នៅថ្ងៃទី២៤ ខែឧសភា ឆ្នាំ២០១៥ ទំព័រ Facebook របស់ស្ថានទូតអាមេរិកមានចំនួនអ្នក ចុច “Like” ឡើងដល់ចំនួន ៥០០ ០០០នាក់ ដែលមានស្ថានទូតអាមេរិកតែ ៦ ប៉ុណ្ណោះនៅលើពិភព លោកមានចំនួនតួលេខនេះ។ ដើម្បីអបអរការសំរេចបាននេះ និងដើម្បីសំដែងអំណរគុណរបស់ យើងចំពោះប្រជាជនកម្ពុជា ស្ថានទូតអាមេរិកនៅរាជធានីភ្នំពេញបានរៀបចំ Tuk-Tuk ពិសេសចំនួន ៤ សំរាប់អោយជិះដោយមិនយកថ្លៃរយៈពេល ៥ ថ្ងៃ ទៅគ្រប់ទីកន្លែងនៅក្នុងរង្វង់៥ គ.ម។ លោកអ្នកអាចសំគាល់ Tuk-Tuk ទាំងនេះ ដែលមានដាក់ផ្លាកសញ្ញាពិសេស #USA500K ។
លោកឯកអគ្គរដ្ឋទូតសហរដ្ឋអាមេរិក William E. Todd បានបើកជាផ្លូវការនូវយុទ្ធនាការ Tuk-Tuk តាមរយៈ YouTube ។ Tuk-Tuk ទាំង ៤ នឹងបើកនៅទូទាំងរាជធានីភ្នំពេញ ពីម៉ោង ១២ ដល់ម៉ោង ៥ រសៀលជារៀងរាល់ថ្ងៃ ដែលចេញដំណើរពីកន្លែងសំខាន់៤ គឺសាកលវិទ្យាល័យភូមិន្ទភ្នំពេញ សាកលវិទ្យាល័យបញ្ញាសាស្រ្តតាមមហាវិថីព្រះនរោត្តម សាកលវិទ្យាល័យវិទ្យាសាស្រ្តសុខា ភិបាល និងវត្តភ្នំ។ សាធារណជនអាចថតរូប (Selfie) បាននៅជិត Tuk-Tuk ហើយផ្ញើអ៊ីម៉ែលមក phnompenhtwitter@state.gov ។ យើងនឹងបង្ហោះរូបដែលល្អជាងគេ នៅលើទំព័រនៃ ប្រព័ន្ធផ្សព្វផ្សាយសង្គមរបស់យើង។ ចំពោះព័ត៌មានលំអិតបន្ថែមស្តីពីទំព័រ Facebook របស់ស្ថានទូតអាមេរិក ឬយុទ្ធនាការ #USA500K ឬដើម្បីរៀបចំការជិះ Tuk-Tuk សូមទាក់ទងលោក ជ្រា វណ្ណរិទ្ធ មន្ត្រីព័ត៌មាន តាមរយៈទូរស័ព្ទលេខ ០២៣ ៧២៨ ២៥៨ ឬអ៊ីម៉េលមក chreav@state.gov ៕
