ដើម្បីជួយនិស្សិតកម្ពុជានៅក្នុងការស្វែងរកឱកាសសិក្សានៅសហរដ្ឋអាមេរិក ការិយាល័យកិច្ចការសាធារណៈនៃស្ថានទូតអាមេរិក បានបង្កើតអោយមាន មជ្ឈមណ្ឌលផ្ដល់ការប្រឹក្សា ដែលស្ថិតនៅក្នុងសកលវិទ្យាល័យបញ្ញាសាស្ត្រនៃកម្ពុជា។
មណ្ឌលនេះមានឯកសារណែនាំស្ដីពីការសិក្សា ដែលបានមកពីស្ថាប័នសិក្សា និងសកលវិទ្យាល័យនានា នៅសហរដ្ឋអាមេរិក រួមទាំងសៀវភៅ ស៊ីឌី និងធនធានផ្សេងៗទៀត ក្នុងការជួយអោយលោកអ្នក ត្រៀមក្នុងការប្រលងភាសាអង់គ្លេសជាភាសាបរទេស TOEFL ការប្រលង SAT ការប្រលង GRE និង GMAT ។
សិស្សនិស្សិតក៏អាចចូលមកប្រើប្រាស់អ៊ីនធើនែត ដើម្បីស្រាវជ្រាវរកពត៌មាន អំពីសកលវិទ្យាល័យ និងមហាវិទ្យាល័យ នៅសហរដ្ឋអាមេរិក និងពត៌មានអំពីការប្រលង ព្រមទាំងប្រធានបទផ្សេងៗទៀតដែលប្អូនៗមានការចាប់អារម្មណ៍។
លើសពីនេះទៅទៀត ប្អូនៗក៏អាចសាកសួរអំពីអាហារូបករណ៍ ដែលផ្តល់ដោយរដ្ឋាភិបាលអាមេរិក ដោយសកលវិទ្យាល័យ និងដោយមូលនិធិឯកជនផងដែរ។
ប្រសិនបើសិស្សនិស្សិតចង់ណាត់ជួបជាមួយអ្នកផ្តល់ប្រឹក្សាដោយផ្ទាល់ សូមទាក់ទងមក៖
មជ្ឈមណ្ឌល AmCam Exchange
ផ្សារទំនើប Exchange Square – ជាន់ទី ១; អាគារលេខ ១៩ & ២០ ផ្លូវ១០៦ រាជធានីភ្នំពេញ
ទូរស័ព្ទៈ +៨៥៥ ១០ ៥០ ២១ ២១
អ៊ីមែលៈ PhnomPenh@educationusa.org
ម៉ោងធ្វើការ:
ថ្ងៃច័ន្ទ – ថ្ងៃសុក្រ ៩:០០ ព្រឹក ដល់ ៧:០០ ល្ងាច
ថ្ងៃសៅរ៍ – ថ្ងៃអាទិត្យ ៩:០០ ព្រឹក ដល់ ៥:០០ ល្ងាច
សកលវិទ្យាល័យបញ្ញាសាស្រ្ដកម្ពុជា, សៀមរាប
ផ្លូវលេខ ២៧ ភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប
ទូរស័ព្ទ: +៨៥៥ ១២ ៥៥ ៩៦ ០៧
អ៊ីមែល: siemreap.puc@educationusa.org
ម៉ោងធ្វើការ: ថ្ងៃច័ន្ទ – ថ្ងៃសុក្រ ៨:0០ - ១១:០០ ព្រឹក ដល់ ២:០០ – ៥:០០ នាទីល្ងាច
