សហរដ្ឋអាមេរិកបានបង្កើតទំនាក់ទំនងការទូត ដោយផ្ទាល់របស់ខ្លួនជាលើកតំបូង ជាមួយប្រទេសកម្ពុជា នៅថ្ងៃទី២៩ ខែមិថុនា ឆ្នាំ១៩៥០ ដោយបានតែងតាំងលោក Donald R. Heath អោយធ្វើជាតំណាងវិសាមញ្ញ និងពេញសមត្ថភាព។ លោក Heath បានថ្វាយសារតាំងទៅព្រះករុណាសម្តេចព្រះបាទនរោត្តមសីហនុ នៅថ្ងៃទី១១ ខែកក្កដា ឆ្នាំ១៩៥០។
ការិយាល័យតំណាងសហរដ្ឋអាមេរិក បានបើកនៅភ្នំពេញ នៅថ្ងៃទី១៤ ខែវិច្ឆិកា។ សណ្ឋាគារឡឺរ៉ូយ៉ាល់ ដែលមានឈ្មោះល្បី គឺជាកន្លែងធ្វើការតំបូង របស់ស្ថានទូតអាមេរិក រហូតដល់ការិយាល័យអគ្គរដ្ឋទូតមួយ និងបណ្ណាល័យផ្តល់សេវាពត៌មានសហរដ្ឋអាមេរិកមួយ ត្រូវបានបង្កើតឡើង នៅកន្លែងថ្មីមួយ។
ការិយាល័យតំណាងទូត ត្រូវបានដំឡើងអោយទៅជាស្ថានឯកអគ្គរដ្ឋទូត នៅថ្ងៃទី២៥ ខែមិថុនា ឆ្នាំ១០៥២ ដោយនៅពេលនោះ លោក Heath បានក្លាយទៅជាឯកអគ្គរដ្ឋទូតសហរដ្ឋអាមេរិក តំបូងគេប្រចាំនៅប្រទេសកម្ពុជា។
សូមទាញយកសៀវភៅទំនាក់ទំនងសហរដ្ឋអាមេរិក និងកម្ពុជា (PDF: ៩ MB) ដើម្បីអានបន្ថែម។
