ក្រុមប្រឹក្សាយុវជនឯកអគ្គរដ្ឋទូត (AYC) ត្រូវបានបង្កើតឡើង នៅខែតុលា ឆ្នាំ២០១២ ដើម្បីជ្រោមជ្រែង ដល់អ្នកដឹកនាំវ័យក្មេង នៅក្នុងប្រទេសកម្ពុជា ធ្វើការទំនាក់ទំនងជាមួយយុវជនយុវនារី លើប្រធានបទ ដែលពួកគេចាប់អារម្មណ៍ និងដើម្បីទទួលបានគំនិតរបស់ពួកគេ អំពីកម្មវិធីរបស់ស្ថានទូតអាមេរិក និងគោលនយោបាយសហរដ្ឋអាមេរិក នៅកម្ពុជា។
ក្រុមប្រឹក្សាយុវជនឯកអគ្គរដ្ឋទូត ជួបជាមួយលោកឯកអគ្គរដ្ឋទូតជារៀងរាល់ខែ ដើម្បីពិភាក្សាលើប្រធានបទ ដែលទាក់ទងនឹងយុវជន និងសង្គមទាំងមូល។ ក្រៅពីប្រឹក្សាជាមួយលោកឯកអគ្គរដ្ឋទូត សមាជិក AYC ក៏មានរៀបចំកម្មវិធី និងសកម្មភាពផ្សេងៗ ក្នុងគោលបំណងលើកកំពស់ការយល់ដឹង អំពីបញ្ហាសង្គម និងដើម្បីអភិវឌ្ឍសមត្ថភាព របស់ប្រជាជនវ័យក្មេង និងដើម្បីជួយអោយគេក្លាយទៅជាអ្នកដឹកនាំ។
ក្រុមប្រឹក្សាយុវជនឯកអគ្គរដ្ឋទូត គឺជាផ្នែកមួយនៃគំនិតផ្តួចផ្តើម ជាសកល ក្នុងស្ថានទូតអាមេរិកនានា នៅលើពិភពលោក ដោយបច្ចុប្បន្នមានក្រុមប្រឹក្សាយុវជនឯកអគ្គរដ្ឋទូត ចំនួន៦៥ ដែលនេះជាការលើកទឹកចិត្តយុវជនយុវនារី អោយសហការគ្នា ដើម្បីបង្កើតការផ្លាស់ប្តូរល្អ ដល់សង្គមរបស់ពួកគេ។
