ស្ថានទូតសហរដ្ឋអាមេរិកនៅរាជធានីភ្នំពេញមានសេចក្តីរីករាយសូមអញ្ជើញអ្នកសារព័ត៌មានចូលរួមនៅក្នុងពិធីបើកមជ្ឈមណ្ឌល WECREATE នៅប្រទេសកម្ពុជា នៅថ្ងៃសុក្រ ទី១៨ ខែកញ្ញា វេលាម៉ោង ១០:១៥ ព្រឹក នៅអាគារលេខ ១៤ ផ្លូវលេខ ៣២២ សង្កាត់បឹងកេងកង ១ ខ័ណ្ឌចំការមន រាជធានីភ្នំពេញ។ ពិតមែនតែគ្មានការតំរូវអោយចុះឈ្មោះជាមុនក្តី តែយើងសុំអោយអ្នកសារព័ត៌មានទៅដល់អោយបានមុនម៉ោង ១០ ព្រឹក។
កម្មវិធី
- ពីម៉ោង ១០:១៥ ដល់ម៉ោង ១០:៤៥ ព្រឹក៖ ពិធីបើក និងកាត់ខ្សែបូរ ដោយមានការថ្លែងសុន្ទរកថារបស់ឯកឧត្តមបណ្ឌិតសុខ ស៊ីផាណា ទីប្រឹក្សារាជរដ្ឋាភិបាល និងលោកScott Nathan តំណាងពិសេសរបស់ក្រសួងការបរទេសសហរដ្ឋអាមេរិកសំរាប់កិច្ចការពាណិជ្ជកម្ម និងធុរកិច្ច និងលោកស្រីភារធារីនៃស្ថានទូតអាមេរិក Julie Chung
- ពីម៉ោង ១០:៤៥ ដល់ម៉ោង ១០:៥៥ ព្រឹក៖ ការសំភាសន៍ជាមួយអ្នកសារព័ត៌មាន/ការថតរូបជាមួយ គណអធិបតី
- ពីម៉ោង ១០:៥៥ ដល់ម៉ោង ១១:០០ ព្រឹក៖ គណអធិបតីចុះហត្ថលេខាលើជញ្ជាំងជំរុញទឹកចិត្ត (Inspiration Wall)
មជ្ឈមណ្ឌលសហគ្រិននៃធនធាន ការអប់រំ ការផ្តល់លទ្ធភាព និងការបណ្តុះបណ្តាលសំរាប់ការផ្តល់អំណាចសេដ្ឋកិច្ច (WECREATE) របស់ស្រ្តី គឺជាគំនិតផ្តួចផ្តើមរបស់ក្រសួងការបរទេសសហរដ្ឋអាមេរិក ដើម្បីបង្កើតមជ្ឈមណ្ឌលសហគមន៍សហគ្រិន នៅតាមកន្លែងប្រមូលផ្តុំ និងប្រកបដោយសុវត្ថិភាព សំរាប់អោយស្រ្តី មានលទ្ធភាពទទួលបានធនធានសំខាន់ចាំបាច់សំរាប់ចាប់ផ្តើម និងពង្រីកមុខរបររបស់គេ។ មជ្ឈមណ្ឌល WECREATE លើកដំបូងត្រូវបានបង្កើតឡើងនៅប្រទេសប៉ាគីស្ថាន នៅថ្ងៃទី១៣ ខែកុម្ភៈ ឆ្នាំ២០១៥ ហើយក្រោយមក មជ្ឈមណ្ឌលនេះក៏ចាប់មាននៅប្រទេសស៊ីមបាបវ៉េ នៅខែមិថុនា ឆ្នាំ២០១៥ ។ការបើកមជ្ឈមណ្ឌល WECREATE នៅកម្ពុជាគឺជាការបើកលើកដំបូងហើយនៅតំបន់អាស៊ីអាគ្នេយ៍។
ចំពោះព័ត៌មានបន្ថែម សូមទាក់ទង Tanya Hiple ទីប្រឹក្សាជាន់ខ្ពស់របស់ក្រសួងការបរទេសសហរដ្ឋអាមេរិក ផ្នែកការអភិវឌ្ឍន៍ និងភាពជាសហគ្រិនរបស់ស្រ្តី តាមអ៊ីម៉េលHipleTL@state.gov ។ សេចក្តីលំអិតស្តីពីមជ្ឈមណ្ឌល WECREATE មាននៅក្នុងគេហទំព័ររបស់ក្រសួងការបរទេសសហរដ្ឋអាមេរិក។
