ស្នាដៃនិពន្ធមួយរបស់ផលិតករ​ភាព​យន្ត លោក ប៉ាន់ រិទ្ធី និងសាស្ត្រា​ចារ្យ​បណ្ឌិត ហ៊ឹម សុភី ដែលនឹងនាំយកទៅសម្តែងនៅទីក្រុងញ៉ូយក បស់ស្តុន និងប្រទេសអូស្ត្រាលី ត្រូវបានប្រកាសជាសាធារណៈ នៅក្នុងពិធីសន្និសីទកាសែតមួយដែលធ្វើឡើងនៅទីក្រុងភ្នំពេញ។

ស្នាដៃនេះមានឈ្មោះថា “បង្សុកូល៖ ការរំឭកដល់កម្ពុជា” គឺជាការដាក់បញ្ចូលគ្នានៃ តន្រ្តី សំឡេង ចលនា និងរូបភាព។

ក្នុងសន្និសីទកាសែតនោះ ភារធារីរបស់ស្ថានទូតអាមេរិក លោកស្រី Julie Chung បានមានប្រសាសន៍ថា “ស្នាដៃនិពន្ធនេះគឺជាការរម្លឹកដល់សោកនាដកម្មនៃរបបខ្មែរក្រហម កាលពីអំឡុងឆ្នាំទសវត្សរ៍១៩៧០ ប៉ុន្តែអ្វីដែលសំខាន់ជាងនេះទៅទៀតនោះគឺ ស្នាដៃនេះក៏ជាតំណាងអោយសេចក្តីសង្ឃឹមនិងការបន្តដើរទៅមុខ។”