សេចក្តី​ថ្លែងការណ៏​របស់​លោក John Kirby អ្នក​នាំ​ពាក្យ​ក្រសួង​ការបរទេស​សហរដ្ឋ​អាមេរិក អំពី​ការ​បាញ់​សំលាប់​អ្នក​វិភាគ​នយោបាយ លោក​បណ្ឌិត កែម ឡី

វ៉ាស៊ីនតោន ឌីស៊ី
ថ្ងៃទី​១០ ខែ​កក្កដា ឆ្នាំ​២០១៦
យើង​មាន​ការ​រន្ធត់​និង​បារម្មណ៏​យ៉ាង​ខ្លាំង​ចំពោះ​ព័ត៌មាន​ស្តីពី​ការ​បាញ់​សំលាប់​ដ៏​រន្ធត់​លើ​អ្នក​វិភាគ​នយោបាយ​ដ៏​សំខាន់​របស់​ប្រទេស​កម្ពុជា លោក​បណ្ឌិត កែម ឡី​។ យើង​សូម​ចូលរួម​រំលែក​មរណទុក្ខ​ដ៏​សែន​ក្រែមក្រំ​និង​ស្មោះស្ម័គ្រ ដល់​ក្រុម​គ្រួសារ មិត្ត ភ័ក្ត និង​សហការី របស់​លោក បណ្ឌិត កែមឡី​។យើង​កំពុង​តាមដាន​យ៉ាង​យក​ចិត្ត​ទុក​ដាក់​នៅ​ក្នុង​ករណី​នេះ និង​បាន​កត់សំគាល់ ផង​ដែរ​ពី​ការ​អំពាវនាវ​របស់​រាជរដ្ឋាភិបាល​កម្ពុជា​អោយ​មាន​ការ​ស៊ើប​អង្គេត និង​សូម​អំពាវនាវ​អោយ​អាជ្ញាធរ​ធ្វើ​ការ​ស៊ើប​អង្កេត​ក្នុង​ករណី​នេះ​ដោយ​ម៉ត់ចត់ និង​មិន​លំអៀង​។