សម្រាប់ករណីទិដ្ឋាការគូដណ្តឹងប្រភេទ K-1 និង K-3 សុំណុំ Packet 3 ឬសេចក្ដីណែនាំអំពីទិដ្ឋាការប្រភេទគូដណ្តឹងមាននៅទីនេះ។ ឯកសារ និងទម្រង់DS-160 របស់បេក្ខជនទាំងអស់ (រួមទាំង K-2 និង K-4 ដែលមានបំណងធ្វើដំណើរជាមួយបេក្ខជនចម្បង) នៅក្នុងសុំណុំ Packet 3 ត្រូវតែបំពេញ និង/ឬត្រូវតែមានមុនពេលសម្ភាសន៍ទិដ្ឋាការ។
ការទទួលបានលិខិត I-797 បញ្ជាក់ពីការអនុម័តពីស្ថាប័នអន្តោប្រវេសន៍និងសញ្ជាតិសហរដ្ឋអាមេរិក (USCIS) ពុំមែនមានន័យថា សំណុំរឿងនោះបានផ្ញើមកដល់ស្ថានទូតអាមេរិកនោះទេ។ ជាមធ្យមត្រូវចំណាយពេលពី ២ ទៅ ៦សប្តាហ៍ ទើបសំណុំរឿងដែលបានអនុម័តរួចអាចផ្ញើមកដល់ស្ថានទូតបាន។ នៅពេកស្ថានទូតទទួលបានសំណុំរឿងដែលបានអនុម័តរួចពី NVC ការិយាល័យទិដ្ឋាការអន្តោប្រវេសន៍នឹងផ្ញើលិខិតជាមួយសេចក្ដីណែនាំអំពីលក្ខខណ្ឌតម្រូវក្នុងការរៀបចំសម្រាប់ដំណើរការពាក្យសុំទិដ្ឋាការរបស់អ្នក។ ប្រសិនបើលោកអ្នកមិនទាន់បានទទួលសេចក្ដីណែនាំក្នុងរយៈពេល ២ ទៅ ៦សប្តាហ៍ គិតចាប់ពីថ្ងៃទទួលបានព័ត៌មានអំពីការផ្ញើសំណុំរឿងរបស់អ្នកមកកាន់ស្ថានទូតទេ លោកអ្នកអាចផ្ញើអ៊ីម៉ែលមកការិយាល័យកុងស៊ុលផ្ទាល់តាម IVPhnomPenh@state.gov។
សូមកុំផ្ញើឯកសារផ្សេងៗមកស្ថានទូត ដរាបណាស្ថាប័ន NVC ពុំទាន់បានណែនាំឲ្យលោកអ្នកធ្វើដូច្នោះ។ ឯកសារទិដ្ឋាការអន្តោប្រវេសន៍ទាំងឡាយណាដែលផ្ញើមកកាន់ស្ថានទូតអាមេរិក សម្រាប់សំណុំរឿងដែលពុំទាន់មកដល់ស្ថានទូតនៅឡើយនឹងត្រូវបំផ្លាញចោលទាំងអស់។
