ការិយាល័យសន្តិសុខការទូតទទួលខុសត្រូវ ក្នុងការធានាអោយមានបរិយាកាសប្រកប ដោយសនិ្តសុខនិងសុវតិ្ថភាព សំរាប់ធ្វើការងារការទូតរបស់អាមេរិក ។ ភ្នាក់ងារពិសេសផ្នែកសេវាសន្តិសុខការទូត (DSS) ដែលត្រូវបានបញ្ជូន ទៅកាន់ស្ថានបេសកកម្មការទូតសហរដ្ឋអាមេរិកនៅបរទេស ក្នុងនាមជាមន្រី្តសនិ្តសុខប្រចាំតំបន់ (RSO) គឺជាទីប្រឹក្សាផ្ទាល់ របស់ប្រធានបេសកកម្មការទូត លើបញ្ហាសនិ្តសុខទាំងអស់ ហើយសំរបសំរួលគ្រប់ផែ្នកទាំងអស់ នៃកម្មវិធីសនិ្តសុខរបស់បេសកកម្ម ។ RSO រៀបចំនិងអនុវត្តកម្មវិធីសន្តិសុខអោយមានប្រសិទិ្ធភាព ដើម្បីការពារនិយោជិករបស់យើងពីការវាយប្រហាររបស់ភេរវជន ឧក្រិដ្ឋជន និងការវាយប្រហារដោយប្រើបច្ចេកទេស ទាំងនៅកន្លែងធ្វើការ ទាំងនៅតាមលំនៅដ្ឋាន ។ RSO គឺជាអ្នកទំនាក់ទំនងសំខាន់ជាងគេជាមួយនគរបាលបរទេសនិងសេវាសនិ្តសុខនៅក្រៅប្រទេស ដើម្បីសុំការគាំទ្រដល់ការស៊ើបអង្កេតនិងសកម្មភាពផ្តួចផ្តើមរបស់សមត្ថកិច្ចអនុវត្តច្បាប់សហរដ្ឋអាមេរិក ។
ការិយាល័យសន្តិសុខប្រចាំតំបន់គ្រប់គ្រងកម្មវិធីការពារនៅក្រៅប្រទេសសំរាប់សនិ្តសុខការទូតដែលរួមមានឆ្មាំសនិ្តសុខ ទាហានម៉ារីន ឆ្មាំកំលាំងសនិ្តសុខនៅក្នុងស្រុក ឆ្មាំកំលាំងសន្តិសុខតាមលំនៅដ្ឋាន និងកម្មវិធីដទៃទៀតសំរាប់ការពារស្ថានបេសកកម្មរបស់សហរដ្ឋអាមេរិក ។ លើសពីនេះទៀត RSO ធ្វើការជិតស្និទ្ធ ជាមួយសមត្ថកិច្ចអនុវត្តច្បាប់នានាក្នុងស្រុក តាមរដ្ឋនិងក្នុងសហព័ន្ធ ក្នុងសហរដ្ឋអាមេរិកលើការស៊ើបអង្កេត ដែលមានតំរុយឬការពាក់ព័ន្ធនឹងប្រទេសកម្ពុជា ។
ការិយាល័យសនិ្តសុខប្រចាំតំបន់ធ្វើការជិតស្និទ្ធជាមួយសមត្ថកិច្ចពង្រឹងច្បាប់និងសនិ្តសុខរបស់រដ្ឋាភិបាលកម្ពុជា ដើម្បីសំរេចបេសកកម្មរួមគ្នារបស់យើង ។
RSOថែមទាំងផ្តល់ពត៌មានទាក់ទងនឹងរឿងសនិ្តសុខដល់បុគ្គលិកថី្មៗ ក្រុមហ៊ុន អង្គការអន្តរជាតិ និងស្ថានបេសកកម្មជាមិត្តនានា ។
