យពិតឡើយ ។ នៅពេលអ្នកអានពីអត្ថបទបែបវិចារណកថា ដែលលើកសរសើរ ពីការប្តេជ្ញាចិត្តរបស់ប្រទេសចិន ដើម្បីធ្វើឲ្យមានពាណិជ្ជកម្មបែបសេរីនិងមានការប្រកួតប្រជែង អ្នកបានដឹងហើយថារឿងអ្វីៗ អាចត្រូវបានគេប្រែទៅជារឿងផ្សេងមួយទៀត។ ការពិភាក្សាអំពីបញ្ហាពាណិជ្ជកម្មរបស់អាមេរិក និងចិន ដែលកំពុងតែបន្ត គឺជា​ការអភិវឌ្ឍសំខាន់និងចាំបាច់មួយ មួយមាន​ផលប៉ះពាល់យ៉ាងសំខាន់ចំពោះទំនាក់ទំនងរបស់យើង និងសម្រាប់ការរីកចម្រើនផ្នែកពាណិជ្ជកម្ម និងសេដ្ឋកិច្ច នៅតំបន់អាស៊ី និងនៅកន្លែងផ្សេងទៀត ។ អស់រយៈពេលជាង ៧០ឆ្នាំមកនេះ សហរដ្ឋអាមេរិក បានដើរតួជាមេដឹកនាំលើពិភពលោក សម្រាប់ពាណិជ្ជកម្មដោយសេរី ស្មើភាព និង​ផ្តល់ឲ្យគ្នាទៅវិញទៅមក ។ យើងជាប្រទេសដែលមាន​សេដ្ឋកិច្ចដែលបើកចំហបំផុតមួយនៅលើពិភពលោក ។ …

អាន​បន្ថែម»

សេចក្តីថ្លែងការណ៍​របស់អ្នកនាំពាក្យរងក្រសួងការបរទេសសហរដ្ឋអាមេរិក Robert Palladino

ថ្ងៃទី ២៧ ខែមិនា ឆ្នាំ ២០១៩ លោករដ្ឋមន្រ្តីក្រសួងការបរទេស​សហរដ្ឋអាមេរិក Pompeo បានជួបជាមួយជនជាតិ Uighur កាន់សាសនាឥស្លាមដែលបានទទួលរង​​ដោយវិបត្តិសិទ្ធិមនុស្ស នៅតំបន់ស្វយ័ត Xingjiang Uighur នៃប្រទេសចិន កាលពីម្សិលម៉ិញ លោករដ្ឋមន្រ្តីក្រសួងការបរទេស​សហរដ្ឋអាមេរិក Michael R. Pompeo បានជួបជាមួយ​ Mihrigul Tursun  ជាជនជាតិ Uighur កាន់សាសនាឥស្លាម​  ដែលបានរួចជីវិតពីស្ថាន​ភាពដ៏គួរអោយខ្លាច និងការធ្វើបាប នៅក្នុងជំរំឃុំឃំាងមួយ នៅតំបន់ស្វ័យយ័ត Xingjiang Uighur ។ លោករដ្ឋមន្រ្តីក៏បានជួបផងដែរជាមួយសមាជិក ៣ នាក់ទៀត នៃសហគមន៍ឥស្លាម Uighur ដែលមានឈ្មោះ Gulchehra Hoja, Ferkat Jawdat, និង Arfat Erkin ដែលមានបងប្អូនត្រូវបានឃុំខ្លួន នៅក្នុងជំរំ ឬត្រូវបានដាក់ទោសព្រហ្មទណ្ឌ​ដោយអាជ្ញាធរចិន។ សមាជិកគ្រួសារនៃអ្នកទាំង​នេះ​ស្ថិតក្នុងចំណោមជនជាតិភាគតិច Kazakh ជនជាតិ Uighur និងសមាជិក​ក្រុមជនជាតិភាគតិច​កាន់សាសនាឥស្លាមដទៃទៀតជាង ១ លាននាក់ …

អាន​បន្ថែម»

សុន្ទរកថារបស់លោករដ្ឋមន្រ្តីក្រសួងការបរទេសសហរដ្ឋអាមេរិក Mike Pompeo នៅរដ្ឋ Iowa៖ “ខ្សែក្រវ៉ាត់កសិដ្ឋានអាមេរិក៖ កំណើនវិបុលភាព”

ថ្ងៃទី៤ ខែមិនា ឆ្នាំ២០១៩ សួស្តី សូមស្វាគមន៍​ដែលបានស្វាគមន៍​ខ្ញុំ​នៅ Iowa ។ ភរិយាខ្ញុំ ឈ្មោះ Susan បានកើតនៅទីក្រុង Iowa City។ ម្តាយរបស់គាត់បានទទួលសញ្ញាប័ត្រពីសាកលវិទ្យាល័យ Iowa ប្រកបដោយមោទនភាព ដូច្នេះ កូនប្រុសខ្ញុំ ឈ្មោះ Nick និងខ្ញុំបានមើលការប្រកួតកីឡាបាល់ឱប Hawkeye ជាមួយយាយ។ ថ្វីបើ Susan បានធំដឹងក្តីនៅរដ្ឋ Kansas ក្តី តែគាត់បានចំណាយរាល់រដូវក្តីនៅផ្ទះរបស់ជីដូនជីតាគាត់​នៅ Coralville កាលរៀន​នៅមហាវិទ្យាល័យ។ ខ្ញុំសូមអបអរសាទរដល់រដ្ឋរបស់លោកអ្នក ចំពោះភាពអស្ចារ្យ​របស់    ​គាត់។ មានម្នាក់ទៀត​នៅជាមួយពួកយើង​នេះ ដែលបានកើតនៅទីនេះដែរ…តែបានចំណាយពេលនៅក្នុងរដ្ឋ​នេះច្រើនជាងគាត់តែបន្តិចប៉ុណ្ណោះ។ ឯកអគ្គរដ្ឋទូត Branstad រីករាយដោយជួបលោក និងសូមអរគុណចំពោះការណែនាំខ្លួន។ នៅមុននេះ​បន្តិច ខ្ញុំមានកិច្ចប្រជុំដ៏ល្អមួយជាមួយលោកអភិបាល Reynolds ដែលពេលនេះ កំពុងនៅជាមួយយើង។ អរគុណដែលបានអញ្ជើញមក លោកអភិបាល។ សូមអរគុណដល់អង្គការ World Food Prize ដែលបានស្វាគមន៍​ខ្ញុំ។ ខ្ញុំដឹងថា លោកឯកអគ្គរដ្ឋទូត Quinn …

អាន​បន្ថែម»

ស្ថានទូតអាមេរិក និងមជ្ឈមណ្ឌល EducationUSA រៀបចំពិព័រណ៌អប់រំ ប្រចាំឆ្នាំ២០១៩

សេចក្តីប្រកាសព័ត៌មាន សម្រាប់ការចេញផ្សាយបន្ទាន់ ថ្ងៃទី​០១ ខែមិនា ឆ្នាំ២០១៩ ស្ថានទូតអាមេរិក និងមជ្ឈមណ្ឌលសំរាប់ការសិក្សាអប់រំសហរដ្ឋអាមេរិក (EducationUSA) នៅកម្ពុជា នឹងរៀបចំពិពិព័រណ៍មួយស្តីពីការអប់រំ​នៅក្នុងសហរដ្ឋអាមេរិក សំរាប់ឆ្នាំ ២០១៩ នៅថ្ងៃចន្ទ ទី៤ ខែមិនា ឆ្នាំ២០១៩  ដើម្បីបង្ហាញពីឱកាសសិក្សា​នៅក្នុងសហរដ្ឋអាមេរិក​ សំរាប់សិស្ស និស្សិតកម្ពុជា។ ពិព័រណ៍​នេះគឺជាកន្លែងពិសេសមួយ​សំរាប់អោយសិស្ស និស្សិតកម្ពុជាធ្វើការទាក់ទងជាមួយស្ថាប័នឧត្តមសិក្សា​នៅក្នុងសហរដ្ឋអាមេរិក ហើយដឹងពីអត្ថប្រយោជន៍​ក្នុងការទទួលបានការសិក្សា​នៅក្នុងសាកលវិទ្យាល័យ​សហរដ្ឋអាមេរិក។ ពិព័រណ៍ EducationUSA នឹងប្រព្រឹត្តទៅ ពីម៉ោង ២:០០ ដល់ម៉ោង ៦:០០ រសៀល នៅបន្ទប់ប្រជុំធំ នៃសណ្ឋាគារ Great Duke Hotel (អតីតសណ្ឋាគារ Intercontinental Hotel)។ តែអ្នកសារព័ត៌មានដែលចង់សម្ភាសន៍លោកភារធារី Michael Newbill ស្តីពីរឿង​នេះ គួរទៅដល់បន្ទប់ប្រជុំធំ​នៃសណ្ឋាគារ Great Duke Hotel  ត្រឹមម៉ោង ១:០០ រសៀល។ ឆ្នាំនេះ នឹងមានតំណាងមកពីមហាវិទ្យាល័យនិងសាកលវិទ្យាល័យចំនួនជាង ២៥ នាក់មកជំរាបប្រាប់សិស្ស និស្សិតកម្ពុជា អំពីកម្មវិធីសិក្សាយកសញ្ញាប័ត្រ …

អាន​បន្ថែម»

សុន្ទរកថារបស់លោកភារធារី Michael Newbill នៅក្នុង សិក្ខាសាលាស្តីពីអាកាសចរណ៍ និងអនុសញ្ញាក្រុង Cape Town

សណ្ឋាគារ Rosewood ថ្ងៃទី២២ ខែកុម្ភៈ ឆ្នាំ ២០១៩ សូមជម្រាបសួ និងសូមអរគុណដែលបានអញ្ជើញមកចូលរួម​ នៅថ្ងៃ​នេះ។ ខ្ញុំមានក្តីរំភើបរីករាយ​ដោយឃើញមានអ្នកចូលរួមជាច្រើននាក់ ដើម្បីស្វែងយល់បន្ថែមពីប្រធានបទថ្ងៃ​នេះ គឺអនុសញ្ញាក្រុង Cape Town ហើយនិងអត្ថប្រយោជន៍​របស់វា ​សម្រាប់វិស័យអាកាសចរណ៍​ដែលកំពុងរីកចម្រើន របស់ប្រទេសកម្ពុជា។ មុនពេលយើងចាប់ផ្តើម ខ្ញុំសូមអរគុណលោក Jeffrey Klang ដែលជាអ្នកជំនាញទាក់ទងនឹងអនុសញ្ញាក្រុង Cape Town មកពីអាជ្ញាធរអាកាសចរណ៍សហព័ន្ធសហរដ្ឋអាមេរិក ដែលបានអញ្ជើញធ្វើដំណើរមកពីសហរដ្ឋអាមេរិក ចូលរួម​ក្នុងសិក្ខាសាលា​នេះ។ ខ្ញុំសូមអរគុណផងដែរដល់ដៃគូរបស់យើង ដែលមានក្រុមហ៊ុន SSCA, AmCham Cambodia, Boeing និង GECAS ដែលបានជួយរៀបចំព្រឹត្តិការណ៍នេះឡើង។ ខ្ញុំសូមអរគុណផងដែរដល់អ្នកឧបត្ថម្ភ​របស់យើង ដែលមាន Avis Budget Group, Dancing Bull និង​ Luma System ។ សូមចាប់ផ្តើមជាមួយនឹងតួលេខធំមួយ គឺ ៦ លាន។ នៅឆ្នាំ ២០១៨ ប្រទេសកម្ពុជាបានទទួលទេសចរ​ចំនួនប្រមាណ ៦ …

អាន​បន្ថែម»

សុន្ទរកថារបស់លោកភារធារី Michael Newbill ពិធីបើក មហោស្រពវិទ្យាសាស្ត្រនិងវិស្វកម្មកម្ពុជាលើកទី៥

ពហុកីឡដ្ឋានជាតិអូឡាំពិក ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩ សូមជម្រាបសួរ ឯកឧត្តមបណ្ឌិត ហង់ ជួនណារ៉ុន រដ្ឋមន្រ្តីក្រសួងអប់រំ យុវជននិងកីឡា ឯកអគ្គរដ្ឋទូតអង់គ្លេស Tina Susan Redshaw និងភ្ញៀវកិត្តិយស អ្នកស្ម័គ្រចិត្ត អ្នកធ្វើបទបង្ហាញនិងសិស្ស និស្សិតទាំងអស់ សូមថ្លែងអំណរគុណយ៉ាងជ្រាលជ្រៅចំពោះការងាររបស់អ្នកទាំងអស់គ្នា ដែលបានរៀបចំមហោស្រពដ៏គួរអោយចាប់អារម្មណ៍នេះ។ ខ្ញុំមានសេចក្តីរីករាយណាស់ ដែលមានវត្តមាននៅទីនេះជាមួយលោករដ្ឋមន្ត្រី ណារ៉ុន និងសហការីជាច្រើននាក់មកពីផ្នែកអប់រំ ការទូតនិងធុរកិច្ច។ ជាពិសេស ខ្ញុំសូមទទួលស្គាល់នូវកិច្ចការរបស់អ្នកស្ម័គ្រចិត្តទាំងអស់ ដែលគាំទ្រដល់មហោស្រពវិទ្យាសាស្រ្តនិងវិស្វកម្មកម្ពុជាលើកទី៥នេះ។ បើគ្មានការខិតខំប្រឹងប្រែងអស់រយៈពេលជាច្រើនខែរបស់អ្នកស្ម័គ្រចិត្តជាច្រើនទេ ព្រឹត្ដិការណ៍មួយនេះមិនអាចកើតឡើងបានឡើយ។ ហើយជាការពិត រឿងមួយដែលធ្វើឱ្យមហោស្រពនេះមានលក្ខណៈពិសេស គឺថា វាត្រូវបានដឹកនាំរៀបចំដោយនិស្សិត។ បន្ថែមពីលើការបង្ហាញឱ្យនិស្សិតកម្ពុជារាប់ពាន់នាក់នូវការច្នៃប្រឌិតវិទ្យាសាស្ត្រនិងវិស្វកម្ម វាផ្តល់លទ្ធភាពដល់និស្សិតកម្ពុជាវ័យក្មេងនិងជួយពួកគេឱ្យមានជំនាញក្នុងការធ្វើផែនការគម្រោង។ ចូរសម្លឹងមើលអ្នកទស្សនា និងគ្រប់ការតាំងបង្ហាញដ៏អស្ចារ្យនៅខាងក្រៅ ខ្ញុំអាចមើលឃើញថា យុវវ័យកម្ពុជា ពិតជាមានការរំភើបយ៉ាងខ្លាំងអំពីវិទ្យាសាស្រ្តនិងបច្ចេកវិទ្យា និងឱកាសប្រើប្រាស់វាដើម្បីធ្វើឱ្យសេដ្ឋកិច្ចនិងសង្គមកម្ពុជាកាន់តែទំនើប និងប្រកបដោយការច្នៃប្រឌិត។ សហរដ្ឋអាមេរិក មានមោទនភាពធ្វើជាអ្នកឧបត្ថម្ភដល់មហោស្រពនេះ និងការប្រកួតប្រជែងផ្នែកមនុស្សយន្ត និងជាអ្នកគាំទ្រកិច្ចខិតខំប្រឹងប្រែងរបស់ប្រទេសកម្ពុជា ក្នុងការកែលម្អការអប់រំវិទ្យាសាស្ត្របច្ចេកវិទ្យា វិស្វកម្ម និងគណិតវិទ្យា។ មហោស្រពនេះ ផ្តល់ឱ្យយុវជនកម្ពុជានូវឱកាសរៀនសូត្រអំពីអាជីពដ៏គួរឱ្យរំភើបជាច្រើននៅក្នុងវិស័យ STEM ។ …

អាន​បន្ថែម»

ក្រុមភ្លេង Harpeth Rising មកសម្តែងនៅកម្ពុជា៖ ចូលរួមជាមួយសិល្បករក្នុងស្រុក ដើម្បីបង្កើនការផ្តល់សិទ្ធិអំណាចដល់ស្ត្រី ពីថ្ងៃទី២១ ដល់ថ្ងៃទី២៧ ខែកុម្ភៈ

សម្រាប់ការចេញផ្សាយបន្ទាន់ ថ្ងៃទី២២ ខែកុម្ភៈ ឆ្នាំ២០១៩ ស្ថាន​ទូត​អាមេរិក​មាន​មោទន​ភាព​ សូម​ធ្វើ​ការ​ឧបត្ថម្ភ​ដំណើរ​សម្តែង​របស់​ក្រុម​តន្រ្តី​អាមេរិក​ ឈ្មោះ Harpeth Rising នៅ​កម្ពុជា​។​ ដំណើរ​ប្រគំ​តន្រ្តី​ពី​ថ្ងៃ​ទី ២១ ដល់​ថ្ងៃ​ទី​ ២៧ ខែ​កុម្ភៈ ប្រព្រឹត្ត​ទៅ​ដោយ​សហការ​ជាមួយ​អង្គការ​មិន​មែន​រដ្ឋា​ភិបាល​មួយ​ដែល​មាន​ឈ្មោះ​ថា​ អង្គការ​សិល្បៈ​ខ្មែរ​អមតៈ​ (CLA)។ មុន​ចាប់​ផ្តើម​ការ​សម្តែង​ ស្ថាន​ទូត​សូម​គោរព​អញ្ជើញ​អ្នក​សារ​ព័ត៌​មាន​ចូល​រួម​ក្នុង​សន្និ​សីទ​កាសែត​មួយ​ នៅ​ថ្ងៃ​ទី​ ២៣​ ខែ​កុម្ភៈ ​នា​វិទ្យា​សា្ថន​ភាសា​បរទេស​ (IFL) វេលា​ម៉ោង​ ៥:៣០​-៦:០០ ល្ងាច។ លោក​ភារ​ធារី​ស្ថាន​ទូត ក៏​នឹង​ថ្លែង​សុន្ទរ​កថា​បើក​បន្ទាប់​ពី​សន្និសីទ​កាសែត​ផង​ដែរ​។ ​ នេះ​ជា​ កម្មវិធី​តន្រ្តី​អាមេរិក​នៅ​បរទេស​ (AMA) ដែល ​ទទួល​បាន​ការ​ឧបត្ថម្ភ​ពី​ការិយាល័យ​កិច្ច​ការ​វប្បធម៌​ និង​អប់រំ​ នៃ​ក្រសួង​ការ​បរទេស​សហរដ្ឋ​អាមេរិក​ ហើយ​ចាត់​ចែង​ដោយ​ សមាគម​សម្លេង​អាមេរិក។ សមាជិកបីរូបជាស្រ្តីវ័យក្មេង​នៃក្រុមតន្រ្តី Harpeth Rising រួមមានឈ្មោះ Jordana Greenberg, Maria Di Meglio និង ​Michelle Younger នឹងធ្វើសិក្ខាសាលាជាមួយសាលាមធ្យមសិក្សាវិចិត្រសិល្បៈ មូលនិធិ Harpswell …

អាន​បន្ថែម»

សេចក្តីថ្លែងការណ៍ស្តីពីដំណើរការនីតិវិធីរបស់សហភាពអឺរ៉ុប ក្នុងការផ្អាកការអនុគ្រោះពន្ធផ្នែកពាណិជ្ជកម្ម (EBA) សំរាប់ប្រទេសកម្ពុជា

សេចក្តីថ្លែងការណ៍របស់ស្ថានទូតអាមេរិកនៅរាជធានីភ្នំពេញ សម្រាប់ការចេញផ្សាយបន្ទាន់ ថ្ងៃទី១២ ខែកុម្ភៈ ឆ្នាំ២០១៩ សហរដ្ឋអាមេរិកធ្វើការកត់សម្គាល់ ​ការសម្រេចចិត្តរបស់​សហភាពអឺរ៉ុប ក្នុងការផ្តើមដំណើរការនីតិវិធី​ផ្អាកការអនុគ្រោះពន្ធក្នុងផ្អែកពាណិជ្ជកម្ម ​ ដល់ប្រទេសកម្ពុជា ក្រោមគម្រោងដែលមាន​ឈ្មោះថា អ្វីៗទាំងអស់លើកលែង​តែអាវុធ (EBA) ដោយសារមានការដើរ​ថយក្រោយយ៉ាងធ្ងន់ធ្ងរ​ ក្នុងការការពារសិទ្ធិ​មនុស្ស និងសិទ្ធិការងារ នៅក្នុងរយៈពេល ១៨ ខែកន្លងទៅនេះ។ យើងមានកង្វល់ដូចគ្នា​​​នឹងសហភាពអឺរ៉ុបដែរ ទាក់ទងនឹងការ​រំលោភ​យ៉ាងធ្ងន់ធ្ងរ​ លើសេរីភាព​ក្នុង​ការបញ្ចេញមតិ សិទ្ធិការងារដែលមាន​ការ​ទទួលស្គាល់ជាអន្តរជាតិ និងសេរីភាព​ទាក់ទង​នឹងអង្គការសមាគម។ សហរដ្ឋអាមេរិក សូមអំពាវនាវ​អោយថ្នាក់ដឹកនាំកម្ពុជា ស្តា​ឡើងវិញ​នូវលទ្ធិប្រជាធិបតេយ្យ ពហុ​បក្សពិតប្រាកដ ដូចមានចែងនៅក្នុង​រដ្ឋធម្មនុញ្ញ​នៃប្រទេសកម្ពុជា។ យើងក៏សូមអំពាវនាវផងដែរ ​អោយប្រទេសកម្ពុជាទម្លាក់​ចោល​​នូវបទចោទប្រកាន់លើលោក កឹម សុខា និងការចោទប្រកាន់​តាមទំនើងចិត្តទាំងអស់ ប្រឆាំង​នឹងអ្នក​ទោស​នយោបាយដទៃទៀត ហើយអនុញ្ញាតអោយ​​សហជីព អង្គការ​សារព័ត៌មានឯករាជ្យ និងក្រុមដទៃទៀត​នៃ​​សង្គមស៊ីវិល ដំណើរការដោយ​គ្មាន​​ការរឹតត្បិតដែលមិនត្រឹមត្រូវ។ ថ្នាក់ដឹកនាំកម្ពុជា​នៅមាន​​ឱកាសនៅឡើយ នៅក្នុងការជៀសផុតពីផលវិបាកអវិជ្ជមាន​ផ្នែកសេដ្ឋកិច្ច​ នៃការដកការអនុគ្រោះពន្ធ EBA ។ ដូចដែលស្នងការពាណិជ្ជកម្ម​សហភាពអឺរ៉ុប គឺលោកស្រី Cecilia Malmström បានមានប្រសាសន៍ថា ៖ «វាច្បាស់ហើយថា ចំណាត់ការនៅថ្ងៃនេះមិនមែនជាការសម្រេចចិត្តចុងក្រោយ ហើយក៏​មិនមែនជាទីបញ្ចប់​នៃដំណើរនីតិវិធីដែរ។ តែនាឡិកាកំពុងតែដើរទៅមុខជាផ្លូវការហើយ ហើយយើងត្រូវការឃើញវិធានការពិតប្រាកដ …

អាន​បន្ថែម»

សុន្ទរកថារបស់លោកភារធារី Michael A. Newbill នៅក្នុងពិធីប្រកាសបើកការអនុវត្តគម្រោងអភិវឌ្ឍន៍វារីវប្បកម្ម សម្រាប់និរន្តរភាពពាណិជ្ជកម្ម

សណ្ឋាគារ កាំបូឌីយ៉ាណា ថ្ងៃទី៣១ ខែមករា ឆ្នាំ ២០១៩ (រៀបចំសម្រាប់ថ្លែង) សូមជំរាបសួរ និងសូមស្វាគមន៍​មកកាន់ពិធីប្រកាសបើកការអនុវត្តគម្រោងអភិវឌ្ឍន៍វារីវប្បកម្ម សម្រាប់និរន្តរភាពពាណិជ្ជកម្ម (CAST)។             ខ្ញុំសូមចាប់ផ្តើមដោយសូមសំដែងអំណរគុណជាពិសេសដល់ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខប្រម៉ាញ់ និងនេសាទ ដែលមកចូលរួមជាមួយយើងនៅថ្ងៃ​នេះ។             ឯកឧត្តម ជាការល្អណាស់ដែលខ្ញុំបានជួបឯកឧត្តម ហើយបន្តកិច្ចសហប្រតិបត្តិការ រវាងសហរដ្ឋអាមេរិក និងរាជរដ្ឋាភិបាលកម្ពុជា នៅក្នុងវិស័យកសិកម្ម។ សហរដ្ឋអាមេរិកគាំទ្រឧស្សាហកម្មកសិកម្មរបស់ប្រទេសកម្ពុជា នៅក្នុងផ្នែកជាច្រើន។ ឧទាហរណ៍ ទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍​អន្តរជាតិរបស់យើងកំពុងតែជួយកម្ពុជាជាមួយនឹងបទដ្ឋាន SPS ដើម្បីកែលំអផលិតផលស្វាយចន្ទី និងស្វាយ ហើយកំពុងផ្តល់ជំនួយបច្ចេកទេសលើការធ្វើផែនការជាយុទ្ធសាស្រ្ត និងច្បាប់ស្តីពីកុងត្រាទាក់ទងនឹងការធ្វើកសិកម្ម ក្នុងចំណោមគម្រោងកសិកម្ម និងស្បៀងអាហារដទៃជាច្រើនទៀត។ គម្រោង CAST បានទទួលការឧបត្ថម្ភថវិកាពីកម្មវិធីអាហារសំរាប់ភាពជឿនលឿន (Food for Progress) របស់ក្រសួងកសិកម្មសហរដ្ឋអាមេរិក។ កម្មវិធីអាហារសំរាប់ភាពជឿនលឿនជួយប្រទេសនានា ដូចជាកម្ពុជា ក្នុងការធ្វើទំនើបកម្ម និងពង្រឹងវិស័យកសិកម្មរបស់គេ ដោយលើកកំពស់ផលិតភាពកសិកម្ម ហើយពង្រីកពាណិជ្ជកម្មនៃផលិតផលកសិកម្ម។ គម្រោង CAST មានលក្ខណៈពិសេស ពីព្រោះវាប្រើធនធានដ៏សំបូរ គឺសណ្តែកសៀង …

អាន​បន្ថែម»

ទស្សនកិច្ចរបស់លោកឧបការីរង​ រដ្ឋមន្រ្តីក្រសួងការពារជាតិប្រទេសអាមេរិក ទទួលបន្ទុកតំបន់អាស៊ីខាងត្បូង និងអាស៊ីអាគ្នេយ៍ Joseph H. Felter​ នៅប្រទេសកម្ពុជា

លោកឧបការីរងរដ្ឋមន្រ្តីក្រសួងការពារជាតិប្រទេសអាមេរិក ទទួលបន្ទុកតំបន់អាស៊ីខាងត្បូង និងអាស៊ីអាគ្នេយ៍ គឺបណ្ឌិត Joseph H. Felter នឹងធ្វើទស្សនកិច្ចនៅប្រទេសកម្ពុជា នៅថ្ងៃទី១៥ និងទី១៦ ខែមករា ឆ្នាំ២០១៩។ លោកឧបការីរង Felter នឹងជួបជាមួយលោកឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ ដើម្បីពិភាក្សាពីចក្ខុវិស័យរួម ដែលចង់អោយតំបន់ឥណ្ឌូប៉ាស៊ីហ្វិកមានភាពបើកចំហ និងមានភាពសេរី និងពិភាក្សាពីការដែលទំនាក់ទំនងរវាងយោធា និងយោធាដ៏ល្អមួយ អាចជួយកម្ពុជាក្នុងការរក្សាអធិបតេយ្យភាពរបស់ខ្លួនបាន ដោយគ្មានការបង្ខិតបង្ខំ ដើម្បីធានាបាននូវសន្តិភាព វិបុលភាព និងឯករាជ្យរបស់ប្រទេសកម្ពុជា សម្រាប់មនុស្សជំនាន់ក្រោយ។ បន្ទាប់មក លោកនឹងពិភាក្សាពីជំហានបន្ទាប់ សម្រាប់លើកកម្ពស់កិច្ចសហប្រតិបត្តិការរវាងយោធា និងយោធា នៅពេលដែលរដ្ឋាភិបាលកម្ពុជាមានភាពជឿនលឿនក្នុងការពង្រឹងស្ថាប័ន និងអនុវត្តកំណែទម្រង់ ដែលរួមមានការទំលាក់ចោលបទចោទប្រកាន់លើលោក កឹម សុខា ហើយអនុញ្ញាតអោយសង្គមស៊ីវិល និងប្រព័ន្ធផ្សព្វផ្សាយដំណើរការដោយសេរី។

អាន​បន្ថែម»

សេចក្តីប្រកាសរួមគ្នារបស់រដ្ឋមន្រ្តីការបរទេស Michael Pompeo និងរដ្ឋមន្រ្តីសន្តិសុខមាតុភូមិ Kirstjen Nielsen នៃសហរដ្ឋអាមេរិក

ក្រសួងការបរទេសសហរដ្ឋអាមេរិក ការិយាល័យអ្នកនាំពាក្យ ថ្ងៃទី ២០ ខែធ្នូ ឆ្នាំ ២០១៨                 សកម្មភាពរបស់ចិនធ្វើអោយប៉ះពាល់ដល់ក្រុមហ៊ុនផ្តល់សេវាដែលមានការគ្រប់គ្រងជាសាកល                 យ៉ាងហោចណាស់គិតចាប់តាំងពីឆ្នាំ ២០១៤ មក ក្រុមផ្នែកអ៊ិនធ័រណែតរបស់ចិន ដោយរួមគ្នាជាមួយក្រសួងសន្តិសុខរដ្ឋរបស់ចិន បានលួចចូលទៅក្នុងគេហទំព័ររបស់ក្រុមហ៊ុនផ្តល់សេវាអ៊ិនធ័រណែតជាច្រើនរបស់សហរដ្ឋអាមេរិក និងក្រុមហ៊ុនដែលមានការគ្រប់គ្រងជាសាកល។ ក្រុមទាំងនេះ​របស់ចិនបានប្រើការលួចចូលនេះ ដើម្បីធ្វើអោយខូចដល់បណ្តាញ​នៃអតិថិជន​របស់ក្រុមហ៊ុនផ្តល់សេវា ដោយរួមទាំងក្រុមហ៊ុនពិភពលោក ដែលស្ថិតនៅតាមប្រទេសចំនួនយ៉ាងតិច ១២។                 សហរដ្ឋអាមេរិកមានកង្វល់ថា សកម្មភាព​នេះ​រំលោភលើការប្តេជ្ញាចិត្តរួមគ្នាផ្នែកអ៊ិនធ័រណែតរបស់សហរដ្ឋអាមេរិក និងប្រទេសចិន នៅឆ្នាំ ២០១៥ ដែលបានធ្វើដោយប្រធានាធិបតីចិន Xi Jinping ក្នុងការមិនធ្វើ ឬគាំទ្រ​ដោយចេតនា​ នូវ “ការលួចតាមអ៊ិនធ័រណែត​នូវកម្មសិទ្ធិបញ្ញា ដូចជាការសម្ងាត់ពាណិជ្ជកម្ម និងព័ត៌មានសម្ងាត់ដទៃ​ទៀត​ផ្នែកធុរកិច្ច ក្នុងបំណងផ្តល់ប្រៀបក្នុងការប្រកួតប្រជែង​ដល់ក្រុមហ៊ុន ឬវិស័យពាណិជ្ជកម្ម”។ ប្រទេសចិនថែមទាំងបានធ្វើការប្តេជ្ញាចិត្តផងដែរជាមួយសមាជិកនៃប្រទេសមានសេដ្ឋកិច្ចធំជាងគេទាំង ២០ (G20) និងប្រទេសសមាជិកនៃអង្គការសហប្រតិបត្តិការសេដ្ឋកិច្ចនៅតំបន់អាស៊ីប៉ាស៊ីហ្វិក (APEC)  ព្រមទាំងសេចក្តីប្រកាសទ្វេភាគីដទៃទៀត។                 ស្ថិរភាពផ្នែកអ៊ិនធ័រណែតមិនអាចមានទៅបានទេ បើប្រទេសទាំងឡាយមានអាកប្បកិរិយាមិនទទួលខុសត្រូវ …

អាន​បន្ថែម»

សុន្ទរកថារបស់លោកភារធារី Micheal Newbill នៅក្នុងពិធីបិទនៃសប្តាហ៍ម្ហូបអាហារអាមេរិក

សណ្ឋាគារ  Raffle ថ្ងៃទី ១២ ខែធ្នូ ឆ្នាំ ២០១៨ (រៀបចំសម្រាប់ថ្លែង)             សូមស្វាគមន៍​មកក្នុងពិធីបិទ​នៃសប្តាហ៍​ម្ហូបអាហារអាមេរិក។ សូមអរគុណដែលបានអញ្ជើញមក។ ខ្ញុំសូមអរគុណជាពិសេសដល់ឯកឧត្តម វ៉ាត់ ចំរើន មកពីក្រសួងទេសចរណ៍​ ដែលបានអញ្ជើញមក នៅល្ងាច​នេះ។             តើម្ហូបអាមេរិកមានអ្វីខ្លះ?​Hot dogs? Pizza? Buffalo wings? Tacos? Hoagies? Chili bacon double cheese burger? ទាំងនេះគឺជាម្ហូបអាហារដែលពេញនិយម​នៅប្រទេសអាមេរិក និងនៅជុំវិញពិភពលោក។ តែ​នៅក្នុងពេលប៉ុន្មានទសវត្សចុងក្រោយ​នេះ ប្រទេសអាមេរិកកាន់តែមានការចាប់អារម្មណ៍​ច្រើនឡើងលើការធ្វើម្ហូបតាមបែបថ្មី និងប្រកបដោយភាពច្នៃប្រឌិត ដោយយើងមានស្រែចំការដាំដុះច្រើន ប្រកបដោយជីជាតិ​ ហើយប្រើឥទ្ធិពលមកពីទូទាំងពិភពលោក។ ដោយសារយើងមានវប្បធម៌ចំរុះ មុខម្ហូបរបស់យើងជាច្រើនចេញមកពី​ភាពសំបូរបែបប្លែកៗ​នៃប្រទេសអាមេរិក តែយើងបញ្ចូលវាជាមួយរសជាតិអន្តរជាតិ និងរសជាតិតំបន់។​             កាលពីប៉ុន្មានទសវត្សមុន ប្រទេសអាមេរិកគ្មានឈ្មោះល្បីក្នុងរឿងមុខម្ហូប និងអាហារទេ។ តែ ប្រសិនបើអ្នកមិនបានបរិភោគនៅប្រទេសអាមេរិកអស់រយៈពេលយូរ អ្នកនឹងមានការភ្ញាក់ផ្អើលចំពោះវប្បធម៌ទាក់ទងនឹងភោជនីយដ្ឋាន និងអាហារ នៅតាមគ្រប់ទីក្រុងតូចធំ នៅទូទាំងប្រទេស។ នៅទសវត្សឆ្នាំ ១៩៩០ អ្នកជំនាញហើយចូលចិត្តរឿងម្ហូបអាហារដែលមានគំនិតច្នៃប្រឌិតបានចាប់ផ្តើមធ្វើអោយមានការប្រែប្រួលយ៉ាងខ្លាំង​មួយនៅក្នុងការ …

អាន​បន្ថែម»

សុន្ទរកថារបស់លោកអនុប្រធានាធិបតី MIKE PENCE នៅក្នុងកិច្ចប្រជុំនាយកប្រតិបត្តិអាប៉េក (APEC CEO) ២០១៨

សេតវិមាន ការិយាល័យអនុប្រធានាធិបតី សម្រាប់ការចេញផ្សាយព័ត៌មានបន្ទាន់ ថ្ងែទី១៧ ខែវិច្ឆិកា ឆ្នាំ២០១៨ សូមអរគុណលោក Scott។  ហើយសូមថ្លែងអំណរគុណអ្នកទាំងអស់គ្នាចំពោះការស្វាគមន៍យ៉ាងកក់ក្តៅ។  នាយករដ្ឋមន្ត្រី O’Neill ប្រធាន Taureka អ្នកតំណាងនានាមកពីទូទាំងតំបន់ ថ្នាក់ដឹកនាំសហគមន៍ធុរកិច្ច និងភ្ញៀវកិត្តិយសទាំងអស់របស់យើង វាជាកិត្ដិយសរបស់ខ្ញុំដើម្បីចូលរួមជាមួយលោកអ្នកនៅទីនេះ នៅក្នុង “វេទកាសេដ្ឋកិច្ចចំបង” នៅឥណ្ឌូ-ប៉ាស៊ីហ្វិក (Indo-Pacific)៖ កិច្ចប្រជុំកំពូលនាយកប្រតិបត្តិអេប៉េក 2018 (2018 APEC CEO Summit។ សូមអរគុណលោកអ្នកទាំងអស់ដែលមានវត្តមាននៅទីនេះ។ (ស្នូរ ទះដៃ។) កាលពីឆ្នាំមុននៅក្នុងវេទិកានេះ  លោកប្រធានាធិបតី Donald Trump បានកំណត់ចក្ខុវិស័យរបស់សហរដ្ឋអាមេរិក សំរាប់តំបន់ ឥណ្ឌូ-ប៉ាស៊ីហ្វិក (Indo-Pacific) ដែលមានភាពសេរីនិងបើកចំហ ដែលតាមសំដីរបស់លោក ថា “ប្រទេសមានឯករាជ្យនិងអធិបតេយ្យ ដែលមានវប្បធម៌ចម្រុះ និងក្តីសុបិន្តខុសគ្នាជាច្រើន [អាច] មានវិបុលភាព ជាមួយគ្នា” និងភាពសំបូរសប្បាយ ក្នុង សេរីភាពនិងសន្តិភាព”។ ថ្ងៃនេះ ក្នុងរយៈពេលមួយឆ្នាំក្រោយមក លោកប្រធានាធិបតី Trump បានបញ្ជូនខ្ញុំមកទីនេះ …

អាន​បន្ថែម»

សុន្ទរកថាបើករបស់លោកឯកអគ្គរដ្ឋទូត William A. Heidt នៅក្នុងពិធី “WE Next” ស្តីពីភាពជាសហគ្រិនរបស់ស្រ្តី

ថ្ងៃទី១៤ ខែវិច្ឆិកា ឆ្នាំ២០១៩ សូមអរគុណ Kate ចំពោះការណែនាំដ៏ល្អ ។ សុវណ្ណ វាជាការល្អដែលបានធ្វើការជាមួយគ្នាម្តងទៀត។ សូមអរគុណដែលបានអញ្ជើញមកនាយប់នេះ ដើម្បីអ្វីដែលខ្ញុំសង្ឃឹមថា ជាការពិភាក្សាគ្នាដ៏​គួរអោយចាប់អារម្មណ៍ និងមានលក្ខណៈជាក់ស្តែង ស្តីពីឱកាស និងការប្រឈមសំរាប់ស្រ្តីក្នុងមុខជំនួញ និងស្រ្តីជាសហគ្រិន។ ខ្ញុំមានសេចក្តីរីករាយដោយបានឃើញសហគ្រិន និងអ្នកជំនួញជាស្រ្តី និងតំណាង​នៃអង្គការមួយចំនួន ដែលខំធ្វើការដើម្បីទ្រទ្រង់ភាពជាសហគ្រិន និងភាពជាសហគ្រិន​របស់ស្រ្តី​នៅកម្ពុជា។ ខ្ញុំរីករាយផងដែរក្នុងការស្វាគមន៍សមភាគីរបស់យើងខាងរដ្ឋាភិបាលកម្ពុជា ដែលបានគិតគូរហ្មត់ចត់ក្នុងការងារបង្កើតក្របខ័ណ្ឌទ្រទ្រង់សហគ្រិនថ្មីៗ ហើយមានផែនការដ៏គួរអោយចាប់អារម្មណ៍​ដើម្បីសំរេចគោលដៅ​នេះ។ ខ្ញុំរីករាយដោយបានចូលរួមជាមួយសភាពាណិជ្ជកម្មអាមេរិក និងដៃគូអភិវឌ្ឍន៍​របស់យើង។ សូមអរគុណដែលបានអញ្ជើញមក ។ ខ្ញុំសូមចាប់ផ្តើមដោយឆ្លើយនឹងសំណួរគន្លឹះមួយថា ហេតុអ្វីក៏យើងហៅពិធីនេះថា “យើងបន្ទាប់”​(We Next)? វាងាយទេ។ ពាក្យថា WE គឺជាពាក្យកាត់នៃពាក្យថា “Women’s Entrepreneurship” (ភាពជាសហគ្រិន​របស់ស្រ្តី) ហើយពាក្យថា “Next (បន្ទាប់) ឆ្លុះបញ្ចាំងជំនឿ​របស់យើងថា ពេលនេះគឺជាពេលចេញពីការពិភាក្សាទូទៅ លើសារៈសំខាន់​នៃការទ្រទ្រង់ស្រ្តីអ្នកជំនួញ ដែលយើងទាំងអស់គ្នាមានដូចគ្នា ទៅរកការសហការគ្នាដែលដៅលើសកម្មភាព ដើម្បីកែលំអស្ថាន​ភាពជាក់ស្តែង​របស់សហគ្រិនជាស្រ្តី។ ព្រឹត្តិការណ៍​មួយចំនួន នៅក្នុងឆ្នាំកន្លងទៅនេះ ធ្វើអោយយើងជឿថា វាដល់ពេលហើយដែលយើងត្រូវបង្កើន​ការពិភាក្សាមួយកំរិតទៀត។ នៅខែមុន រដ្ឋាភិបាលបានចេញប្រកាសដ៏សំខាន់ គឺអនុក្រិត្យលេខ …

អាន​បន្ថែម»

លោកអនុប្រធានាធិបតីសហរដ្ឋអាមេរិក Mike Pence៖ សហរដ្ឋអាមេរិកស្វែងរកការសហការគ្នា នៅក្នុងតំបន់ឥណ្ឌូប៉ាស៊ីហ្វិក ពុំមែនស្វែងរកការគ្រប់គ្រងនោះទេ

ថ្ងៃទី៩ ខែវិច្ឆិកា កាលពីឆ្នាំមុន នៅក្នុងប្រទេសវៀតណាម លោកប្រធានាធិបតី Trump បានដាក់ចេញចក្ខុវិស័យរបស់សហរដ្ឋអាមេ រិកសម្រាប់តំបន់ឥណ្ឌូប៉ាស៊ីហ្វិកមួយដែលមានភាពសេរី និងភាពបើកទូលាយ ។ នៅសប្តាហ៍នេះ តាងនាមឲ្យលោកប្រធានាធិបតី ខ្ញុំនឹងដឹកនាំគណៈប្រតិភូទៅកាន់តំបន់នោះ ដើម្បីពិភាក្សាអំពីការរីកចម្រើនរបស់យើង ស្តីពីការធ្វើឲ្យចក្ខុវិស័យនេះក្លាយជាការពិត។ សាររបស់យើងគឺសាមញ្ញ៖ ការប្តេជ្ញាចិត្តរបស់សហរដ្ឋអាមេរិក​ចំពោះតំបន់ឥណ្ឌូប៉ាស៊ីហ្វិកគឺមានភាពខ្ជាប់ខ្ជួន និងយូរអង្វែង។ យើងចង់អោយតំបន់ឥណ្ឌូ ប៉ាស៊ីហ្វិក — ពីសហរដ្ឋអាមេរិកដល់ប្រទេសឥណ្ឌា ពីប្រទេសជប៉ុនដល់អូស្រ្តាលី និងតំបន់ទាំងអស់នៅក្នុងចន្លោះនោះ — ជាតំបន់ដែលអធិបតេយ្យភាពត្រូវបានគោរព ជាទីដែលលំហូរពាណិជ្ជកម្មគ្មានការរារាំង និងជាកន្លែងដែលប្រជាជាតិ​ឯករាជ្យទាំងឡាយធ្វើជាម្ចាស់​នៃជោគវាសនារបស់ខ្លួន។ តំបន់នេះមានផ្ទៃដី និងចំនួនប្រជាជនជាង​ពាក់កណ្តាលនៃផ្ទៃដីនិងប្រជាជនពិភពលោកទាំងមូល ធ្លាប់មានភាពជឿនលឿនច្រើន នៅពេលគោលការណ៍ទាំងនេះត្រូវបានគេគោរព។ ថ្វីបើមានប្រទេសខ្លះ​ចង់បំផ្លាញមូលដ្ឋានគ្រឹះនេះចោលក្តី តែសហរដ្ឋអាមេរិកកំពុងចាត់វិធានការ​យ៉ាងម៉ឺងម៉ាត់ក្នុងការការពារផលប្រយោជន៍របស់យើង និងលើកកម្ពស់ជោគជ័យរួមគ្នា​នៅតំបន់ឥណ្ឌូប៉ាស៊ីហ្វិក។ យុទ្ធសាស្ត្រនៅឥណ្ឌូប៉ាស៊ីហ្វិករបស់យើងស្ថិត​នៅលើសសរស្តម្ភធំៗបី។ វាចាប់ផ្តើមជាមួយនិងវិបុលភាព។ ជំនួញ២ភាគ ៣ របស់សាកលលោកទាំងមូលដឹកជញ្ជូនឆ្លងកាត់ផ្លូវទឹក ផ្លូវអាកាស ផ្លូវគោក និងផ្លូវដែកនៅឥណ្ឌូប៉ាស៊ីហ្វិក។ ជំនួញប្រចាំឆ្នាំរបស់សហរដ្ឋអាមេរិក​នៅក្នុងតំបន់នេះមានជាង ១,៨ លានលានដុល្លា ដោយផ្តល់ការងារចំនួនជាង ៣,៣ លាន នៅសហរដ្ឋអាមេរិក ហើយការវិនិយោគសរុប​របស់យើងក្នុងតំបន់​ឥណ្ឌូប៉ាស៊ីហ្វិកមានជិត ១ លានលានដុល្លា ពោលគឺមានចំនួនច្រើនជាងការវិនិយោគសរុបរួមគ្នារបស់ប្រទេសកូរ៉េខាងត្បូង ប្រទេស​ជប៉ុន …

អាន​បន្ថែម»

សុន្ទរកថារបស់លោកឯកអគ្គរដ្ឋទូតនៅក្នុងពិធីចុះហត្ថលេខាលើគម្រោងរបស់មូលនិធិឯកអគ្គរដ្ឋទូតសំរាប់ការអភិរក្សវប្បធម៌ (AFCP) និងអនុស្សារណៈយោគយល់

សារមន្ទីរជាតិ ភ្នំពេញ ថ្ងៃទី ៦ ខែវិច្ឆិកា ឆ្នាំ ២០១៨ (រៀបចំសម្រាប់ថ្លែង) សូមជំរាបសួរ សហការីមកពីផ្នែកសារព័ត៌មាន។ សូមអរគុណលោកអ្នកទាំងអស់ដែលបានអញ្ជើញមកថ្ងៃ​នេះ។             ខ្ញុំសូមចាប់ផ្តើមដោយសូមអរគុណភ្ញៀវកិត្តិយសរបស់យើងដែលមានវត្តមាននៅថ្ងៃ​នេះ គឺលោកជំទាវបណ្ឌិត ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ឯកឧត្តម គឹម សេតារា ប្រធានអាជ្ញាធរជាតិព្រះវិហារ លោកគង់ វីរៈ ប្រធានសារមន្ទីរជាតិ។             ខ្ញុំមានសេចក្តីរីករាយផងឃើញឯកឧត្តម ជុច ភឿន រដ្ឋលេខាធិការក្រសួងវប្បធម៌ និងជាមិត្តដ៏ល្អម្នាក់​របស់ខ្ញុំ នៅថ្ងៃនេះ។ នៅក្នុងពេល ៣ ឆ្នាំកន្លងទៅ​នេះ លោក និងខ្ញុំបានចុះហត្ថលេខាលើឯកសារមួយចំនួនជាមួយគ្នា។ ខ្ញុំមានការសោកស្តាយដែលអាណតិ្តរបស់ខ្ញុំជាឯកអគ្គរដ្ឋទូតនឹងចប់ក្នុងពេលឆាប់ៗ​នេះ តែពេលនេះ ខ្ញុំមានសេចក្តីរីករាយ ដោយមានវត្តមាន​នៅក្នុងពិធីដ៏​ពិសេស​នេះ។ ពិធីនេះគឺជាការបង្ហាញអោយឃើញនូវទំនាក់ទំនងល្អ និងយូរលង់ រវាងសហរដ្ឋអាមេរិក និងក្រសួងវប្បធម៌ និងវិចិត្រសិល្បៈ ។ យើងនឹងចុះហត្ថលេខាលើឯកសារពីរសំខាន់នៅថ្ងៃ​នេះ ដែលបង្ហាញពីទំហំ និងសារៈសំខាន់​នៃទំនាក់ទំនងនេះ។ ឯកសារទី១ ដែលយើងនឹងចុះហត្ថលេខាលើគឺអំណោយថវិការបស់មូលនិធិ AFCP ចំនួន ២០០ …

អាន​បន្ថែម»

តើអ្វីជាយុទ្ធនាការរយៈពេល ១៦ ថ្ងៃ?

យុទ្ធនាការរយៈពេល ១៦ ថ្ងៃត្រូវបានគេស្គាល់ផងដែរថាជា “១៦ ថ្ងៃនៃភាពសកម្មនិយមនៃយុទ្ធនាការប្រឆាំងអំពើហឹង្សាពាក់ព័ន្ធនឹងយេនឌ័រ”។ យុទ្ធនាការនេះមានចាប់ពីថ្ងៃទី ២៥ វិច្ឆិកា (ទិវាអន្តរជាតិប្រឆាំងនឹងហឹង្សាទៅលើស្រ្តី) ដល់ថ្ងៃទី ១០ ខែធ្នូ (ទិវាសិទ្ធិមនុស្សអន្តរជាតិ)។ ទិវាអនុ្តរជាតិប្រឆាំងនឹងហឹង្សាលើស្រ្តីត្រូវបានប្រកាសជាលើកដំបូងនៅក្នុងឆ្នាំ ១៩៨១ ដើម្បីរំលឹកដល់ឃាតកម្មហឹង្សាលើក្រុមដូនជី Mirabal នៅថ្ងៃទី ២៥ ខែវិច្ឆិកា ឆ្នាំ ១៩៦០ ដោយសារពួកគាត់ធ្វើសកម្មភាពប្រឆាំងនឹងជនផ្តាច់ការឈ្មោះ Rafael Trujillo នៅសាធារណរដ្ឋដូមីនិកែន។ ថ្វីបើហឹង្សាទៅលើស្រ្តីមានទំរង់ខុសៗគ្នាទៅតាមបរិបទវប្បធម៌របស់វាក្តី តែបញ្ហានេះមាននៅគ្រប់កន្លែង ហើយការធ្វើការលើបញ្ហានេះផ្តល់ឱកាសពិសេសមួយសំរាប់កសាងស្ពានរវាងវប្បធម៌នានា។ បើចង់ដឹងបន្ថែមទៀតស្តីពីយុទ្ធនាការនេះ សូមចុច ឈ្នាប់ នេះ។

អាន​បន្ថែម»

ឈប់ គិត ភ្ជាប់៖ ធ្វើឲ្យអ្នកមានសុវត្ថិភាពតាមប្រព័ន្ធអ៊ិនធ័រណែត

នៅពេលនេះ មនុស្សនៅទូទាំងពិភពលោក​ចំណាយពេលមើលអ៊ិនធ័រណែត​ច្រើនជាងពេលណាៗទាំងអស់កន្លងមក ។ ក្នុងពេលដែលគេប្រើអ៊ិនធ័រណែត​សំរាប់ការទិញអីវ៉ាន់ ទំនាក់ទំនងជាមួយធនាគារ គ្រប់គ្រងហិរញ្ញវត្ថុ និងទាក់ទងគ្នាលេង គេប្រឈមនឹងហានិភ័យ​​តាមអ៊ិនធ័រណែតកាន់តែច្រើនឡើង។ ការគំរាមកំហែង និងការវាយប្រហារ​​តាមអ៊ិនធ័រណែត​គឺជាការគំរាមកំហែងចំពោះសន្តិសុខជាតិ និងសន្តិសុខសេដ្ឋកិច្ច​​នៃប្រទេសទាំងអស់។ ដោយហេតុថាសន្តិសុខតាមអ៊ិនធ័រណែត​មានសារៈសំខាន់​សំរាប់​សហរដ្ឋអាមេរិក និងដៃគូអន្តរជាតិ​របស់យើង ស្ថានទូតអាមេរិកនៅភ្នំពេញ​ចូលរួមជាមួយក្រសួងសន្តិសុខមាតុភូមិ​សហរដ្ឋអាមេរិក ដើម្បីលើកកំពស់ការយល់ដឹង​ពីសន្តិសុខ​តាមអ៊ិនធ័រណែត នៅក្នុងខែយល់ដឹងពីសន្តិសុខអ៊ិនធ័រណែតជាតិ ក្នុងខែតុលានេះ។ សន្តិសុខតាមអ៊ិនធ័រណែតមិនមែនគ្រាន់តែ​ជាការទទួលខុសត្រូវរបស់រដ្ឋាភិ​បាល ក្រុមហ៊ុន ក្រុមមនុស្សនានា ឬបុគ្គលតែ​ប៉ុណ្ណោះទេ។ គ្រប់គ្នាត្រូវមានការទទួលខុសត្រូវ​ចំពោះសន្តិសុខតាមអ៊ិនធ័រណែត រាប់ពីអ្នកប្រើទូរស័ព្ទទំនើបធម្មតា ដល់អ្នកគ្រប់គ្រងក្រុមហ៊ុន។ នៅខែតុលានេះ និងនៅរាល់ថ្ងៃ សូមតាមដានការណែនាំ​ធម្មតាស្តីពីសុវត្ថិភាព​តា​មអ៊ិនធ័រណែត ពីយុទ្ធនាការ ឈប់ គិត ភ្ជាប់​ ( https://www.dhs.gov/stopthinkconnect ) ៖ ធ្វើអោយមានការបញ្ជាក់ភាពដើម​ត្រូវអោយបានខ្លាំង(Stronger authentication) ។ ជានិច្ចជាកាល ត្រូវធ្វើអោយមានស្រទាប់បន្ថែម​ទៀត​នៃសន្តិសុខ លើសពីកូដសំងាត់ (Password) ដែលមានសំរាប់អ៊ីម៉េល ប្រព័ន្ធផ្សព្វផ្សាយសង្គម និងគណនេយ្យ​ហិរញ្ញវត្ថុ។ ការបញ្ជាក់ពីភាពត្រឹមត្រូវដែល​មានភាពរឹងមាំ (ឧទាហរណ៍ ការបញ្ជាក់ពីភាពត្រឹមត្រូវ​ដែលផ្អែកលើកត្តាច្រើន ដែលអាចប្រើកូដសំរាប់ប្រើតែម្តង នៅលើទូរស័ព្ទដៃ) ជួយផ្ទៀងផ្ទាត់ថា អ្នកប្រើនោះពិតជាមានសិទ្ធិបើក​ចូលទៅក្នុងគណនេយ្យអ៊ិនធ័រណែត​នោះមែន។ បើចង់ដឹងព័ត៌មានស្តីពីការបញ្ជាក់ភាព​ត្រឹមត្រូវនៃម្ចាស់ដើម សូមចូលមើលគេហទំព័រ​នេះ​ lockdownyourlogin.org ។ Password …

អាន​បន្ថែម»

កម្មវិធីឆ្នោត Diversity Visa (DV) 2020

ក្រសួងការបរទេសសហរដ្ឋអាមេរិកជាស្ថានប័នគ្រប់គ្រងកម្មវិធីឆ្នោត DV ដែលត្រូវផ្តល់ឱ្យបេក្ខជនអន្តោប្រវេសន៍ដែល មានលក្ខខណ្ឌសមស្របចំនួន ៥០,០០០ នាក់ ចេញពីបញ្ជីប្រទេសដែលមានលក្ខណៈគ្រប់គ្រាន់ជារៀងរាល់ឆ្នាំ។ ការចុះឈ្មោះនេះមិនតម្រូវឱ្យមានការបង់ថ្លៃអ្វីឡើយ ប៉ុន្តែដើម្បីឱ្យមានលក្ខណៈគ្រប់គ្រាន់ អ្នកត្រូវមានលក្ខខណ្ឌកំណត់ដូចខាងក្រោម៖ អ្នកត្រូវបញ្ចប់ការសិក្សាថ្នាក់វិទ្យាល័យ ឬមានបទពិសោធន៍ការងារគ្រប់គ្រាន់ អ្នកត្រូវបញ្ចូលរូបថត ថតថ្មីក្នុងរយៈពេលប្រាំមួយខែចុងក្រោយដើម្បីចុះឈ្មោះឆ្នោត DV អ្នកត្រូវបញ្ចូលព័ត៌មានអំពីប្តី/ប្រពន្ធនិងកូនៗរបស់អ្នកទាំងអស់នៅពេលចុះឈ្មោះអនឡាញ អ្នកត្រូវចុះឈ្មោះតាមអ៊ីនធើណិត តាមគេហទំព័រ www.dvlottery.state.gov  ចាប់ថ្ងៃពុធទី 3 ខែតុលា​ ឆ្នាំ២០១៨ នៅវេលាម៉ោង 12:00 ថ្ងៃត្រង​ ម៉ោងនៅសហរដ្ឋអាមេរិក(EDT) (GMT -4) និងបញ្ចប់នៅថ្ងៃអង្គារ​ ទី6 ខែវិច្ឆិកា ឆ្នាំ២០១៨ នៅវេលាម៉ោង 12:00 ថ្ងៃត្រង់​ ម៉ោងនៅសហរដ្ឋអាមេរិក (EST) (GMT -5) ។ ចុច​ទីនេះ ដើម្បីទាញយកសេចក្តីណែនាំអំពីការដាក់ពាក្យកម្មវិធី DV (PDF: ៥៥២ KB) ។ ចំណុចសំខាន់ដែលត្រូវចងចាំ ស្ថានទូតអាមេរិកលើកទឹកចិត្តឱ្យសាធារណជនកម្ពុជាទាំងអស់ កុំផ្តល់ព័ត៌មានផ្ទាល់ខ្លួនរបស់អ្នកទៅក្រុមហ៊ុននានា ដែលមានបំណងចង់ចុះឈ្មោះអ្នកក្នុងកម្មវិធីឆ្នោតនេះជំនួសអ្នក។ សាររបស់យើងគឺសាមញ្ញបំផុត៖ អ្នកអាចចុះឈ្មោះឆ្នោត DV ដោយមិនចាំបាច់បង់ថ្លៃអ្វីទាំងអស់ តាមរយៈគេហទំព័រ https://www.dvlottery.state.gov/ ហើយអ្នកក៏អាចទទួលព័ត៌មានបន្ថែមផងដែរ។ ការបង់ថ្លៃតែមួយគត់ដែលបេក្ខជនត្រូវចំណាយសម្រាប់ដំណើរការឆ្នោត DV គឺត្រូវបង់ទៅស្ថានទូតអាមេរិកបន្ទាប់ពីបេក្ខជនត្រូវបានជ្រើសរើសដើម្បីមកសម្ភាស។ នៅក្នុងឆ្នាំ ២០១៨ តម្លៃសម្ភាសគឺ ៣៣០ …

អាន​បន្ថែម»

សុន្ទរកថារបស់ឯកអគ្គរដ្ឋទូត William Heidt ក្នុងអង្គប្រជុំស្តីពីឱកាសធ្វើពាណិជ្ជកម្មក្នុងផ្នែកកសិកម្មរបស់កម្ពុជា

សណ្ឋាគារ Rosewood ថ្ងៃទី ២៦ ខែកញ្ញា ឆ្នាំ ២០១៨             សូមជំរាបសួរ​ លោកជំទាវរដ្ឋលេខាធិការក្រសួងពាណិជ្ជកម្ម និងសហការីដទៃទៀតក្នុងរាជរដ្ឋាភិបាល    កម្ពុជា លោកឧកញ៉ា លោកជំទាវឧកញ៉ា និងអ្នកដឹកនាំឆ្នើមៗដទៃទៀត​ក្នុងក្រុមហ៊ុនកម្ពុជា។             សូមជំរាបសួរ លោក Allen Tan ប្រធានសភាពាណិជ្ជកម្មសហរដ្ឋអាមេរិក​នៅកម្ពុជា សមាជិកជាទីគោរព​នៃប្រតិភូធុរកិច្ចអាមេរិករបស់យើង ដែលកំពុងធ្វើទស្សនកិច្ច​នៅកម្ពុជា ភ្ញៀវកិត្តិយស អស់លោក លោកស្រី             សូមអរគុណដែលបានអញ្ជើញចូលរួមជាមួយយើង​ នៅថ្ងៃ​នេះ។ នៅពេលចុងក្រោយដែលខ្ញុំបានធ្វើការជំរុញផ្សព្វផ្សាពាណិជ្ជកម្ម​នៅក្នុងបន្ទប់នេះ ខ្ញុំបែរជាបានផឹកទឹកដែលចេញពីម៉ាស៊ីនសំអាតកំរាលព្រំ។ ថ្ងៃ​នេះ ខ្ញុំសង្ឃឹមថា នឹងមិនជួបប្រទះនឹងការភ្ញាក់ផ្អើលដូច​នោះទៀតទេ។             ខ្ញុំរីករាយដោយឃើញមនុស្សច្រើនមកនៅព្រឹកនេះ ដើម្បីពិភាក្សា និងស្វែងយល់ថែមទៀតពីឱកាសធុរកិច្ច នៅក្នុងវិស័យកសិកម្ម​របស់ប្រទេសកម្ពុជា និងដើម្បីផ្សាភ្ជាប់ទំនាក់ទំនង ដែលយើងសង្ឃឹមថា នឹងក្លាយជាភាពជាដៃគូយូរអង្វែង ប្រកបដោយផ្លែផ្កា ។             ខ្ញុំសូមចាប់ផ្តើមដោយអរគុណរដ្ឋាភិបាលដែលបានធ្វើសហប្រតិបត្តិការ នៅក្នុងការធ្វើអោយមានការប្រជុំធុរកិច្ច​នេះឡើង។ យើងទើបតែមានការស្រស់ស្រូបអាហារពេលព្រឹកជាមួយគ្នាដែលក្នុងនោះ មានការផ្លាស់ប្តូរ​ព័ត៌មាន​គ្នាយ៉ាងច្រើន ជាមួយឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ហើយរសៀល​នេះ យើងគ្រោងនឹងជួបជាមួយរដ្ឋមន្រ្តីក្រសួងកសិកម្ម។ …

អាន​បន្ថែម»

សុន្ទរកថារបស់លោកភារធារី Michael Newbill នៅក្នុង “សន្និសីទតំបន់ស្តីពីយុទ្ធសាស្រ្តនៅតំបន់ឥណ្ឌូប៉ាស៊ីហ្វិក”

សណ្ឋាគារ Raffles Hotel ភ្នំពេញ ថ្ងៃទី ២០ ខែកញ្ញា ឆ្នាំ ២០១៨ (ត្រូវបានរៀបចំសម្រាប់ថ្លែង) សូមជម្រាបសួរ លោក លោកស្រីទាំងអស់! ជាបឋម ខ្ញុំសូមស្វាគមន៍​អ្នកចូលរួមទាំងអស់ ដែលបានមកពីប្រទេសផ្សេងទៀត ដើម្បីចូលរួម​ក្នុងសន្និសីទ​នេះ។ ពិតណាស់ ខ្ញុំចង់អរគុណលោកឯកអគ្គរដ្ឋទូត ពូ សុធីរៈ ដែលបានដឹកនាំ និងមានចក្ខុវិស័យនៅក្នុងការរៀបចំសន្និសីទ​នេះ។ វាជាប្រធានបទត្រូវតាមពេលវេលាណាស់ ហើយយើងសូមអរគុណចំពោះវិទ្យាស្ថានកម្ពុជាសម្រាប់កិច្ចសហប្រតិបត្តិការ និងសន្តិភាព (CICP) ដែលបានរៀបចំវេទិកានេះឡើង។ ខ្ញុំសូមអរគុណផងដែរចំពោះវិទ្យាស្ថានស្រាវជ្រាវភស្តុភារអន្តរជាតិ​នៅអាស៊ីអាគ្នេយ៍ និងអាស៊ីបូព៌ា នៅ Kunming នៃប្រទេសចិន និងមូលនិធិ Konrad-Adenauer-Stiftung (KAS) នៅកម្ពុជា ដែលធ្វើការឧបត្ថម្ភដល់វេទិកានេះ។ សន្និសីទ​នេះត្រូវបានធ្វើឡើងត្រូវកន្លែង និងត្រូវពេលវេលា។ ប្រទេសកម្ពុជាមិនមែនគ្រាន់តែស្ថិតនៅកណ្តាល​នៃតំបន់ឥណ្ឌូប៉ាស៊ីហ្វិកតែប៉ុណ្ណោះទេ តែថែមទាំងនៅកណ្តាល​នៃអាស៊ានផងដែរ។ ដូចដែលទស្សនកិច្ចរបស់លោករដ្ឋមន្រ្តីការបរទេសសហរដ្ឋអាមេរិក Pompeo មកកាន់តំបន់​នេះ កាលពីខែមុនបានបង្ហាញស្រាប់ សហរដ្ឋអាមេរិកចាត់ទុកការចូលរួមរបស់អាស៊ានថា មានសារៈសំខាន់បំផុត នៅក្នុងតំបន់។ យើងបានឃើញអត្ថបទជាច្រើនដែលធ្វើការចោទសួរមកលើទិស​នៃនយោបាយការបរទេសរបស់ប្រទេសកម្ពុជា ក្នុងពេលថ្មីៗ​នេះ។ ការពិភាក្សាគ្នាលើបញ្ហា​ទាំង​នះមានសារៈសំខាន់។ នេះគឺជាតួនាទីដ៏ល្អសម្រាប់វិទ្យាស្ថាន CICP នៅក្នុងការនាំវាគ្មិន …

អាន​បន្ថែម»

របាយការណ៍ស្តីពីសេរីភាពសាសនាអន្តរជាតិ ឆ្នាំ២០១៧

សេចក្តីសង្ខេបរួម រដ្ឋធម្មនុញ្ញចែងថា ពុទ្ធសាសនា​គឺជា​សាសនា​របស់​រដ្ឋ ហើយត្រូវ​បានលើកកំពស់តាមរយៈការមានថ្ងៃបុណ្យ ការបណ្តុះបណ្តាលបែបសាសនា ការបង្រៀនពីព្រះពុទ្ធសាសនានៅតាមសាលារដ្ឋ និងការផ្តល់ថវិកាដល់ស្ថាប័ន​ពុទ្ធ​សាសនា។ ច្បាប់ចែងពីសេរីភាពនៃជំនឿ និងការប្រតិបត្តិសាសនា ដរាបណាសេរីភាព​នេះមិនជ្រៀតជ្រែកជំនឿសាសនារបស់អ្នកដទៃ ហើយមិនប៉ះពាល់សណ្តាប់ធ្នាប់ និងសន្តិសុខសាធារណៈ។ រដ្ឋាភិបាលមិនព្រមអនុញ្ញាតអោយ​ការិយាល័យ​នៃឧត្តមស្នងការទទួលបន្ទុកជនភៀស​ខ្លួន​របស់អង្គការសហប្រជាជាតិ (UNHCR) នាំទៅតាំងទីលំនៅជាថ្មី នូវជនម៉ុងតាញ៉ាមួយក្រុម ដែលត្រូវបានគេនិយាយថា មានហេតុផលត្រឹមត្រូវ​ក្នុងការទទួលបានសិទ្ធិជ្រកកោន ហើយដែលបានគេចេញពីការធ្វើបាប នៅ​ប្រទេសវៀតណាម។ នៅខែតុលា រដ្ឋាភិបាលបានធ្វើសហប្រតិបត្តិការជាមួយអង្គការសហប្រជាជាតិ លើការតាំងទីលំនៅជាថ្មី​នៃក្រុមម៉ុងតាញ៉ាចំនួន ៧ នាក់ នៅប្រទេសទី ៣ តែបាន​និយាយថា ២៩ នាក់ទៀត គ្មានហេតុផលគ្រប់គ្រាន់សំរាប់ទទួលបានសិទ្ធិជ្រកកោនទេ ហើយបានប្រកាសពីផែនការចាប់បញ្ជូនពួកគេត្រឡប់ទៅប្រទេសវៀតណាមវិញ ថ្មីបើអង្គការ UNHCR ព្រមជួយគេ​នៅក្នុងការតាំងទីលំនៅជាថ្មី​ក្តី។ រដ្ឋាភិបាលបានថ្កោលទោសថាជាការជ្រៀងជ្រែកចូលកិច្ចការផ្ទៃក្នុងរបស់កម្ពុជា នូវសេចក្តីថ្លែងការណ៍​របស់អ្នករាយការណ៍​ពិសេសរបស់អង្គការសហប្រជាជាតិផ្នែកសិទ្ធិមនុស្សសំរាប់ប្រទេសកម្ពុជាដែលរិះគន់ការប្រព្រឹត្តទៅលើក្រុមម៉ុងតាញ៉ា ។ អ្នកភូមិបានសំលាប់ព្នងមួយចំនួន ដោយសង្ស័យថា បានធ្វើធ្មប់ ដោយសារតែជំនឿសាសនា និងការប្រតិបត្តិរបស់គេ។ មានសេចក្តីរាយការណ៍​ផងដែរថា មានការរារាំងដល់សមាហរណកម្មក្នុងសង្គម​ នូវក្រុមចាម។ មន្រ្តីស្ថានទូតសហរដ្ឋអាមេរិកបានពិភាក្សាពីក្រុមម៉ុងតាញ៉ាដែលកាន់សាសនាគ្រឹះ ជាមួយរដ្ឋាភិបាល។ មន្រ្តីស្ថានទូតសហរដ្ឋអាមេរិកក៏បានពិភាក្សាផងដែរពីសារៈ​សំខាន់នៃការរាប់រក និងភាពចំរុះគ្នាផ្នែកសាសននា ជាមួយតំណាងរដ្ឋាភិបាល មេដឹកនាំគណបក្សនយោបាយ អង្គការសង្គមស៊ីវិល និងមេដឹកនាំក្រុមសាសនាឥស្លាម សាសនាគ្រឹះ …

អាន​បន្ថែម»

ពង្រឹងភាពជាដៃគូរបស់សហរដ្ឋអាមេរិក នៅក្នុងតំបន់ឥណ្តូប៉ាស៊ីហ្វិក (Indo-Pacific) ដើម្បីអនាគតមួយប្រកបដោយសន្តិសុខ និងវិបុលភាព

អត្ថបទរបស់ Susan Thornton នៅក្នុងលិខិតទូត ថ្ងៃទី ៨ មករា ឆ្នាំ ២០១៨ នៅក្នុង Blog ផ្លូវការរបស់ក្រសួងការបរទេសសហរដ្ឋអាមេរិក នៅក្នុងឆ្នាំដំបូងនៃរដ្ឋបាលរបស់លោកត្រាំ សហរដ្ឋអាមេរិកបានធ្វើការដោយមិនខ្លាចនឿយហត់ ជាមួយ សម្ព័ន្ធមិត្តនិងដៃគូ នៅអាស៊ីបូព៌ា និងតំបន់ប៉ាស៊ីហ្វិក ដើម្បីពង្រឹងកិច្ចសហប្រតិបត្តិការ ជំរុញទំនាក់ទំនងថ្មីៗ ដើម្បីដោះស្រាយការគំរាមកំហែងចំពោះសន្តិសុខ ហើយបង្កើនឱកាសផ្នែកសេដ្ឋកិច្ចរបស់សហរដ្ឋអាមេរិក។ ក្នុងពេលដែលយើងដើរទៅមុខ ក្នុងឆ្នាំ ២០១៨ ខ្ញុំសូមឆ្លៀតឱកាសនេះដើម្បីគូសបញ្ជាក់ពីការងារ និងជោគជ័យខ្លះរបស់យើង ក្នុងឆ្នាំ ២០១៧។ ១. ដំណើរទស្សនកិច្ចរបស់លោកប្រធានាធិបតី Trump ទៅកាន់អាស៊ី នៅខែវិច្ឆិកា លោករដ្ឋមន្រ្តីការបរទេស និងខ្ញុំមានកិត្តិយសដោយបានអមដំណើរលោកប្រធានាធិបតី Trump នៅក្នុងដំណើរទស្សនកិច្ចរបស់លោកនៅទ្វីបអាស៊ី ដែលជាដំំណើរទស្សនកិច្ចដ៏វែងបំផុតមួយរបស់លោក។ នៅក្នុងដំណើរទស្សនកិច្ចរយៈពេល ១២ ថ្ងៃនេះ លោកប្រធានាធិបតីបានគូសបញ្ជាក់ពីការប្តេជ្ញាចិត្តរបស់សហរដ្ឋអាមេរិកចំពោះតំបន់ Indo-Pacific មួយដែលមានភាពសេរី និងបើកចំហ ដោយក្នុងនោះ ប្រទេសនានាមានអធិបតេយ្យ មានវិបុលភាព គ្មានការគំរាមកំហែងភេរវកម្ម និងការបង្ខិតបង្ខំ និងសង្គ្រាមនុយក្លេអ៊ែរ។ លោកប្រធានាធិបតីបានសំដែងជាថ្មីនូវការប្តេជ្ញាចិត្តផ្នែកសេដ្ឋកិច្ចរបស់ប្រទេសអាមេរិកចំពោះតំបន់ ហើយបានថ្លែងពីចក្ខុវិស័យរបស់លោកចំពោះបរិយាកាសធ្វើពាណិជ្ជកម្មត្រឹមត្រូវ និងមានទៅមានមក …

អាន​បន្ថែម»

រដ្ឋាភិបាលសហរដ្ឋអាមេរិកផ្តល់ថវិកាចំនួន ៣៥០ ០០០ ដុល្លាអាមេរិកដល់មូលនិធិប្រាសាទពិភពលោកសំរាប់អភិរក្សប្រាសាទភ្នំបាក់ខែង (ដំណាក់កាលទី ៥)

ចេញថ្ងៃ​ទី​១២ ខែ​វិច្ឆិកា ឆ្នាំ​២០១៧ ស្ថានទូតសហរដ្ឋអាមេរិកនៅរាជធានីភ្នំពេញមានសេចក្តីរីករាយសូមប្រកាសថា មជ្ឈមណ្ឌលបេតិកភណ្ឌវប្បធម៌របស់ការិយាល័យកិច្ចការវប្បធម៌ និងអប់រំនៃក្រសួងការបរទេសសហរដ្ឋអាមេរិក បានផ្តល់ថវិកាចំនួន ៣៥០ ០០០ ដុល្លាអាមេរិក ដែលបានមកពីមូលនិធិឯកអគ្គរដ្ឋទូតអាមេរិកសំរាប់ការអភិរក្សវប្បធម៌ ដល់អង្គការមូលនិធិប្រាសាទពិភពលោក (WMF) សំរាប់ដំណាក់កាលទី ៥ ក្នុងការធ្វើការអភិរក្សប្រាសាទភ្នំបាក់ខែង ដែលមានចំណាស់១០ ទសវត្សមកហើយ ក្នុងសួនឧទ្យានអង្គរ ។ កម្ពុជាស្ថិតក្នុងចំណោមប្រទេសចំនួន 9 ដែលរួមមានប្រទេសបូលីវី ភូមា អ៊ីស្រាអែល មិកសិក ម៉ូលដូវ៉ា នេប៉ាល់ សេរ៉ាឡេអូន និងប្រទេសថៃ ដែលបានទទួលជំនួយ នៅក្នុងឆ្នាំសារពើពន្ធ ២០១៧ សំរាប់ការអភិរក្សទីតាំងបូរាណ និងប្រវត្តិសាស្រ្ត តាមរយៈកម្មវិធីជំនួយថវិកាខ្នាតធំនៃមូលនិធិឯកអគ្គរដ្ឋទូតសហរដ្ឋអាមេរិកសំរាប់ការអភិរក្សវប្បធម៌។ ប្រាសាទភ្នំបាក់ខែងគឺជាប្រាសាទដែលចាស់ជាងគេក្នុងសម័យអង្គរ ហើយជាស្ថាបត្យកម្មដ៏អស្ចារ្យបំផុតមួយរបស់ពិភពលោក។ តាំងពីឆ្នាំ ២០០៨ មក គំរោងអភិរក្សប្រាសាទភ្នំបាក់ខែងបានផ្តោតលើការធ្វើអោយសំណង់មានលំនឹង និងការទប់មិនអោយលិចទឹក នៅចំហៀងខាងកើតនៃប្រាសាទកណ្តាល ដោយទន្ទឹមនឹងនោះ បញ្ចូលសកម្មភាពគ្រប់គ្រងលើទីតាំង និងការបណ្តុះបណ្តាល។ ដំណាក់កាលទី ៥ របស់គំរោងនឹងបង្ហើយការជួសជុលពេញលេញទៅលើចំហៀងខាងកើតនៃប្រាសាទកណ្តាល ស្របតាមគំរោងប្លង់ជួសជុល ដែលត្រូវបានកំណត់ច្បាស់ នៅដំណាក់កាលមុនៗ។ អន្តរាគមនេះនឹងធ្វើអោយមានឡើងវិញនូវភាពដើមនៃសំណង់របស់ប្រាសាទ និងប្រព័ន្ធគ្រប់គ្រងទឹក …

អាន​បន្ថែម»

ទិវាពិភពលោកប្រយុទ្ធប្រឆាំងនឹងជំងឺអេដស៍៖ ប្រទេសកម្ពុជាស្ថិតនៅក្រោមការចាប់អារម្មណ៍

អត្ថបទវិចារណកថារួមគ្នា​របស់នាយកប្រចាំប្រទេសនៃកម្មវិធីអង្គការសហប្រជាជាតិស្តីពីហ៊ីវ/អេដស៍  Vladanka Andreeva​ និងឯកអគ្គរដ្ឋទូតសហរដ្ឋអាមេរិក William Heidt​ ដើម្បីប្រារព្ធទិវាអេដស៍ពិភពលោក   ទិវាពិភពលោកប្រយុទ្ធប្រឆាំងនឹងជំងឺអេដស៍ ថ្ងៃ ០១ ធ្នូ គឺជាពេលវេលាមួយដើម្បី រំលឹកដល់ជីវិតបាត់បង់ ភាពរីករាយចំពោះដំណើរជឿនលឿនដែលសំរេចបាន ព្រមទាំងធ្វើការប្តេជ្ញាចិត្តក្នុងការបញ្ចប់ជំងឺអេដស៍។ នៅកម្ពុជា គេមានរឿងច្រើនដែលត្រូវសាទរ។ សូមសួរឌី សុខា។ នៅពេលនាងត្រូវបានរកឃើញថា មានមេរោគអេដស៍ កាលពីប្រហែល ២០ ឆ្នាំមុន ជីវិតរបស់នាងមានការធ្លាក់ចុះយ៉ាងខ្លាំង។ នាងលាក់ខ្លួន ខ្លាចស្លាប់ និងការសំលឹងមើលដោយក្រសែភ្នែកមុត របស់គ្រួសារ និងសហគមន៍របស់នាងដែលខ្លាចជំងឺអែដស៍។ សុខភាពនាងមិនល្អទេ។ តែនៅឆ្នាំ ២០០៤ ឌី សុខាបានចាប់ផ្តើមប្រើថ្នាំប្រឆាំងជំងឺអែដស៍ ហើយក្នុងរយៈពេល ៦ ខែ នាងមានកំលាំង ហើយមានសុខភាពល្អ។ បច្ចុប្បន្ននេះ នាងធ្វើការជាមិត្តអប់រំមិត្ត នៅក្នុងអង្គការមិនមែនរដ្ឋាភិបាលមួយ នៅភ្នំពេញ ដែលជួយអ្នកទទួលការព្យាបាលជំងឺអេដស៍ ហើយស្នាមញញឹមរបស់នាងធ្វើអោយគេគ្រប់គ្នាសប្បាយរីករាយ។ របាយការណ៍ថ្មីមួយ នៃ កម្មវិធីអង្គការសហប្រជាជាតិស្តីពីហ៊ីវ/អេដស៍បង្ហាញអោយឃើញថា នៅក្នុងពិភពលោក អ្នកទទួលការព្យាបាលជំងឺអែដស៍មានកំណើនយ៉ាងច្រើន។ ការព្យាបាលបានស្តារជីវិតមករកភាពពេញលេញ និងសុខភាពល្អឡើងវិញ។ប្រទេសកម្ពុជាបានសំរេចជោគជ័យគួរអោយកត់សំគាល់ នៅក្នុងការព្យាបាលជំងឺអេដស៍។ …

អាន​បន្ថែម»

ស្ថានទូតអាមេរិកប្រកាសផ្តល់ថវិកាសំរាប់ការដោះមីនតាមរយះការប្រកួតប្រជែង

ចេញថ្ងៃ​ទី​២២ ខែ​វិច្ឆិកា ឆ្នាំ​២០១៧ ស្ថានទូតអាមេរិកនៅភ្នំពេញ មានសេចក្តីរីករាយសូមប្រកាសទទួលការដាក់ពាក្យសុំថវិកាចំនួន ២ លានដុល្លា ជាអំណោយថវិការយៈពេលមួយឆ្នាំ សំរាប់ការសិក្សាអង្កេត និងដោះយុទ្ធភណ្ឌមិនទាន់ផ្ទុះ នៅភាគ ខាងកើតនៃប្រទេសកម្ពុជា សំរាប់ឆ្នាំសារពើពន្ធ ២០១៨ – ២០១៩ ជាមួយនឹងលទ្ធភាពបន្តផ្តល់ថវិកានេះ សំរាប់ឆ្នាំទី ២ ទៀត។ ដៃគូដែលមានលក្ខណៈសម្បត្តិគ្រប់គ្រាន់ត្រូវប្រើបច្ចេកវិជ្ជាទំនើបបំផុត សំរាប់ដោះ យុទ្ធភណ្ឌមិនទាន់ផ្ទុះនៅភាគខាងកើតនៃប្រទេសកម្ពុជា ដើម្បីធ្វើអោយផ្ទៃដីមានសុវត្ថិភាពសំរាប់ការធ្វើស្រែ ចំការ ធ្វើផ្លូវ ធ្វើពាណិជ្ជកម្ម និងសង់ផ្ទះជាដើម។ លោកឯកអគ្គរដ្ឋទូតអាមេរិក Heidt បានមានប្រសាសន៍ថា “សហរដ្ឋអាមេរិកបានជួយដល់ការដោះមីន មនុស្សធម៌នៅកម្ពុជា អស់រយៈពេលជាង ២០ ឆ្នាំមកហើយ ហើយមានការប្តេជ្ញាចិត្តក្នុងការដោះស្រាយកេរ្តិ៍ ដំណែលនៃសម័យសង្គ្រាម។ ការផ្តល់ថវិកាថ្មីនេះគឺជាការបន្តនៃការប្តេជ្ញាចិត្ត ពីព្រោះវានឹងជួយក្នុងការ បោស សំអាតកាកសំណល់នៃសង្គ្រាម។ យើងកំពុងរកមើលក្រុមអ្នកឯកទេសខ្មែរ និងក្រុមអ្នកឯកទេសអន្តរជាតិ ដើម្បីអោយមកជួយដោះយុទ្ធភណ្ឌមិនទាន់ផ្ទុះ នៅភាគខាងកើតនៃប្រទេសកម្ពុជា”។ កាលបរិច្ឆេតនៃការទទួលពាក្យសុំគឺថ្ងៃទី ១៦ ខែមករា ឆ្នាំ ២០១៨។ ចំពោះព័ត៌មានបន្ថែមស្តីពីការ ការផ្តល់ថវិកានេះ សូមចូលមើល គេហទំព័រនេះ ។ …

អាន​បន្ថែម»

បទអត្ថាធិប្បាយ៖ នាំការរីកចំរើនផ្នែកបច្ចេកវិទ្យានៅអាស៊ីអាគ្នេយ៍​មកកាន់កម្ពុជា ឬ “បញ្ជីនៃអ្វីដែលត្រូវធ្វើ  សំរាប់វិស័យបច្ចេកវិទ្យា​​នៅកម្ពុជា”

ដោយ លោកឯកអគ្គរដ្ឋទូត William A. Heidt តើលោកអ្នកដឹងទេថា បន្ទាប់ពីសហរដ្ឋអាមេរិក និងប្រទេសចិន តំបន់អាស៊ីអាគ្នេយ៍គឺ នៅពេលនេះ គឺជាទីផ្សារបច្ចេកវិទ្យាដ៏​ក្តៅជាងគេ​ ក្នុងពិភពលោក? “សេះ” ចំនួន ៨ ដែលជាក្រុមហ៊ុនទើបបង្កើតថ្មី ដែលមានទឹកប្រាក់ជាង ១ ពាន់លានដុល្លា បានលេចមុខឡើង​នៅក្នុងតំបន់ ដោយរួមមានក្រុមហ៊ុន Sea (ក្រុមហ៊ុនផ្នែកល្បែង​របស់ប្រទេសសឹង្ហបូរី) ក្រុមហ៊ុន Grab Taxi (ក្រុមហ៊ុនផ្នែកដឹកជញ្ជូនរបស់ប្រទេសម៉ាឡេស៊ី) ក្រុមហ៊ុន Tokopedia (ក្រុមហ៊ុនផ្នែកទីផ្សាររបស់ប្រទេសឥណ្តូនេស៊ី) និងក្រុមហ៊ុន VNG (ក្រុមហ៊ុនផ្នែកល្បែង​របស់ប្រទេសវៀតណាម)។ តំបន់​នេះមានអ្នកប្រើប្រាស់អ៊ិនធ័រណែតតាមទូរស័ព្ទដៃចំនួនជាង ៣០០ លាននាក់ ដែលភាគច្រើនស្ថិតក្នុងអាយុក្រោម ៣៥ ឆ្នាំ)។ ក្រុមហ៊ុនបច្ចេកវិទ្យាធំៗ និងក្រុមហ៊ុនទុនវិនិយោគផ្សងព្រេង (Venture capital firm) របស់អាមេរិក​មានការិយាល័យ​នៅប្រទេស​សឹង្ហបូរី និងទីក្រុងដទៃទៀត​ នៅក្នុងតំបន់។ ក្រុមហ៊ុនទាំងនេះកំពុងតែ  កសាងទំនាក់ទំនង ចេញផលិតផលថ្មីៗ ហើយផ្តល់ថវិកាដល់ក្រុមហ៊ុនទើបបង្កើតថ្មីរាប់សិបទៀត​នៅក្នុងតំបន់។ វិស័យបច្ចេកវិទ្យារបស់ប្រទេសកម្ពុជាកំពុងតែមានការកើនឡើងយ៉ាងឆាប់ផងដែរ។ ក្រុមហ៊ុបច្ចេកវិទ្យារបស់កម្ពុជាដែលកំពុងរះ ដូចជាក្រុមហ៊ុន Morakot …

អាន​បន្ថែម»

អំឡុងពេលថ្មីសំរាប់កម្មវិធីឆ្នោត DV ២០១៩

ដោយសារបញ្ហាបច្ចេកទេស ការចុះឈ្មោះលេងឆ្នោត DV ២០១៩ ត្រូវចាប់ផ្តើមជាថ្មី ហើយអ្នកដែលបានដាក់ពាក្យនៅមុនថ្ងៃទី ១៨ តុលា ២០១៧ ត្រូវដាក់ម្តងទៀត ។ យើងមានការសោកស្តាយចំពោះការលំបាកចំពោះអ្នកចូលលេងឆ្នោត DV ។ ដើម្បីអោយមានយុត្តិធម៌ត្រឹមត្រូវ ហើយការពារភាពត្រឹមត្រូវនៃដំណើរការលេងឆ្នោតនេះសំរាប់អ្នកពាក់ព័ន្ធទាំងអស់ យើងត្រូវតែចាប់ផ្តើមឡើងវិញនូវដំណើរការលេងឆ្នោតនេះ សំរាប់ឆ្នាំនេះ (DV-២០១៩)។ អំឡុងពេលចុះឈ្មោះថ្មីសំរាប់ឆ្នោត DV-២០១៩ ចាប់ផ្តើមការចុះឈ្មោះតាមអ៊ិនធ័រណែតនៅថ្ងៃពុធ ទី ១៨ ខែតុលា ឆ្នាំ ២០១៧ វេលាម៉ោងថ្ងៃត្រង់ ម៉ោងក្នុងសហរដ្ឋអាមេរិក ហើយបិទនៅថ្ងៃពុធ ទី ២២ ខែវិច្ឆិកា ឆ្នាំ ២០១៧ ម៉ោងថ្ងៃត្រង់ ម៉ោងក្នុងសហរដ្ឋអាមេរិក។ បើ​លោក​អ្នក​បាន​ចុះ​ឈ្មោះ​មុន​ថ្ងៃ​ពុធ ទី​១៨ ខែ​តុលា ឆ្នាំ​២០១៧ ការ​ចុះ​ឈ្មោះ​នោះ​នឹង​មិន​ត្រូវ​បាន​គេ​យក​ជា​ការ​ទេ ហើយ​លោក​អ្នក​ត្រូវ​ចុះ​ឈ្មោះ​ម្តង​ទៀត នៅ​ក្នុង​អំឡុង​ពេល​ចុះ​ឈ្មោះ​ថ្មី​។ លោក​អ្នក​អាច​ចុះ​ឈ្មោះ​ម្តង​ទៀត ដោយ​មិន​ខ្លាច​រង​ការ​បដិសេធ​ដោយសារ​ហេតុផល​ចុះ​ឈ្មោះ​ច្រើន​ដង​ទេ​។ អ្នក​ដែល​ចុះ​ឈ្មោះ​លើស​ពី​ម្តង​នៅ​ក្នុង​អំឡុង​ពេល​ចុះ​ឈ្មោះ​ថ្មី នឹង​ត្រូវ​បាន​បដិសេធ​។ អ្នកលេងឆ្នោតអាចចូលមើលទំរង់ចុះឈ្មោះឆ្នោត DV (E-DV) នៅក្នុងគេហទំព័រផ្លូវការ dvlottery.state.gov នៅក្នុងអំឡុងពេលចុះឈ្មោះ។ ការណែនាំស្តីពីឆ្នោត DV …

អាន​បន្ថែម»

ព័ត៌មានស្តីពីការផ្អាកលែងផ្តល់ទិដ្ឋាការប្រភេទមិនមែនអន្តោប្រវេសន៍មួយចំនួន នៅប្រទេសកម្ពុជា

ចេញថ្ងៃទី​១៣ ខែកញ្ញា ឆ្នាំ​២០១៧ ចាប់ពីថ្ងៃទី១៣ ខែកញ្ញា ស្ថានទូតសហរដ្ឋអាមេរិកប្រចាំទីក្រុងភ្នំពេញនៃព្រះរាជាណាចក្រកម្ពុជានឹងផ្អាកលែងចេញទិដ្ឋាការប្រភេទB1 ប្រភេទB2 និងប្រភេទB1/B2 ដល់មន្ត្រីនៃក្រសួងការបរទេសកម្ពុជាដែលមានតួនាទីចាប់ពីថ្នាក់អគ្គនាយករហូតដល់ថ្នាក់ដឹកនាំកំពូលនៃក្រសួងនេះ និងសមាជិកក្រុមគ្រួសាររបស់ពួកគេ ដោយមានករណីលើកលែងតិចតួចប៉ុណ្ណោះ។ ដោយយោងតាមមាត្រា 243(d) នៃច្បាប់អន្តោប្រវេសន៍ និងសញ្ជាតិសហរដ្ឋអាមេរិក នៅពេលទទួលបានសំណើពីរដ្ឋមន្ត្រីក្រសួងសន្តិសុខមាតុភូមិថា មានប្រទេសមួយចំនួនបានបដិសេធមិនទទួលយក ឬប្រើប្រាស់ហេតុផលដែលមិនសមស្របដើម្បីពន្យារពេលទទួលយកពលរដ្ឋនៃប្រទេសរបស់ពួកគេវិញនោះ រដ្ឋមន្រ្តីការបរទេសអាមេរិកត្រូវបញ្ជាអោយមន្ត្រីកុងស៊ុលបញ្ឈប់លែងផ្តល់ទិដ្ឋាការរហូតទាល់តែរដ្ឋមន្រ្តីសន្តិសុខមាតុភូមិទទួលបានព័ត៌មានថា ប្រទេសដែលពាក់ព័ន្ធទាំងនោះបានយល់ព្រមទទួលយកពលរដ្ឋរបស់គេវិញហើយ។ ប្រសិនបើអ្នកស្ថិតនៅក្នុងក្រុមដែលត្រូវបានគេផ្អាកការចេញទិដ្ឋាការ ហើយអ្នកសម្រេចចិត្តដាក់ពាក្យសុំទិដ្ឋាការនោះ មន្ត្រីកុងស៊ុលនឹងសម្ភាសអ្នក ប៉ុន្តែមិនអាចផ្តល់ទិដ្ឋាការជូនបានទេ រហូតទាល់តែការផ្អាកនោះត្រូវបានលើកលែង។ សូមពិចារណាអោយបានដិតដល់មុនពេលដាក់ពាក្យសុំទិដ្ឋាការ។ សូមជំរាបថាថ្លៃដាក់ពាក្យសុំទិដ្ឋាការដែលបានបង់រួច មិនអាចបង្វិលសងវិញបានទេ។

អាន​បន្ថែម»

របាយការណ៍ស្តីពីសេរីភាពសាសនាអន្តរជាតិ ឆ្នាំ ២០១៦

អារម្ភកថា “តាំងពីដើមមក ប្រទេសអាមេរិកគឺជាកន្លែងដែលស្រឡាញ់សេរីភាពក្នុងការប្រតិបត្តិសាសនា។ គួរអោយ ស្តាយដែលមនុស្សជាច្រើននៅជុំវិញពិភពលោកគ្មានសេរីភាពនេះ…យើងសូមបួងសួងអោយគេមានភាពខ្លាំង និងបញ្ញាញាណដើម្បីមានអនាគតល្អ…គឺអនាគតដែលមនុស្សល្អក្នុងគ្រប់ជំនឿសាសនា ទាំងអ្នកកាន់សាសនាគ្រឹះ សាសនា ឥស្លាម សាសនាជី្វហ និងទាំងសាសនាហិនឌូ អាចធ្វើតាមចិត្តរបស់គេ ហើយប្រតិបត្តិសាសនា ទៅតាមមនសិការបស់គេ” ប្រធានាធិបតី Donald Trump សេរីភាពសាសនាគឺជាគុណតំលៃជាទីស្រឡាញ់របស់អាមេរិក និងជាសិទ្ធិជាសាកលមួយរបស់មនុស្ស វាមានរយៈពេល ១៩ ឆ្នាំហើយ ចាប់តាំងពីការអនុម័តច្បាប់ស្តីពីសេរីភាពសាសនាអន្តរជាតិ ដែលជាច្បាប់ជាប្រវត្តិសាសន៍មួយដែលចាត់ទុកការលើកកំពស់សេរីភាពសាសនាជាផ្នែកសំខាន់មួយនៃគោលនយោបាយការបរទេសរបស់ប្រទេសអាមេរិក។ សហរដ្ឋអាមេរិកលើកកំពស់សេរីភាពសាសនា ដោយចាត់ទុកវាជាការចាំបាច់មួយ ផ្នែកសីលធម៌។ សំខាន់ដូចគ្នានេះផងដែរ យើងលើកកំពស់សេរីភាពសាសនា ពីព្រោះបណ្តាប្រទេសដែលការពារបានល្អនូវសិទ្ធិមនុស្សមួយនេះគឺជាប្រទេសដែលមានស្ថិរភាព មានសេដ្ឋកិច្ចរឹងមាំល្អ និងមានសន្តិភាព។ ការខកខានរបស់រដ្ឋាភិបាលក្នុងការការពារសិទ្ធិនេះបណ្តាលអោយមានអស្ថិរភាព ភេរវកម្ម និងអំពើហឹង្សា។ របាយការណ៍ប្រចាំឆ្នាំនេះដែលផ្ញើជូនសភាសហរដ្ឋអាមេរិក រៀបរាប់លំអិតពីស្ថានភាពនៃសេរីភាពសាសនានៅក្នុងប្រទេសនិងទឹកដីចំនួនជិត ២០០ ហើយចងក្រងឯកសារស្តីពីការរំលោភបំពានរបស់រដ្ឋាភិបាល ក្រុមភេរវករ និងបុគ្គលនានា។ ការជំរុញរបស់សហរដ្ឋអាមេរិក ចំពោះសេរីភាពសាសនាអន្តរជាតិ ទាមទារអោយមានការតស៊ូដើម្បីសិទ្ធិរបស់ប្រជាជនដែលងាយរងគ្រោះខ្លាំងជាងគេ នៅក្នុងពិភពលោក។ ការប្រព្រឹត្តដ៏ឃោរឃៅរបស់ពួក ISIS ទៅលើក្រុមសាសនានានា និងក្រុមភាគតិច នៅមជ្ឈឹមបូព៌ា បានធ្វើអោយគេមានការចាប់អារម្មណ៍យ៉ាងច្រើន នៅក្នុងរយៈពេលប៉ុន្មានឆ្នាំកន្លងទៅនេះ។ របាយការណ៍ប្រចាំឆ្នាំ សំរាប់ឆ្នាំ ២០១៦ …

អាន​បន្ថែម»

ដំណឹងលក់ឥវ៉ាន់

ស្ថានទូតសហរដ្ឋអាមេរិកប្រចាំទីក្រុងភ្នំពេញនឹង ធ្វើការលក់ដេញថ្លៃឡាយឡុងនូវឥវ៉ាន់ដូចជា រថយន្ត គ្រឿងសង្ហារឹមសម្រាប់ការិយាល័យនិងលំនៅដ្ឋាន គ្រឿងអេឡិចត្រូនិច ឧប្បករណ៏កុំព្យូទ័រនិងសំភារៈផ្សេងៗទៀតសំរាប់ប្រើប្រាស់ក្នុងផ្ទះ ដល់សាធារណៈជនទូទៅ ។ ទីតំាងលក់ឥវ៉ាន់ ឃ្លាំងស្ថានទូតសហរដ្ឋអាមេរិកប្រចាំទីក្រុងភ្នំពេញ អាគារលេខ 1782 ផ្លូវជាតិលេខ 5 (ខាងជើងស្ពានមិត្តភាព កម្ពុជា ជប៉ុន)។ កាលបរិចេ្ឆទ និង ពេលវេលា ថ្ងៃព្រហស្បត៏ទី 14 ខែ កញ្ញា ឆ្នាំ 2017 ម៉ោង 8:00 ព្រឹក – 10:00 ព្រឹក: ឥវ៉ាន់មានរៀបតាំងជូនឲ្យពិនិត្យមើល នឹង ធ្វើការដេញថ្លៃ ចាប់ផ្តើមនូវម៉ោង 8:30 ព្រឹក ។ ម៉ោង 1:00 រសៀល – 1:30 រសៀល: ចាប់ផ្តើមធ្វើការដេញថ្លៃសំរាប់ឡាន និង ឥវ៉ាន់ដែលមិនទាន់បានទទួលការបង់ថ្លៃ។ ឥវ៉ាន់ដែលមិនទាន់បានទទួលការបង់ថ្លៃទាំងអស់នឹងធ្វើការដេញថ្លៃឡើងវិញ។ លក្ខខណ្ឌនៃការលក់ ឥវ៉ាន់នឹងត្រូវលក់ជូនដល់អ្នកដេញថ្លៃ ដែលឲ្យតំលៃខ្ពស់បំផុត។ ឥវ៉ាន់ដែលបានលក់ដូចឃើញនៅនឹងកន្លែងស្រាប់ ពុំអាចប្តូរជាប្រាក់វិញ និង …

អាន​បន្ថែម»

ទីភ្នាក់ងារ USAID គាំទ្រគម្រោងសញ្ញាប័ណ្ណជីវភាពសម្រាប់ស្ត្រី ចំនួន ៣៨៥,០០០នាក់ ក្នុងតំបន់អាស៊ីអាគ្នេយ៍

ចេញ​ថ្ងៃ​ទី៧ ខែ​សីហា ឆ្នាំ​២០១៧ មានស្រ្តីប្រមាណ ៣៨៥,០០០នាក់ពីកម្ពុជា វៀតណាម និង ហ្វីលី​ពីន ​ត្រូវបានគេរំពឹងថានឹងទទួលបានផលប្រយោជន៍ពីគម្រោងសញ្ញាប័ណ្ណជីវភាពសម្រាប់ស្ត្រីមានតម្លៃ ៨លាន​ដុល្លារ ដែល​ផ្តល់ដោយទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID)។ សញ្ញាប័ណ្ណនេះនឹងផ្តល់ឲ្យ​ស្ត្រី​អាច​ទទួល​បាននូវសេវាឥណទាន ការតភ្ជាប់ទៅកាន់ទីផ្សារ ព្រមទាំងទំនិញ និងសេវាមួយចំនួនទៀតដែលមានតម្លៃសម​រម្យ ដើម្បី​ជួយ​ឲ្យក្រុមហ៊ុនរបស់ពួកគេរីកលូតលាស់។ គម្រោងសញ្ញាប័ណ្ណជីវភាពសម្រាប់ស្ត្រីនឹងផ្តល់មូលធនទៅដល់វិទ្យាស្ថានមីក្រូហិរញ្ញវត្ថុ និងសហគ្រាសសង្គមមួយក្រុម ដែល​នឹង​ជួ​យប្រែក្លាយស្ត្រីដែលមានប្រាក់ចំណូលទាបពីជីវភាពសមល្មមគ្រាន់តែចិញ្ចឹមជីវិតទៅកាន់ជីវភាពប្រកបដោយចីរភាព ហើយនឹងជួយស្ត្រីទាំងនោះឲ្យធន់ទៅនឹងភាពតានតឹងផ្នែកសេដ្ឋកិច្ច និងសង្គមកិច្ច។ បន្ថែមលើភាពជោគជ័យលើមុខជំនួញ​ដែលគ្រប់គ្រងដោយស្ត្រី មានផលប្រយោជន៍រយៈពេលវែងជាច្រើនទៀតដែលពួកគេនឹងទទួលបានដោយក្នុងនោះរួមមាន៖ ការកើនឡើងនូវការចូលរួមរបស់ស្ត្រីក្នុងកម្លាំងពលកម្ម ជីវភាពរស់នៅកាន់តែប្រសើរឡើង ព្រមទាំងមានឱកាសកាន់តែ​ច្រើនសម្រាប់ស្ត្រី និងកុមារក្នុងការទទួលបាននូវឱកាសអប់រំ និងសុខាភិបាល។ លោក Todd Sorenson អនុប្រធានបេសកកម្មនៃទីភ្នាក់ងារអភិវឌ្ឍប្រចាំតំបន់អាស៊ីរបស់ទីភ្នាក់ងារ USAID ដែលមាន​ទីតាំងនៅទីក្រុងបាងកកបានមានប្រសាសន៍ថា៖ “ទីភ្នាក់ងារ USAID មានសេចក្តីសោមនស្សរីករាយក្នុងការជួយគាំទ្រដល់​គម្រោងសញ្ញាប័ណ្ណជីវាភាពសម្រាប់ស្រ្តីជាមួយកម្ចីដែលមានការធានា។” សញ្ញាប័ណ្ណនេះផ្តល់ប្រយោជន៍ដល់ស្ត្រីដែល​រស់​នៅតាមបណ្តារដ្ឋក្នុងតំបន់អាស៊ាន និងត្រូវបានរៀបចំឡើងដោយក្រុមហ៊ុនមួយដែលមានមូលដ្ឋានក្នុងតំបន់អាស៊ាន។ អាស៊ាន គឺជាសហគមន៍ប្រជាជាតិអាស៊ី-អាគ្នេយ៍។ គម្រោងរយៈពេលបួនឆ្នាំ ដែលមានអាត្រាការប្រាក់ ៥.៦ភាគរយ ត្រូវបានរៀបចំដោយក្រុមហ៊ុន Impact Investment Exchange (IIX) ដែលមានមូលដ្ឋាននៅប្រទេសសិង្ហបុរី ត្រូវបានគេរំពឹងថានឹងចុះបញ្ជីរក្នុងទីផ្សារមូលប័ត្រសិង្ហបុរីក្នុងខែនេះ។ គម្រោងនេះនឹងក្លាយជាសញ្ញាប័ណ្ណនិរន្តរភាពសង្គមដំបូងគេដែលផ្តោតលើចំណូលសង្គម និងហិរញ្ញវត្ថុដែលនឹងត្រូវចុះបញ្ជីរ​លើទីផ្សារមូលប័ត្រធំមួយ។ ទីភ្នាក់ងារ …

អាន​បន្ថែម»

សិស្ស​កម្ពុជា ចូលរួមប្រកួតប្រជែង ក្នុងការកម្មវិធី Technovation

ក្រុមកម្ពុជានឹងទៅទីក្រុង សាន់ហ្វ្រាន់ស៊ីស្កូ សហរដ្ឋអាមេរិកនៅថ្ងៃ​ទី៧ ខែ​សីហា​ ឆ្នាំ​២០១៧​ សំរាប់ការប្រកួត Technovation! សូមអបអរសាទរចំពោះក្រុមអត្តសញ្ញាណផលិតផលខ្មែរ (Cambodia Identity Product) មកពីមជ្ឈមណ្ឌល Liger Learning Center ដែលនឹងត្រូវប្រកួតជុំចុងក្រោយជាមួយនឹងក្រុមដទៃទៀតមកពីជុំវិញពិភពលោក នៅក្នុងខែសីហានេះ! ការប្រកួត Technovation Challenge គឺជាការប្រកួតផ្នែកសហគ្រិនភាពបច្ចេកវិទ្យាសាកលមួយ សម្រាប់ក្មេងស្រីដែលមានអាយុចន្លោះពី ១០ ទៅ ១៨ឆ្នាំ។ កម្មវិធីនេះជម្រុញអោយក្មេងស្រីនៅទូទាំងពិភពលោក កំណត់នូវបញ្ហារបស់សហគមន៍ បង្កើតកម្មវិធីតាមទូរស័ព្ទដៃ ដើម្បីដោះស្រាយបញ្ហាទាំងនោះ ហើយកសាងផែនការជំនួញមួយដើម្បីរកទីផ្សាលក់កម្មវិធីនេះ។ គំនិតអាជីវកម្មរបស់ពួកគេគឺបង្កើតកម្មវិធីក្នុងទូរស័ព្ទដៃ ដែលជួយលើកកម្ពស់ផលិតផលប្រពៃណីខ្មែរ និងភ្ជាប់អ្នកផលិតទៅកាន់ទីផ្សារ។ យើងមានមោទនភាពក្នុងការផ្តល់ការគាំទ្រដល់ក្រុមនេះ តាមរយៈគម្រោង Development Innovations Cambodia ។

អាន​បន្ថែម»

ពិពណ៌សិល្បៈអំពីការប្រយុទ្ធប្រឆាំងនឹងការដាក់អន្ទាក់សត្វព្រៃ

Felix Café ទីក្រុងភ្នំពេញ ថ្ងៃទី២៨ ខែកក្កដា ឆ្នាំ២០១៧ នៅថ្ងៃទី២៨ ខែកក្កដា ​លោក Michael Newbill អនុប្រធាន​បេសកកម្ម​ថ្មី របស់ស្ថានទូត​អាមេរិក ដែលទើបតែមកដល់ប្រទេសកម្ពុជា បានចូលរួមបើកកម្មវិធីពិពណ៌សិល្បៈអំពីការប្រយុទ្ធប្រឆាំងការដាក់អន្ទាក់សត្វព្រៃ នៅហាងកាហ្វេ Felix Café ។ ពិពណ៌នេះបានរៀបចំឡើង ដោយអង្គការឃ្លាំមើល​បរិស្ថានមួយ ​ ដែល​មាន​ឈ្មោះ​ថា សម្ពន្ធភាព​សត្វព្រៃ (Wildlife Alliance) ដោយគេប្រើប្រាស់សិល្បៈបែបទំនើប ដើម្បីសង្កត់ធ្ងន់លើផលប៉ះពាល់អាក្រក់នៃការដាក់អន្ទាក់ ចំពោះជីវចម្រុះ នៅកម្ពុជា។ កញ្ញា កញ្ញា ដូ ពុទ្ធមូ​លីតា សិល្បករផាត់មុខ ដែលគេតែងស្គាល់តាមរយៈឈ្មោះសិល្ប: Apple Love បានប្រើរូបថតដែលមានរូបតារាល្បីរបស់កម្ពុជាជាប់អន្ទាក់សត្វ ដើម្បីប្រៀបធៀបបញ្ហាដាក់អន្ទាក់ជាមួយនឹងមនុស្ស។ លោកអ្នកដែលមានចំណាប់អារម្មណ៍អាចទៅទស្សនាពិពណ៌នេះបាន នៅ​ Daylight Plaza Aeon Mall នៅថ្ងៃព្រហស្បត្តិ៍ ទី៣ ខែសីហា ឆ្នាំ២០១៧ ពីម៉ោង៩ព្រឹក ដល់ម៉ោង៩យប់។ ពិពណ៌នោះក៏មានសកម្មភាពផ្សេងៗសម្រាប់កុមារ ដូចជាការគូមុខ និងការនិយាយរឿងនិទានជាដើម …

អាន​បន្ថែម»

ការប្រើតន្ត្រី រូបភាព និងរបាំ ដើម្បីនិយាយអំពីការប៉ះពាល់ផ្លូវចិត្ត នៃរបបខ្មែរក្រហម

សារមន្ទីរជាតិ | ទីក្រុងភ្នំពេញ ថ្ងៃទី១៣ ខែកក្កដា ឆ្នាំ២០១៧ ស្នាដៃនិពន្ធមួយរបស់ផលិតករ​ភាព​យន្ត លោក ប៉ាន់ រិទ្ធី និងសាស្ត្រា​ចារ្យ​បណ្ឌិត ហ៊ឹម សុភី ដែលនឹងនាំយកទៅសម្តែងនៅទីក្រុងញ៉ូយក បស់ស្តុន និងប្រទេសអូស្ត្រាលី ត្រូវបានប្រកាសជាសាធារណៈ នៅក្នុងពិធីសន្និសីទកាសែតមួយដែលធ្វើឡើងនៅទីក្រុងភ្នំពេញ។ ស្នាដៃនេះមានឈ្មោះថា “បង្សុកូល៖ ការរំឭកដល់កម្ពុជា” គឺជាការដាក់បញ្ចូលគ្នានៃ តន្រ្តី សំឡេង ចលនា និងរូបភាព។ ក្នុងសន្និសីទកាសែតនោះ ភារធារីរបស់ស្ថានទូតអាមេរិក លោកស្រី Julie Chung បានមានប្រសាសន៍ថា “ស្នាដៃនិពន្ធនេះគឺជាការរម្លឹកដល់សោកនាដកម្មនៃរបបខ្មែរក្រហម កាលពីអំឡុងឆ្នាំទសវត្សរ៍១៩៧០ ប៉ុន្តែអ្វីដែលសំខាន់ជាងនេះទៅទៀតនោះគឺ ស្នាដៃនេះក៏ជាតំណាងអោយសេចក្តីសង្ឃឹមនិងការបន្តដើរទៅមុខ។”

អាន​បន្ថែម»

របាយការណ៍ ឆ្នាំ ២០១៧ របស់ក្រសួងការបរទេសសហរដ្ឋអាមេរិក ស្តីពីការជួញដូរមនុស្ស

“ការជួញដូរមនុស្សគឺជាបញ្ហាមួយក្នុងចំណោមបញ្ហាដ៏សោកសៅបំផុតទាក់ទងនឹងសិទ្ធិមនុស្ស នៅក្នុងសម័យកាលនៃយើង។ វាធ្វើអោយគ្រួសារព្រាត់ប្រាស់ ធ្វើអោយទីផ្សារពិភពលោកមានភាពខុសធម្មតា បំផ្លាញនិតិរដ្ឋ និងជំរុញដល់សកម្មភាពល្មើសជាអន្តរជាតិដទៃទៀត។ វាគំរាមកំហែងសុវត្ថិភាពសាធារណៈ និងសន្តិសុខជាតិ។ តែអាក្រក់បំផុតនោះ បទល្មើសនេះធ្វើអោយមនុស្សបាត់បង់សេរីភាព និងសេចក្តីថ្លៃថ្នូររបស់គេ។ ដូច្នេះហើយបានជាយើងត្រូវតែខិតខំលុបបំបាត់បញ្ហាដ៏អាក្រក់នេះនៃការជួញដូរមនុស្ស។ ថ្ងៃនេះ យើងបោះជំហានដ៏សំខាន់មួយទៀតដើម្បីសំរេចគោលដៅនេះ។ របាយការណ៍ស្តីពីការជួញដូរមនុស្សឆ្នាំ ២០១៧ បង្ហាញពីជោគជ័យដែលសំរេចបាន និងបញ្ហាប្រឈមដែលនៅបន្តមាន នៅចំពោះមុខយើង លើបញ្ហាជាសាកលដ៏សំខាន់នេះ”។ Rex W. Tillerson រដ្ឋមន្រ្តីក្រសួងការបរទេសសហរដ្ឋអាមេរិក ប្រទេសកម្ពុជា – (លំដាប់ថ្នាក់ទី ២) រដ្ឋាភិបាលកម្ពុជាមិនបានគោរពបានពេញលេញតាមបទដ្ឋានអប្បបរិមាសំរាប់ការបំបាត់ការជួញដូរ មនុស្សទេ ។ ទោះជាយ៉ាងណាក្ដី ក៏រដ្ឋាភិបាលកំពុងតែខិតខំច្រើនគួរសមក្នុងការប្រយុទ្ធប្រឆាំងនឹងការជួញដូរមនុស្ស ។ រដ្ឋាភិបាល​បាន​បង្ហាញ​អោយ​ឃើញ​នូវ​ការ​បង្កើន​ការ​ខិតខំ បើ​ប្រៀបធៀប​នឹង​រយៈកាល​នៃ​របាយការណ៍​មុន​។ ដូច្នេះ កម្ពុជានៅបន្តស្ថិតនៅចំណាត់ថ្នាក់ទី២។ រដ្ឋាភិបាលបានបង្ហាញអោយឃើញថា ខ្លួនបានបង្កើនការខិតខំ ដោយកាត់ទោសជនល្មើសបានចំនួនកាន់តែច្រើន ចំណាយថវិកាកាន់តែច្រើនសំរាប់គណកម្មាធិការជាតិប្រឆាំងការជួញដូរ និងគណកម្មាធិការដែលជាសាខារបស់គណកម្មាធិការនេះនៅតាមខេត្ត ហើយបង្កើតផែនការសកម្មភាពថ្មីមួយ ដើម្បីទប់ស្កាត់ទាសភាពបំណុលលើកុមារ និងទំរង់ដទៃទៀតនៃការកេងប្រវ័ញ្ចពលកម្ម។ យ៉ាង​ណា​ក្តី​ក៏​រដ្ឋាភិបាល​មិន​បាន​បំពេញ​បាន​តាម​បទដ្ឋាន​អប្បបរិមា នៅក្នុងផ្នែកសំខាន់ៗមួយចំនួនដែរ។ ទោះបីមានអំពើពុករលួយជាទូទៅ ដែលរួមចំណែកធ្វើអោយមានការជួញដូរនៅក្នុងវិស័យជាច្រើន និងក្នុងចំណោមក្រុមមនុស្សដែលងាយរងគ្រោះមួយចំនួនក្តី ក៏រដ្ឋាភិបាលមិនបាន​ធ្វើ​ការ​ស៊ើប​អង្កេត កាត់ទោស ឬ​ដាក់ទោស​មន្រ្តី​ដែល​ធ្វើ​ការ​ឃុបឃិត​ណា​មួយឡើយ។ តុលាការបានបន្តបញ្ចប់ក្តីនៃការជួញដូរផ្លូវភេទ …

អាន​បន្ថែម»

សហរដ្ឋអាមេរិកនិងប្រទេសកម្ពុជាកំពុងធ្វើការជាមួយគ្នា ដើម្បីលើកកំពស់សុខភាពរបស់ប្រជាជនកម្ពុជា

ភ្នំពេញ ថ្ងៃទី៧ ខែកក្កដា ឆ្នាំ២០១៧ កងយោធពលខេមរភូមិន្ទបានជូនគ្រឿងព្រះឥស្សរិយយសមុនីសារភ័ណ្ឌដល់នាយទាហានជើងទឹកសហរដ្ឋអាមេរិកចំនួន ៣ រូប ដែលមានតួនាទីយ៉ាងសំខាន់នៅក្នុងភាពជាដៃគូនេះ។ អ្នកទទួលបានរង្វាន់នេះ កាលពីថ្ងៃសុក្រកន្លងទៅនេះមានវរនាវីទោ Gary Brice វរនាវីត្រី Jamal Dejli និងវរនាវីត្រី Catherine Berjohn ។ ពួកគេបានទទួលរង្វាន់ចំពោះការងាររបស់ពួកគេនៅក្នុងការជួយដល់ការជួសជុលមន្ទីរពិសោធន៍វេជ្ជសាស្រ្តចំនួន ៣ នៅកម្ពុជា ហើយបានផ្តល់ការបណ្តុះ បណ្តាលបច្ចេកទេសដល់អ្នកបច្ចេកទេសមន្ទីរពិសោធន៍។ ពួកគេទាំងបីនាក់ត្រូវបានបញ្ជូនអោយមកធ្វើការនៅក្នុងអង្គភាពវេជ្ជសាស្រ្តរបស់កងទ័ពជើងទឹកសហរដ្ឋអាមេរិកលេខ ២ (NAMRU-2) ដែលរកមើលការគំរាមកំហែងនៃជំងឺឆ្លងដែលមានសារៈសំខាន់ចំពោះសុខភាពរបស់យោធា និងសុខភាពសាធារណៈ ហើយវាយតំលៃវិធីកាត់បន្ថយការគំរាមកំហែងទាំងនោះ។ លោក Gary គឺជាប្រធាននៃ NAMRU-2 ។ បុគ្គលិករបស់ NAMRU-2 ម្នាក់ទៀត គឺលោកស្រី ប៊ុន ចាន់កេសី ក៏បានទទួលរង្វាន់ផងដែរ ចំពោះការរួមចំណែករបស់លោកស្រី។ គ្រឿងឥស្សរិយយសត្រូវបានប្រគល់ដោយឧត្តម សេនីយ៍ឯក គង់ សាលី ប្រធាននាយកដ្ឋានសុខាភិបាលនៃក្រសួងការពារជាតិកម្ពុជា និងលោកស្រី Julie Chung ភារធារីនៃស្ថានទូតអាមេរិក។

អាន​បន្ថែម»

ទិវាឯករាជ្យរបស់សហរដ្ឋអាមេរិក ត្រូវបានអបអរដោយមានតន្ត្រី អាហារ និងអ្វីៗជាច្រើនទៀត

ភ្នំពេញ ថ្ងៃទី២៩ ខែមិថុនា ឆ្នាំ២០១៧ ទិវាឯករាជ្យរបស់សហរដ្ឋអាមេរិកត្រូវនឹងថ្ងៃទី ៤ កក្កដា តែស្ថានទូតអាមេរិកនៅរាជធានីភ្នំពេញបានរៀបចំពិធីអបអរទិវានេះជាផ្លូវការ នៅថ្ងៃទី២៩ ខែមិថុនា នៅក្នុងសណ្ឋាគារអាំងទ័រកុងទីណង់តាល់។ ភ្ញៀវចំនួនជិត ៨០០ នាក់បានចូលរួមនៅក្នុងពិធីនៅឆ្នាំនេះ ដោយរួមមានឯកឧត្តម លី ធុច ទេសរដ្ឋ មន្រ្តីទទួលបន្ទុកគំរោងពិសេស ជាភ្ញៀវកិត្តិយស។ កម្មវិធីនេះបានចាប់ផ្តើមជាមួយនឹងការដើរគំនាប់របស់ក្រុមទាហានម៉ារីនអាមេរិកដែលប្រចាំការនៅស្ថានទូតអាមេរិក និងការច្រៀងចំរៀងជាតិរបស់កម្ពុជា និងចំរៀងជាតិរបស់សហរដ្ឋអាមេរិក។ មានកម្មវិធីកំសាន្តរបស់ក្រុមភ្លេង MC2 ជាមួយនឹងការបំរើភេស្ជៈ និងអាហាររបស់អាមេរិក ដូចជាស្រាបៀ ភីស្សា និងនំដូណាត់។

អាន​បន្ថែម»

តើអាម៉ាស្ហូននៃអាស៊ីអាគ្នេយ៍អាចសង្គ្រោះបានទេ?

អាងទន្លេមេគង្គចិញ្ចឹមមនុស្សរាប់លាននាក់ និងជីវសាស្រ្តចំរុះខ្លះ ក្នុងចំណោមជីវសាស្រ្តចំរុះដ៏សំបូរបែបបំផុតក្នុងពិភពលោក តែវាត្រូវប្រឈមនឹងការគំរាមកំហែងជាច្រើន។ អត្ថបទរបស់ Stefan Lovgren ផ្សាយនៅថ្ងៃទី ២២ ខែមិនា ឆ្នាំ ២០១៧ ភ្នំពេញ៖ លោក Zeb Hogan រំលឹកពីភាពស្ញប់ស្ញែងដែលលោកមានក្នុងចិត្ត ក្នុងនាមជាអ្នកជីវសាស្រ្តផ្នែកជលផល ថ្មីម្នាក់ ពេលលោកមកដល់តំបន់អាស៊ីអាគ្នេយ៍ កាលពីប្រហែល ២០ ឆ្នាំមុន ហើយបានឃើញទន្លេមេគង្គ។ ដោយបានធំដឹងក្តី នៅតំបន់វាលលំហ Arizona ដែលនៅទីនោះ ទន្លេកម្រមានទឹក កុំថាឡើយត្រី ក្នុងនាមជានិស្សិតអាហារូប ករណ៍ Fulbright វ័យក្មេងម្នាក់ លោកមានការភ្ញាក់ផ្អើលជាខ្លាំង នៅពេលមកឃើញទន្លេដែលផ្តល់ភោគផលច្រើនបំផុតយ៉ាងនេះ នៅក្នុងពិភពលោក។ លោក Hogan បាននិយាយថា “អ្វីៗទាំងអស់មានលក្ខណៈរស់រវើក។ វាដូចជាមើលទៅពិភពលោកតាមកញ្ចក់កែវថ្មីមួយ។ វាមានភាពផ្ទុយគ្នាយ៉ាងខ្លាំងទៅនឹងតំបន់ Arizona”។ កម្មវិធីផ្លាស់ប្តូរផ្នែកសិក្សាអប់រំរបស់លោក ទីបំផុតបានចប់ តែលោក Hogan បានវិលមករកទន្លេមេគង្គវិញ ក្នុងពេលមិនយូរ។ រាប់ឆ្នាំក្រោយមក លោកបានចំណាយពេលកាន់តែច្រើន នៅក្នុងតំបន់នេះ ដោយបានជ្រួតជ្រាបពីវប្បធម៌នៃប្រទេសថៃ និងប្រទេសកម្ពុជា។ …

អាន​បន្ថែម»

ត្រីយក្សធ្វើការបំលាស់ទីដ៏ធំបំផុតមួយក្នុងចំណោមការធ្វើការបំលាស់ទីដ៏ធំបំផុត នៅក្នុងពិភពលោក

សរសេរ​ដោយ Stefan Lovgren ថ្ងៃ​ទី២៩ ខែ​មិនា ឆ្នាំ​២០១៧ ការធ្វើការបំលាស់ទីដ៏ធំៗបំផុតខ្លះនៃសត្វ នៅក្នុងពិភពលោក គឺនៅលើដី ដូចជាសត្វគោព្គោព្រៃ (Wildebeest) ដែលធ្វើដំណើរឆ្លងកាត់តំបន់ទំនាបនៅទី្វបអាហ្វ្រិក និងសត្វរមាំងនៅតំបន់វាលនៅអាឡាស្កា។ មានការធ្វើដំណើរច្រើន និងមិនធម្មតាផ្សេងទៀត តាមអាកាស នៃសត្វមេអំបៅម្យ៉ាង ដែលស្វែងរកទីជំរកនៅតំបន់ភ្នំ នៃប្រទេសម៉ិកស៊ិក ឬសត្វស្លាបដែលធ្វើដំណើររាប់ពាន់ម៉ៃល៍ ដើម្បីទៅដល់តំបន់ដែលវាអាចរកចំណីបាន នៅតំបន់ត្រូពិច ក្នុងរដូវរងា។ តែការធ្វើដំណើរដ៏សំខាន់និងធំបំផុតមួយ ដែលមានចំនួនសត្វដ៏ច្រើនលើសលុប មានឡើងដោយយើងមិនអាចមើលឃើញបាន នៅក្នុងទឹកដែលគេមិនអាចមើលឃើញឆ្លុះបាន នៃទន្លេសាប ក្នុងប្រទេសកម្ពុជា ដែលក្នុងនោះ ក្នុងមួយឆ្នាំៗ មានត្រីរាប់ពាន់លានក្បាល មានធំមានតូច ធ្វើការបំលាស់ទីដ៏អស្ចារ្យបំផុតមួយនៃសត្វ នៅលើផែនដីយើងនេះ។ លោក Zeb Hogan ដែលជាសមាជិកស្រាវជ្រាវម្នាក់នៃកម្មវិធីទូរទស្សន៍ ដែលជាសមាជិកស្រាវជ្រាវម្នាក់នៃកម្មវិធីទូរទស្សន៍ខ្សែកាប National Geographic និងជាពិធីករក្នុងកម្មវិធីទូរទស្សន៍នេះ ស្តីពីត្រីយក្ស បានមានប្រសាសន៍ថា “នេះគឺជារឿងមួយធំ និងអស្ចារ្យ ដែលមនុស្សភាគច្រើនមិនបានលឺ”។ លោក Hogan កំពុងស្ថិតនៅក្នុងប្រទេសកម្ពុជា ដើម្បីធ្វើការស្រាវជ្រាវ និងចងក្រងឯកសារស្តីពីការ បំលាស់ទី ក្នុងនាមជាអ្នកដឹកនាំក្រុមនៅក្នុងគំរោងមួយរបស់ទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្តរជាតិ …

អាន​បន្ថែម»

ស្ថានទូតអាមេរិកធ្វើការបញ្ចាំងភាពយន្តដែលបង្ហាញអំពីគ្រោះថ្នាក់នៃផ្លាស្ទីក

រោងភាពយន្ត Cineplex by Cellcard ថ្ងៃទី២២ ខែមិនា ឆ្នាំ២០១៧ មានអ្នកចូលទស្សនាជាង៣៥០នាក់ សម្រាប់ការចាក់បញ្ចាំងភាពយន្តឯកសារដែលមានឈ្មោះថា “មហាសមុទ្យផ្លាស្ទីក” នៅថ្ងៃទី២២ ខែមិនា ឆ្នាំ២០១៧ ដោយការចាក់បញ្ចាំងនេះក៏ជាការអបអរដល់ទិវាទឹកពិភពលោក។ ខ្សែភាពយន្តនេះ និយាយអំពីផលប៉ះពាល់អាក្រក់នៃផ្លាស្ទីក ទៅមហាសមុទ្រ និងពិនិត្យទៅលើជំហានផ្សេងៗ ដែលមនុស្សគ្រប់រូបអាចធ្វើបាន ក្នុងកាត់បន្ថយគ្រោះថ្នាក់នេះ។ លោកឯកអគ្គរដ្ឋទូត Heidt បានមានប្រសាសន៍ នៅក្នុងពិធីបើកថា “សុខភាពមហាសមុទ្រ មិនមែនត្រឹមតែជាការប្រឈមរបស់ពិភពលោកនោះទេ ប៉ុន្តែវាក៏ជាការប្រឈមថ្នាក់តំបន់ផងដែរ។ មនុស្សគ្រប់រូបអាចធ្វើអ្វីម្យ៉ាងដើម្បីការផ្លាស់ប្តូរល្អ។” លោកស្រី Grace Smith ស្ថាបនិកម្នាក់ របស់អង្គការ Go Green Cambodia ដែលបានរៀបចំសកម្មភាពបោសសំអាត និងលើកតំកើងការកែច្នៃឡើងវិញ បានបន្ថែមថា ទង្វើរបន្តិចបន្តួចអាចមានឥទ្ធិពលបានច្រើន ដើម្បីបំបាត់ផ្លាស្ទីកចេញពីផ្លូវទឹក។ លោកស្រីបាននិយាយថា “សូមកុំទិញទឹកដាក់ដបផ្លាស្ទីក។ សូមប្រើដបដដែល។ អ្នកគួររកវិធីប្រើប្រាស់ផលិតផលដែលអ្នកមានស្រាប់ អោយបានច្រើនដង។” នៅពេលមុននិងក្រោយការបញ្ចាំងភាពយន្ត ក្រុមយុវជនឯកអគ្គរដ្ឋទូតបរិស្ថាន បានរៀបចំតុពត៌មាន ដើម្បីផ្សព្វផ្សាយពត៌មានអំពីការថែរក្សាបរិស្ថាន និងការកែច្នៃរបស់ប្រើឡើងវិញ។

អាន​បន្ថែម»

លើកកំពស់សុខភាពទន្លេ

ភ្នំពេញ ថ្ងៃទី២០ ខែមិនា ឆ្នាំ២០១៧ លោកឯកអគ្គរដ្ឋទូត Heidt និងសមាជិកក្រុមប្រឹក្សាយុវជនឯកអគ្គរដ្ឋទូតអាមេរិក និងសមាជិកអេកូយុវទូត រួមជាមួយជីវវិទូ Zeb Hogan បានជិះទូកនៅតាមដងទន្លេសាប។ លោកបណ្ឌិត Hogan ដែលកម្មវិធីទូរទស្សន៍របស់លោកមានឈ្មោះថា Monster Fish បានប្រាប់អោយដឹងថា៖ “ទន្លេទាំងនេះ មានសារសំខាន់ដល់ប្រទេសកម្ពុជា។ មនុស្សគ្រប់គ្នាពឹងផ្អែកទៅលើទន្លេនេះ។” លោកបណ្ឌិត Hogan គឺជាប្រធាននៃក្រុមអ្នកស្រាវជ្រាវ សម្រាប់គំរោង «អច្ឆរិយភាពទន្លេមេគង្គ» (Wonders of the Mekong) ដែលជាគំរោងផ្តួចផ្តើម មានរយៈពេល ៥ ឆ្នាំ ហើយឧបត្ថម្ភដោយទីភ្នាក់ងារជំនួយអាមេរិក USAID ដើម្បីជំរុញការអភិវឌ្ឍប្រកបដោយនិរន្តភាពនៃទន្លេ និងទិដ្ឋាភាពនៃអាងទន្លេមេគង្គក្រោម ទើបតែបានបញ្ចប់ការចុះមកមើលអាងទន្លេមេគង្គនៅកម្ពុជា ដើម្បីប្រមូលទិន្នន័យស្តីពីស្ថានភាពនៃទន្លេនេះ។ លោកអ្នកអាចស្វែងបន្ថែម អំពីគំរោងនេះ នៅទីនេះ

អាន​បន្ថែម»

ការប្រឹងប្រែងថ្មីដើម្បីជួយព្យាបាលផលវិបាកនៃអំពើហឹង្សាតាមរយៈសិល្បៈ

ទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍​អន្តរជាតិ (USAID) មានមោទនភាពសូមប្រកាសការគាំទ្ររបស់ខ្លួនចំពោះ “ផ្កាស្លាក្រោមអង្គការ”  ដែលជា​គំរោងនៃរបាំបែបថ្មី និងប្រកបដោយភាពច្នៃប្រឌិត ហើយជំរុញដល់សន្តិភាព និងការផ្សះផ្សារឡើងវិញ នៅទូទាំងប្រទេសកម្ពុជា ដោយពណ៌នាជាលក្ខណៈសិល្បៈនូវ   ហឹង្សាជេនឌ័រក្រោមពួកខ្មែរក្រហម។ គំរោងនេះ​ត្រូវបានគ្រប់គ្រង ដោយអង្គការកម្ពុជាចំនួន ៤ គឺអង្គការបណ្ឌិតសភាសិល្បៈខ្មែរ អង្គការក្តីករុណា មជ្ឈមណ្ឌល​បុប្ផាណា និងអង្គការ Transcultural Psychological Organization (TPO) ។ លោកស្រីប្រធានទីភ្នាក់ងារ USAID ប្រចាំនៅកម្ពុជាបានមានប្រសាសន៍ថា “ការគាំទ្ររបស់ទីភ្នាក់ងារ USAID ចំពោះគំរោងផ្កាស្លាក្រោមអង្គការបញ្ជាក់ពីការប្តេជ្ញាចិត្តរបស់រដ្ឋាភិបាលសហរដ្ឋអាមេរិក នៅក្នុងការ ជួយ​លើកទឹកចិត្ត​ដល់ការផ្សះផ្សារជាតិ នៅកម្ពុជា តាមរយៈការចងចាំពីសម័យខ្មែរក្រហម។ ការចងចាំពី ឧក្រិដ្ឋកម្ម​ពីអតីតកាលមានសារៈសំខាន់ តែការស្វែងរកវិធីសំរាប់អោយសង្គមមួយដើរទៅមុខ  ហើយកសាង         អនុស្សាវ រីយ៍​ថ្មី និងល្អមានសារៈសំខាន់ចាំបាច់”។ ការគាំទ្ររបស់ទីភ្នាក់ងារ USAID នឹងផ្តល់ថវិកាសំរាប់ការសំដែងល្ខោន ការនិទានរឿងផ្ទាល់មាត់ ការ​ពិភាក្សាគ្នា​ក្នុងសហគមន៍ និងពិព័រណ៌ចល័ត។ រួមជាមួយនឹងដៃគូអភិវឌ្ឍន៍​ដទៃទៀត ទីភ្នាក់ងារ USAID និងក្រុម​អង្គការទាំងនេះសង្ឃឹមថា​នឹងលើកកំពស់ការយល់ដឹងរបស់សាធារណជន នៅទូទាំងប្រទេសកម្ពុជា លើ​ផលវិបាកនៃហឹង្សាជេនឌ័រទៅលើសង្គមសព្វថ្ងៃ។ គំរោងផ្កាស្លាក្រោមអង្គការមានបំណងព្យាបាលផលវិបាក ​ដែលបានទទួល​ដោយអ្នកដែលត្រូវបានបង្ខំ អោយរៀបអាពាហ៍ពិពាហ៍ …

អាន​បន្ថែម»

ការតាំងពិពណ៌​ EducationUSA Fair បានធ្វើ​ឡើងនៅ​ភ្នំពេញ

សណ្ឋាគារ អីនធើខនធីណិនថល ភ្នំពេញ ថ្ងៃ​ទី​២៨ ខែកុម្ភៈ ឆ្នាំ​២០១៧ មាន​ប្រជាជន​កម្ពុជា​វ័យក្មេង ចំនួន​ជាង​១៤០០នាក់ នៅ​ទីក្រុងភ្នំពេញ បាន​ចូលរួម​ក្នុង​កម្មវិធីពិពណ៌ការសិក្សា ដែលមាន​ឈ្មោះថា EducationUSA Fair ដែល​ធ្វើឡើង​នៅសណ្ឋាគារ អីនធើខនធីណិនថល ក្នុងថ្ងៃ​ទី​២៨ ខែ​កុម្ភៈ ឆ្នាំ​២០១៧ ដើម្បី​ជួបជាមួយអ្នកតំណាង និង​អ្នកប្រឹក្សា ​របស់​សកលវិទ្យាល័យ និង​មហាវិទ្យាល័យ នៅសហរដ្ឋអាមេរិក ចំនួន២០។ ​ឯកអគ្គរដ្ឋទូតអាមេរិក លោកវីល្លាម ហៃ និង​ឯកឧត្តម យ៉ក់ ង៉ុយ រដ្ឋលេខាធិការក្រសួងអប់រំ យុវជន និងកីឡា ក៏បាន​ចូលរួម​ជាភ្ញៀវកិត្តិយស ក្នុង​កម្មវិធី​នោះផងដែរ។ EducationUSA គឺ​ជាមជ្ឈមណ្ឌលដែល​ជាប្រភពពត៌មាន​ដ៏ល្អ អំពីឱកាស​ទៅសិក្សា​ នៅសហរដ្ឋ​អាមេរិក ព្រមទាំងអំពី​អាហារូបករណ៍ ទិដ្ឋាការ​សម្រាប់សិស្សនិស្សិត និង​ពត៌មាន​ផ្សេង​ៗទៀត​។ លើស​ពីនេះទៅ​ទៀត មជ្ឈមណ្ឌលនេះបើក​ដល់សាធារណជនទូទៅ ហើយមាន​ផ្តល់សេវាប្រឹក្សា ដោយមិនគិតថ្លៃ​។ ដើម្បីស្វែងយល់បន្ថែមអំពីការ​ទៅ​សិក្សានៅ​សហរដ្ឋ​អាមេរិក សូមចូលទៅ ទំព័រហ្វេសប៊ុក​របស់ EducationUSA ឫទៅមជ្ឈមណ្ឌល EducationUSA ផ្ទាល់តែម្តង ដែលស្ថិតនៅក្នុងសកលវិទ្យាល័យបញ្ញាសាស្ត្រកម្ពុជា ផ្លូវនរោត្តម​ ក្រុងភ្នំពេញ។

អាន​បន្ថែម»

កិច្ចសហប្រតិបត្តិការរវាងកម្ពុជា និងសហរដ្ឋអាមេរិក ក្នុងឆ្នាំ ២០១៦

ចេញ​ថ្ងៃទី​៣ ខែ​កុម្ភៈ ឆ្នាំ​២០១៧ សហរដ្ឋអាមេរិកនិងព្រះរាជាណាចក្រកម្ពុជាបានអបអរខួប ៦៥ ឆ្នាំនៃទំនាក់ទំនងការទូតប្រកបដោយផ្លែផ្កា និងផ្តល់ប្រយោជន៍អោយគ្នាទៅវិញទៅមក កាលពីខែកក្កដា ឆ្នាំ ២០១៥។ ការប្តេជ្ញាចិត្តជាបន្តរបស់សហរដ្ឋអាមេរិកចំពោះប្រទេសកម្ពុជា និងតំបន់ត្រូវបានបង្ហាញជាគំរូដោយការចូលរួមរបស់មេដឹកនាំអាស៊ាន ដែលរួមទាំងលោកនាយករដ្ឋមន្រ្តី ហ៊ុន សែនផង នៅក្នុងកិច្ចប្រជុំកំពូលអាស៊ាន នៅ Sunnylands កាលពីខែកុម្ភៈ ឆ្នាំ ២០១៦។ នៅឆ្នាំ ២០១៦ ប្រទេសកម្ពុជាបានស្វាគមន៍អ្នកធ្វើនយោបាយជាន់ខ្ពស់មួយចំនួនរបស់សហរដ្ឋអាមេរិក ដែលមានដូចជាលោករដ្ឋមន្រ្តីក្រសួងការបរទេស Kerry ដើម្បីពង្រឹងបន្ថែមទៀតនូវកិច្ចសហប្រតិបត្តិការទ្វេភាគី និងទំនាក់ទំនងសេដ្ឋកិច្ចទ្វេភាគី ដែលកាន់តែរីកធំឡើង រវាងសហរដ្ឋអាមេរិក និងប្រទេសកម្ពុជា។ ជំរុញការអភិវឌ្ឍន៍សេដ្ឋកិច្ច នៅថ្ងៃទី ៣០ ខែមិថុនា តំណាងពាណិជ្ជកម្មសហរដ្ឋអាមេរិកបានប្រកាសការពង្រីកដ៏ច្រើននៃប្រព័ន្ធអនុគ្រោះទូទៅ (GSP) សំរាប់ប្រទេសកម្ពុជា ដោយធ្វើអោយកម្ពុជាអាចនាំចេញទំនិញសំរាប់ការធ្វើដំណើរចំនួន ២៧ ប្រភេទ ដូចជាវ៉ាលី កាបូបស្ពាយ កាបូបដៃ និងកាបូបលុយ ទៅកាន់សហរដ្ឋអាមេរិកដោយមិនបាច់បង់ពន្ធនាំចូល។ ការបើកទីផ្សានេះផ្តល់អោយប្រទេសកម្ពុជានូវលទ្ធភាពអនុគ្រោះទៅក្នុងទីផ្សាទំនិញសំរាប់ការធ្វើដំណើររបស់សហរដ្ឋអាមេរិកដែលមានតំលៃ១០ ពាន់លានដុល្លាអាមេរិក ហើយជាមួយនឹងការធ្វើជាបន្ត នាំអោយប្រទេសកម្ពុជាចាប់មានឧស្សាហកម្មនាំចេញមួយដ៏ធំ។ លោកឯកអគ្គរដ្ឋទូត Heidt ឯកឧត្តមរដ្ឋមន្រ្តី ប៉ាន់ សូរ៉ាសក្តិ …

អាន​បន្ថែម»

​ពិព័រណ៍​គម្រោង​វណ្ណ ម៉ូលីវណ្ណ

ស្ថានទូត​អាមេរិក ភ្នំពេញ ថ្ងៃទី​១៩ ខែ​មករា ឆ្នាំ​២០១៧ ស្ថានទូត​អាមេរិក មាន​​រៀបចំ​ពិព័រណ៍​ថ្មី​នៅ​ស្ថានទូត​អាមេរិក ស្តីពី​ស្នាដៃ​របស់​ស្ថាបត្យករ​ខ្មែរ​ដ៏​ល្បី វណ្ណ ម៉ូលីវណ្ណ ដែល​នឹង​បើក​ជូន​សាធារណជន​ទស្សនា។ គេ​អាច​ចូល​ទស្សនា​ពិព័រណ៍​នេះ​បាន​តែ​តាមរយៈ​ការ​ណាត់​តែ​ប៉ុណ្ណោះ នៅ​ថ្ងៃ​ចន្ទ និង​ថ្ងៃ​ពុធ ពី​ម៉ោង ៣ ដល់​ម៉ោង ៤ រសៀល​។ ការ​ណាត់​អាចធ្វើ​បាន​ដោយ​ផ្ញើ​ឈ្មោះ​អ្នក​ដែល​ចង់​ចូលរួម​មក wfr@state.gov ។ ពិព័រណ៍​នេះ ដែល​មាន​បង្ហាញ​ពី​គំរូ​មាត្រដ្ឋាន និង​រូបថត ត្រូវ​បាន​ខ្ចី​មក ដើម្បីដាក់តាំងក្នុង​ពិពណ៌នេះ ពេញ​មួយ​ឆ្នាំ​។ គំរោង​វណ្ណ ម៉ូលីវណ្ណ​ត្រូវ​បាន​បង្កើត​ឡើង​នៅ​ឆ្នាំ ២០០៩ ដោយ​ស្ថាបត្យករ​ជនជាតិ​កាណាដា​ឈ្មោះ Bill Greaves ដើម្បី​ធ្វើការ​សិក្សា គូរ​ ចងក្រង​ឯកសារ រៀបចំ​បណ្ណាសារ បោះពុម្ភ និង​បង្កើន​ការ​យល់​ដឹង​ទៅ​លើ​អាគារ​ពិសេស​ៗ ដែល​នៅ​ពេល​នេះ រង​ការ​គំរាមកំហែង​ពី​ការ​ពុក​ផុយ និង​ការ​អភិវឌ្ឍន៍​ក្នុង​ការ​សាងសង់​។ គំរោង​វណ្ណ ម៉ូលីវណ្ណ​៖ ការ​សិក្សា​នៅ​រដូវ​ក្តៅ ឆ្នាំ​២០១៥ ដឹកនាំ​ដោយ​ប៉ែន សេរីបញ្ញា ដែល​ជា​ស្ថាបត្យករ និង​ជា​អ្នក​ស្រាវជ្រាវ​តំបន់​ក្រុង​។ ដោយ​បាន​កើត​នៅ​ឆ្នាំ​១៩៣៣ ហើយ​សព្វ​ថ្ងៃ​នេះ កំពុង​រស់នៅ​ក្នុង​ខេត្ត​សៀមរាប លោក វណ្ណ …

អាន​បន្ថែម»

ពិព័រណ៌​ស្តីពី​ការ​អប់រំ​នៅ​សហរដ្ឋ​អាមេរិក ឆ្នាំ​២០១៧

ភ្នំពេញ ថ្ងៃ​ទី៣ ខែ​មករា ឆ្នាំ​២០១៧ ស្ថានទូត​​សហរដ្ឋ​​អាមេរិក​​មាន​​សេចក្តី​រីករាយ​​សូម​​ប្រកាស​​ថា ពិព័រណ៍​ស្តីពី​ការ​អប់រំ​នៅ​សហរដ្ឋ​អាមេរិកឆ្នាំ​២០១៧ នឹង​ប្រព្រឹត្ត​ទៅ​នៅ​ថ្ងៃ​ទី២៨ ខែ​កុម្ភៈ ឆ្នាំ​២០១៧ ពី​ម៉ោង ៣​:​០០ រសៀល​ដល់​ម៉ោង ៧​:​០០​យប់ នៅ​សណ្ឋាគារ​អាំងទែ​កុងទីណង់តាល់ ក្នុង​រាជធានី​ភ្នំពេញ​។ តំណាង​ចំនួន​២១ មក​ពី​មហាវិទ្យាល័យ និង​សាកលវិទ្យាល័យ នៅ​ក្នុង​សហរដ្ឋ​អាមេរិក​ នឹង​មក​ប្រាប់​សិស្ស និស្សិត​អំពី​កម្មវិធី​សិក្សា​យក​សញ្ញាប័ត្រ​មហាវិទ្យាល័យ លក្ខខ័ណ្ឌ​ក្នុង​ការ​ទទួល​អោយ​ចូល​រៀន និង​ឱកាស​ទទួល​បាន​អាហារូបករណ៍ នៅ​ក្នុង​សហរដ្ឋ​អាមេរិក​។ អ្នក​រៀបចំ​ពិព័រណ៌​ដទៃ​ទៀត​នៅ​ទីនោះ នឹង​ផ្តល់​ព័ត៌មាន​ស្តីពី​ទិដ្ឋាការ​សំរាប់​សិស្ស​និស្សិត កម្មវិធី​ផ្លាស់ប្តូរ​របស់​រដ្ឋាភិបាល​សហរដ្ឋ​អាមេរិក​ផ្នែក​ការ​សិក្សា និង​ប្រឹក្សា​ស្តីពី​ការ​សិក្សា​នៅ​សហរដ្ឋ​​អាមេរិក​​។ សិស្ស​វិទ្យាល័យ និង​និស្សិត​សាកលវិទ្យាល័យ​នៅ​កម្ពុជា​ទាំង​អស់​ ដែល​មាន​ការ​ចាប់​អារម្មណ៍​ចង់​សិក្សា នៅ​សហរដ្ឋ​អាមេរិក​ត្រូវ​បាន​ស្វាគមន៍​អោយ​ចូលរួម​។ ឪពុក​ម្តាយ​របស់​សិស្ស​និស្សិត​ក៏​ត្រូវ​បាន​ស្វាគមន៍ ហើយ​គួរ​តែ​ចូលរួម​ផង​ដែរ​។ មហាវិទ្យាល័យ និង​សាកលវិទ្យាល័យ ដែល​ចូលរួម​ រួម​មាន៖ Edmonds Community College Central Washington University SUNY Plattsburgh Miami University University of Alabama in Huntsville California State – San Jose State University Green River College Bellevue College Orange Coast College Shoreline Community College University of Colorado Boulder SCAD University of Wisconsin – Stevens Point University of La Verne Azusa Pacific University Kettering University University of Alabama Northeast Wisconsin Technical College University of Bridgeport ដោយ​មាន​ការ​ឧបត្ថម្ភ​ពី​ស្ថានទូត​អាមេរិក ពីព័រណ៌​នេះ​ត្រូវ​បាន​រៀបចំ​ឡើង​ដោយ​មជ្ឈមណ្ឌល EducationUSA នៅ​កម្ពុជា ដែល​មាន​បំណង​លើក​កំពស់​គុណភាព​នៃ​ការ​សិក្សា​អប់រំ និង​ពង្រីក​ឱកាស​ក្នុង​អាជីព និង​ការ​សិក្សា សំរាប់​ប្រជាជន​កម្ពុជា​។ ពិព័រណ៌​នេះ​គឺ​ជា​វិធី​ពិសេស​មួយ​ សំរាប់​អោយ​ប្រជាជន​កម្ពុជា​ធ្វើការ​ទាក់ទង​ជាមួយ​ស្ថាប័ន​ឧត្តមសិក្សា នៅ​សហរដ្ឋ​​អាមេរិក ហើយ​​យល់​ដឹង​ពី​អត្ថប្រយោជន៍ នៃ​ការ​ទទួល​បាន​ការ​សិក្សា​ពី​សាកលវិទ្យាល័យ​នៅ​ក្នុង​​សហរដ្ឋ​អាមេរិក​។ ចំពោះ​ព័ត៌មាន​បន្ថែម សូម​ទាក់ទង​មជ្ឈមណ្ឌល​ផ្តល់​ប្រឹក្សា​របស់ EducationUSA តាម​ទូរស័ព្ទលេខ …

អាន​បន្ថែម»

ពិព័រណ៍វណ្ណ ម៉ូលីវណ្ណនៅស្ថានទូតអាមេរិក បើកជូនសាធារណជនទស្សនា

ស្ថានទូត​អាមេរិក ភ្នំពេញ ថ្ងៃ​ទី​១៤ ខែ​ធ្នូ ឆ្នាំ​២០១៦ ស្ថានទូត​អាមេរិក ស្វាគមន៍មិត្ត​នៃ​ស្ថានទូត​អាមេរិក សមាជិក YSEALI និងស្ថាបត្យករ​វ័យក្មេង ព្រមទាំង​មាន​លោកស្រីឌែលហ្វីនវណ្ណ ដែល​ជាកូនស្រីរបស់លោកវណ្ណ ម៉ូលីវណ្ណ មក​កម្មវិធី​សម្ពោធន៍បើក ការ​តាំង​ពិពណ៌ គំរូមាត្រដ្ឋាន និងរូបថត នៃស្នាដៃរបស់​ស្ថាបត្យករវណ្ណ ម៉ូលីវណ្ណ។ ពិព័រណ៍ថ្មីនៅស្ថានទូតអាមេរិក ស្តីពីស្នាដៃរបស់ស្ថាបត្យករខ្មែរដ៏ល្បី វណ្ណ ម៉ូលីវណ្ណនឹងបើកជូនសាធារណជនទស្សនា ចាប់ពីថ្ងៃចន្ទ ទី ៩ ខែមករា ដល់ថ្ងៃ​ទី​១ ខែមករា ឆ្នាំ​២០១៨។ គេអាចចូលទស្សនាពិព័រណ៍នេះបានតែតាមរយៈការណាត់តែប៉ុណ្ណោះ នៅថ្ងៃចន្ទ និងថ្ងៃពុធ ពីម៉ោង ៣ ដល់ម៉ោង ៤ រសៀល។ ការណាត់អាចធ្វើបានដោយផ្ញើអ៊ីម៉េលមក PASPhnomPenh@state.gov ។ ការទស្សនាជាក្រុមកំរិតត្រឹមមនុស្សចំនួន ១០ នាក់។ ពិព័រណ៍នេះ ដែលមានបង្ហាញពីគំរូមាត្រដ្ឋាន និងរូបថត ត្រូវបានខ្ចីមក នៅឆ្នាំ ២០១៧ ពីគំរោង វណ្ណ ម៉ូលីវណ្ណ។

អាន​បន្ថែម»

ក្រុម​របាំ​អាជីព NATYARASA ធ្វើ​អោយបុគ្គលិក​ស្ថានទូត​អាមេរិក ស្ងើច​សរសើរ​ ចំពោះ​ការ​រាំ​ដ៏ទន់ភ្លន់​របស់​ពួកគេ

ស្ថានទូត​អាមេរិក ភ្នំពេញ ថ្ងៃ​ទី​២៨ ខែវិច្ឆិកា ឆ្នាំ២០១៦ ក្រុម​របាំ​ NATYARASA ដែល​ជា​ក្រុម​របាំ​បុរស​ស្រឡាញ់​ភេទ​ដូចគ្នា​ ​ដំបូង​គេនៅ​កម្ពុជា បាន​សម្តែងរបាំ​បុរាណ​នៅ​ស្ថានទូត​អាមេរិក កាលពី​ថ្ងៃ​ច័ន្ទ។ ក្រុម​របាំ​ NATYARASA បាន​បង្កើត​ឡើង​ដោយ​លោក អ៊ុក ព្រំសុដុន ។ លោកព្រំសុដុន ដែលមាន​អាយុ២៩ឆ្នាំ បាន​ធំធាត់​ឡើង​នៅ​ទីក្រុងឡុងប៊ិច រដ្ឋកាលីហ្វនា ប៉ុន្តែបាន​ចាប់ផ្តើម​មករស់នៅ​កម្ពុជាកាលពី​ឆ្នាំមុន។ លោក​បាន​និយាយ​ថា “ខ្ញុំ​ចង់​បម្រើ និងលើក​កម្ពស់ការយល់​ដឹង​អំពី​វប្បធម៌​ខ្មែរ។” គាត់បាន​បង្កើត​ក្រុម​របាំ​នេះ ដែល​មាន​សមាជិក​៥នាក់ ក្នុងគោលបំណង​មួយផ្នែក គឺចង់​ពង្រឹងគុណភាព​ជីវិត និង​ការ​យល់ដឹង​អំពី​ក្រុម LGBT ។ លោក បាន​និយាយ​ទៀតថា “សេចក្តីស្រលាញ់​បង្កើត​សិល្បៈដ៏អស្ចារ្យ​។ នៅ​ក្នុង​ពិភពលោកនេះ មនុស្ស LGBT ទទួលការរងគ្រោះ ហើយសិល្បៈអាចជួយផ្លាស់ប្តូរស្ថានភាពនេះ​បាន។”

អាន​បន្ថែម»

ក្រុមហ៊ុន​អាមេរិកជួយ​គាំទ្រដល់​កិច្ចប្រឹងប្រែង​ក្នុងការ​បង្កើត​ថាមពល​ស្អាត របស់​កម្ពុជា

សណ្ឋាគារហ៊ីម៉ាវ៉ារី ភ្នំពេញ ថ្ងៃ​ទី២២ ខែវិច្ឆិកា ឆ្នាំ​២០១៦ លោកឯកអគ្គរដ្ឋទូត Heidt បានជួយចាប់ផ្តើមសិក្ខាសាលាស្តីពី “ការផ្តល់ថាមពលដល់កម្ពុជា” នៅថ្ងៃអង្គារ ដែលពិនិត្យទៅលើវិធីដែលប្រទេសកម្ពុជាដោះស្រាយបញ្ហាប្រឈមផ្នែកថាមពល តាមរយៈជំរើសថាមពលដែលគេអាចកែច្នៃយកមកប្រើឡើងវិញបាន និងខ្សែបណ្តាញអគ្គិសនី ដែលមានប្រសិទ្ធភាពកាន់តែល្អ។ សូមអរគុណ! ពិធីនោះត្រូវបានរៀបចំដោយក្រុមហ៊ុន General Electric (GE) ដែលជាក្រុមហ៊ុនអាមេរិកមួយមានប្រវត្តិយូរលង់មកហើយក្នុងការរកឃើញរបកគំហើញថ្មីៗផ្នែកថែទាំសុខភាព ឧស្សាហកម្មថាមពល ដឹកជញ្ជូន និងភ្លើងអគ្គិសនី។ ពិធីនោះមានការចូលរួមនៃមន្រ្តីរដ្ឋាភិបាល និងតំណាងមកពីផលិតករថាមពលអន្តរជាតិ និងផលិតករថាមពលក្នុងស្រុក។ លោកឯកអគ្គរដ្ឋទូតបានមានប្រសាសន៍ថា “ខ្ញុំមានមោទនភាពជាពិសេសក្នុងការមានវត្តមាននៅថ្ងៃនេះ ដោយក្រុមហ៊ុន GE បង្ហាញនូវបច្ចេកទេសថ្មីៗខ្លះរបស់ខ្លួន និងដំណោះស្រាយផ្នែកថាមពលសំរាប់ប្រទេសកម្ពុជា។ សិក្ខាសាលានេះគឺជាឧទាហរណ៍ជាក់ស្តែងមួយ ដែលបង្ហាញពីវិធីដែលក្រុមហ៊ុនរបស់អាមេរិកអាចរួមចំណែកដល់ការអភិវឌ្ឍសេដ្ឋកិច្ចប្រកបដោយនិរន្តភាព នៅកម្ពុជា”។ លោកឯកអគ្គរដ្ឋទូតបានធ្វើការកត់សំគាល់ថា សិក្ខាសាលាមានបំណងជួយរដ្ឋាភិបាលកម្ពុជានៅក្នុងការបំពេញគោលដៅបីដែលកម្ពុជាបានកំណត់សំរាប់ខ្លួនឯង ក្នុងការកាត់បន្ថយតំរូវការថាមពលអោយបាន ២០% កាត់បន្ថយការបញ្ចេញឧស្ម័នពុល និងធ្វើអោយតំបន់ជនបទទាំងអស់មានភ្លើង អគ្គិសនីប្រើប្រាស់នៅត្រឹមឆ្នាំ ២០៣៥។ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល និងលោក Wouter Van Wersch ប្រធាននិងជាអ្នកគ្រប់គ្រងទូទៅរបស់ក្រុមហ៊ុន GE ប្រចាំតំបន់អាស៊ាន …

អាន​បន្ថែម»

របាយការណ៍បង្ហាញថា មានសិស្ស និស្សិតកម្ពុជាកាន់តែច្រើនឡើងកំពុងសិក្សា នៅក្នុងសហរដ្ឋអាមេរិក

ចេញ​ថ្ងៃទី​១៧ ខែវិច្ឆិកា​ ឆ្នាំ​២០១៦ បើយោងតាមរបាយការណ៍មួយដែលមានឈ្មោះថា របាយការណ៍ទ្វារបើកចំហ ឆ្នាំ ២០១៦ ស្តីពីការ ផ្លាស់ប្តូរផ្នែកសិក្សាអប់រំអន្តរជាតិ ដែលបានចេញនៅសប្តាហ៍នេះ រកឃើញថា ចំនួននិស្សិតអន្តរជាតិដែលកំពុងសិក្សានៅតាមមហាវិទ្យាល័យ និងសាកលវិទ្យាល័យ ក្នុងសហរដ្ឋអាមេរិក មានចំនួនលើកសពី ១ លាននាក់ ជាលើកដំបូង នៅក្នុងឆ្នាំសិក្សា ២០១៥ – ២០១៦ ដែលជាចំនួនកើនឡើងចំនួន ៧% លើសឆ្នាំមុន គឺមាន ចំនួនឡើងដល់ ១ ០៤៤ ០០០ នាក់ ដែលត្រូវជាចំនួន ៥% នៃនិស្សិតសរុបនៅក្នុងស្ថាប័ន ក្នុងសហរដ្ឋអា មេរិក។ របាយការណ៍នេះក៏បានបង្ហាញផងដែរនូវកំណើននៃចំនួនសិស្ស និស្សិតកម្ពុជា ដែលកំពុងសិក្សាក្នុងសហរដ្ឋអាមេរិក គឺកើនពីចំនួន ៤៩២ នាក់ នៅឆ្នាំ ២០១៤ – ២០១៥ ដល់ចំនួន ៤៩៩ នាក់ នៅក្នុងឆ្នាំ ២០១៥ – ២០១៦ ពោលគឺមានកំណើនចំនួន ១,៤%។ …

អាន​បន្ថែម»

ស្ថានទូត​អាមេរិក​រៀបចំ​កម្មវិធី​ជប់លៀង​ទស្សនាការ​ប្រកាស​លទ្ធផល​នៃ​ការ​បោះឆ្នោត​ប្រធានាធិបតី

ស្ថានទូត​អាមេរិក ប្រចាំ​នៅ​ទីក្រុង​ភ្នំពេញ ថ្ងៃ​ទី​៩ ខែ​វិច្ឆិកា ឆ្នាំ​២០១៦ នៅព្រឹកថ្ងៃទី៩ ខែវិច្ឆិកា ស្ថានទូតអាមេរិក រួម​ជាមួយភ្ញៀវជាង១០០នាក់ មកពីរដ្ឋាភិបាលកម្ពុជា វិស័យឯកជន អង្គការ​មិនមែន​រដ្ឋាភិបាល និង​សិស្សនិស្សិត បាន​ទស្សនាការ​បោះឆ្នោត នៅ​សហរដ្ឋ​អាមេរិក ដោយ លោក Donald Trump បានជាប់ឆ្នោតជាប្រធានាធិបតី។ អ្នកកាសែតជាច្រើន ក៏មានវត្តមាននៅ​ក្នុងកម្មវិធីនោះ ដើម្បីយកពត៌មានផងដែរ។ ភ្ញៀវ​ទាំងឡាយ​បាន​ប្រមូលគ្នាកកកុញ នៅក្នុងសាលទាំងមូល របស់ស្ថានទូត​អាមេរិក ដើម្បីមើល​ការផ្សាយបន្តផ្ទាល់​លទ្ធផល​នៃ​ការ​បោះឆ្នោតនេះ តាម​រយៈវែបសាយ Twitter និង​ទូរទស្សន៍ ​CNN ។ លោក​ឯកអគ្គរដ្ឋទូត William Heidt បាន​ហៅការបោះឆ្នោតនេះ ថាជាអបអរនៃដំណើរការប្រជាធិបតេយ្យ។ ម្ហូបអាហារអាមេរិក និង​កាហ្វេ ក៏មាន​សម្រាប់អ្នកចូលរួមក្នុងឱកាស​នោះផងដែរ។ ពួកគេ​ក៏អាច​ចូលរួម​ក្នុងការបោះឆ្នោតសាកល្បង និង​ឆ្លើយសំនួរ​ទាក់ទង​នឹង​ចំណេះដឹង​ទូទៅ​អំពី​ប្រវត្តិនៃ​ការ​បោះឆ្នោត​នៅសហរដ្ឋ​អាមេរិក។

អាន​បន្ថែម»

មហោស្រពអ្នកនិពន្ធ​និងអ្នកអានកំពត លើកទឹកចិត្ត ឱ្យប្រើប្រាស់អានុភាពនៃការនិទានរឿង

ខេត្តកំពត ថ្ងៃ​ទី​៣ ខែ​វិច្ឆិកា ឆ្នាំ​២០១៦ មហោស្រពអ្នកនិពន្ធ​និងអ្នកអាន ប្រចាំខេត្តកំពត លើកទី២ បានចាប់ផ្តើម កាលពីយប់ថ្ងៃព្រហស្បតិ៍​។ កម្មវិធីនេះ​មានចំនួនប្រាំថ្ងៃ ដែលរួមមានការ​ប្រកួត​កំណាព្យ សិក្ខាសាលាអំពី​អក្សរសិល្ប ការអានសៀវភៅ និងការសម្តែងតន្រ្តី។ ស្ថានទូតសហរដ្ឋអាមេរិកគឺជាអ្នកឧបត្ថម្ភធំមួយក្នុងកម្មវិធីនេះ ដោយគាំទ្រការចូលរួមរបស់អ្នកនិពន្ធនិងសិល្បករអាមេរិកជាច្រើន។ លោកឯកអគ្គរដ្ឋទូត Heidt បានថ្លែងនៅក្នុងពិធីបើក ដែល​ធ្វើឡើង​នៅមជ្ឈមណ្ឌល​ហ្វឹកហ្វឺនតូរ្យតន្ត្រីបូរាណខ្មែរ សម្រាប់កុមារ​កំព្រា និង​ពិការ ខេត្តកំពត។ លោកឯកអគ្គរដ្ឋទូតបានលើកទឹកចិត្តឱ្យយុវជនកម្ពុជា ប្រើប្រាស់មហោស្រព ជាការបំផុសគំនិតមួយ ដើម្បីអោយ​ពួកគេ​ប្រាប់ពីរឿងរ៉ាវរបស់ពួកគេ។ លោកបានមានប្រសាសន៍ថា “ទំរង់នៃ​ការ​បញ្ចេញមតិ មិនសំខាន់នោះទេ វាអាចមានទំហំធំដូចសៀវភៅមួយក្បាល និងតូច ដូចជាការសរសេរនៅក្នុងហ្វេសប៊ុក” ។ អ្វីដែលសំខាន់នោះ គឺធ្វើឱ្យសម្លេងរបស់អ្នកបានត្រូវបាន​គេឮ តាមរបៀបណាមួយដែលល្អបំផុតសម្រាប់អ្នក” ។

អាន​បន្ថែម»

កងកំលាំងទ័ពអាមេរិកនិងកងកំលាំងទ័ពកម្ពុជារួមគ្នាធ្វើសមយុទ្ធ CARAT នៅកម្ពុជាសំរាប់ឆ្នាំ ២០១៦

ចេញ​ថ្ងៃ​ទី​៣១ ខែ​តុលា ឆ្នាំ​២០១៦ ទាហានជើងទឹកអាមេរិក និងទាហានជើងទឹកកម្ពុជាបានចាប់ផ្តើមសមយុទ្ធប្រចាំឆ្នាំលើកទី ៧ ដែល មានឈ្មោះថា ការហ្វឹកហ្វឺននិងភាពត្រៀមជាស្រេចសំរាប់សហប្រតិបត្តិការលើផ្ទៃទឹក (Cooperation Afloat Readiness and Training ឬ CARAT) នៅកម្ពុជា ដោយមានពិធីបើកបានប្រព្រឹត្តទៅនៅមូលដ្ឋានជើងទឹករាមនៅថ្ងៃទី ៣១ តុលា។ ដោយត្រូវបានធ្វើជាបន្តបន្ទាប់ តាំងពីឆ្នាំ ២០១០ មក សមយុទ្ធ CARAT នៅកម្ពុជាគឺជាសមយុទ្ធហ្វឹកហ្វឺនទ្វេភាគីមួយ ដើម្បីបង្កើនកិច្ចសហប្រតិបត្តិការ និងលើកកំពស់សន្តិសុខលំហសមុទ្រ រវាងកងទ័ពជើងទឹកនៃសហរដ្ឋអាមេរិក និងកងទ័ពជើងទឹកនៃប្រទេសកម្ពុជា។ លោកវរសេនីយឯក Erich Diehl មេបញ្ជាការប្រចាំនៅបញ្ជាការដ្ឋានសំរាប់តំបន់ប៉ាស៊ីហ្វិកនៃកងទ័ពជើងទឹកនៅបរទេសរបស់សហរដ្ឋអាមេរិក បានមានប្រសាសន៍ថា “កងទ័ពជើងទឹករបស់យើងចូលរួមនៅ ក្នុងសមយុទ្ធ CARAT ដោយមានគោលដៅរួមដើម្បីបង្កើនភាពត្រៀមជាស្រេច និងអន្តរប្រតិបត្តិការ។ សមយុទ្ធ CARAT ផ្តល់ឱកាសពិសេសមួយសំរាប់ធ្វើការនិងរៀនពីកងទ័ពជើងទឹកកម្ពុជា ហើយបង្កើនសមត្ថភាពស្នូលរបស់យើងក្នុងការបំពេញបេសកកម្មនៅក្រៅប្រទេស។ យើងទទួលផលប្រយោជន៍ទៅវិញទៅមក ហើយធានាបាននូវសមត្ថភាពរួមដ៏ខ្លាំងមួយក្នុងការប្រើសមត្ថភាពផ្នែកកងទ័ពជើងទឹករបស់យើងអោយមានប្រសិទ្ធភាព   បំផុត”។ នៅក្នុងសប្តាហ៍ទាំងមូល ក្រុមទាហ៊ានជាងក្នុងកងទ័ពជើងទឹកសហរដ្ឋអាមេរិកដែលមកពីកងវរសេនាតូចចល័តផ្នែកសំណង់របស់កងទ័ពជើងទឹកអាមេរិកលេខ ៥ (NMCB) នាវឹកមកពីអង្គភាពចល័តលេខ ៥ ផ្នែកកំចាត់យុទ្ធភណ្ឌផ្ទុះ …

អាន​បន្ថែម»

សិស្ស​ប្រលង​ជាប់​និទ្ទេស A ទទូល​បាន​ការណែនាំអំពី​ការ​សិក្សា ពី​អ្នកជំនាញ នៅ​ក្នុង​ពិធី​ពិពណ៌​ EducationUSA

ស្ថានទូត​អាមេរិក ភ្នំពេញ ថ្ងៃ​ទី​៣០ ខែ​តុលា ឆ្នាំ​២០១៦ យុវជនកម្ពុជាជាង២៥០នាក់ ដែលបានទទួល និទ្ទេស A ក្នុងការប្រលងមធ្យមសិក្សាទុទិយភូមិ ឆ្នាំ​២០១៦ បានធ្វើទស្សនកិច្ចនៅស្ថានទូតអាមេរិក កាលពីថ្ងៃអាទិត្យ សម្រាប់ព្រឹត្តិការណ៍ពិសេសមួយ ដើម្បីលើកកម្ពស់ ការសិក្សានៅសហរដ្ឋអាមេរិក។ សិស្សានុសិស្សបានចូលរួមក្នុងពិព័រណ៍ EducationUSA ជាលើកតំបូង សម្រាប់សិស្ស និទ្ទេស A ដែលរៀបចំដោយមជ្ឈមណ្ឌលផ្តល់ប្រឹក្សា EducationUSA នៅកម្ពុជា។ លោកឯកអគ្គរដ្ឋទូត Heidt បានមានប្រសាសន៍ថា “ក្នុងពេលអ្នកខិតខំដើម្បីសំរេចបានតាមការស្រម៉ៃចង់បានរបស់អ្នក អ្នកទាំងអស់គ្នាមានការទទួលខុសត្រូវក្នុងការជួយអភិវឌ្ឍ និងធ្វើអោយប្រទេសកម្ពុជាមានភាព សំបូរសប្បាយ។ ស្ថានទូតអាមេរិកមានមោទនភាពចំពោះអ្នកទាំងអស់គ្នា ហើយសូមជូនពរអោយអ្នកទទួលបានជោគជ័យជាច្រើន។” លោកឯកអគ្គរដ្ឋទូត Heidt បានចូលរួមដោយ​ភ្ញៀវកិត្តិយសផ្សេង​ទៀត រួមមាន ឯកឧត្តមឡាវ ឈីវអៀវ អនុរដ្ឋលេខាធិការ លោកស្រីម៉ៅកូលាប ទីប្រឹក្សា មជ្ឈមណ្ឌល EducationUSA លោកសន វិសិដ្ឋ និស្សិត​ដែល​ទទួលបាន​អាហារូបករណ៍ Fulbright និង​លោក Allen Tan នាយកអង្គការ STEM កម្ពុជា។ …

អាន​បន្ថែម»

ពិព័រណ៍អាហារ និងភេស្ជៈអន្តរជាតិប្រចាំឆ្នាំ CAMFOOD ១៦

មជ្ឈមណ្ឌលកោះពេជ្យ ថ្ងៃ​ទី២១ ខែកក្កដា ឆ្នាំ​២០១៦ ក្នុងពេលដ៏ខ្លីខាងមុខនេះ អតិថិជននៅកម្ពុជានឹងឃើញមានស្បៀងអាហារមកពីសហរដ្ឋអាមេរិកកាន់តែច្រើនឡើងត្រូវបានដាក់លក់នៅតាមហាង ដែលរួមមានទាំងមាន់ទោក្លាសេទាំងមូល ផ្លែព័រដែលមានទឹកច្រើន និងស្រាមកពី California ដែលធ្លាប់បានទទួលរង្វាន់។ អាហារទាំងនេះ និងអាហារច្រើនទៀតត្រូវបានដាក់តាំងបង្ហាញ កាលពីថ្ងៃ​ទី២១ ខែកក្កដា នៅតង់ USA កាលពីសប្តាហ៍មុន ក្នុងពិព័រណ៍អាហារ និងភេស្ជៈអន្តរជាតិប្រចាំឆ្នាំ CAMFOOD ១៦។ ពិព័រណ៌នេះមានការចូលរួមរបស់ហាងលក់គ្រឿងទេស ភោជនីយដ្ឋាន សណ្ឋាគារនៅកម្ពុជា និងក្រុមហ៊ុនដទៃទៀតដែលចង់ធ្វើការនាំចូលផលិតផលស្បៀងអាហារថ្មីៗ។ លោកឯកអគ្គរដ្ឋទូត Heidt បានចូលមើលពិព័រណ៌នោះ ដើម្បីជួបជាមួយក្រុមអ្នកធ្វើការផ្គត់ផ្គង់ ហើយភ្លក់អាហារខ្លះ ដែលរួមមានផងដែរនូវផ្លែប៉ោមស្រស់ ទំពាំងបាយជូក្រៀម សណ្តែកក្រៀម និងសណ្តែកកំប៉ុង Granola និង Tortilla Chips ។

អាន​បន្ថែម»

សមាជិក LMI និង FLM ពិភាក្សាពីការសហការលើអាទិភាពសម្រាប់ការអភិវឌ្ឍន៍

សណ្ឋាគារសុខា ភ្នំពេញ ថ្ងៃទី១៩ ខែតុលា ឆ្នាំ២០១៦ កិច្ចផ្តួចផ្តើមមេគង្គក្រោម (LMI) បានចាប់ផ្តើមការប្រជុំក្រុមការងារតំបន់ រយៈពេល២ថ្ងៃ នៅភ្នំពេញ ការពីព្រឹកថ្ងៃពុជ ដើម្បីពិភាក្សាអំពីវិធី ក្នុងបង្កើនការសហការគ្នា លើផ្នែកអភិវឌ្ឍន៍បរិស្ថាន សុខភាព អប់រំ និងហេដ្ឋារចនាសម្ព័ន្ធ។ LMI គឺជាភាពជាដៃគូពហុជាតិ រវាងសហរដ្ឋអាមេរិក និងប្រទេសកម្ពុជា ភូមា ឡាវ ថៃ និងវៀតណាម ក្នុងគោលបំណងលើកតំកើងកំណើនសេដ្ឋកិច្ចដែលមានស្វ័យទ្រទ្រង់ នៅតំបន់មេគង្គក្រោម។ ភាពជាដៃគូ LMI បានជួយដល់ការបង្កើនសមត្ថភាពរបស់ប្រទេសកម្ពុជាក្នុងដោះស្រាយបញ្ហាគ្រប់គ្រងទឹក គាំទ្រដល់សហគ្រិនភាព និងជួយដោះស្រាយបញ្ហាសុខភាពឆ្លងប្រទេស។ លោកឯកអគ្គរដ្ឋទូត Heidt បានថ្លែងថា “LMI បានបង្កើតឡើងនៅឆ្នាំ២០០៩ ដើម្បីជួយប្រទេស នៅតំបន់មេគង្គក្រោម ដោះស្រាយការប្រឈមនឹងការអភិវឌ្ឍន៍ស្មុគស្មាញមួយចំនួន តាមរយៈពហុភាគី។” លោកបានមានប្រសាសន៍ថែមទៀតថា “ការតាំងចិត្តរបស់សហរដ្ឋអាមេរិក ចំពោះកម្មវិធី LMI ជាផ្នែកមួយដ៏សំខាន់ នៃការ​ធ្វើ​ឲ្យ​មាន​តុល្យភាពអំណាច​ឡើង​វិញ នៅអាសីុ និងការគាំទ្ររបស់យើង ដើម្បីអាស៊ានដ៏មាំមួន។” LMI គាំទ្រដល់ការអភិវឌ្ឍន៍ទៅលើសរសរទ្រូងចំនួន៦ គឺកសិកម្ម/សន្តិសុខស្បៀង ការផ្សារភ្ជាប់ ការអប់រំ …

អាន​បន្ថែម»

គំរោងរោងចក្រកាន់តែប្រសើរនៅកម្ពុជា (BFC) គំរប់ខួប១៥ឆ្នាំ ដោយរៀបចំសន្និសីទមួយ នៅភ្នំពេញ

សណ្ឋាគារ Sofitel ភ្នំពេញ ថ្ងៃទី១៨ ខែតុលា ឆ្នាំ២០១៦ គំរោងរោងចក្រកាន់តែប្រសើរ បានអបអរដល់ខួបទី១៥ ដោយមានកម្មវិធីពិសេស ដែលមានការចូលរួមដោយលោកឯកឧត្តម អ៊ិតសំហេង ព្រមទាំងភ្ញៀវកិត្តិយសដទៃទៀត។ BFC គឺជាកម្មវិធីរបស់អង្គការពលកម្មពិភពលោក ដែលគាំទ្រដល់វិស័យឧស្សាហកម្មកាត់ដេររបស់កម្ពុជា តាមរយៈការត្រួតពិនិត្យ ហ្វឹកហាត និងការលើកស្ទួយ។ BFC បានបង្កើតឡើង នៅឆ្នាំ២០០១ ដែលវាជាលទ្ធផលបានមកពីកិច្ចព្រមព្រៀងពាណិជ្ជកម្ម រវាងកម្ពុជា និងសហរដ្ឋអាមេរិក ដែលកិច្ចព្រមព្រៀងពាណិជ្ជកម្មរវាងកម្ពុជា និងសហរដ្ឋអាមេរិក ដែលកិច្ចព្រមព្រៀងនេះ បានផ្តល់អោយកម្ពុជាចូលទៅទីផ្សារអាមេរិក ជាការផ្លាស់ប្តូរនឹងការអោយមានលក្ខខណ្ឌការងារល្អ នៅក្នុងរោងចក្រ។ លោកឯកអគ្គរដ្ឋទូត Heidt បាននិយាយថាលទ្ធផលនៃការងាររបស់ BFC អាចអោយគេមើលឃើញ តាមរយៈកំលាំងនៃវិស័យកាត់ដេរ នៅកម្ពុជា ដែលមានរោងចក្ររហូតដល់ ៧០០ មានកម្មករ ៧០០ ០០០ នាក់ និង $៦រយកោដិ នៃតំលៃនាំចេញប្រចាំឆ្នាំ។ លោកឯកអគ្គរដ្ឋទូតបានមានប្រសាសន៍ថា “ខ្ញំុគិតថា យើងមិនអាចមកដល់ទីនេះទេ បើគ្មាន BFC នោះ” ។

អាន​បន្ថែម»

នាវា USS Germantown មកដល់ប្រទេសកម្ពុជា

ចេញ​ថ្ងៃ​ទី​១៧ ខែ​តុលា ឆ្នាំ​២០១៦ នាវា​បុក​ច្រាំង ថ្នាក់ Whidbey Island ដែល​មាន​ឈ្មោះថា USS Germantown (LSD-42) បាន​មក​ដល់​ទីក្រុង​ព្រះសីហនុ នៃប្រទេស​កម្ពុជា ក្នុង​ដំណើរ​ទស្សនកិច្ច​តាម​កាល​កំណត់មួយ នៅថ្ងៃទី ១៦ ខែតុលា។ នាវា Germantown និងកងវរសេនាតូចភស្តុភាប្រយុទ្ធនៃអង្គភាពទី ៣១ ក្នុងអង្គភាពទ័ពម៉ារីនដែលបំពេញបេសកកម្មនៅក្រៅប្រទេស (MEU) បានមកដល់ទីក្រុងព្រះសីហនុ បន្ទាប់ពីបានបញ្ចប់សមយុទ្ធបុកច្រាំង លេខ ៣៣ នៅសាធារណរដ្ឋហ្វីលីពីន។ លោក Severn Stevens Severn Stevens មេបញ្ជាការលើនាវា Germantown បានមានប្រសាសន៍ថា “ដោយបន្តទៅមុខជាមួយនឹងប្រក្រតីទិននៃប្រតិបត្តិការដ៏មមាញឹករបស់យើង និងការបង្ហើយសមយុទ្ធចុងក្រោយនេះរបស់យើង យើងរីករាយនឹងឱកាសមកធ្វើទស្សនកិច្ចនៅប្រទេសកម្ពុជា។ នាវាចំបាំងមកប្រទេស កម្ពុជាមិនសូវញឹកញាប់ទេ ដូច្នេះយើងចង់ធ្វើអោយវត្តមានរបស់យើងនៅទីនេះផ្តល់ប្រយោជន៍ច្រើនបំផុត ដោយយើងធ្វើការជាមួយភាគីរបស់យើងខាងកងទ័ពជើងទឹកកម្ពុជា ហើយស្វែងយល់ពីវប្បធម៌ដ៏សំបូរបែបនៃប្រទេសកម្ពុជា”។ នៅ​ក្នុង​ពេល​គេ​ស្នាក់​នៅ​ក្នុង​ប្រទេស​កម្ពុជា នាវឹក​និង​ទាហាន​ម៉ារីន​អាមេរិក​នឹង​ធ្វើការ​ស្វែង​យល់​ពី​អតីតកាល​និង​បច្ចុប្បន្នភាព​នៃ​ប្រទេស​កម្ពុជា តាមរយៈ​ដំណើរ​ស្វែង​យល់​ពី​ប្រវត្តិសាស្រ្ត និង​វប្បធម៌ ដែល​រៀបចំ​ទទួល​ដោយ​ផ្នែក​ទទួល​បន្ទុក​ខាង​ស្មារតី សុខមាលភាព និង​ការ​កំសាន្ត​។ វរសេនីយ​ឯក Siebrand H. Niewenhous IV មេ​បញ្ជាការ​នៃ​កងវរសេនា​តូច​ភស្តុភា​ប្រយុទ្ធ​លេខ ៣១ …

អាន​បន្ថែម»

កម្មវិធី​ទិដ្ឋាការ​ឆ្នោត DV

ចេញ​ថ្ងៃ​ទី​១៣ ខែ​តុលា ឆ្នាំ​២០១៦ ការិយាល័យ​កុងស៊ុល​នៃ​ស្ថានទូត​អាមេរិក​នឹង​បង្កើត​ជា​វេទិកា​ផ្តល់​ព័ត៌មាន​ចំនួន​ពីរ​លើក​សម្រាប់​សាធារណជន​ស្តីពី​កម្មវិធី​ទិដ្ឋាការ​ឆ្នោត DV ។ វេទិកា​ទាំង​នេះ​នឹង​ធ្វើ​ឡើង​នៅ​ថ្ងៃ​ទី​២១ ខែ​តុលា ឆ្នាំ​២០១៦ ចាប់​ពី​វេលា​ម៉ោង ​៣ រសៀល ដល់ ៥ រសៀល និង​នៅ​ថ្ងៃ​ទី​៤ ខែ​វិច្ឆិកា ឆ្នាំ​២០១៦ វេលា​ម៉ោង ៣ រសៀល ដល់ ៥ រសៀល នៅ​ស្ថានទូត​អាមេរិក​។ ប្រសិន​លោក​អ្នក​មាន​ចំណាប់​អារម្មណ៍​ចូលរួម អ្នក​ត្រូវ​ធ្វើការ​ចុះ​ឈ្មោះ​ទៅ​កាន់​អ៊ីម៉ែល DVPhnomPenh@state.gov ។ កន្លែង​មាន​កំណត់ ហើយ​ការ​ចុះ​ឈ្មោះ​នឹង​ត្រូវ​ទទួល​យក​ទៅ​តាម​លេខ​រៀង​ចុះ​ឈ្មោះ​។ អ្នក​ចូលរួម​ត្រូវតែ​ភ្ជាប់​មក​ជាមួយ​នូវ​រូបថត​ដែល​មាន​បញ្ជាក់​អត្តសញ្ញាណ ដើម្បី​អាច​ចូលរួម​ក្នុង​វេទិកា​ផ្តល់​ព័ត៌មាន​នេះ​។ រដូវកាល​ចុះ​ឈ្មោះ​កម្មវិធី​ឆ្នោត DV ឆ្នាំ​២០១៨ ចាប់​បើក​ទទួល​ពាក្យ​ពី​វេលា​ថ្ងៃ​ត្រង់ Eastern Daylight Time (EDT) (GMT-4), ថ្ងៃ​អង្គារ ទី​៤ ខែ​តុលា ឆ្នាំ​២០១៦ រហូត​ដល់​វេលា​ថ្ងៃ​ត្រង់ Eastern Standard Time (EST) (GMT-5) ថ្ងៃ​ច័ន្ទ ទី​៧ ខែ​វិច្ឆិកា ឆ្នាំ​២០១៦​។ …

អាន​បន្ថែម»

យុវជនមកពីប្រទេសកម្ពុជា ភូមា ឡាវ ថៃ និងវៀតណាមមកចូលរួមក្នុងសិក្ខាសាលា TechCamp H2.0

ចេញ​ថ្ងៃទី​២៤ ខែ​តុលា ឆ្នាំ​២០១៦ សមាជិកចំនួន ៥០ នាក់នៃគំរោងសំខាន់ស្តីពីគំនិតផ្តួចផ្តើមនៃមេដឹកនាំយុវជនវ័យក្មេងនៅអាស៊ីអាគ្នេយ៍ (YSEALI) របស់លោកប្រធានាធិបតី Obama សំរាប់អោយយុវជនធ្វើការបង្កើតជាបណ្តាញជាមួយគ្នា និងធ្វើការអភិវឌ្ឍភាពជាអ្នកដឹកនាំ នៅក្នុងតំបន់ បានបញ្ចប់ក្នុងពេលថ្មីៗនេះ នូវសិក្ខាសាលាមានចំណងជើងថា “TechCamp Cambodia H2.០៖ ទ្រទ្រង់ផ្លូវទឹកល្អ នៅតំបន់មេគង្គក្រោម” ដែលមានរយៈពេល ២ ថ្ងៃ ដោយអ្នកចូលរួមបានសិក្សាពីវិធីទាញយកបច្ចេកវិទ្យាមកប្រើ ដើម្បីបង្កើតដំណោះស្រាយសំរាប់បញ្ហាប្រឈមរួមផ្នែកទឹក។ សិក្ខាសាលានេះបានប្រព្រឹត្តទៅនៅថ្ងៃទី ២៤ និងទី ២៥ ខែកញ្ញា នៅ Raintree Cambodia ដែលជាកន្លែងធ្វើការមានគំនិតច្នៃប្រឌិត នៅភ្នំពេញ។ ស្ថានទូតអាមេរិកបានធ្វើជាដៃគូជាមួយមជ្ឈមណ្ឌលខេមរសិក្សា (CKS) ដើម្បីរៀបចំ និងដំណើរការ TechCamp នេះ។ ក្រៅពីសមាជិកចំនួន ៥០ នាក់នៃគំរោង (YSEALI) ដែលជាតំណាងមកពីប្រទេសកម្ពុជា ភូមា ឡាវ ថៃ និងវៀតណាម មានអ្នកជំនាញផ្នែកបច្ចេកវិទ្យាក្នុងស្រុក និងអន្តរជាតិចំនួន ២០ នាក់ ដែលមកពីសហរដ្ឋអាមេរិក ប្រទេសឥណ្ឌា …

អាន​បន្ថែម»