និស្សិត​កម្ពុជា​៦រូប ទទួល​បាន​អាហារូបករណ៍ Fulbright ដើម្បីទៅ​សិក្សានៅ​សហរដ្ឋ​អាមេរិក

និស្សិតឆ្នើមកម្ពុជា ចំនួន​៦​រូប នឹង​ចាប់ផ្តើម​ការ​សិក្សា​ថ្នាក់​ក្រោយ​ឧត្តម​ នៅ​សហរដ្ឋ​អាមេរិក ដោយ​ទទួល​បាន​អាហាររូបករណ៍ Fulbright ដែល​ជា​កម្មវិធី​ផ្លាស់ប្តូរ​ការ​សិក្សា​មួយ​ដ៏សំខាន់ របស់​ក្រសួង​ការបរទេសសហរដ្ឋ​អាមេរិក។

ធៀម សុធី​ដានៀត ដែលនឹងទៅ​សិក្សាថ្នាក់​អនុបណ្ឌិត ផ្នែក​សេដ្ឋកិច្ច បាន​ប្រាប់​អោយដឹងថា “ការ​ទទួល​បាន​អាហារូបករណ៍ Fulbright គឺ​ជាការ​ទទួល​បាន​​បទពិសោធន៍​ដែល​ផ្លាស់ប្តូរ​ជីវិត​សម្រាប់​ខ្ញុំ ហើយ​ខ្ញុំ​ទន្ទឹង​រង់ចាំ​នូវ​ការ​ទទួល​បាន​​ចំណេះដឹង​ថ្មី​ៗ​ ការ​ចូលរួម​ក្នុង​​វប្បធម៌​ផ្សេង​ៗជាច្រើន និង​ធ្វើ​ដំណើរ​ទៅ​កាន់​រដ្ឋ​នៅ​អាមេរិក អោយបាន​​ច្រើន​តាម​ដែល​អាច​ធ្វើ​បាន​”។

និស្សិត​​ទាំង​៦នាក់ រួមមាន៖

  1. ធៀម សុធី​ដានៀត ​នឹង​សិក្សាថ្នាក់​អនុបណ្ឌិត ផ្នែក​សេដ្ឋកិច្ច នៅ​សាកលវិទ្យាល័យ Wisconsin Milwaukee
  2. ឯក ពេជ្រមុនី នឹងសិក្សាថ្នាក់​បណ្ឌិត​ ផ្នែក​វិទ្យាសាស្ត្រ​ចំណី​អាហារ នៅសាកលវិទ្យាល័យ Washington State
  3. ងួនលឹម នឹងសិក្សា​ថ្នាក់អនុបណ្ឌិត ផ្នែក​រដ្ឋបាល​អាជីវកម្ម នៅសាកលវិទ្យាល័យ Fairleigh Dickinson
  4. ម៉ម ជូលីណា នឹងសិក្សាថ្នាក់អនុបណ្ឌិត ផ្នែកអប់រំអន្តរជាតិ នៅសកលវិទ្យាល័យ Lehigh
  5. ណែម សក្កណា នឹងសិក្សា​ថ្នាក់អនុបណ្ឌិត ផ្នែក​ច្បាប់ នៅសាកលវិទ្យាល័យ Georgetown
  6. ធា សុខឃៀង នឹងសិក្សាថ្នាក់អនុបណ្ឌិត ផ្នែកវិស្វកម្មស៊ីវិល នៅសកលវិទ្យាល័យ Purdue

ស្ថានទូត​អាមេរិក សូមអបអរសាទរ និងសូមអោយ​សំណាងល្អ!