ការិយាល័យកុងស៊ុលនៃស្ថានទូតអាមេរិកនឹងបង្កើតជាវេទិកាផ្តល់ព័ត៌មានចំនួនពីរលើកសម្រាប់សាធារណជនស្តីពីកម្មវិធីទិដ្ឋាការឆ្នោត DV ។ វេទិកាទាំងនេះនឹងធ្វើឡើងនៅថ្ងៃទី២១ ខែតុលា ឆ្នាំ២០១៦ ចាប់ពីវេលាម៉ោង ៣ រសៀល ដល់ ៥ រសៀល និងនៅថ្ងៃទី៤ ខែវិច្ឆិកា ឆ្នាំ២០១៦ វេលាម៉ោង ៣ រសៀល ដល់ ៥ រសៀល នៅស្ថានទូតអាមេរិក។ ប្រសិនលោកអ្នកមានចំណាប់អារម្មណ៍ចូលរួម អ្នកត្រូវធ្វើការចុះឈ្មោះទៅកាន់អ៊ីម៉ែល DVPhnomPenh@state.gov ។ កន្លែងមានកំណត់ ហើយការចុះឈ្មោះនឹងត្រូវទទួលយកទៅតាមលេខរៀងចុះឈ្មោះ។ អ្នកចូលរួមត្រូវតែភ្ជាប់មកជាមួយនូវរូបថតដែលមានបញ្ជាក់អត្តសញ្ញាណ ដើម្បីអាចចូលរួមក្នុងវេទិកាផ្តល់ព័ត៌មាននេះ។
រដូវកាលចុះឈ្មោះកម្មវិធីឆ្នោត DV ឆ្នាំ២០១៨ ចាប់បើកទទួលពាក្យពីវេលាថ្ងៃត្រង់ Eastern Daylight Time (EDT) (GMT-4), ថ្ងៃអង្គារ ទី៤ ខែតុលា ឆ្នាំ២០១៦ រហូតដល់វេលាថ្ងៃត្រង់ Eastern Standard Time (EST) (GMT-5) ថ្ងៃច័ន្ទ ទី៧ ខែវិច្ឆិកា ឆ្នាំ២០១៦។ សម្រាប់សេចក្តីណែនាំលើការដាក់ពាក្យ សូមចុចត្រង់នេះ។
